ဧရာဝတီတိုင်းဒေသကြီးဝန်ကြီးချုပ်ဦးတင်မောင်ဝင်းနှင့် တိုင်းဒေသကြီးအစိုးရအဖွဲ့ဝင်ဝန်ကြီးများသည် ဇူလိုင်လ ၁၇ ရက်နေ့နံနက်ပိုင်းတွင် ငဝန်မြစ်ကမ်းဘေးရှိမြို့များ၌ မြစ်ရေတက်ရောက်မှုနှင့် ကြိုတင်ကာကွယ်ရေးလုပ်ငန်းများအား ကွင်းဆင်းကြည့်ရှုစစ်ဆေးခဲ့သည်။ ရှေးဦးစွာ ဟင်္သါတခရိုင်၊ လေးမျက်နှာမြို့ ခတ္တူကျေးရွာရှိ ရှေးဟောင်းသမိုင်းဝင်စတုမုခထူပါရုံဘုရားကြီး ရေတက်ရောက်မှုအခြေအနေများအား ကြည့်ရှုစစ်ဆေးကာ တာဝန်ရှိသူများအား ကြိုတင်ကာကွယ်ရေးလုပ်ငန်းများ ဆောင်ရွက်ထားကြရန်၊ သဲအိတ်များကြိုတင်စုဆောင်းထားကြရန်မှာကြားခဲ့ပြီး ဟင်္သါတမြို့နယ်၊ ပဲကြီးကျွန်းအုပ်စု၊ ကုက္ကိုစုရွာ ငွေသောင်ယံဘုန်းတော်ကြီးကျောင်းတွင်ရေဘေးသင့်အိမ်ထောင်စုများနှင့်ကျောင်းသားကျောင်းသူများအားတွေ့ဆုံအားပေးစကားပြောကြားပြီး တိုင်း​ဒေသကြီးမွေးမြူရေးနှင့်ကုသရေးဦးစီးဌာနမှူးကတိရစ္ဆာန်များအန္တရာယ်ကင်းစေရေး၊အစာကျွေးမွေးရာတွင် ဂရုပြုရမည့်အချက်များအားလည်းကောင်း၊ကျေးလက်ဒေသဖွံဖြိုးတိုးတက်ရေးဦးစီးဌာနတာဝန်ရှိသူတစ်ဦးက ရေသန့်ဆေးပြားများဖြန့်ဝေပေးပြီး အသုံးပြုပုံများ၊ဝမ်းပျက်ဝမ်းလျှောရောဂါမဖြစ်ပွားစေရေးကြိုတင်ကာကွယ်ရေးနည်းလမ်းများအားလည်းကောင်း၊ကျေးရွာအုပ်ချုပ်ရေးမှူးများက စာသင်ကျောင်းဆောင်လိုအပ်နေမှုများနှင့် ဒေသဖွံ့ ဖြိုးရေးဆိုင်ရာတင်ပြချက်များအပေါ် ဌာနဆိုင်ရာများနှင့်ညှိနှိုင်းပေါင်းစပ်ဆောင်ရွက်ပေးခဲ့ပြီးထောက်ပံပစ္စည်းများပေးအပ်ခဲ့။ ဆက်လက်၍ ​လက်ပံလှကျေးရွာအုပ်စု လက်ပံလှဘုန်းတော်ကြီးကျောင်းနှင့် သက္ကယ်ပြင်ကျေးရွာအုပ်စု သဲထုံးရွာ သာသနာ့အောင်မြေဘုန်းတော်ကြီးကျောင်းတို့တွင် ရေးဘေးသင့်အိမ်ထောင်စုများအားတွေ့ဆုံ အားပေးစကားပြောကြားပြီး တိုင်းဒေသကြီး မွေးမြူရေးနှင့်ကုသရေးဦးစီးဌာန တိုင်းဦးစီးမှူးက တိရစ္ဆာန်များပိုးမွှားအန္တရာယ်နှင့်ရာသီဥတုဒဏ်ခံနိုင်ရေး၊သန့်ရှင်းသည့်နေရာများသို့ ပြောင်းရွှေ့နေရာချထားရေး၊ အစာကျွေးရာတွင်ဂရုပြုရမည့်အချက်များအားလည်းကောင်း၊ ကျေးလက်ဒေသဖွံ့ဖြိုးတိုးတက်ရေးဦးစီးဌာန တာဝန်ရှိသူတစ်ဦးက ရေသန့်ဆေးပြားများဖြန့်ဝေပေးပြီး အသုံးပြုပုံများ၊ ဝမ်းပျက်ဝမ်းလျှောရောဂါမဖြစ်ပွားရေး ကြိုတင်ကာကွယ်ရေးနည်းလမ်းများအားလည်းကောင်း၊ကျောင်းအုပ်ဆရာမကြီးမှကျောင်းဆောင်အသစ်လိုအပ်ချက်များ၊ ကျေးရွာအုပ်ချုပ်ရေးမှူးများက