ဧရာဝတီတိုင်းဒေသကြီး ရင်းနှီးမြှုပ်နှံမှု ကော်မတီ (၃/၂၀၂၂)ကြိမ်မြောက်အစည်းအဝေးအား တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ(၁)၌ပြုလုပ်ရာ တိုင်းဒေသကြီးဝန်ကြီးချုပ် ဦးတင်မောင်ဝင်း၊ အစိုးရအဖွဲ့ဝင် ဝန်ကြီးများ၊ တိုင်းဒေသကြီးရင်းနှီးမြှုပ်နှံမှုကော်မတီဝင် တိုင်းအဆင့်ဌာနဆိုင်ရာအကြီးအကဲများ တက်ရောက်ခဲ့ကြသည်။ အစည်းအဝေးတွင် တိုင်းဒေသကြီးဝန်ကြီးချုပ်က “တိုင်းဒေသကြီးအတွင်း၌ ပြည်တွင်း ပြည်ပမှ ကုမ္ပဏီများအ‌နေဖြင့် ရင်းနှီးမြှုပ်နှံမှုများလာရောက်လုပ်ကိုင်လျှက်ရှိသောကြောင့် နိုင်ငံတော်အ တွက်ဝင်ငွေများရရှိသည့်အပြင်တိုင်းဒေသကြီးအတွက် အလုပ်အကိုင်အခွင့်အလမ်းများ ပိုမိုရရှိလာပြီး တစ်ဦးချင်းဝင်ငွေများပိုမိုရရှိလာပါကြောင်း၊ တိုင်းဒေသကြီးအတွင်း စက်ရုံ၊ အလုပ်ပ်ရုံများမှ အလုပ်အကိုင်ရှာဖွေပေးနိုင်မှုမှာ လူဦးရေ ၃ သောင်းခွဲခန့်ရှိပါကြောင်း၊ မိမိတို့တိုင်းဒေသကြီးသည် ရေခံမြေခံကောင်းမွန်သောတိုင်းဒေသကြီးဖြစ်သည့်အတွက် စီးပွားရေးဖွံ့ဖြိုးတိုးတက်ရန် အလားအလာကောင်းများလည်းများစွာရှိနေပြီး မူဘောင်အတွင်းမှ ဖော်ဆောင်သွားရန်လည်းလိုအပ်ပါကြောင်း၊ စိုက်ပျိုးမွေးမြူရေးလုပ်ငန်းများမှ ထွက်ရှိသည့်ထွက်ကုန်များကို တန်ဖိုးမြင့်ထုတ်ကုန်များထုတ်လုပ်နိုင်ရန် စက်ရုံ၊ အလုပ်ရုံများထူထောင်နိုင်ရေး ပုဂ္ဂလိကလုပ်ငန်းရှင်များအား ဖိတ်ခေါ်ရမည်ဖြစ်ပါကြောင်း၊ အမျိုးသားရေးလုပ်ငန်းစဉ်(၂)ရပ်ဖြစ်သည့် တိုင်းပြည် သာယာဝပြောရေးနှင့်စားရေရိက္ခာဖူလုံရေးအတွက်   တိုင်းဒေသကြီးအတွင်း၌ ဆန်စပါးလုပ်ငန်းများ၊ ငါး၊ ပုဇွန်၊ ဂဏန်းမွေးမြူရေးလုပ်ငန်း များ၊ အထည်ချုပ်လုပ်ငန်းများအပြင် အခြားလုပ်ငန်းများကိုလည်းပိုမိုတိုးချဲ့ရင်းနှီးမြှုပ်နှံမှုများဆက်လက်ပြုလုပ်သွားရမှာဖြစ်ကြောင်းပြောကြားသည်။ ယင်းနောက် တိုင်းဒေသကြီးရင်းနှီးမြှုပ်နှံမှု ကော်မတီအတွင်းရေးမှူးက Htoo Htet Han Company Limited ၏ ရာခိုင်နှုန်းပြည့် မြန်မာနိုင်ငံသားရင်းနှီးမြှုပ်နှံမှုဖြင့် ဝက်မွေးမြူရေးလုပ်ငန်းအား