ဧရာဝတီတိုင်းဒေသကြီး ဝန်ကြီးချုပ်သည် (၇၆) နှစ်မြောက် လွတ်လပ်ရေးနေ့ကို ကြိုဆိုဂုဏ်ပြုသောအားဖြင့် ဖွင့်လှစ်သည့် မြောင်းမြမြို့၊ ကံ့ကော်မြိုင်အတွင်းပတ်လမ်း ကွန်ကရစ်လမ်းသစ်ဖွင့်ပွဲအား လုံခြုံရေးနှင့်နယ်စပ်ရေးရာဝန်ကြီး၊ မြောင်းမြခရိုင်စီမံအုပ်ချုပ်ရေးအဖွဲ့ ဥက္ကဋ္ဌတို့နှင့်အတူ တက်ရောက်ဖွင့်လှစ်ပေးသည်။ ထို့နောက် တိုင်းဒေသကြီးဝန်ကြီးချုပ်၊ လုံခြုံရေးနှင့်နယ်စပ်ရေးရာဝန်ကြီးထံသို့ တိုင်းဒေသကြီးစည်ပင်သာယာရေးအဖွဲ့ ခေတ္တညွှန်ကြားရေးမှူးနှင့် မြို့နယ်စည်ပင်သာယာရေးကော်မတီဥက္ကဋ္ဌတို့က ကွန်ကရစ်လမ်းသစ်ဖွင့်ပွဲ အထိမ်းအမှတ် အမှတ်တရလက်ဆောင်အား ပေးအပ်ခဲ့ပြီး တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကွန်ကရစ်လမ်းသစ်အား လှည့်လည်ကြည့်ရှုစစ်ဆေးခဲ့သည်။ အဆိုပါလမ်းသည် မြောင်းမြမြို့နယ်စည်ပင်သာယာရေးအဖွဲ့က ၂၀၂၃-၂၀၂၄ဘဏ္ဍာရေးနှစ်၊ ငွေလုံးငွေရင်းအသုံးစရိတ်ဖြင့် ဆောင်ရွက်ခဲ့ပြီး အလျား ၁၃၁၅ပေ၊ အကျယ် ၁၂ပေနှင့် ထု၆လက်မရှိပြီး ဒေသအတွင်း ဖွံ့ဖြိုးတိုးတက်စေရေး၊ မြို့အင်္ဂါရပ်နှင့်အညီ သာယာလှပစေရန် ရည်ရွယ်ဆောင်ရွက်ခဲ့ခြင်းဖြစ်ကြောင်းသိရသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန၊ ဗမော်သုံးခွလျှပ်စစ်မြစ်ရေတင်လုပ်ငန်းအား ကြည့်ရှုစစ်ဆေးခဲ့ပါသည်။ ထို့​နောက် ရှင်းလင်း​​ဆောင်တွင် ခရိုင်ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန၊ လက်​ထောက်အင်ဂျင်နီယာက လျှပ်စစ်မြစ်ရေတင်လုပ်ငန်းများ၊ အကျိုးပြုဧကများ၊ နှစ်အလိုက်ရေပေးနိုင်မှုအခြေအနေများကိုရှင်းလင်းတင်ပြခဲ့ပါသည်။ ထို့​နောက် ​ဒေသခံ​တောင်သူများနှင့် ဆက်လက်​တွေ့ဆုံခဲ့ပြီး တိုင်းဒေသကြီးဝန်ကြီးချုပ်က တစ်ဧကအထွက်နှုန်းများ ပိုမိုတိုးတက်ထွက်ရှိရေးအတွက် အထွက်တိုးမျိုး​ကောင်းမျိုးသန့်များ ပြောင်းလဲစိုက်ပျိုးရန်၊ စိုက်နည်းစနစ်များ​ပြောင်းလဲစိုက်ပျိုးရန်၊ စိုက်ပျိုးသီးနှံများ ပန်းတိုင်အထွက်နှုန်း​ရောက်ရှိ​အောင် ကြိုးပမ်း​ဆောင်ရွက်ကြရန်နှင့် တစ်နှစ်သုံးသီးအထိ စိုက်ပျိုးနိုင်ရေးလမ်းညွှန်မှာကြားခဲ့ပြီး ​တောင်သူများ၏ စိုက်ပျိုး​ရေးဆ်ုင်ရာလိုအပ်ချက်များအား ဌာနဆိုင်ရာများနှင့် ​ပေါင်းစပ်​ဆောင်ရွက်​ပေးခဲ့ပါသည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် မြောင်းမြမြို့၊ မြစန္ဒာရပ်ကွက်အုပ်ချုပ်ရေးမှူးရုံး၌ မွေးမြူရေးနှင့်ကုသရေးဦးစီးဌာနမှ မြို့​ပေါ်ရပ်ကွက်များရှိ အိမ်​မွေးတိရိစ္ဆာန်​ခွေးများအား ခွေးရူးရောဂါ ကာကွယ်ဆေးများထိုးနှံပေးနေမှုများကို ကြည့်ရှုအားပေးခဲ့ပြီး အိမ်​မွေးတိရိစ္ဆာန် ​ခွေး၊ ​ကြောင်များကို ​ခွေးရူး​ရောဂါ၏အန္တရာယ်မှကာကွယ်ရန်အတွက် ကာ​ကွယ်​ဆေးထိုးနှံခြင်းလုပ်ငန်းကို ကျယ်ကျယ်ပြန့်ပြန့်​အသိပညာ​ပေး ဆောင်ရွက်ကြရန် မှာကြားခဲ့ပါသည်

ဧရာဝတီတိုင်းဒေသကြီး၊ မြောင်းမြမြို့၊ မြန်မာ့စီးပွားရေးဘဏ်ခွဲ၌ ပင်စင်လာရောက်ထုတ်ယူသည့် အငြိမ်းစားဝန်ထမ်းများအား တိုင်းဒေသကြီး ဝန်ကြီးချုပ်ဦးတင်မောင်ဝင်းသည် အစိုးရအဖွဲ့ဝင် ဝန်ကြီးများနှင့်အတူ ယနေ့နံနက်ပိုင်းက ဆန်၊ ဆီနှင့် ကြက်ဥများ သွားရောက်ထောက်ပံ့ပေးအပ်ခဲ့သည်။ ဦးစွာ တိုင်းဒေသကြီး ဝန်ကြီးချုပ်သည် မြောင်းမြမြို့မြန်မာ့စီးပွားရေးဘဏ်ခွဲတွင် ပင်စင်လာရောက်ထုတ်ယူသည့် အငြိမ်းစားဝန်ထမ်းများအား ရင်းရင်းနှီးနှီးတွေ့ဆုံ၍ အားပေးစကားများ ပြောကြားခဲ့ပြီး ဆန်၊ ဆီနှင့် ကြက်ဥများ ထောက်ပံ့ပေးအပ်ခဲ့သည်။ ထို့နောက် တိုင်းဒေသကြီး ဝန်ကြီးချုပ်သည် မြောင်းမြမြို့၊ သာသနာ့ဗိမာန်တော်ကြီး ပြန်လည်ပြုပြင်မွမ်းမံနေမှုများကို ကြည့်ရှုစစ်ဆေးခဲ့ပြီး သတ်မှတ်ကာလအတွင်းပြီးစီးစေရေး၊ သံဃာတော်များ၊ လူပုဂ္ဂိုလ်များ ဘာသာသာသနာရေးဆိုင်ရာကစာစရပ်များအား စိတ်အေးချမ်းသာစွာ ပြုလုပ်နိုင်စေရေးနှင့် တည်ဆောက်ရေးလုပ်ငန်းများ စနစ်တကျစီစဉ်ဆောင်ရွက်လုပ်ကိုင်စေရေးတို့ကို လမ်းညွှန်မှာကြားခဲ့သည်။

