ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် ယနေ့နေ့လည်ပိုင်းတွင် ပုသိမ်မြို့၊ ဧရာရွှေဝါခန်းမ၌ ကျင်းပပြုလုပ်သည့် သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ကျေးလက်ဒေသဖွံ့ဖြိုးတိုးတက်ရေးဦးစီးမှ ၂၀၂၂- ၂၀၂၃ ဘဏ္ဍာနှစ်တွင် အကောင်အထည်ဖော်ဆောင်ရွက်သည့် မြစိမ်းရောင်ကျေးရွာစီမံကိန်း၊ ကျေးရွာဖွံ့ ဖြိုးတိုးတက်ရေးလုပ်ငန်းစီမံကိန်း (VDP)နှင့် Cash for work ကျေးရွာတို့အတွက် စီမံကိန်းရန်ပုံငွေပေးအပ်ပွဲအခမ်းအနားတက်ရောက်၍ အမှာစကားပြောကြားခဲ့ရာ တိုင်းဒေသကြီး၏ ဒေသဖွံ့ဖြိုးရေးလုပ်ငန်းများကို   ဘဏ္ဍာစိုက်ပျိုးမွေးမြူရေးလုပ်ငန်းများပိုမိုဖြစ်ထွန်းအောင်မြင်နိုင်မည့်အလားအလင့်နှစ်စဉ်ချထားဆောင်ရွက်ပေးလျက်ရှိပါကြောင်း၊ မိမိတို့တိုင်းဒေသကြီးသည် ရေခံမြေခံကောင်းမွန်ပြီး စိုက်ပျိုးမွေးမြူရေးလုပ်ငန်းများပိုမိုဖြစ်ထွန်းအောင်မြင်နိုင်မည့်အလားအလာကောင်းများရှိနေပါကြောင်း၊ ဒေသခံပြည်သူများ၏ လူမှုစီးပွားဘဝဖွံ့ဖြိုးတိုးတက်စေရေးရည်ရွယ်၍  လမ်းပန်းဆက်သွယ်မှုကောင်းမွန်စေရေး၊ လျှပ်စစ်မီးရရှိစေရေး၊ ရေပေးဝေရေး၊ ကုန်ထုတ်လမ်းဖောက်လုပ်သွားလာအသုံးပြုနိုင်စေရေးစသည့် ဒေသဖွံ့ဖြိုးရေးလုပ်ငန်းများတွင် ဒေသခံပြည်သူများကိုယ်တိုင်အကောင်အထည်ဖော် ဆောင်ရွက်နိုင်ရေးထောက်ပံ့ပေးခြင်းဖြစ်ပါကြောင်း၊ ဒေသဖွံ့ဖြိုးရေးလုပ်ငန်းများဆောင်ရွက်မည့်ကော်မတီများအနေဖြင့် မိမိတို့ဒေသဖွံ့ဖြိုးတိုးတက်စေရေးစိတ်ရင်းစေတနာကောင်းများဖြင့်ဆောင်ရွက်ကြရန်၊ သက်ဆိုင်ရာလုပ်ငန်းများအလိုက် စာရင်းဇယားများစနစ်တကျထားရှိဆောင်ရွက်ကြရန်နှင့် သက်ဆိုင်ရာဌာနများမှ  စီမံကိန်းများအောင်မြင်စေရေး စစ်ဆေးကြပ်မက်ဆောင်ရွက်ရန်လိုပါကြောင်း ပြောကြားခဲ့ပါသည်။ ထို့နောက် တိုင်းဒေသကြီးဝန်ကြီးချုပ်မှ ပုသိမ်ခရိုင် မြစိမ်းရောင်၊ VDP၊  Cash For Work စီမံကိန်းလုပ်ငန်းများဆောင်ရွက်မည့် ကျေးရွာ ၉၀ အတွက် ကျပ်သန်း ၉၂၀၊ ကျုံပျော်ခရိုင် မြစိမ်းရောင်၊ VDP၊  Cash For Work စီမံကိန်းလုပ်ငန်း များဆောင်ရွက်မည့် ကျေးရွာ ၅၃ ရွာအတွက် ကျပ်သန်း ၅၆၀၊ ဟင်္သာတခရိုင် မြစိမ်းရောင်၊ VDP၊  Cash For Work စီမံကိန်းလုပ်ငန်းများဆောင်ရွက်မည့် ကျေးရွာ ၆၀ အတွက် ကျပ်သန်း ၆၄၀၊ မြန်အောင်ခရိုင် မြစိမ်းရောင်၊ VDP၊  Cash For Work စီမံကိန်းလုပ်ငန်းများဆောင်ရွက်မည့် ကျေးရွာ ၇၃ ရွာ အတွက် ကျပ်သန်း ၇၅၀ တို့ကိုသက်ဆိုင်ရာခရိုင်အုပ်ချုပ်ရေးမှူးများထံလည်းကောင်း၊ လုံခြုံရေးနှင့်နယ်စပ်ရေးရာဝန်ကြီးမှ မြောင်းမြခရိုင် မြစိမ်းရောင်၊ VDP၊  Cash For Work စီမံကိန်းလုပ်ငန်း များဆောင်ရွက်မည့် ကျေးရွာ ၅၁ ရွာအတွက် ကျပ်သန်း ၅၁၀၊ မအူပင်ခရိုင် မြစိမ်းရောင်၊ VDP၊  Cash For Work