၂၀၂၁ ခုနှစ်၊ဧရာဝတီတိုင်းဒေသကြီးစီမံအုပ်ချုပ်ရေးကောင်စီဥက္ကဌဖလား၊ အသက် ၂၁ နှစ်နှင့် အောက် အမျိုးသားဘောလုံးပြိုင်ပွဲကျင်းပရေး လုပ်ငန်ညှိနှိုင်းအစည်းအဝေးကို (၂၁.၄.၂၀၂၁) ရက်နေ့ နံနက် ၁၀:၀၀ နာရီက တိုင်းဒေသကြီးစီမံအုပ်ချုပ်ရေးကောင်စီရုံး အစည်းအဝေးခန်းမ(၁) ၌ ကျင်းပြုလုပ်သည်။ အဆိုပါအခန်းအနားသို့ တိုင်းဒေသကြီးစီမံအုပ်ချုပ်ရေးကောင်စီဥက္ကဌ ဦးရဲမြင့်၊ ကောင်စီအဖွဲ့ဝင်များ၊ တိုင်းကောင်စီရုံးမှတာဝန်ရှိသူများ၊ တိုင်းအားကစားနှင့်ကာယပညာဦးစီးဌာ ညွှန်ကြားရေးမှူး ဦးစိုးညွန်တာဝန်ရှိသူများ၊တိုင်းအတွင်းရှိ အားကစားနှင့်ကာယပညာဦးစီးဌာန ၊ ၆ ခရိုင်မှ လက်ထောက်ညွှန်ကြားရေးမှူးများ တက်ရောက်ခဲ့ကြသည်။ ရှေးဦးစွာတိုင်းဒေသကြီးစီမံအုပ်ချုပ်ရေးကောင်စီဥက္ကဌ ဦးရဲမြင့်က အဖွင့်အမှာ စကားပြောကြားသည်။ ဆက်လက်ပြီးပြိုင်ပွဲကျင်းပရေးဦးစီးကော်မတီ ဥက္ကဌ ၊ တိုင်းဒေသကြီးစီမံအုပ်ချုပ်ကောင်စီအဖွဲ့ဝင် (၁) ဗိုလ်မှူးကြီးကျော်စွာလှိုင်က ပြိုင်ပွဲကျင်းရေးလုပ်ငန်းများနှင့် ပတ်သက်၍ လုပ်ငန်းများ အကြောင်းကိုရှင်းလင်းဆွေးနွေးသည်။ ၎င်းနောက် တိုင်းဒေသကြီး အားကစားနှင့်ကာယပညာဦးစီးဌာန ညွှန်ကြားရေးမှူး ဦးစိုးညွန်က ပြိုင်ပွဲကျင်းပမည် အစီအစဉ်များ၊ ဆောင်ရွက်ရမည့်လုပ်ငန်များကိုလည်းကောင်း၊ အားကစားနှင့်ကာယပညာဦးစီးဌာန(၆)ခရိုင်မှ လက်ထောက်ညွှန်ကြားရေးမှူးများက ပြိုင်ပွဲဝင်ရောက်ယှဉ်ပြိုင်ရန် ဆောင်ရွက်ထားမှုအခြေအနေများကိုလည်းကောင်း ရှင်းလင်းတင်ပြဆွေးနွေးကြသည်။ ၎င်းနောက်တက်ရောက်လာကြသူများက ပြိုင်ပွဲကြီး အောင်မြင်စွာကျင်းပနိုင်ရေးအတွက် လိုအပ်ချက်များ၊ အထွေထွေကိစ္စရပ်များကိုဆွေးနွေးကြသည်။ ထိုနောက် တိုင်းဒေသကြီးစီမံအုပ်ချုပ်ရေးကောင်စီဥက္ကဌ ဦးရဲမြင့်က နိဂုံးချုပ်စကားပြောကြားကာ လုပ်ငန်းညှိနှိုင်းအစည်းအဝေးကိုရုပ်သိမ်းခဲ့သည်။ အဆိုပါဘောလုံးပြိုင်ပွဲကို တိုင်းဒေသကြီးအတွင်းရှိ ပုသိမ်၊ ဟင်္သာတ၊ မြောင်းမြ၊ မအူပင်၊ ဖျာပုံနှင့် လပွတ္တာခရိုင်များမှ အသင်းများပါဝင်ယှဉ်ပြိုင်ကြမှာဖြစ်ပြီး ပြိုင်ပွဲကို ကျောက်တိုင်ဘောလုံးကွင်းတွင် ဧပြီ ၂၈ရက်နေ့မှာ စတင်ကျင်းပမှာဖြစ်ပြီး ဗိုလ်လုပွဲကို မေ၇ ရက်နေ့တွင်ကျင်းပမှာဖြစ်ကြောင်းသိရသည်။

ဧရာဝတီတိုင်းဒေသကြီး၊ ပုသိမ်မြို့၊ တိုင်းဒေသကြီးစီမံအုပ်ချုပ်ရေးကောင်စီရုံး၊ အစည်းအဝေးခန်းမ(၁)၌ (၂၀.၄.၂၀၂၁)ရက်နေ့ နေ့လည် ၁၃:၀၀နာရီ အချိန်က(COVID-19)ကာကွယ်၊ ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ (၁၀/၂၀၂၁) လုပ်ငန်းညှိနှိုင်းအစည်းအဝေး ကျင်းပပြုလုပ်သည်။ အခမ်းအနားသို့ တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌ ဦးရဲမြင့်၊တိုင်းဒေသကြီးစီမံအုပ်ချုပ် ရေးကောင်စီအဖွဲ့ဝင်ဗိုလ်မှူးကြီးကျော်စွာလှိုင်၊တိုင်းဒေသကြီးစီမံအုပ်ချုပ်ရေးကောင်စီအဖွဲ့ဝင်များ၊ တိုင်းဒေသကြီး ဥပဒေချုပ် ဒေါ်ခင်ခင်နွယ်၊ တိုင်းဒေသကြီးပြည်သူ့ကျန်းမာရေးဦးစီးဌာနမှူး ဒေါက်တာဇော်မင်းထွန်း၊ တိုင်းဒေသကြီးစီမံအုပ်ချုပ်ရေးကောင်စီရုံးမှ တာဝန်ရှိသူများ၊ ပုသိမ်မြို့နယ်စီမံအုပ်ချုပ်ရေးအဖွဲ့ရုံးမှ ဦးစီးအရာရှိ ဦးယောမင်းထွန်းတို့တက်ရောက်ခဲ့ကြသည်။ ရှေးဦးစွာ တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌ ဦးရဲမြင့်မှ အဖွင့်အမှာ စကားပြောကြားခဲ့ပါတယ်။ ထို့နောက် တိုင်းဒေသကြီးစီမံအုပ်ချုပ်ရေးအဖွဲ့ဝင် တိုင်းဒေသကြီး (COVID-I9) ကာကွယ်၊ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ အတွင်းရေးမှူးဗိုလ်မှူးကြီးကျော်စွာလှိုင်က ယခင်နေ့ အစည်းအဝေးမှတ်တမ်းအပေါ်လုပ်ငန်းများ ဆောင်ရွက်ထားရှိမှုနှင့် ကော်မတီ၏လုပ်ငန်းအဆင့်ဆင့် ဆောင်ရွက်ထားရှိမှုများကို ရှင်းလင်းတင်ပြဆွေးနွေးခဲ့ပါတယ်။

၂၀၂၁ခုနှစ်၊ ဧပြီလ၊ (၁၇)ရက်နေ့၊ (၀၇၀၀)အချိန်တွင် ပုသိမ်မြို့၊ မြို့တော်ခန်းမရှေ့ (ငဝန်မြစ်)၌ကျင်းပပြုလုပ်သည့် ဇီဝိတဒါနဘေးမဲ့ငါးလွှတ်ပွဲအခမ်းအနားသို့ ဧရာဝတီ တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌ ဦးရဲမြင့်၊ ကောင်စီအဖွဲ့ဝင်(၁) ဗိုလ်မှူးကြီး ကျော်စွာလှိုင်၊ ကောင်စီအဖွဲ့ဝင်များ၊ ကောင်စီအတွင်းရေးမှူး ဦးသန်းဆွေဝင်း၊ တိုင်းဒေသကြီး ဥပဒေချုပ်၊ တိုင်းဒေသကြီးသာသနာရေးဦးစီးဌာန တိုင်းဦးစီးမှူး၊ တိုင်းဒေသကြီးငါးလုပ်ငန်း ဦးစီးဌာန တိုင်းဦးစီးမှူးနှင့် တာဝန်ရှိသူများ တက်ရောက်ခဲ့ကြကာ (၃"၊ ၄")အရွယ်အစားရှိ ငါးမြစ်ချင်းအကောင်ရေ(၁)သိန်းအား ငါဝန်မြစ်အတွင်းသို့ဘေးမဲ့လွှတ်၍ ဇီဝိတဒါနကုသိုလ် ပြုခဲ့ကြပြီး (၁၀၀၀)နာရီ အချိန်တွင် စက်တော်ရာဘိုးဘွားရိပ်သာ၌ ကျင်းပပြုလုပ်သည့် သက်ကြီးရွယ်အိုဘိုးဘွားများအား ပူဇော်ကန်တော့ခြင်းအခမ်းအနားသို့ တက်ရောက်၍ တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌမှ ဂုဏ်ပြုအမှာစကားပြောကြားကာ ပူဇော် ကန်တော့ခံဘိုးဘွားများအား လက်အုပ်ချီမိုးကန်တော့၍ အလှူငွေနှင့်လှူဖွယ်ပစ္စည်းများ ပေးအပ်လှူဒါန်းခဲ့ပါသည်။ ဆက်လက်၍ တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌနှင့်အဖွဲ့သည် (၁၅၀၀)နာရီ အချိန်တွင် မြို့တော်ခန်းမ၌ ကျင်းပပြုလုပ်သည့် နှစ်သစ်မင်္ဂလာအန္တရာယ်ကင်းပရိတ် တရားတော်ရွတ်ပွားချီးမြှင့်ပွဲနှင့် ဂိုဏ်းပေါင်းစုံဆရာတော်ကြီးများထံမှ သြဝါဒခံယူပွဲအခမ်း အနားသို့တက်ရောက်ခဲ့ပြီး တိုင်းဒေသကြီးသံဃနာယကအဖွဲ့(သုဓမ္မာ)ဥက္ကဋ္ဌ၊ မရမ်းချို ကျောင်းတိုက်၊ ပဓာနနာယကဆရာတော် ဘဒ္ဒန္တသောဘိတ (အဂ္ဂမဟာဂန္ထဝါစကပဏ္ဍိတ၊ အဂ္ဂမဟာသဒ္ဓမ္မဇောတိကဓဇ)အရှင်သူမြတ်ထံမှ ငါးပါးသီလ ခံယူဆောက်တည်ခြင်း၊ ဆရာတော်အရှင်သူမြတ်များချီးမြှင့်တော်မူသော အန္တရာယ်ကင်းပရိတ် တရားတော်များ နာယူကြည်ညိုခြင်း၊ တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌမှ သာသနာရေးဆိုင်ရာများ လျှောက်ထားခြင်း၊ ညောင်ပင်သာစာသင်တိုက် ပဓာနနာယကဆရာတော် ဘဒန္တဝိဿုတ (အဘိဓဇမဟာရဋ္ဌဂုရု၊ အဂ္ဂမဟာပဏ္ဍိတမဟာထေရ်မြတ်ထံမှ သြဝါဒခံယူခြင်း၊ ဆရာတော် အရှင်သူမြတ်များအား လှူဖွယ်ပစ္စည်းများဆက်ကပ်လှူဒါန်းခြင်း၊ တိုင်းဒေသကြီးသံဃ နာယကအဖွဲ့(ရွှေကျင်)ဥက္ကဋ္ဌ၊ မောင်းထောင်ကျောင်းတိုက် ပဓာနနာယကဆရာတော် ဘဒ္ဒန္တ ပညာဓိက(အဂ္ဂမဟာဂန္ထဝစကပဏ္ဍိတ၊ အဂ္ဂမဟာသဒ္ဓမ္မဇောတိကဓဇ) အရှင်သူမြတ်ထံမှ အနုမောဒနာတရားနာကြားခြင်းများဆောင်ရွက်ခဲ့ကာ ကုသိုလ်ကောင်းမှုအစုစုတို့အတွက် ရေစက်သွန်းချအမျှပေးဝေခဲ့ပြီး ဗုဒ္ဓသာသနံ စိရံ တိဌတု သုံးကြိမ်ရွတ်ဆို၍ အခမ်းအနားအား ရုပ်သိမ်းခဲ့ကြောင်း သတင်းရရှိပါသည်။

၂၀၂၁ခုနှစ်၊ ဧပြီလ၊ (၉)ရက်နေ့၊ (၁၄၀၀)အချိန်၌ ပုသိမ်မြို့၊ ပြည်သူ့ဆေးရုံကြီးတွင် ကျင်းပပြုလုပ်သည့် ပြည်သူ့ဆေးရုံကြီးရှိ ကျန်းမာရေးဝန်ထမ်းများအား စားသောက်ကုန်များ ထောက်ပံ့ပေးအပ်ပွဲအခမ်းအနားသို့ ဧရာဝတီတိုင်းဒေသကြီးစီမံအုပ်ချုပ်ရေး ကောင်စီဥက္ကဋ္ဌ ဦးရဲမြင့်၊ ကောင်စီအဖွဲ့ဝင်(၁) ဗိုလ်မှူးကြီးကျော်စွာလှိုင်၊ ကောင်စီအဖွဲ့ဝင်များ၊ တိုင်းဒေသကြီး ပြည်သူ့ကျန်းမာရေးနှင့်ကုသရေးဦးစီးဌာနမှ တိုင်းဦးစီးမှူး ဒေါက်တာဇော်မင်းထွန်း၊ ခေတ္တဆေးရုံအုပ်ကြီး ဒေါက်တာကောင်းမြတ်စိုးနှင့် တာဝန်ရှိသူများ တက်ရောက်ခဲ့ပါသည်။ အခမ်းအနားတွင် တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌမှ အဖွင့်အမှာစကား ပြောကြားခဲ့ပြီး ထောက်ပံ့ပေးအပ်သည့် စားသောက်ကုန်များအား တိုင်းဒေသကြီးစီမံအုပ်ချုပ် ရေးကောင်စီဥက္ကဋ္ဌနှင့်အဖွဲ့ဝင်များမှ ခေတ္တဆေးရုံအုပ်ကြီးနှင့် ကျန်းမာရေးဝန်ထမ်းများထံသို့ ပေးအပ်ခဲ့ပါသည်။ ကျန်းမာရေးဝန်ထမ်း(၂၀၅)ဦးအား (၁)ဦးလျှင် ငွေကျပ်(၁၅၈၀ဝိ/-) တန်ဖိုးရှိ ဆန်(၁)အိတ်၊ ဆီ(၂)ဗူး၊ ကြက်ဥ(၁၀)လုံး ထောက်ပံ့ပေးအပ်ခဲ့ပြီး စုစုပေါင်းတန်ဖိုးမှာ (၃၂၃၉၀၀ဝိ/-)(သုံးဆယ့်နှစ်သိန်းသုံးသောင်းကိုးထောင်ကျပ်)ဖြစ်ကြောင်း သတင်းရရှိပါသည်။

၂၀၂၁ ခုနှစ်၊ ဧပြီလ၊ (၈)ရက်နေ့၊ မွန်းလွဲ (၁၄၀၀)နာရီအချိန်၌ ဧရာဝတီတိုင်းဒေသကြီး စီမံအုပ်ချုပ်ရေးကောင်စီရုံး၊ အစည်းအဝေးခန်းမ(၁)တွင် ကျင်းပပြုလုပ်သည့် နိုင်ငံတော်စီမံ အုပ်ချုပ်ရေးကောင်စီ၏ လမ်းညွှန်မှာကြားချက်များကို တိုင်းဒေသကြီးအဆင့် ဌာနဆိုင်ရာ များသို့ ထပ်ဆင့်ရှင်းလင်းသည့် အစည်းအဝေးသို့ တိုင်းဒေသကြီးစီမံအုပ်ချုပ်ရေးကောင်စီ ဥက္ကဋ္ဌ ဦးရဲမြင့်၊ ကောင်စီအဖွဲ့ဝင်(၁) ဗိုလ်မှူးကြီးကျော်စွာလှိုင်၊ ကောင်စီအဖွဲ့ဝင်များ၊ ကောင်စီအတွင်းရေးမှူးဦးသန်းဆွေဝင်းနှင့် တိုင်းဒေသကြီးအဆင့်ဌာနဆိုင်ရာများ တက်ရောက် ခဲ့ကြပါသည်။ အစည်းအဝေးတွင် တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌမှ နိုင်ငံတော်စီမံ အုပ်ချုပ်ရေးကောင်စီဥက္ကဋ္ဌ၏ လမ်းညွှန်မှာကြားချက်များအား တိုင်းဒေသကြီးအဆင့် ဌာန ဆိုင်ရာများသို့ ထပ်ဆင့်ညွှန်ကြားခဲ့ပြီးနောက် တိုင်းဒေသကြီးအဆင့်ဌာဆိုင်ရာများမှ မိမိတို့ ဌာနအလိုက် လုပ်ငန်းဆောင်ရွက်ထားရှိမှု အခြေအနေများအား ပြန်လည်ရှင်းလင်းတင်ပြခဲ့ရာ တိုင်းဒေသကြီးစီမံအုပ်ချုပ်ရေးကောင်စီဥက္ကဋ္ဌမှ လိုအပ်သည်များကို ညှိနှိုင်းပေါင်းစပ်ဆောင်ရွက်ပေးခဲ့ကြောင်း သတင်းရရှိပါသည်။