ဧရာဝတီတိုင်းဒေသကြီး ဝန်ကြီးချုပ်နှင့်အဖွဲ့သည် (၇၆)နှစ်မြောက် လွတ်လပ်ရေးနေ့ကို ကြိုဆိုဂုဏ်ပြုသောအားဖြင့် ဖွင့်လှစ်သည့် မြန်အောင်မြို့၊ အမှတ်(၄) ရပ်ကွက်၊ နဝဒေးလမ်းကွန်ကရစ်လမ်းသစ်ဖွင့်ပွဲအား တက်ရောက်ခဲ့သည်။ ဦးစွာ တိုင်းဒေသကြီးစည်ပင်သာယာရေးအဖွဲ့ ခေတ္တညွှန်ကြားရေးမှူး၊ မြို့နယ်စည်ပင်သာယာရေးကော်မတီဥက္ကဋ္ဌနှင့် မြို့နယ်စည်ပင်သာယာရေးအဖွဲ့အမှုဆောင်အရာရှိတို့က တိုင်းဒေသကြီး ဝန်ကြီးချုပ်၊ လုံခြုံရေးနှင့်နယ်စပ်ရေးရာဝန်ကြီးနှင့် လမ်းပန်းဆက်သွယ်ရေးဝန်ကြီးတို့ ထံသို့ ကွန်ကရစ်လမ်းသစ်ဖွင့်ပွဲ အထိမ်းအမှတ် အမှတ်တရလက်ဆောင်အား ပေးအပ်ခဲ့ပါသည်။ ထို့​နောက် တိုင်းဒေသကြီးဝန်ကြီးချုပ်သည် ကွန်ကရစ်လမ်းသစ်အား တာဝန်ရှိသူများနှင့်အတူ ဖဲကြိုးဖြတ်ဖွင့်လှစ်ပေးပြီး ကွန်ကရစ်လမ်းသစ်အား လှည့်လည်ကြည့်ရှုစစ်ဆေးခဲ့သည်။ အဆိုပါလမ်းသည် မြန်အောင်မြို့နယ်စည်ပင်သာယာရေးအဖွဲ့က ၂၀၂၃-၂၀၂၄ဘဏ္ဍာရေးနှစ်၊ ငွေလုံးငွေရင်းအသုံးစရိတ်ဖြင့် ဆောင်ရွက်ခဲ့ပြီး အလျား ၇၄၀ပေ၊ အကျယ် ၁၂ပေနှင့် ထု၆လက်မရှိပြီး မြန်အောင်မြို့နယ်ဒေသအတွင်း ဖွံ့ဖြိုးတိုးတက်စေရေး၊ မြို့အင်္ဂါရပ်နှင့်အညီ သာယာလှပစေရန် ရည်ရွယ်ဆောင်ရွက်ခဲ့ခြင်းဖြစ်ကြောင်း သိရသည်။ ဆက်လက်၍ တိုင်းဒေသကြီး ဝန်ကြီးချုပ်နှင့်အဖွဲ့သည် မြန်အောင်မြို့နယ်၊ ကညင်ငူကျေးရွာအုပ်စုရှိ တောင်သူ ဦးညွန့်လှိုင် (ပါ)နှစ်ဉီး၏ စိုက်ဧက (၁၀)ဧကတွင် ၂၀၂၃-၂၀၂၄ ခုနှစ်၊ သဘာဝရေလျှံတွင်းဖြင့် စိုက်ပျိုးသော ဆင်းသုခစပါးမျိုး နွေစပါးစိုက်ခင်းအား ကြည့်ရှုအားပေးခဲ့ပြီး ​ဒေသခံ​တောင်သူများနှင့် ရင်းရင်းနှီးနှီး​တွေ့ဆုံခဲ့ကာ ​တောင်သူများ၏ စိုက်ပျိုး​​ရေးဆိုင်ရာလိုအပ်ချက်များအား သက်ဆိုင်ရာဌာနများနှင့် ​ပေါင်းစပ်​ဆောင်ရွက်​ပေးခဲ့ပါသည်။ ထို့နောက် တိုင်းဒေသကြီးဝန်ကြီးချုပ်နှင့်ဇနီး၊ အစိုးရအဖွဲ့ဝင်ဝန်ကြီးများနှင့် တာဝန်ရှိသူများသည် အင်္ဂပူမြို့နယ်၊ ထူးကြီးမြို့၊ အမှတ်(၃)ရပ်ကွက်ရှိ ဝါဆိုမဟာစည်သာသနာ့ရိပ်သာကျောင်းတိုက်ဆရာတော် ဦးသုဇာတအား ဖူးမြော်ကြည်ညို၍ လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့ကာ သာသနာရေးဆိုင်ရာ ကိစ္စရပ်များအား