စီမံကိန်းလုပ်ငန်းများဆောင်ရွက်မည့် ကျေးရွာ ၇၄ ရွာ အတွက် ကျပ်သန်း ၇၄၀ကို သက်ဆိုင်ရာခရိုင်အုပ်ချုပ်ရေးမှူးများထံလည်းကောင်း၊ လမ်းပန်းဆက်သွယ်ရေးဝန်ကြီးမှ ဖျာပုံခရိုင်မြစိမ်းရောင်၊ VDP၊  Cash For Work စီမံကိန်းလုပ်ငန်း များဆောင်ရွက်မည့် ကျေးရွာ ၆၉ ရွာအတွက် ကျပ်သန်း ၇၅၀နှင့် လပွတ္တာခရိုင် မြစိမ်းရောင်၊ VDP၊  Cash For Work စီမံကိန်းလုပ်ငန်း များဆောင်ရွက်မည့် ကျေးရွာ ၃၅ရွာ အတွက် ကျပ်သန်း ၃၅၀ ကို သက်ဆိုင်ရာခရိုင်အုပ်ချုပ်ရေးမှူးများထံ အသီးသီးပေးအပ်ခဲ့ကြပါသည်။ ကျေးလက်ဒေသဖွံ့ဖြိုးတိုးတက်ရေးဦးစီးမှ ၂၀၂၂- ၂၀၂၃ ဘဏ္ဍာနှစ်တွင် မြစိမ်းရောင်ကျေးရွာစီမံကိန်း၊ကျေးရွာဖွံ့ ဖြိုးတိုးတက်ရေးလုပ်ငန်းစီမံကိန်း (VDP)နှင့် Cash for work စီမံကိန်းကျေးရွာများအတွက် ကျေးရွာစုစုပေါင်း ၅၀၅ရွာကို စီမံကိန်းရန်ပုံငွေ စုစုပေါင်းကျပ်သန်း ၅၂၂၀ အား လွှဲပြောင်းပေးအပ်ခဲ့ကြောင်းသိရှိရပါသည်။

ဧရာဝတီတိုင်းဒေသကြီး၊ ပုသိမ်မြို့၊ ဧရာရွှေဝါခန်းမ၌ ၂၀၂၂ခုနှစ်၊ ဖေဖော်ဝါရီလမှ ဇူလိုင်လအထိ (၆)လတာ လုပ်ငန်းဆောင်ရွက်မှုများအပေါ် ညှိနှိုင်းအစည်းအဝေး ဒုတိယနေ့အား ယနေ့နံနက်ပိုင်းက ဆက်လက်ပြုလုပ်ရာ တိုင်းဒေသကြီး ဝန်ကြီးချုပ်ဦးတင်မောင်ဝင်း၊အစိုးရအဖွဲ့ဝင် ဝန်ကြီးများ၊တိုင်းအဆင့်ဌာနဆိုင်ရာများနှင့် ခရိုင်စီမံအုပ်ချုပ်ရေးအဖွဲ့ ဥက္ကဌများ တက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်က“ နိုင်ငံတော်မှ ချမှတ်ထားသည့် ဦးတည်ချက်များနှင့် ရှေ့လုပ်ငန်းစဉ်များအား မိမိတို့တိုင်းဒေသကြီး အစိုးရအဖွဲ့အနေဖြင့်အကောင်အထည်ဖော်ဆောင်ရွက်လျှက်ရှိပါကြောင်း၊ ဌာနဆိုင်ရာများအနေဖြင့်ကိန်းဂဏန်းစာရင်းဇယားအချက်အလက်များ မှန်ကန်တိကျမှုရှိစေရေး အလေးထားဆောင်ရွက်ရန်နှင့် ကိန်းဂဏန်းအချက်အလက်များ မှန်ကန်မှသာ တွက်ချက်သည့်အချက်အလက်များသည်လည်း မှန်နိုင်မည်ဖြစ်ပါကြောင်း၊ ပြည်သူများအလုပ်အကိုင်အခွင့်အလမ်းများ ရရှိစေနိုင်ရန်အတွက် စက်ရုံ၊အလုပ်ရုံများ ပြန်လည်လည်ပတ်နိုင်ရေး၊ စက်မှုဇုန်များထူထောင်ဆောင်ရွက်နိုင်ရေး အားလုံးဝိုင်းဝန်း ဆောင်ရွက်ကြရမှာဖြစ်ပါကြောင်း၊ တိုင်းဒေသကြီး  စီးပွားရေးတိုးတက်စေရန်နှင့်အလုပ်အကိုင်အခွင့်အလမ်းများ ရရှိစေရန်အတွက် လျှပ်စစ်ထုတ်လုပ်နိုင်ရေးဝိုင်းဝန်းပူးပေါင်း ဆွေးနွေးစေလိုပါကြောင်း၊ တိုင်းဒေသကြီး၏ စိုက်ပျိုးမွေးမြူရေးထုတ်ကုန်များမှပြည်ပဝင်ငွေရရှိစေရေးကြိုးစားဆောင်ရွက်ရမှာ ဖြစ်ပါကြောင်းနှင့်   Contract  Farming စနစ် အကောင်အထည်ဖော်ဆောင်ရွက်နိုင်ရေး”ပြောကြားသည်။ ဆက်လက်၍  စီးပွားရေးရာဝန်ကြီးဌာနအောက်ရှိ စက်မှုကြီးကြပ်ရေးနှင့်စစ်ဆေးရေးဦးစီးဌာန၊ အဆင့်မြင့်စက္ကူ(သာပေါင်း)၊ သတင်းစာစက္ကူ(သာပေါင်း)၊ မှန်စက်ရုံ(ပုသိမ်)၊ အမှတ်(၃၂)အကြီးစားစက်ရုံ(ကြံခင်း)၊ စားသုံးသူရေးရာဦးစီးဌာန၊ ဟိုတယ်နှင့်ခရီးသွားညွှန်ကြားမှု ဦးစီးဌာနနှင့် သယံဇာတရေးရာဝန်ကြီးဌာနအောက်ရှိ ဌာနများမှ ၂၀၂၂-ခုနှစ်ဖေဖော်ဝါရီလမှ ဇူလိုင်လအထိ  (၆)လတာ လုပ်ငန်းဆောင်ရွက်မှုအခြေအနေများအား ရှင်းလင်းတင်ပြချက်များအပေါ်  တိုင်းဒေသကြီးဝန်ကြီးချုပ်က လုပ်ငန်းများဆောင်ရွက်ရာတွင် ယခုထက်ပိုမိုတိုးတက်အောင် ဆောင်ရွက်ကြရန်၊ နယ်မြေအေးချမ်းတည်ငြိမ်ရေးနှင့် တရားဥပဒေစိုးမိုးရေးလုပ်ငန်းများကိုလည်း အလေးထားဆောင် ရွက်ကြရန်နှင့်  လိုအပ်သည်များကို ဖြည့်စွက်ဆွေးနွေးမှာကြားခဲ့ပြီး အစည်းအဝေးဒုတိယနေ့ကိုရုပ်သိမ်းခဲ့ပါသည်။

ဧရာဝတီတိုင်းဒေသကြီး၊ပုသိမ်မြို့၊ ဧရာရွှေဝါခန်းမ၌ (၁.၂.၂၀၂၂)ရက်နေ့မှ (၃၁.၇.၂၀၂၂)ရက်နေ့အထိ (၆)လတာ လုပ်ငန်းဆောင်ရွက်မှုများအပေါ် ညှိနှိုင်းအစည်းအဝေးအား သြဂုတ်လ ၁၅ ရက်နေ့နံနက်ပိုင်းက ပြုလုပ်ရာ တိုင်းဒေသကြီး ဝန်ကြီးချုပ်ဦးတင်မောင်ဝင်း၊ အစိုးရအဖွဲ့ဝင်ဝန်ကြီးများ၊ တိုင်းအဆင့်ဌာနဆိုင်ရာများနှင့် ခရိုင်စီမံအုပ်ချုပ်ရေးအဖွဲ့ ဥက္ကဌများ တက်ရောက်ခဲ့ကြသည်။ လုပ်ငန်းညှိနှိုင်းအစည်းအဝေးတွင် တိုင်းဒေသကြီး ဝန်ကြီးချုပ်က“ ဌာနဆိုင်ရာများအနေဖြင့် နိုင်ငံတော်မှ ချမှတ်ထားသည့် ဦးတည်ချက်များနှင့် ရှေ့လုပ်ငန်းစဉ်များကိုအောင်မြင်အောင်အကောင်အထည်ဖော် ဆောင်ရွက် ကြရမှာဖြစ်ကြောင်း၊တိုင်းအဆင့်ဌာနဆိုင်ရာများနှင့် ခရိုင်အုပ်ချုပ်ရေးအဖွဲ့များက(၆)လတာကာလအတွင်း လုပ်ဆောင်ခဲ့မှုများအပြင် ရှေ့ဆက်ဆောင်ရွက်ရမည့် လုပ်ငန်းများနှင့်ပတ်သက်၍ ဆက်လက်ဆောင် ရွက်မည့်အစီအစဉ်များကိုပါ ဆွေးနွေးတင်ပြရန်လိုပါကြောင်း၊  မိမိတို့တိုင်းဒေသကြီးသည်ကျောင်းအပ်နှံမှု၊ ကျောင်းတက်ရောက်မှုအများဆုံးနှင့် တက္ကသိုလ်စာမေးပွဲတွင် တစ်နိုင်ငံလုံးအောင်ချက်အကောင်းဆုံးဒုတိယနှင့် ဂုဏ်ထူးရရှိသူများများစွာ ပေါ်ထွက်ခဲ့ပါကြောင်း၊ စိုက်ပျိုးရေး၊မွေးမြူရေးနှင့် စက်မှုအထက်တန်းကျောင်းများကို ၂၀၂၃ ပညာသင်နှစ်မှစ၍ ဖွင့်လှစ်နိုင်ရေး ပြင်ဆင်ဆောင်ရွက်၍  လူ့စွမ်းအားအရင်းအမြစ်များအား မွေးထုတ်ပေးနိုင်ရေးဆောက်ရွက်နေပါကြောင်း၊ ကျောင်းသားများအားလုံး ကျောင်းတက်ပျက်ကွက်မှုမရှိစေရန်နှင့် အမှန်တကယ် ပညာတတ်မြောက်စေရေး ဆရာ၊ဆရာမများ၊အုပ်ချုပ်ရေးအဖွဲ့များ ပူးပေါင်းဆောင်ရွက်ကြရန်လိုပါကြောင်း၊e-IDစနစ်ဖြင့် လူဦးရေစာရင်းများဖြည့်သွင်းခြင်း၊အခြေခံလူဦးရေစာရင်းများကောက်ယူခြင်း၊တိုက်ဆိုင်စစ်ဆေးခြင်း၊ပြင်ဆင်ခြင်း၊ဖြည့်စွက်ခြင်းလုပ်ငန်းများအား မှန်မှန်ကန်ကန်နှင့် မြန်မြန်ဆန်ဆန် ဆောင်ရွက်ကြရန်လိုပါကြောင်းနှင့် နိုင်ငံသားမဟုတ်သူများကို နိုင်ငံသားစိစစ်ရေးကတ်များ မထုတ်ပေးမိစေရေး တာဝန်ရှိသူများက အလေးထားကြပ်မတ်ဆောင်ရွက်သွားကြရန်လိုပါကြောင်း၊ကိုဗစ်-၁၉ ကပ်ရောဂါကူးစက်မှုများ တွေ့ရှိမှု နည်းပါးသော်လည်း ကာကွယ်ဆေးထိုးနှံခြင်းလုပ်ငန်းများကိုအရှိန်အဟုန်မပျက် ဆက်လက်ဆောင်ရွက်ကြရန်လိုပါကြောင်း၊တိုင်းဒေသကြီးအတွင်း စားရေ ရိက္ခာဖူလုံစေရေးနှင့် စားသုံးဆီဖူလုံရေးအတွက် စပါးသီးနှံ၊ဆီထွက်သီးနှံများပန်းတိုင်အထွက်နှုန်းများထွက်ရှိစေရေး၊မျိုးကောင်းမျိုးသန့်များအသုံးပြုစေရေး၊စိုက်ပျိုးမွေးမြူရေးထုတ်ကုန်များ တိုးတက်ထုတ်လုပ်နိုင်ရေး အလေးထားဆောင်ရွက်ရန်လိုပါကြောင်း၊ ရိုးပြတ်ကျန်ဧကများတွင် ဒေသနှင့်ကိုက်ညီသည့်သီးနှံများ စိုက်ပျိုးထုတ်လုပ်နိုင်ရေးကြပ်မတ်ဆောင်ရွက်ရန်နှင့်ရိုးပြတ်ကျန် ဧကများလျော့နည်းစေရေး ကြိုးပမ်းဆောင်ရွက်ရန်နှင့် စိုက်ပျိုးထုတ်ကုန်ပိုမိုထုတ်လုပ်နိုင်ရေး ကြပ်မတ်ဆောင်ရွက်ရန်လိုပါကြောင်း၊ အသားစား ကြက်နှင့်ဝက်မွေးမြူရေးလုပ်ငန်းများသည် အချိန်တိုအတွင်းအကျိုးအမြတ် ရရှိနိုင်သည့်လုပ်ငန်းများဖြစ်သည့်အတွက် ပိုမိုမွေးမြူဆောင်ရွက်သွားကြရန်နှင့် ငါးသယံဇာတများ ပျက်စီးဆုံးရှုံးမှုမရှိစေရေး စည်းကမ်းသတ်မှတ်ချက်များနှင့်အညီ စနစ်တကျ ဖမ်းဆီးစေရေးကြပ်မတ်ဆောင်ရွက်သွားရန်လိုပါကြောင်း၊လျှပ်စစ်ထုတ်လုပ်သုံးစွဲနိုင်‌ရေးနှင့်ပတ်သက်၍ ဆိုလာစနစ်၊ ရေအားလျှပ်စစ်စနစ်၊ စပါးခွံလောင်စာသုံး စနစ်များဖြင့် နည်းလမ်းများရှာဖွေ၍ လျှပ်စစ်ထုတ်လုပ်နိုင်ရေးအတွက် သက်ဆိုင်ရာဌာနများ၊လုပ်ငန်းရှင်များ ပူးပေါင်းဆောင်ရွက်သွားကြရန်နှင့်လျှပ်စစ်သုံးစွဲမှုကိုလည်း စနစ်တကျချွေတာသုံးစွဲကြရန်လိုပါ‌ကြောင်း၊ အားကစားကဏ္ဍနှင့်ပတ်သက်၍ ပြည်နယ်၊တိုင်းဒေသကြီးအဆင့်ပြိုင်ပွဲများတွင် အောင်မြင်မှုများရရှိနိုင်ရေး အခြေခံပညာ၊အဆင့်မြင့်ပညာနှင့် မြို့နယ်များရှိ မျိုးဆက်သစ်အားကစားသမားများ ပေါ်ထွက်လာစေရန်နှင့် စနစ်တကျ လေ့ကျင့်ပျိုးထောင်ပေးပြီး  အားကစားနည်းအလိုက် အောင်မြင်မှုများရရှိစေရေး သက်ဆိုင်ရာဌာနများနှင့် ပူးပေါင်းဆောင်ရွက်ကြရန် လိုပါကြောင်း၊ပြည်ပဝင်ငွေရရှိရန်နှင့် ပြည်ပပို့ကုန်များ ပိုမိုထုတ်လုပ်နိုင်ရန် သက်ဆိုင်ရာကဏ္ဍအလိုက် တိုးမြှင့်ထုတ်လုပ်ကြရန် မှာကြားသည်။ ဆက်လက်၍  ဌာနဆိုင်ရာအသီးသီးမှ (၁.၂.၂၀၂၂)ရက်နေ့မှ (၃၁.၇.၂၀၂၂)ရက်နေ့အထိ (၆)လတာ လုပ်ငန်းဆောင်ရွက်မှု အခြေအနေများအား ရှင်းလင်းတင်ပြချက်များအပေါ်  တိုင်းဒေသကြီး ဝန်ကြီးချုပ်က လုပ်ငန်းများဆောင်ရွက်ရာတွင် ယခုထက်ပိုမိုတိုးတက်အောင် ဆောင်ရွက်ကြရန်နှင့် လုပ်ငန်းလိုအပ်ချက်များဖြစ်ပေါ်ပါကလည်း အချိန်နှင့်တပြေးညီ တင်ပြဆောင်ရွက်ကြစေရေးနှင့် လိုအပ်သည်များကို ဖြည့်စွက်ဆွေးနွေးမှာကြားခဲ့ပြီး အစည်းအဝေးပထမနေ့ကို ရုပ်သိမ်းခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည်  နေ့လည်ပိုင်းတွင်   