မြန်မာနိုင်ငံရင်းနှီးမြှုပ်နှံမှု ဥပဒေနှင့်အညီ အတည်ပြု လျှောက်ထားလွှာတင်ပြလာခြင်းကိစ္စနှင့် King'Food Company Limited၏ ဖက်စပ်နိုင်ငံခြား ရင်းနှီးမြှုပ်နှံမှုဖြင့် ဆန်ကြာဆံအမျိုးမျိုးနှင့် ဆန်မှုန့်ကဲ့သို့ ဆန်ထွက်ပစ္စည်းများ ထုတ်လုပ်ခြင်းနှင့် ပြည်ပသို့ တင်ပို့ ရောင်းချခြင်းလုပ်ငန်း၊ Chia Moon Sports(Myanmar)Co.,Ltdမှ ရာခိုင်နှုန်းပြည့် နိုင်ငံခြားရင်းနှီးမြှုပ်နှံမှုဖြင့် CMP စနစ်ဖြင့် အထည်ချုပ်လုပ်ခြင်း လုပ်ငန်းအား တည်ဆောက်ရေးကာလ တိုးမြှင့်ခွင့်ပြုပါရန် တင်ပြလာခြင်း ကိစ္စရပ်များအား မြန်မာနိုင်ငံရင်းနှီးမြှုပ်နှံမှု ဥပဒေနှင့်အညီ အတည်ပြု လျှောက်ထားလွှာတင်ပြလာခြင်းကိစ္စများအား ရှင်းလင်းတင်ပြခဲ့ပါသည်။ ဆက်လက်၍ တိုင်းဒေသကြီးရင်းနှီးမြှုပ်နှံမှုကော်မတီအဖွဲ့ဝင်များ၏အထွေထွေ ဆွေးနွေးတင်ပြချက်များနှင့် ကုမ္ပဏီများ၏လျှောက်ထားတင်ပြမှုများအပေါ် တိုင်းဒေသကြီးဝန်ကြီးချုပ်က သက်ဆိုင်ရာ ကော်မတီအဖွဲ့ဝင် ဌာနဆိုင်ရာများနှင့် ပေါင်းစပ်ညှိနှိုင်းဆောင်ရွက်ပေးခဲ့ကြောင်းသိရသည်။

ပုသိမ်မြို့ အမှတ်(၂) ရပ်ကွက်၊နိဂြောဓာလမ်း၊မောင်းထောင်ပရိယတ္တိစာသင်တိုက်ကြီး၏ တိုက်အုပ်စာချ ကထိကဆရာတော် လဇ္ဇီပေသလ၊သိက္ခကာမ၊ဝိနယဂရုက ဖြစ်တော်မူသော တိုင်းဒေသကြီးသံဃာ့နာယကအဖွဲ့အကျိုးတော်ဆောင်(ရွှေကျင်) ဘဒ္ဒန္တမာနိတာလင်္ကာရ (သာသနဓဇဓမ္မာစရိယ၊မဟာဂန္ထဝါစကပဏ္ဍိတ၊အဂ္ဂမဟာဂန္ထဝါစကပဏ္ဍိတ၊ဒီဃဘာဏက)မဟာထေရ် ဆရာတော်ကြီး၊ သက်တော် (၇၁) နှစ်၊ သိက္ခာတော် (၅၁)ဝါ၏ အန္တိမအဂ္ဂိဈာပန သာဓုကီဠနပူဇာသဘင် အခမ်းအနားအစီအစဉ် ပထမပိုင်းကို ယနေ့နံနက်ပိုင်းက ပုသိမ်မြို့ အမှတ်(၂) ရပ်ကွက်၊ နိဂြောဓာလမ်း၊ မောင်းထောင်ပရိယတ္တိစာသင်တိုက်ကြီး၌ ကျင်းပပြုလုပ်ရာ တိုင်းဒေသကြီးအစိုးရအဖွဲ့ ဝန်ကြီးချုပ်ဦးတင်မောင်ဝင်း၊ အနောက်တောင်တိုင်းစစ်ဌာနချုပ်တိုင်းမှူး ဗိုလ်ချုပ်အောင်အောင်၊ တိုင်းဒေသကြီးအစိုးရအဖွဲ့ဝင်များ၊ ရဟန်းရှင်လူပရိတ်သတ်များတက်ရောက် ဖူးမြော်ကြည်ညိုကြပါသည်။  ဦးစွာ ဆရာတော်သံဃာတော်အရှင်မြတ်များ အမှူးပြုသော ပရိတ်သတ်အားလုံးက "သဗ္ဗေသင်္ခါရာ အနိစ္စာ" အစချီသော သုံးဂါထာကိုရွတ်ဆိုကာ သံဝေဂဉာဏ်ပွားများ၍ အခမ်းအနားဖွင့်လှစ်ခဲ့ပါသည်။ ထို့နောက် နိုင်ငံတော်ဩဝါဒါစရိယ၊နိဂြောဓာရုံညောင်ပင်သာ ပရိယတ္တိစာသင်တိုက် ပဓာန နာယကဆရာတော် အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊အဘိဓဇမဟာရဌဂုရု ဘဒ္ဒန္တဝိဿုတ မဟာထေရ် အရှင်သူမြတ်ထံမှ ငါးပါးသီလခံယူဆောက်တည်ကြသည်။ ဆက်လက်၍ တိုင်းဒေသကြီးဝန်ကြီးချုပ်၊ အနောက်တောင်တိုင်းစစ်ဌာနချုပ် တိုင်းမှူးနှင့် ပရိတ်သတ်များမှ ဆရာတော်အရှင်သူမြတ်တို့အား သင်္ကန်းစသော လှူဖွယ်ဝတ္ထုပစ္စည်းများဆက်ကပ်လှူဒါန်းခဲ့ကြပြီး မောင်းထောင်ကျောင်းပရိယတ္တိစာသင်တိုက်၊ တိုက်အုပ်ဆရာတော် ဘဒ္ဒန္တမာနိတာလင်္ကာရ၏ ထေရုပ္ပတ္တိအကျဉ်းကို မြောင်းမြကျောင်းပရိယတ္တိစာသင်တိုက် တိုက်အုပ်ဆရာတော် အဂ္ဂမဟာဂန္ထဝါစကပဏ္ဍိတ ဘဒ္ဒန္တပညာသီရိရတနာဘိဝံသက ဖတ်ကြားပူဇော်ပါသည်။ ပြီးနောက် တိုင်းဒေသကြီးသံဃနာယကအဖွဲ့ဥက္ကဋ္ဌ (ရွှေကျင်)၊ သာသနဓဇဓမ္မာစရိယ၊ ပါဠိပါရဂူ အဂ္ဂမဟာဂန္ထဝါစကပဏ္ဍိတ ဘဒ္ဒန္တဉာဏိဒ္ဒ တိုက်ကြီးကျောင်း ဆရာတော် အရှင်သူမြတ်ထံမှ မရဏာနုဿတိ ဓမ္မသံဝေဂဒေသနာတော်ကိုနာကြား၍ ရေစက်သွန်းချ အမျှပေးဝေခဲ့ကြ၍ အခမ်းအနားပထမပိုင်းကိုရုပ်သိမ်းခဲ့ကြပါသည်။ ဘဒ္ဒန္တမာနိတာလင်္ကာရ မဟာထေရ် ဆရာတော်ကြီး၏  အန္တိမအဂ္ဂိဈာပန သာဓုကီဠနပူဇာသဘင် ဒုတိယပိုင်းအစီအစဉ်များကို ယနေ့နေ့လည်ပိုင်းတွင် နိုင်ငံတော်ဩဝါဒါစရိယဆရာတော်ကြီးများ ၊တိုင်းဒေသကြီးသံဃနာယကအဖွဲ့ဆရာတော်ကြီးများ၏ ဦးဆောင်လမ်းညွှန်မှုဖြင့် အစီအစဉ်တကျ ဆက်လက်ကျင်းပပြုလုပ်သွားမှာဖြစ်ကြောင်းသိရှိရသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည် တာဝန်ရှိသူများနှင့်အတူ သာပေါင်းမြို့နယ်အတွင်းရှိ ကြက်သွန်ကွင်း-သဲဖြူ-မကျီးဇင်လမ်း ဖောက်လုပ်နေမှုအား ဇူလိုင်လ ၃၁ ရက်နေ့ နံနက်ပိုင်းက ကြည့်ရှု စစ်ဆေးခဲ့သည်။ ဦးစွာ တိုင်းဒေကြီးဝန်ကြီးချုပ်အား ပုသိမ်ခရိုင်ကျေးလက်လမ်းဖွံ့ဖြိုးရေးဦးစီးဌာနမှူးက ယာယီရှင်းလင်းဆောင်၌ ဘဏ္ဍာရေးနှစ်အလိုက် ဆောင်ရွက်ထားရှိမှုလုပ်ငန်းများ၊ကြက်သွန်ကွင်း-သဲဖြူ-မကျီးဇင်လမ်းပေါ်ရှိ Box Culvert နှင့်တံတားလုပ်ငန်းဆောင်ရွက်မှုများ၊ဘဏ္ဍာရေးနှစ်အလိုက် ကွန်ကရစ်လမ်း၊ မြေသားလမ်းနှင့် ခွဲကျောက်ထုအခြေခံလွှာ ခင်းကျင်းပြီးစီးမှုများအား ရှင်းလင်းတင်ပြရာ  တိုင်းဒေသကြီး ဝန်ကြီးချုပ်က သတ်မှတ်အရည်အသွေး စံချိန်စံညွှန်များနှင့်အညီ အလေးထားဆောင်ရွက်စေရေး၊ လုပ်ငန်းခွင်အတွင်း အန္တရာယ်ကင်းရှင်းစေရေး၊ သတ်မှတ်ထားသော ဘဏ္ဍာရေးနှစ်များတွင် လမ်းပိုင်းအလိုက် အချိန်မီပြီးစီးစေရေး၊ အောက်ခြေခွဲကျောက်ထုထည်ခိုင်မာစေရေး၊ယာဉ်အန္တရာယ်ကင်းရှင်းစေရေး၊ လမ်းပုခုံးများစနစ်တကျရှိစေရေး၊ လမ်းအရည်အသွေး ပြည့်မီစေရေးတို့အား မှာကြားခဲ့ပြီး ကွန်ကရစ်လမ်းခင်းရန် ပြင်ဆင်ဆောင်ရွက်နေမှုအား ကြည့်ရှုစစ်ဆေးခဲ့ကြောင်းသိရသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်ဦးတင်မောင်ဝင်းသည် တာဝန်ရှိသူများနှင့်အတူ ဇူလိုင်လ ၃၀ ရက်နေ့ နံနက်ပိုင်းက ပုသိမ်မြို့တွင်း အပတ်စဉ်စနေနေ့တိုင်း ဌာနဆိုင်ရာများ၊ စည်ပင်သာယာရေးအဖွဲ့များနှင့် လူမှုရေးအသင်းအဖွဲ့များ၏ စုပေါင်းသန့်ရှင်းရေးဆောင်ရွက်နေမှုများနှင့် အထည်ချုပ်ငန်း၊ တည်ဆောက်ရေးလုပ်ငန်းခွင်များအားကြည့်ရှုစစ်ဆေးခဲ့သည်။ ဦးစွာတိုင်းဒေသကြီး ဝန်ကြီးချုပ်သည် တောင်ပေါ်လမ်း ပုသိမ်တက္ကသိုလ်မုဒ်ဦးရှေ့မှ အင်ကြင်းဆောင်ရှေ့အထိ  ၁၇၀၀ပေ×၈ပေ× ၆ လက်မထုရှိသော ကွန်ကရစ်လူသွားလမ်းအား စည်ပင်သာယာရေးအဖွဲ့မှဖော်ဆောင်နေမှုအား ကြည့်ရှုစစ်ဆေးပြီး အောက်ခံမြေသားအမာခံရရှိအောင်ဖိကြိတ်ရန်နှင့်လမ်းအရည်အသွေးကောင်းမွန်စေရေးဆောင်ရွက်ရန်၊ တက္ကသိုလ်ဝန်းရှိ ရေမြောင်းများ ရေစီးရေလာကောင်းမွန်ရေးတို့အား မှာကြားသည်။ ယင်းနောက် ပုသိမ်တက္ကသိုလ်စာကြည့်တိုက် ဆောက်လုပ်ပြီးစီးမှုအခြေအနေများနှင့် စာကြည့်တိုက်အတွင်းရှိ Subject Room၊ Reading Room၊Reference Room၊ Computer Room၊Meeting Roomများသို့လှည့်လည်ကြည့်ရှုစစ်ဆေးခဲ့ပြီး စာအုပ်စာစောင်များ မပျောက်ပျက်စေရန်၊ ပြသထားသည့် ရှေးဟောင်းအမွေအနှစ် ပစ္စည်းများအား ဂရုတစိုက် ထိန်းသိမ်းထားရှိရန်၊ နေ့စဉ်ထုတ် သတင်းစာများအား ခုနှစ်အလိုက် စာအုပ်ချုပ်ပြီးစနစ်တကျမှတ်တမ်းထားရှိရန် မှာကြားခဲ့သည်။ ဆက်လက်၍တိုင်းဒေသကြီး ဝန်ကြီးချုပ်သည် နိဂြောဓာလမ်း၊ကမ်းနားလမ်း၊ဘန့်ဘွေးကုန်းလမ်းများတွင် ဌာနဆိုင်ရာများ၊စည်ပင်သာယာရေးအဖွဲ့များ၊ လူမှုရေးအသင်းအဖွဲ့များ၏ စုပေါင်းသန့်ရှင်းရေးဆောင်ရွက်နေမှုများနှင့် ရေမြောင်းများ ရေစီးရေလာကောင်းမွန်ရေးအတွက် ‌တူးဖော်နေမှုများ၊ ရေမြောင်းများအတွင်း ပလတ်စတစ်များ၊အမှိုက်များပိတ်ဆို့မှု မရှိစေရေးတို့အတွက် ရှင်းလင်းဆောင်ရွက်နေမှုများအား ကြည့်ရှုစစ်ဆေးသည်။ ယင်းနောက်တိုင်းဒေသကြီး ဝန်ကြီးချုပ်သည် စိုက်ပျိုးရေးဦးစီးဌာန၊ သရောင်းချောင်းစိုက်ပျိုးရေးခြံ၊ ပေါ်ဆန်းမွှေး(၂)ဧက မျိုးသန့် မျိုးစပါးထုတ်စိုက်ခင်းသို့ သွားရောက်ကြည့်ရှုစစ်ဆေးပြီး ပိုးမွှားများမကျရောက်စေရေးအတွက် ကြိုတင်ကာကွယ်ရေး၊မျိုးသန့်စပါးထုတ်လုပ်မှု အထွက်နှုန်းတိုးတက်စေရေးအလေးထားဆောင်ရွက်ရန်မှာကြားပြီး ပုသိမ်စက်မှုမြို့တော်ရှိ SX SHUANG XI Co.,Ltdနှင့် Ventd'Est Pathein Clothing Co.,Ltdများသို့သွားရောက်၍ အထည်ချုပ်လုပ်ငန်း ဆောင်ရွက်မှု အဆင့်ဆင့်တို့အား လှည့်လည်ကြည့်ရှုစစ်ဆေးပြီး စက်ရုံ၊အလုပ်ရုံ လုပ်သားများအနေဖြင့် ကိုဗစ်-၁၉ ကာကွယ်ဆေးများ အကြိမ်ပြည့်ထိုးနှံပြီးစီးရေး၊ ဒေသအတွင်းရှိပြည်သူများအား အလုပ်အကိုင်အခွင့်အလမ်းများ ပိုမိုဖန်တီးပေးနိုင်ရေး၊ အလုပ်ခွင်၊အလုပ်ချိန်၊အလုပ်ခွင် စည်းမျဉ်း စည်းကမ်းများနှင့်အညီ ခံစားခွင့် အပြည့်အဝရရှိစေရေးနှင့်ကျန်းမာရေးဆိုင်ရာ စောင့်ရှောက်မှုပေးရေး တို့အား မှာကြားခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်သည် ပုသိမ်မြို့ အမှတ်(၅)ရပ်ကွက်  