ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် အစိုးရအဖွဲ့ဝင်ဝန်ကြီးများ၊ ဌာနဆိုင်ရာများနှင့်အတူ ဒီဇင်ဘာလ ၂ ရက်နေ့ နံနက်ပိုင်းက မြောင်းမြခရိုင်သို့ သွားရောက်၍ ပြည်သူ့အကျိုးပြု ဒေသဖွံ့ဖြိုးရေးလုပ်ငန်းများအား ကွင်းဆင်းဆောင်ရွက်ခဲ့သည်။ ရှေးဦးစွာ တိုင်းဒေသကြီး ဝန်ကြီးချုပ်သည် အိမ်မဲမြို့နယ်၊ ဘုရားကြီးကုန်းကျေးရွာ၊ တောင်သူ ဦးစိန်မောင်သန်း၏ လယ်မြေ (၈.၈၁) ဧက၌ ပြုလုပ်သည့် ဆင်းရွှေကြာ-၁ စပ်မျိုးနေကြာ အား မျိုးစေ့ချကိရိယာဖြင့် စိုက်ပျိုးသရုပ်ပြပွဲ နှင့် ဆိုလာစနစ်ဖြင့် ရေပေးစိုက်ပျိုးနေမှုများအား ကြည့်ရှုအားပေးကာ နေကြာစိုက်တောင်သူများနှင့် ရင်းရင်းနှီးနှီး တွေ့ဆုံခဲ့သည်။ ယင်းနောက် တိုင်းဒေသကြီး ဝန်ကြီးချုပ်သည် အိမ်မဲမြို့နယ်ပြည်သူ့ဆေးရုံကြီး၌ မြောင်းမြခရိုင်ပြည်သူ့ဆေးရုံကြီးမှ အထွေထွေရောဂါကု၊ ခွဲစိပ်အထူးကု၊ သွားနှင့်ခံတွင်းအထူးကု၊ အရေပြား အထူးကု၊ မျက်စိအထူးကု၊ အရိုးအကြောအထူးကု၊ ကလေးအထူးကု၊ နားနှာခေါင်းနှင့်လည်ချောင်း အထူးကု၊ သားဖွားမီးယပ်အထူးကု ဆရာဝန်ကြီးများက ပြည်သူများအား ဆေးကုသပေးနေမှုအား ကြည့်ရှုအားပေးပြီး လာရောက်ကုသပေးသည့် အထူးကုဆရာဝန်ကြီးများအား အမှတ်တရ လက်ဆောင် ပစ္စည်းများပေးအပ်ခဲ့သည်။ ဆက်လက်၍ အိမ်မဲမြို့ပြည်သူ့ဆေးရုံဝန်း၌ မွေးခန်းနှင့်ခွဲစိပ်ခန်းအပါ တိုးချဲ့နှစ်ထပ်ဆောင် အလျား ၉၇ပေ၊ အနံ၆၀ပေ တည်ဆောက်ရေးလုပ်ငန်းဆောင်ရွက်နေမှုများအား ကြည့်ရှုစစ်ဆေးပြီး တာဝန်ရှိသူများ၏ ရှင်းလင်းတင်ပြချက်များအပေါ် တိုင်းဒေသကြီး ဝန်ကြီးချုပ်က “လုပ်ငန်းများ ဆောင်ရွက်ရာတွင် သတ်မှတ် အရည်အသွေး စံချိန်စံညွှန်း ပြည့်မီရန်လိုအပ်သလို အချိန်မီ ပြီးစီးရန်လည်းလိုအပ်ကြောင်းနှင့် လုပ်ငန်းခွင်အတွင်း အန္တရာယ်ကင်းရှင်းစေရေးနှင့်  အဆောက်အဦ ဆောက်လုပ်နေမှုအား သက်ဆိုင်ရာဌာနမှ တာဝန်ရှိသူများက