တိုင်းဒေသကြီးပညာရေးမှူးရုံး အစည်းအဝေးခန်းမတွင် ခရိုင်၊ မြို့နယ် ပညာရေးမှူးများနှင့် တွေ့ဆုံပွဲသို့ တက်ရောက်ခဲ့ပြီး မိမိတို့တိုင်းဒေသကြီး  ကျောင်းအပ်နှံမှုနှင့် ကျောင်းတက်ရောက်မှု အများဆုံးနှင့် တက္ကသိုလ်ဝင်စာမေးပွဲတွင် တစ်နိုင်ငံလုံးအောင်ချက်အကောင်းဆုံးဒုတိယနှင့် ဂုဏ်ထူးရရှိသူများများစွာထွက်ပေါ်ခဲ့သဖြင့်ပညာရေးနှင့်ပတ်သက်၍ အလေးထားဆောင်ရွက်နေသည့် တိုင်းဒေသကြီး ဖြစ်ပါကြောင်း၊ ကျောင်းတက်ရောက်မှုများပြားလာသဖြင့် ပညာတတ်များပေါ်ထွက်လာစေရန်အတွက် အခွင့်အလမ်းကောင်းများ ရရှိစေနိုင်မည်ဖြစ်ပြီး လူ့စွမ်းအားအရင်းအမြစ်များအားမွေးထုတ်ပေးနိုင်မည်ဖြစ်ပါကြောင်း၊ KG+9 ပညာရေးစနစ်အား အခမဲ့သင်ကြားနိုင်ရေးဆောင်ရွက်ပေးလျှက်ရှိရာ ခရိုင်၊မြို့နယ်ပညာရေးမှူးများအနေဖြင့်   အခကြေးငွေများကောက်ခံမှုမရှိစေရေး ကြပ်မတ်ဆောက်ရွက်သွားရန်လိုပါကြောင်း၊ ယခုပညာသင်နှစ်တွင်ကျောင်းသားများအားလုံး ကျောင်းတက်ပျက်ကွက်မှုမရှိစေရန်နှင့် အမှန်တကယ်ပညာတတ်မြောက်စေရေး ဆရာ၊ဆရာမများ၊အုပ်ချုပ်ရေးအဖွဲ့များ ဝိုင်းဝန်းပူးပေါင်းဆောင်ရွက်ကြရန်လိုပါကြောင်း၊ကျောင်းသားကျောင်းသူများ ကျောင်းတက်မှန်ကန်စေရေး၊ အတန်းစဉ်ကူးပြောင်းရေး၊ ကျောင်းနေမြဲရေးနှင့် သင်ယူတတ်မြောက်မှု အရည်အသွေးမြင့်မားစေရေး ၊အခြေခံပညာမှတစ်ဆင့် အသက်မွေးဝမ်းကြောင်းပညာ၊ အဆင့်မြင့်ပညာများကို ဆက်လက် သင်ယူနိုင်ရေးဆရာ၊ဆရာမများ အနေဖြင့် ဝိုင်းဝန်းကြိုးစားပေးကြရမှာ ဖြစ်ပါကြောင်း၊ အကြောင်းအမျိုးမျိုးကြောင့်ကျောင်းတက်ပျက်ကွက်နေသည့် ကျောင်းသားကျောင်းသူများ၏ အခက်အခဲများကိုစိစစ်၍ ကျောင်းတက်ရောက်စေရေး စုစည်းဆောင်ရွက်ပေးရန်လိုပါကြောင်း၊ တက္ကသိုလ်ဝင်စာမေးပွဲကျရှုံးကျောင်းသားကျောင်းသူများကိုလည်း ကျောင်းပြန်လည်တက်ရောက်စေရေးနှင့် စာမေးပွဲဖြေဆို အောင်မြင်နိုင်စေရေး စည်းရုံးဆောင်ရွက်ပေးကြရမှာဖြစ်ပါကြောင်း၊  ပညာရေးမှူးများအနေဖြင့် မိမိခရိုင်၊မြို့နယ်များရှိ အခြေခံပညာကျောင်းများသို့ ကွင်းဆင်း၍ ပညာရေးဆိုင်ရာ လိုအပ်ချက်များအား ဖြည့်ဆည်းဆောင်ရွက်ပေးကြရမှာဖြစ်ပါကြောင်း၊ ကျောင်းဥပဓိရုပ်ကောင်းမွန်စေရေး၊ သန့်ရှင်းသာယာမှုရှိစေရေးနှင့် ကျောင်းသား၊ ကျောင်းသူများ အေးချမ်းပျော်ရွှင်စွာ ပညာသင်ကြားနိုင်ရေး ဆရာ၊ဆရာမများ၊ ကျောင်းသားမိဘများ၊ အုပ်ချုပ်ရေးအဖွဲ့များမှ ဝိုင်းဝန်းကြိုးစား ဆောင်ရွက်ပေးကြရန်”ပြောကြားခဲ့ပြီး တိုင်းဒေသကြီးပညာရေးမှူးနှင့် ခရိုင်၊ မြို့နယ်ပညာရေးမှူးများ၏ တင်ပြချက်များအပေါ်  တိုင်းဒေသကြီးဝန်ကြီးချုပ်က လိုအပ်သည်များဖြည့်စွက်မှာကြားခဲ့ကြောင်းသိရသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်ဦးတင်မောင်ဝင်းသည်  တာဝန်ရှိသူများနှင့်အတူ သြဂုတ်လ ၁၄ ရက်နေ့ နံနက်ပိုင်းက ပုသိမ်မြို့ အမှတ်(၅)ရပ်ကွက်တွင် ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာနမှ တာဝန်ယူတည်ဆောက်လျှက်ရှိသည့် ၄ခန်းတွဲ ၄ထပ် ဝန်ထမ်းအိမ်ရာတည်ဆောက်ရေးလုပ်ငန်းခွင်နှင့် ဥမ္မာဒန္တီအိမ်ရာဝင်းရှိ ကျန်းမာရေးဝန်ကြီးဌာန ဝန်ထမ်းအိမ်ရာများသို့ လှည့်လည်ကြည့်ရှုစစ်ဆေးခဲ့ပြီး စည်ပင်သာယာရေးအဖွဲ့ ဝန်ထမ်းများ၊ ရပ်ကွက်အုပ်ချုပ်ရေးမှူးများနှင့် တွေ့ဆုံခဲ့သည်။ ဦးစွာ တိုင်းဒေသကြီးဝန်ကြီးချုပ်သည်  ၄ခန်းတွဲ ၄ထပ် ဝန်ထမ်းအိမ်ရာများ ဆောက်လုပ်နေမှုအခြေအနေကို  မြို့ပြနှင့်အိမ်ရာဖွံ့ဖြိုးရေးဦးစီးဌာန တိုင်းဒေသကြီးဦးစီးဌာနမှူးက ရှင်းလင်းတင်ပြရာ ဝန်ကြီးချုပ်က လုပ်ငန်းခွင်အတွင်း အန္တရာယ်ကင်းရှင်းစေရေးအတွက်အလေးထားဆောင်ရွက်ရေး၊ သတ်မှတ်ဘဏ္ဍာနှစ်အတွင်း အချိန်မီပြီးစီးစေရေး၊လုပ်ငန်းဆောင်ရွက်မှုများစနစ်တကျရှိစေရေး၊ သတ်မှတ်ထားသော အရည်အသွေးများပြည့်မီစေရေးတို့အား မှာကြားပြီး တိုက်ခန်းများအတွင်း ဧည့်ခန်း၊ အိပ်ခန်း၊ ရေချိုးခန်း၊အိမ်သာနှင့်မီးဖို‌ချောင်လုပ်ငန်းများ ဆောက်ရွက်နေမှုအခြေအနေအား လှည့်လည်ကြည့်ရှုစစ်ဆေးသည်။ ဆက်လက်၍ တိုင်းဒေသကြီးဝန်ကြီးချုပ်သည် ဥမ္မာဒန္တီအိမ်ရာဝင်းရှိ ကျန်းမာရေးဝန်ကြီးဌာန ဝန်ထမ်းအိမ်ရာများသို့သွားရောက်၍ တိုက်ခန်းများအတွင်းအပြင် ဆေးသုတ်ပြီးမှုနှင့် အခန်းများဖွဲ့စည်းထားရှိမှုများအား စစ်ဆေးပြီး အဆောက်အဦများရေရှည်တည်တံ့စေရေးအတွက် စနစ်တကျကိုင်တွယ်ထိန်းသိမ်းအသုံးပြုကြရန်၊ တိုက်ခန်းများသန့်ရှင်းသာယာစေရေး ဝိုင်းဝန်းပူးပေါင်းဆောင်ရွက်ပေးရန်မှာကြားသည်။ ယင်းနောက် တိုင်းဒေသကြီး ဝန်ကြီးချုပ်သည် ပုသိမ်မြို့တွင်း သန့်ရှင်းသာယာလှပရေးဆောင်ရွက်ထားရှိမှုအားကမ်းနားလမ်းတစ်လျှောက်နှင့် ပုသိမ်တံတားအ မှတ်(၂)ပေါ်သို့ လှည့်လည်ကြည့်ရှုစစ်ဆေးပြီး အမှတ် ၁၅၊ မြက်တိုရပ်ကွက်၊ စုပေါင်းရုံးရှိ အထွေထွေအုပ်ချုပ်ရေးဦးစီးဌာနအစည်းအဝေးခန်းမ၌ e-ID စနစ်ဖြင့်အိမ်ထောင်စုလူဦးရေစာရင်း ဖြည့်သွင်းခြင်း လုပ်ငန်းများအား ကြည့်ရှုစစ်ဆေးကာ အချက်အလက်များ မှန်ကန်စွာဖြည့်သွင်းရေးနှင့် သတ်မှတ်ကာလအတွင်း အချိန်မီပြီးစီးရေး၊ လျှပ်စစ်မီးကြိုးများစနစ်တကျသွယ်တန်းစေရေးမှာကြားသည်။ ထို့နောက်တိုင်းဒေသကြီး ဝန်ကြီးချုပ်သည် ပုသိမ်မြို့နယ်လမ်းဦးစီးဌာနက တာဝန်ယူတည်ဆောက်လျက်ရှိသည့်  ၂၀၂၂-၂၀၂၃  ဘဏ္ဍာရေးနှစ်၊  ပုသိမ်မြို့ရှောင်လမ်း ၄မိုင်၇ဖာလုံ လမ်းချဲ့ခြင်းလုပ်ငန်းအားကြည့်ရှုစစ်ဆေးပြီး လုပ်ငန်းများဆောင်ရွက်နေစဉ်ကာလအတွင်း ယာဉ်အန္တရာယ်ကင်းရှင်းစေရေး၊ လမ်းပုခုံးများစနစ်တကျရှိစေရေး၊ အရည်အသွေးပြည့်မီစေရေးအလေးထားဆောင်ရွက်ရန်မှာကြားခဲ့သည်။ ဆက်လက်၍ ဝန်ကြီးချုပ်သည် ကမ်းနားလမ်းရှိ တိုင်းဒေသကြီးစည်ပင်သာယာရေးအဖွဲ့ ရုံး၌ ခရိုင်အုပ်ချုပ်ရေးမှူး၊မြို့နယ်အုပ်ချုပ်ရေးမှူး၊စည်ပင်သာယာရေးအဖွဲ့ များ၊ ရပ်ကွက်ကျေးရွာ အုပ်ချုပ်ရေးမှူးများနှင့်တွေ့ဆုံခဲ့ရာ မြို့နယ်စည်ပင်သာယာရေးအဖွဲ့ အမှုဆောင်အရာရှိက မြို့တွင်းရေစီးရေလာကောင်းမွန်စေရေး Box Culvert များဆောင်ရွက်ထားရှိမှု၊ရေမြောင်းများတူးဖော်မှုနှင့် ဆက်လက်ဆောင်ရွက်သွားမည့် လုပ်ငန်းစဉ်များအားရှင်းလင်းတင်ပြသည်။ထို့နောက် ရပ်ကွက်အုပ်ချုပ်ရေးမှူးများက ရပ်ကွက်အတွင်း ရေစီးရေလာကောင်းမွန်စေရေး၊သန့်ရှင်းသာယာလှပရေး အခြေအနေများအား တင်ပြဆွေးနွေးခဲ့ရာ တိုင်းဒေသကြီး ဝန်ကြီးချုပ်က တိုင်းဒေသကြီးအတွင်းရှိ မြို့နယ်များအား Green City ၊ Clean City ဖြစ်စေရေးနှင့် မြို့အင်္ဂါရပ်နှင့်အညီ သန့်ရှင်းသာယာလှပရေးအတွက် ဆောင်ရွက်ပေးလျှက်ရှိရာ ပြည်သူများအားလုံး ပူးပေါင်းပါဝင်စေရေး စည်ရုံးဆောင်ရွက်ပေးကြရန်၊ ရပ်ကွက်နေပြည်သူများ၏ ကျန်းမာရေးဆိုင်ရာကိစ္စရပ်များ၊လုံခြုံရေးဆိုင်ရာ ကိစ္စရပ်များကိုလည်း သက်ဆိုင်ရာဌာနများနှးင့်ပေါင်းစပ်ဆောင်ရွက်ကြရန် ပြောကြားခဲ့ပြီး တင်ပြချက်များအပေါ်  သက်ဆိုင်ရာဌာန၊အဖွဲ့အစည်းများနှင့်ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။

ဧရာဝတီတိုင်းဒေသကြီးအတွင်းရှိမြို့နယ်၊ မြို့၊ ရပ်ကွက်၊ ကျေးရွာများတွင် အပတ်စဉ်စနေနေ့တိုင်း ဌာနဆိုင်ရာများ၊တပ်ရင်းတပ်ဖွဲ့များ၊ စည်ပင်သာယာရေးအဖွဲ့များ၊ လူမှုရေးအသင်းအဖွဲ့များနှင့် ရပ်ကွက်နေပြည်သူများ၏ စုပေါင်းသန့်ရှင်းရေးဆောင်ရွက်လျက်ရှိရာ တိုင်းဒေသကြီးအစိုးရအဖွဲ့ဝန်ကြီးချုပ်ဦးတင်မောင်ဝင်းနှင့် တာဝန်ရှိသူများသည်အတူ သြဂုတ်လ ၁၃ ရက်နေ့နံနက်ပိုင်းက ပုသိမ်မြို့တွင်း စုပေါင်းသန့်ရှင်းရေးဆောင်ရွက်ခြင်း၊ ရေစီးရေလာကောင်းမွန်စေရေးဆောင်ရွက်ခြင်းနှင့် တည်ဆောက်ရေးလုပ်ငန်းများအားကြည့်ရှုစစ်ဆေးခဲ့သည်။ ဦးစွာတိုင်းဒေသကြီး ဝန်ကြီးချုပ်သည် တောင်ပေါ်လမ်း ပုသိမ်တက္ကသိုလ်မုဒ်ဦးရှေ့မှ အင်ကြင်းဆောင်ရှေ့အထိ  ၁၇၀၀ပေ×၈ပေ× ၆ လက်မ ထုရှိသော ကွန်ကရစ်လူသွားလမ်းဖော်ဆောင်နေမှုအား ကြည့်ရှုစစ်ဆေးပြီး လမ်းအရည်အသွေးကောင်းမွန်ရေးနှင့် အောက်ခံကျောက်ခွဲကြမ်းများ စတင်ခင်းကျင်းစဉ်ကပင် အမာခံရရှိစေရန်အတွက် စက်များဖြင့်စနစ်တကျဖိကြိတ်စေရေး၊ သတ်မှတ်ကာလအတွင်းပြီးစီးစေရေးမှာကြားခဲ့ပြီး တက္ကသိုလ်ဝင်းအတွင်း စုပေါင်းသန့်ရှင်းရေးဆောင် ရွက်နေမှုများ၊ ရေမြောင်းများ ရေစီးရေလာကောင်းမွန်စေရေးတို့အား မှာကြားပြီး ဝငန်ကျွန်းသာ၊ ထုံးဘိုရပ်ကွက်၊အကောက်ဆိပ်ရပ်ကွက်များသို့ ဆက်လက်သွားရောက်ပြီး ဌာနဆိုင်ရာများ၊တပ်ရင်းတပ်ဖွဲ့များ၊ စည်ပင်သာယာရေးအဖွဲ့များ၊ လူမှုရေးအသင်းအဖွဲ့များ၊ ပြည်သူများ၏ စုပေါင်းသန့်ရှင်းရေးဆောင်ရွက်နေမှုများနှင့် ရေမြောင်းများ ရေစီးရေလာကောင်းမွန်ရေးအတွက် ‌တူးဖော်နေမှုများ၊ ရေမြောင်းများအတွင်း ပလတ်စတစ်များ၊ အမှိုက်များပိတ်ဆို့မှုမရှိစေရေးတို့အတွက် ရှင်းလင်းဆောင်ရွက်နေမှုများအား ကြည့်ရှုစစ်ဆေးသည်။ ဆက်လက်၍ တိုင်းဒေသကြီးဝန်ကြီးချုပ်သည် ပုသိမ်မြို့ကမ်းနားလမ်းတစ်လျှောက် သန့်ရှင်းသာယာလှပစေရန်ပြင်ဆင်ဆောင်ရွက်ထားမှုနှင့် ပုသိမ်မြစ်ရေလမ်းကြောင်းတိုးတက်ရေးဆိုင်ရာလုပ်ငန်းများအား သင်္ဘောဖြင့် မြစ်ကြောင်းတစ်လျှောက် လှည့်လည်ကြည့်ရှုစစ်ဆေးခဲ့ရာ တိုင်းဒေသကြီးမြန် မာ့ဆိပ်ကမ်းအာဏာပိုင်နှင့် တိုင်းဒေသကြီးရေအရင်းအမြစ်နှင့်မြစ်ချောင်းများဖွံ့ဖြိုးတိုးတက်ရေးဦးစီးဌာန ဦးစီးမှူးတို့က ဘဏ္ဍာနှစ်အလိုက် ကမ်းနားလမ်း တိုးချဲ့ဆိပ်ခံတံတား(Jetty)တည်ဆောက်ခြင်းနှင့် ပုသိမ်မြစ် ရေလမ်းကြောင်းတိုးတက်ရေးဆိုင်ရာ လုပ်ငန်းများ၏ ဆောင်ရွက်ပြီး၊ဆောင်ရွက်ဆဲနှင့် ဆက်လက်ဆောင်ရွက်မည့် လုပ်ငန်းအစီအမံများရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်မှ ဆိပ်ခံတံတားတည်ဆောက်ရာတွင် သတ်မှတ်ထားသော ဘဏ္ဍာနှစ်အတွင်း အချိန်မီပြီးစီးရေးအပြင် စံချိန်စံညွှန်းနှင့် အရည်အသွေးကောင်းမွန်ရေးတို့အား အလေးထားဆောင်ရွက်ရေး၊ ရေလမ်းကြောင်းအကွေ့အကောက်များအား ပြေပြစ်အောင်ဆောင်ရွက်ရေးနှင့် ရေတိမ်နေရာများအား လိုအပ်သောရေအနက်ရရှိရန်ဆောင်ရွက်ရေးနှင့် ခေတ်မီတွန်းဆွဲ ရေယာဉ်များအား ရေ‌လမ်းကြောင်းအကွေ့နေရာများ၌ အရံအသင့်ထားရှိဆောင်ရွက်ရေးတို့အား သက်ဆိုင်ရာဌာနများမှ တာဝန်ရှိသူများအား လမ်းညွှန်မှာကြားသည်။  ယင်းနောက် ပုသိမ်မြို့နယ်လမ်းဦးစီးဌာနက တာဝန်ယူတည်ဆောက်လျက်ရှိသည့်  ၂၀၂၂-၂၀၂၃  ဘဏ္ဍာရေးနှစ်၊  ပုသိမ်မြို့ရှောင်လမ်း ၄မိုင်၇ဖာလုံ အား လမ်းချဲ့ခြင်းလုပ်ငန်း၊ ပုသိမ်ပြည်သူ့ဆေးရုံ ကိုးထပ်တိုးချဲ့ဆောင်တည်ဆောက်ရေးလုပ်ငန်းများ၏ တိုးတက်မှုအခြေအနေများ ၊အမှတ်(၂)ပုသိမ်တံတားအဆင်း ပုသိမ်မြို့တွင်းလမ်း (၁၁၃/၀မှ၁၁၃/၁)မိုင်အတွင်း လမ်းချဲ့၍ကတ္တရာကွန်ကရစ်ခင်းခြင်းလုပ်ငန်းနှင့် ကိုးသိန်းအားကစားကွင်း အရှေ့ဘက်ပွဲကြည့်စင် (၁၂၀ပေ×၂၀ပေ)(၂)ထပ် (၂)စင် တည်ဆောက်ရေးလုပ်ငန်းခွင်များအား ကြည့်ရှုစစ်ဆေးပြီး တာဝန်ရှိသူများ၏ လုပ်ငန်းဆောင်ရွက်မှု တင်ပြချက်များအပေါ် ဝန်ကြီးချုပ်က လုပ်ငန်းများဆောင်ရွက်နေစဉ်ကာလအတွင်း သတ်မှတ်ထားသောကာလများအတွင်း အချိန်မီပြီးစီးစေရေးအတွက် အလေးထားဆောင်ရွက်ရန်နှင့် အရည်အသွေးများကောင်းမွန်ရေး၊သတ်မှတ်ထားသော စံချိန်စံညွှန်းများပြည့်မီရေး၊ယာဉ်အန္တရာယ်ကင်းရှင်းစေရေး၊ လမ်းပုခုံးများစနစ်တကျရှိစေရေးများနှင့် အဆောက်အဦနှင့် လမ်းများရေရှည်တည်တံ့အောင်စနစ်တကျပြုပြင်ထိန်းသိမ်းရေး လုပ်ငန်းများအား စဉ်ဆက်မပြတ်ဆောင်ရွက်ရေး မှာကြားခဲ့ကြောင်းသိရသည်။