ဒေသဖွံဖြိုးရေးဆိုင်ရာတင်ပြချက်များအပေါ် တိုင်းဒေသကြီးဝင်ကြီးချုပ်က သက်ဆိုင်ရာဌာနဆိုင်ရာများနှင့်ပေါင်းဆက်ညှိနှိုင်းဆောင်ရွက်ပေးခဲ့ကာ ကျောင်းသားကျောင်းသူများ သွေးလွန်တုပ်ကွေးရောဂါမဖြစ်ပွားရေး ကြိုတင်ကာကွယ်ဆောင်ရွက်ရန်၊ရေကြီးမှု၏ နောက်ဆက်တွဲဖြစ်ပေါ်နိုင်သည့် ဝမ်းပျက်ဝမ်းလျှောရောဂါများ မဖြစ်ပွားစေရေးဂရုစိုက်​ကြရန် ၊ ရေသန့်ဆေးပြားများ ဖြန့်ဝေပေးပြီး စနစ်တကျအသုံးပြုစေရေး၊ အခြေခံပညာစာသင်ကျောင်းအချို့ ရေကြီးနစ်မြုပ်သဖြင့် ကျောင်းသားကျောင်းသူများ သွားလာရခက်ခဲသည့်စာသင်ကျောင်းများအား ခေတ္တယာယီပိတ်ထားရကြောင်း၊ ယခုနှစ်တွင် ယခင်နှစ်များထက်မြစ်ရေကြီးမြင့်နိုင်သောကြောင့် ဂရုပြုဆောင်ရွက်ကြရန်နှင့်အရေးပေါ်ဆက်သွယ်ရေးဖုန်းလိုင်းများ အချိန်နှင့်တပြေးညီ အချိတ်အဆက်မိစေရေး လိုအပ်သည်များဖြည့်စွက်မှာကြားပြီး ရေးဘေးသင့်အိမ်ထောင်စုများအား တစ်အိမ်ထောင်လျှင် ဆန်(၄)ပြည်၊ ဆီ(၁)ပိဿာ၊ ကြက်ဥ(၁၀)လုံး၊ ခေါက်ဆွဲခြောက်(၂)ထုတ်၊ ရေသန့်(၅)ဗူးနှင့် တိရိစ္ဆာန်အစားအစာနှင့်ဆေးဝါးပစ္စည်းများ၊ ရေသန့်ဆေးကဒ်များထောက်ပံ့ပေးအပ်ခဲ့သည်။ ဆက်လက်၍ ဟင်္သါတခရိုင်၊ဆည်မြောင်းရိပ်သာ၌ စိုက်ပျိုးရေးမွေးမြူရေးနှင့်ဆည်မြောင်း၀န်ကြီးဌာနဒုတိယ၀န်ကြီးဦးဘိုဘိုကျော်နှင့်အဖွဲ့အားတွေ့ဆုံကာ မြစ်ရေရောက်ရှိလာနိုင်မှုနှင့် မြစ်ကမ်းထိန်းတာများကြံ့ခိုင်ရေး လူပစ္စည်းအသင့်စုဖွဲ့ထိန်းသိမ်းဆောင်ရွက်နေမှုနှင့်  ဆက်လက်ဆောင်ရွက်မည့်အစီအမံများအားညှိနှိုင်းဆွေးနွေးခဲ့​ကြောင်းသိရသည်။

ဧရာဝတီတိုင်းဒေသကြီးအစိုးရအဖွဲ့မှ ကြီးမှူးကျင်းပမည့် တေရသမအကြိမ်မြောက် စုပေါင်းဝါဆိုသင်္ကန်း၊ ဆွမ်းဆန်တော်နှင့်ဆီ ဆက်ကပ်လှူဒါန်းပွဲအခမ်းအနား လုပ်ငန်းညှိနှိုင်း အစည်းအဝေးကို ဇူလိုင်လ ၁၆ ရက်နေ့ နံနက်ပိုင်း၌ ပုသိမ်မြို့၊ တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ(၁)တွင် ကျင်းပပြုလုပ်ရာ ဧရာဝတီတိုင်းဒေသကြီးဝန်ကြီးချုပ်ဦးတင်မောင်ဝင်းနှင့် တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်းဒေသကြီးအဆင့်ဌာနဆိုင်ရာအကြီးအကဲများ တက်ရောက်ခဲ့သည်။

ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းနှင့် တိုင်းဒေသကြီးအစိုးရအဖွဲ့ဝင် ဝန်ကြီးများသည် ဟင်္သါတမြို့နယ် ဖောင်ဆိပ်ကျေးရွာအနီးရှိ ဖြတ်တာ(၁-ဂ)နှင့် ဖြတ်တာ(၁-င) တာဝိုင်းအတွင်း ရေသွင်းခြင်းလုပ်ငန်းဆောင်ရွက်နေမှုများအား ကြည့်ရှုစစ်ဆေးရာ တာဝန်ရှိသူ တစ်ဦးမှဟင်္သာတမြို့နယ်၊ အိပ်ပျက်ကျေးရွာအုပ်စု၊ ဖောင်ဆိပ်ကျေးရွာရှိ ဖြတ်တာ (၁-ဂ) သည် ဧရာဝတီမြစ် ကမ်းပြိုကမ်းစားရာတွင်ပါဝင်သွားနိုင်သဖြင့် ၎င်း၏ နောက်ဘက်မှ ဖြတ်တာ(၁-င) ကို တည်ဆောက်ပြီးဖြစ်ကြောင်း၊ ဧရာဝတီမြစ်ရေ စိုးရိမ်ရေမှတ်၄၄ပေ အထက်ကျော်လွန်ရောက်ရှိလာပြီဖြစ်သဖြင့် ဖြတ်တာ (၁-ဂ)၏ ရှေ့ဘက်တွင် ကမ်းပြိုမှုဖြစ်ပွား နေပြီး မြစ်ရေအရှိန်ဖြင့် တိုးဝင်ခြင်းမရှိစေရန်  တာဝိုင်းအတွင်းသို့ ဆိုင်ဖွန်ပိုက် ၅ ခု ဖြင့် ရေကြိုတင်ဖြည့်သွင်းသွားမည်ဖြစ်ကြောင်း ရှင်းလင်းတင်ပြခဲ့ပြီး တိုင်းဒေသကြီးဝန်ကြီးချုပ် မှ လိုအပ်သည်များ ဖြည့်စွက်မှာကြားခဲ့သည်။ 

ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းနှင့် တိုင်းဒေသကြီးအစိုးရအဖွဲ့ဝင်ဝန်ကြီးများသည် ဇူလိုင်လ ၁၅ ရက်နေ့ နံနက်ပိုင်းတွင်ဧရာဝတီမြစ်နှင့် ငဝန်မြစ်ကမ်းဘေးရှိမြို့ရွာများတွင် မြစ်ရေတက်ရောက်မှုနှင့် ကြိုတင်ကာကွယ်ရေးလုပ်ငန်းများအား ကွင်းဆင်းကြည့်ရှုစစ်ဆေးခဲ့သည်။  ရှေးဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် ကျုံပျော်ခရိုင်၊ ရေကြည်မြို့နယ်၊ ငါးသိုင်းချောင်းမြို့ရှိ ငဝန်တာတမံနေရာများအား ကြည့်ရှုစစ်ဆေးရာ တာဝန်ရှိသူတစ်ဦးက ကြိုတင်ကာကွယ်ရေးနှင့်ရှာဖွေကယ်ဆယ်ရေးလုပ်ငန်းများအသင့်စုဖွဲ့ထားရှိမှု၊ တာတမံများအရေးပေါ်အခြေအနေကြိုတင်စီမံခန့်ခွဲမှုအဆင့်များအား ရှင်းလင်းတင်ပြခဲ့ပြီး တိုင်းဒေသကြီးဝန်ကြီးချုပ်က မြစ်ရေကြီးမှုနှင့်ပတ်သက်၍ ကြိုတင်ပြင်ဆင်ရေးလုပ်ငန်းများ ကြိုတင်ဆောင်ရွက်ကြရန်၊ ကမ်းပြိုကမ်းထိန်းလုပ်ငန်းများ ဂရုပြုဆောင်ရွက်ကြရန်မှာကြားခဲ့သည်။ 

နိုင်ငံတော်စီမံအုပ်ချုပ်​ရေးကောင်စီအဖွဲ့ဝင် မန်းငြိမ်းမောင်သည် ဧရာဝတီတိုင်းဒေသကြီးအစိုးရအဖွဲ့အဖွဲ့ဝင် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးမိုးမင်းနိုင်၊ တိုင်းရင်းသားရေးရာဝန်ကြီး ဦး​စောလင်းခယ်တို့လိုက်ပါလျက် ဇူလိုင်လ ၁၄ ရက်နေ့နံနက်ပိုင်းက မြောင်းမြမြို့နယ် မွေတော်ရှမ်းစုကျေးရွာရှိ တောင်သူဦးတင်ဖေ၏ လယ်​မြေဧက(၁၀၀)စံပြကွက်တွင် ကောက်စိုက်စက်ဖြင့် မိုးစပါးစိုက်ပျိုးခြင်း၊ ကောက်စိုက်သမဖြင့်ကြိုးတန်း လက်စိုက်စိုက်ပျိုးခြင်း၊ တောင်သူဦးတင်ထွေး၏လယ်​မြေတွင် တတိယသီးနှံ စပါးရိတ်သိမ်းမှုအခြေအနေများအား  လှည့်လည်ကြည့်ရှုအား​ပေးခဲ့ လိုအပ်သည်များကို လမ်းညွှန်မှာကြားခဲ့သည်။