Green Land City Project အတွင်း ဆောက်လုပ်ရေးဝန်ကြီးဌာန ၊ မြို့ပြနှင့်အိမ်ရာဖွံ့ဖြိုးရေးဦးစီးဌာနမှ တာဝန်ယူတည်ဆောက်သည့် ဝန်ထမ်းအိမ်ရာ တည်ဆောက်ရေးလုပ်ငန်းခွင်အားလှည့်လည်ကြည့်ရှုစစ်ဆေးခဲ့ပြီး တည်ဆောက်ရေးလုပ်ငန်းများဆောင်ရွက်ရာတွင် သတ်မှတ် အရည်အသွေး စံချိန်စံညွှန်များနှင့်အညီ အလေးထားဆောင်ရွက်စေရေး၊ လုပ်ငန်းခွင်အတွင်း အန္တရာယ်ကင်းရှင်းစေရေး၊ သတ်မှတ်ထားသောကာလများတွင် အချိန်မီပြီးစီးစေရေး လမ်းညွှန်မှာကြားသည်။ ယင်းနောက်  ပုသိမ်မြို့နယ်လမ်းဦးစီးဌာနက တာဝန်ယူတည်ဆောက်လျက်ရှိသည့် ၂၀၂၂-၂၀၂၃ ဘဏ္ဍာရေးနှစ်၊ ပုသိမ်မြို့ရှောင်လမ်း ၄မိုင်၇ဖာလုံ အား လမ်းချဲ့ခြင်းလုပ်ငန်းဆောင်ရွက်နေမှုကို ကြည့်ရှုစစ်ဆေးရာ တိုင်းဒေသကြီး လမ်းဦးစီးဌာနမှူးက တာဘောင်တိုးချဲ့ခြင်း၊ကွန်ကရစ်လမ်းချဲ့ရန်မြေတူးခြင်း၊ထုအခြေခံလွှာခင်းခြင်း၊ သဲကြပ်ခြင်းအစရှိသည့်လုပ်ငန်းဆောင်ရွက်မှု အဆင့်ဆင့်အားရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်မှ လုပ်ငန်းများဆောင်ရွက်နေစဉ်ကာလအတွင်း ယာဉ်အန္တရာယ်ကင်းရှင်းစေရေး၊ လမ်းပုခုံးများစနစ်တကျရှိစေရေး၊ အရည်အသွေးပြည့်မီစေရေး အလေးထားဆောင်ရွက်ရန်မှာကြားခဲ့သည်။

မြန်မာနိုင်ငံ ရင်းနှီးမြှုပ်နှံမှုကော်မရှင်ခွင့်ပြုမိန့်၊ တိုင်းဒေသကြီးရင်းနှီးမြှုပ်နှံမှုကော်မတီ အတည်ပြုမိန့်ရယူပြီး လုပ်ငန်းဆောင်ရွက်လျှက်ရှိသော ဧရာဝတီတိုင်းဒေသကြီးအတွင်းရှိ စီးပွားရေး လုပ်ငန်းရှင်များနှင့် တွေ့ဆုံပွဲအခမ်းအနားအား ဇူလိုင်လ ၂၉ ရက်နေ့ နံနက်ပိုင်းက တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ(၁)၌ ပြုလုပ်ရာ တိုင်းဒေသကြီးဝန်ကြီးချုပ်ဦးတင်မောင်ဝင်း၊အစိုးရအဖွဲ့ဝင်ဝန်ကြီးများ၊တိုင်းဒေသကြီးရင်းနှီးမြှုပ်နှံမှုကော်မတီဝင်များ၊စီးပွားရေးလုပ်ငန်းရှင်များတက်ရောက်ခဲ့ကြသည်။ ထိုသို့ စီးပွားရေးလုပ်ငန်းရှင်များနှင့်တွေ့ဆုံရာတွင် တိုင်းဒေသကြီးဝန်ကြီးချုပ်က“ တိုင်းဒေသကြီးအတွင်း ရင်းနှီးမြှုပ်နှံမှုများ လာရောက်လုပ်ကိုင်လျှက်ရှိသောကြောင့် ပြည်သူများအနေဖြင့် အလုပ်အကိုင်အခွင့်အလမ်းများ ပိုမိုရရှိလာသည်ကိုတွေ့ရှိရပါကြောင်း၊တိုင်းဒေသကြီးအတွင်း၌ ပြည်တွင်း၊ ပြည်ပရင်းနှီးမြှုပ်နှံမှုများတွင် အထည်ချုပ်လုပ်ငန်း၊ ဟိုတယ်လုပ်ငန်း၊ ဆန်စပါးလုပ်ငန်းများ၊ ငါး၊ ပုဇွန်၊ ဂဏန်းမွေးမြူရေးလုပ်ငန်းများအပြင် အခြားလုပ်ငန်းများတွင်ရင်းနှီးမြှုပ်နှံလျက်ရှိပါကြောင်း ၊ မိမိတို့တိုင်းဒေသကြီးသည် ရေခံမြေခံကောင်းမွန်ပြီး စိုက်ပျိုးမွေးမြူရေးအခြေခံသည့် ကုန်ထုတ်လုပ်ငန်းများအပြင် ခရီးသွားလုပ်ငန်းများ၊ ဟိုတယ်လုပ်ငန်းများလည်း ဖွံ့ဖြိုးလာရာ ဒေသခံပြည်သူများအတွက်  အလုပ်အကိုင်အခွင့်အလမ်းများ ပိုမိုဖန်တီးပေးနိုင်လာပါကြောင်းနှင့် မိမိတို့ တိုင်းဒေသကြီးအစိုးရအဖွဲ့အနေဖြင့်လည်း လိုအပ်သည်များကို ကူညီပံ့ပိုးဆောင်ရွက်ပေးသွားမှာဖြစ်ပါကြောင်း”ပြောကြားသည်။ ဆက်လက်၍ Amava Apparel Ltd၊ Dong Long (Pathein)Garment Co.,Ltd၊ Chia Moon Sports (Myanmar)Co.,Ltd၊Hua Meng MyanmarCo.,Ltd၊Sea & LakeCo.,Ltd၊AAQSR Co.,Ltd၊Shwe Wah NadiCo.,Ltd၊Paddy StarCo.,Ltd၊International Green Land Co.,Ltd၊MEF International Co.,Ltdတို့မှ စီးပွားရေးလုပ်ငန်းရှင်များက အထည်ချုပ်လုပ်ငန်း၊ ဟိုတယ်လုပ်ငန်း၊တန်ဖိုးမြှင့်ဆန်ထုတ်လုပ်တင်ပို့ရောင်းချခြင်းလုပ်ငန်း၊ဂဏန်းပျော့ ထုတ်လုပ်တင်ပို့ရောင်းချခြင်းလုပ်ငန်းဆောင်ရွက်မှုများကို  တိုင်းဒေသကြီးဝန်ကြီးချုပ်အားရှင်းလင်းတင်ပြခဲ့ကြသည်။ ယင်းနောက် တိုင်းဒေသကြီးရင်းနှီးမြှုပ်နှံမှုကော်မတီအဖွဲ့ဝင်များနှင့်စီးပွား​ရေးလုပ်ငန်းရှင်များကရင်းနှီးမြှုပ်နှံမှုလုပ်ငန်းများထပ်မံတိုးချဲ့မည့်အစီအမံများ၊ မြေအသုံးချမှုခွင့်ပြုချက်ရရှိ​ရေး၊ လျှပ်စစ်မီးပိုမိုရရှိ​ရေး​ဆွေးနွေးချက်များအ​ပေါ် တိုင်းဒေသကြီးဝန်ကြီးချုပ်မှ ဌာနဆိုင်ရာများနှင့်ညှိနှိုင်းပေါင်းစပ်​ပေးခဲ့ပြီးစိုက်ပျိုး​မွေးမြူ​ရေးအ​ခြေခံသည့်စက်ရုံအလုပ်ရုံများ ပိုမိုတိုးတက်ရင်းနှီးမြှုပ်နှံလာ​စေရန်အတွက်အလားအလာ​ကောင်းများကိုအကျယ်တ၀င့်​ဆွေး​နွေးခဲ့​ကြောင်းသိရသည်။ ဆက်လက်၍ တိုင်းဒေသကြီး ဝန်ကြီးချုပ်ဦးတင်မောင်ဝင်းနှင့် အစိုးရအဖွဲ့ဝင် ဝန်ကြီးများသည် ညနေပိုင်းတွင် ဘဝနတ်ထံ ပျံလွန်တော်မူသွားသောပုသိမ်မြို့ အမှတ်(၂) ရပ်ကွက်၊နိဂြောဓာလမ်း၊မောင်းထောင်ပရိယတ္တိစာသင်တိုက်ကြီး၏ တိုက်အုပ်စာချ ကထိကဆရာတော် လဇ္ဇီပေသလ၊သိက္ခကာမ၊ဝိနယဂရုက ဖြစ်တော်မူသော သက်တော် (၇၁) နှစ်၊ သိက္ခာတော်(၅၁)ဝါရ   တိုင်းဒေသကြီးသံဃာ့နာယကအဖွဲ့အကျိုးတော်ဆောင်(ရွှေကျင်) ဘဒ္ဒန္တ မာနိတာလင်္ကာရ (သာသနဓဇဓမ္မာစရိယ၊မဟာဂန္ထဝါစကပဏ္ဍိတ၊အဂ္ဂမဟာဂန္ထဝါစကပဏ္ဍိတ၊ဒီဃဘာဏက)မဟာထေရ် ဆရာတော်ကြီး၏ရုပ်ကလာပ်တော်အား သွားရောက် ဖူးမြော်ကြည်ညိုပြီး မောင်းထောင်ကျောင်း ပရိယတ္တိစာသင်တိုက်ကြီး၏ ပဓာန နာယကဆရာတော် ဘဒ္ဒန္တပညာဓိက (မဟာဂန္ထဝါစကပဏ္ဍိတ၊အဂ္ဂမဟာဂန္ထဝါစကပဏ္ဍိတ)ထံသို့ လှူဖွယ်ပစ္စည်းများနှင့် ဝတ္ထုအလှူငွေများ ဆက်ကပ်လှူဒါန်းခဲ့ကာ သာသနာရေးဆိုင်ရာ ကိစ္စရပ်များအား လျှောက်ထားတင်ပြခဲ့ပြီး အန္တိမအဂ္ဂိ ဈာပနသဘင်ဆင်ယင်ကျင်းပနိုင်ရေး သက်ဆိုင်ရာတာဝန်ရှိသူများမှာကြားခဲ့ပါသည်။ ယင်းနောက် တိုင်းဒေသကြီး ဝန်ကြီးချုပ်သည် ပုသိမ်ပြည်သူ့ဆေးရုံ ကိုးထပ်တိုးချဲ့ဆောင် ဆောက်လုပ်နေမှုအခြေအနေများအား သွားရောက်စစ်ဆေးခဲ့ရာ တာဝန်ရှိသူများက လုပ်ငန်းဆောင်ရွက်မှု အခြေအနေများအား ရှင်းလင်းတင်ပြခဲ့မှုအပေါ် တိုင်းဒေသကြီး ဝန်ကြီးချုပ်က သတ်မှတ်အရည်အသွေး စံချိန် စံညွှန်းများပြည့်မီရေး၊ လုပ်ငန်းခွင်အတွင်း အန္တရာယ်ကင်းရှင်းစေရေးနှင့် သတ်မှတ်ကာလများအတွင်း အချိန်မီပြီးစီးစေရေးတို့အား အလေးထားဆောင်ရွက်ကြရန် လမ်းညွှန်မှာကြားခဲ့ပြီး ဆေးရုံအတွင်းပတ်လမ်းခင်းခြင်းလုပ်ငန်း​ဆောင်ရွက်​နေမှု၊ waste water Treatment ကန်ပြုလုပ်နေမှု၊ လူနာခန်းရှိToiletတွင်းလက်ကိုင်တန်းတပ်ဆင်ထားမှုနှင့် view pointတွင်compositeပြားများတပ်ဆင်ပြီးစီးမှုများကို လှည့်လည်ကြည့်ရှုစစ်ဆေးခဲ့ကြောင်းသိရသည်။