လျှောက်ထားတင်ပြခဲ့ပါသည်။ ဆက်လက်၍ တိုင်းဒေသကြီး ဝန်ကြီးချုပ်နှင့်အဖွဲ့သည် အင်္ဂပူမြို့နယ်၊ မဲဇလီကုန်းအုပ်စု၊ ကြံတောကျေးရွာသို့​ရောက်ရှိ၍ ကညင်​ရေ​လှောင်တမံ လက်ဝဲ​မြောင်းမှ ​ဆည်​ရေ​ရရှိ၍ တောင်သူ ဦးဖြိုးဝင်းလှိုင်၏ စိုက်ဧက (၆)ဧက၌ စက်မှုလယ်ယာစခန်း(ဆွယ်) အင်္ဂပူမြို့မှ မျိုးစေ့ချစက်ဖြင့် ပခန်း​ရွှေဝါစပါးမျိုး နွေစပါးမျိုးစေ့ချခြင်း သရုပ်ပြပွဲအား တက်ရောက်ကြည့်ရှုအားပေးခဲ့ပါသည်။ ထို့​နောက် တာဝန်ရှိသူများက ကညင်​ရေ​​လှောင်တမံ စီမံကိန်းဆည်​ရေ​သောက်စနစ်၊ ၂၀၂၃-၂၀၂၄ ခုနှစ်ရိုးပြတ်ကျန်ဧရိယာများအ​ပေါ် ​ဖော်ထုတ်စိုက်ပျိုးပြီးစီးမှုများအားရှင်းလင်းတင်ပြရာ တိုင်း​ဒေသကြီးဝန်ကြီးချုပ်က စိုက်ပျိုး​ရေရရှိသဖြင့် သီးထပ်စွမ်းအားတိုးတက်​ရေးအတွက် တစ်နှစ်သုံးသီးစိုက်ပျိုးကြရန်၊ အထွက်​တိုး မျိုး​ကောင်းမျိုးသန့်များစိုက်ပျိုးကြရန် မှာကြားခဲ့သည်။ ထို့နောက် တိုင်းဒေသကြီးဝန်ကြီးချူပ်သည် အင်္ဂပူမြို့နယ်၊ အမှတ်(၂)ရပ်ကွက် ရွှေတောင်တန်းလမ်း ကွန်ကရစ်လမ်းသစ်ဖွင့်ပွဲအား တာဝန်ရှိသူများနှင့် တက်ရောက်ဖွင့်လှစ်ပေးပြီးနောက် တိုင်းဒေသကြီးစည်ပင်သာယာရေးအဖွဲ့ ခေတ္တညွှန်ကြားရေးမှူး၊ မြို့နယ်စည်ပင်သာယာရေးကော်မတီဥက္ကဋ္ဌနှင့် မြို့နယ်စည်ပင်သာယာရေးအဖွဲ့အမှုဆောင်အရာရှိတို့က တိုင်းဒေသကြီး ဝန်ကြီးချုပ်၊ လုံခြုံရေးနှင့်နယ်စပ်ရေးရာဝန်ကြီး၊ တိုင်းရင်းသားရေးရာ ဝန်ကြီးထံသို့ ကွန်ကရစ်လမ်းသစ်ဖွင့်ပွဲ အထိမ်းအမှတ် လက်ဆောင်အား ပေးအပ်ခဲ့ပြီး တိုင်းဒေသကြီး ဝန်ကြီးချုပ်နှင့် ဧည့်သည်တော်များသည် ကွန်ကရစ်လမ်းသစ်အား လှည့်လည်ကြည့်ရှုစစ်ဆေးခဲ့သည်။ အဆိုပါလမ်းသည် အင်္ဂပူမြို့နယ်စည်ပင်သာယာရေးအဖွဲ့က ၂၀၂၃-၂၀၂၄ ဘဏ္ဍာရေးနှစ်၊ ငွေလုံးငွေရင်းရန်ပုံ‌ငွေဖြင့် ဆောင်ရွက်ခဲ့ပြီး အလျား ၇၅၀ပေ၊ အကျယ် ၁၂ပေနှင့် ထု၆လက်မရှိ ကြောင်းသိရသည်။

ဧရာဝတီတိုင်းဒေသကြီး ဝန်ကြီးချုပ် ဦးတင်မောင်ဝင်းသည် အစိုးရအဖွဲ့ဝင် ဝန်ကြီးများနှင့်အတူ ယနေ့မွန်းလွဲပိုင်းက မြန်အောင်ခရိုင်အတွင်း၌ (၇၆)နှစ်မြောက် လွတ်လပ်ရေးနေ့ကို ကြိုဆိုဂုဏ်ပြုသောအားဖြင့် ဖွင့်လှစ်သည့် ကျောင်းဆောင်သစ်ဖွင့်ပွဲအား တက်ရောက်ဖွင့်လှစ်ပေးခဲ့သည်။ ဦးစွာ တိုင်းဒေသကြီး ဝန်ကြီးချုပ်သည် (၇၆)နှစ်မြောက် လွတ်လပ်ရေးနေ့ကို ကြိုဆိုဂုဏ်ပြုသောအားဖြင့် ဖွင့်လှစ်သည့် မြန်အောင်မြို့နယ်၊ ထန်းသုံးပင်အခြေခံပညာအထက်တန်းကျောင်းအား တာဝန်ရှိသူများနှင့်အတူ ဖဲကြိုးဖြတ်ဖွင့်လှစ်ပေးပြီး ကျောင်းအတွက် ဆိုလာမီးအား ပေးအပ်လှူဒါန်းရာ ကျောင်းအုပ်ကြီးနှင့် ကျောင်းအကျိုးတော်ဆောင် တစ်ဦးက လက်ခံရယူခဲ့သည်။ ထို့နောက် ကျောင်းဆောင်ဆောက်လုပ်သည့် ကုမ္ပဏီက ကျောင်းဆောင်သစ်နှင့် ပတ်သက်သည့် မှတ်တမ်းများအား ပညာရေးဌာနသို့ လွှဲပြောင်းပေးအပ်ရာ တိုင်းဒေသကြီး ပညာရေးမှူးကလက်ခံရယူခဲ့ပြီးနောက် တိုင်းဒေသကြီး ဝန်ကြီးချုပ်နှင့်ဧည့်သည်တော်များက စုပေါင်းမှတ်တမ်းတင် ဓာတ်ပုံများရိုက်ကူးခဲ့သည်။ ဆက်လက်၍ တိုင်းဒေသကြီး ဝန်ကြီးချုပ်နှင့်တာဝန်ရှိသူများသည် ကမ္ဗည်းမော်ကွန်းအား အမွှေးနံ့သာရည်များပက်ဖျန်း ပေးခဲ့ပြီး ကျောင်းဆောင်သစ်အား လှည့်လည်ကြည့်ရှုစစ်ဆေးခဲ့သည်။ အဆိုပါ ကျောင်းဆောင်သစ်သည် အလျား၁၄၀ပေနှင့် အနံ၃၀ပေရှိ RCနှစ်ထပ်ကျောင်းဆောင် ဖြစ်ပြီး ၂၀၂၃-၂၀၂၄ဘဏ္ဍာနှစ်၊ ငွေလုံးငွေလုံးရန်ပုံငွေ(၃၃၄.၃၂)သန်းဖြင့် ဆောင်ရွက်ခဲ့ဖြစ်ကြောင်းသိရသည်။

ဧရာဝတီတိုင်းဒေသကြီး၊ ကျုံပျော်ခရိုင်၊ ရေကြည်မြို့နယ်၊ မြို့မရပ်ကွက်၊ သူတော်ကုန်းရပ်၊ ရေကြည်မြို့နယ်သံဃနာယကအဖွဲ့ ဥက္ကဋ္ဌ၊ မင်္ဂလာရာမကျောင်းတိုက်ဆရာတော်မှ ဦးဆောင်နာယကပြု၍ (၇)ရက်သားသမီးများအလှူဖြင့် ပြန်လည်ပြုပြင်လှူဒါန်းခဲ့သော မြို့ဦးစေတီတော်မြတ်ကြီး ထီးတော်တင်လှူပူဇော်ပွဲအခမ်းအနားကို ယနေ့နံနက်ပိုင်းက အဆိုပါစေတီတော်မြတ်ကြီး၌ ကျင်းပခဲ့ရာ ထီးတော်တင်လှူပွဲသို့ တိုင်းဒေသကြီးဝန်ကြီးချုပ်ဦးတင်‌မောင်ဝင်းနှင့် ဇနီး၊ အစိုးရအဖွဲ့ဝင် ဝန်ကြီးများနှင့်ဇနီးများ၊ ဌာနဆိုင်ရာများနှင့် အလှူရှင်များတက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်နှင့် ဧည့်ပရိသတ်များသည် အခမ်းအနားအား “နမောတဿ” (၃)ကြိမ်ရွတ်ဆိုပူဇော်၍ဖွင့်လှစ်ခဲ့ပြီးနောက် ​ရေကြည်မြို့၊ ပိဋကတိုက်ကျောင်းဆရာတော်ထံမှ ငါးပါးသီလခံယူဆောက်တည်ခဲ့ကြသည်။ ထို့နောက် ဦးဆောင်ဆရာတော်ထံသို့ တိုင်းဒေသကြီးဝန်ကြီးချုပ်နှင့်ဇနီး၊ အလှူရှင်များက မြို့ဦးစေတီတော်မြတ်ကြီး တည်ထားကိုးကွယ်နိုင်ရန်အတွက် အလှူငွေများနှင့် လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့သည်။ ဆက်လက်၍ ဦးဆောင်ဆရာတော်ထံသို့ ရတနာစိန်ဖူးတော်၊ ငှက်မြတ်နားတော်၊ ရွှေထီးတော်များအား တိုင်းဒေသကြီး ဝန်ကြီးချုပ်နှင့် ဇနီး၊ အစိုးရအဖွဲ့ဝင် ဝန်ကြီးများ၊ အလှူရှင်များက ဆက်ကပ်လှူဒါန်းခဲ့ပြီး လှူဒါန်းမှုအစုစုတို့အတွက် ရေစက်သွန်းချအမျှပေးဝေခဲ့ကြသည်။ ထို့နောက် ဝန်ကြီးချုပ်နှင့် ဧည့်ပရိသတ်များက စိန်ဖူးတော်၊ ငှက်မြတ်နားတော်၊ ရွှေထီးတော်၊ အရံစေတီထီးတော်များကို စေတီတော်မြတ်ကြီးအား လက်ယာရစ်(၃)ပတ်လှည့်လည်၍ပူဇော်ခဲ့ကြပါသည်။ ထို့​နောက် ​စေတီ​တော်မြတ်ကြီးအား ရတနာစိန်ဖူးတော်၊ ငှက်မြတ်နားတော်၊ ​​ရွှေထီး​တော် ဘုံအဆင့်ဆင့်တို့အား ပန်းရထားဖြင့်တင်လှူဇော်ခဲ့ပြီးနောက် “အောင်ပြီဟု” သုံးကြိမ်ဟစ်ကြွေးပူဇော်၍ ထီးတော်တင်လှူပွဲအခမ်းအနားကို "ဗုဒ္ဓသာသနံ စိရံ တိဋ္ဌတု" သုံးကြိမ်ရွတ်ဆိုဆုတောင်းကာ အခမ်းအနားကို ရုပ်သိမ်းခဲ့သည်။ ဆက်လက်၍ တိုင်းဒေသကြီးဝန်ကြီးချုပ်ဦးတင်‌မောင်ဝင်းနှင့် ဇနီး၊ အနောက်တောင်တိုင်းစစ်ဌာနချုပ် တိုင်းမှူး၊ အစိုးရအဖွဲ့ဝင် ဝန်ကြီးများနှင့်ဇနီးများသည် အင်္ဂပူမြို့နယ်၊ မဲဇလီကုန်းမြို့၊ ချင်းချောင်းကျေးရွာအုပ်စုတွင် တည်ထားကိုးကွယ်လျက်ရှိသော “ဒီပေး” စေတီတော်မြတ်ကြီး၏ ရွှေထီးတော်တင်လှူပွဲနှင့် ဗုဒ္ဓပူဇနိယပွဲတော် မင်္ဂလာအခမ်းအနားသို့ တက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်နှင့် ဧည့်ပရိသတ်များသည် အခမ်းအနားအား “နမောတဿ” (၃)ကြိမ်ရွတ်ဆိုပူဇော်၍ဖွင့်လှစ်ခဲ့ပြီးနောက် မွန်ပြည်နယ်၊ ကျိုက်မရောမြို့၊ ဆုတောင်းပြည့်ဘုရားကြီးကျောင်းတိုက်၊ နိုင်ငံတော်ဗဟိုသံဃာ့ဝန်ဆောင်၊ သဒ္ဓမ္မဇောတိကဓဇ၊ အဂ္ဂမဟာသဒ္ဓမ္မဇောတိကဓဇ၊ ဒေါက်တာ ဘဒ္ဒန္တဝါရိန္ဒမထေရ်အရှင်သူမြတ်ထံမှ ကိုးပါးသီလခံယူဆောက်တည်ကြပြီး ဆရာတော်အရှင်သူမြတ်များ ရွတ်ပွားချီးမြှင့်တော်မူသော မေတ္တသုတ်ပရိတ်တရားတော်အား ဆက်လက်နာယူ ကြည်ညိုကြသည်။ ထို့နောက် ဒေါက်တာ ဘဒ္ဒန္တဝါရိန္ဒမထေရ်အရှင်သူမြတ်ထံသို့ တိုင်းဒေသကြီးဝန်ကြီးချုပ်နှင့် ဇနီးတို့သည် စိန်ဖူးတော်နှင့် လှူဖွယ်ဝတ္ထုပစ္စည်းများကိုလည်းကောင်း၊ အနောက်တောင်တိုင်းစစ်ဌာနချုပ် တိုင်းမှူး၊အစိုးရအဖွဲ့ဝင် ဝန်ကြီးများနှင့် အလှူရှင်များက ဆရာတော် သံဃာတော်အရှင်သူမြတ်များထံသို့ လှူဖွယ်ပစ္စည်းများကိုလည်းကောင်း ဆက်ကပ်လှူဒါန်းခဲ့ပါသည်။ ထို့​​နောက် တိုင်းဒေသကြီးဝန်ကြီးချုပ်နှင့်ဇနီး၊ အလှူရှင်များက အလှူငွေများကို ဆက်လက်လှူဒါန်းခဲ့ပြီး အလှူရှင်များအား ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့သည်။ ဆက်လက်၍ မွန်ပြည်နယ်၊ ကျိုက်မရောမြို့၊ ဆုတောင်းပြည့်ဘုရားကြီးကျောင်းတိုက်၊ နိုင်ငံတော်ဗဟိုသံဃာ့ဝန်ဆောင်၊ သဒ္ဓမ္မဇောတိကဓဇ၊ အဂ္ဂမဟာသဒ္ဓမ္မဇောတိကဓဇ၊ ဒေါက်တာ ဘဒ္ဒန္တဝါရိန္ဒမထေရ်အရှင်သူမြတ်ထံမှ အနုမောဒနာတရားများ နာကြား၍ လှူဒါန်းမှုအစုစုတို့အတွက် ရေစက်သွန်းချ အမျှပေးဝေခဲ့ပြီး အခမ်းအနားကို "ဗုဒ္ဓသာသနံ စိရံ တိဋ္ဌတု" သုံးကြိမ်ရွတ်ဆိုဆုတောင်း၍ ရုပ်သိမ်းခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့် ဇနီး အမှူးပြုသော ဘုရားဒါယကာများက ရတနာစိန်ဖူးတော်နှင့် ငှက်မြတ်နားတော်တို့အား ပင့်ဆောင်ကာ စေတီတော်မြတ်ကြီးအား လက်ယာရစ်လှည့်လည်ပူဇော်၍ စေတီတော်မြတ်ကြီးထံသို့ ပန်းရထားဖြင့်တင်လှူပူဇော်ခဲ့ပြီး ရတနာ​ရွှေမိုး​ငွေမိုးများ ရွာသွန်းဖြိုးခဲ့ပါသည်။ ထို့​နောက် တိုင်း​ဒေသကြီးဝန်ကြီးချုပ်နှင့်ဇနီးသည် ​စေတီ​တော်မြတ်ကြီးအား ပန်း၊ ​ရေချမ်း ကပ်လှူပူ​ဇော်ပြီး ကဗ္ဗည်း​မော်ကွန်းအား အ​မွှေးနံ့သာရည်များပက်ဖျန်းခဲ့ကြပါသည်။