အလေးထားကြပ်မတ်စစ်ဆေးရန် ”လမ်းညွှန်မှာကြားခဲ့ပြီး ဝန်ကြီးချုပ်သည် အိမ်မဲမြို့နယ်၊ ကညင်ကွင်းကျေးရွာအုပ်စု၊ အနောက်စုကျေးရွာတွင် (၇၅)နှစ်မြောက် စိန်ရတုလွတ်လပ်ရေးနေ့အား ကြိုဆိုဂုဏ်ပြုသောအားဖြင့် ၂၀၂၂-၂၀၂၃ဘဏ္ဍာရေးနှစ်၊ ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း(VDP)ဖြင့် ဆောင်ရွက်သည့် အလျား၁၂၇၀ပေ၊ အကျယ်၈ပေနှင့် ထု၆လက်မရှိ ကွန်ကရစ်လမ်းသစ်ဖွင့်ပွဲ အခမ်းအနားသို့ တက်ရောက်ကာ တာဝန်ရှိသူများနှင့်အတူ ဖဲကြိုးဖြတ်ဖွင့်လှစ်ပေးပြီး ကွန်ကရစ်လမ်းသစ်အား လှည့်လည်ကြည့်ရှုစစ်ဆေးခဲ့သည်။ အဆိုပါလမ်းဖွင့်လှစ်ခြင်းကြောင့် အနောက်စုကျေးရွာရှိ အိမ်ခြေ(၁၀၁)အိမ်မှ လူဦးရေ (၃၇၉)ဦးအတွက် သွားလာရေးနှင့် ကုန်စည်စီးဆင်းမှုအတွက် အထောက်အကူပြုနိုင်မည်ဖြစ်သည်။ ယင်းနောက် တိုင်းဒေသကြီးဝန်ကြီးချုပ်သည် ဝါးခယ်မမြို့နယ်၊ ကြခတ်ကုန်းကျေးရွာအုပ်စု၊ ကြခတ်ကုန်းကျေးရွာရှိ Kubota လယ်ယာသုံးပစ္စည်းအရောင်းပြခန်းသို့ ရောက်ရှိပြီး ကြခတ်ကုန်းကျေးရွာ မီးလင်းရေးအတွက် 400V ဓာတ်အားလိုင်းသွယ်တန်း ဆောင်ရွက်ရန် Kubota လယ်ယာသုံး ပစ္စည်းရောင်းဝယ်ရေး ကုမ္ပဏီမှ လှူဒါန်းသောပစ္စည်းများ၊ ကုမ္ပဏီမှပြသထားသော ထွန်စက်၊ ရိတ်သိမ်းခြွေလှေ့စက်များအားကြည့်ရှုခဲ့ပြီး တောင်သူများနှင့်ရင်းရင်းနှီးနှီးတွေ့ဆုံ၍ မိုးစပါးအထွက်နှုန်းများ၊ ဈေးကွက်အတွင်းရောင်းချရမှု၊ ပဲအမျိုးမျိုးနှင့် နေကြာစိုက်ပျိုးနေမှုများနှင့် သိရှိလိုသည်များကို မေးမြန်းခဲ့ရာ တောင်သူများက ပြန်လည်ဖြေကြားခဲ့သည်။ ယင်းနောက် တိုင်းဒေသကြီးဝန်ကြီးချုပ်သည်  ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာနက ၂၀၂၂-၂၀၂၃ဘဏ္ဍာရေးနှစ်၊ တိုင်းဒေသကြီးရန်ပုံငွေဖြင့် ဆောင်ရွက်သည့် မြောင်းအလျား ၂.၅၁၉မိုင်၊ ထိပ်ဝအကျယ်၂၀ပေ၊အောက်ခြေအကျယ်၆ပေနှင့် ပျမ်းမျှအနက် ၇ပေရှိ ရွှေလောင်းကျွန်းအတွင်းရှိ မွန်ချောင်းမြောင်းနှင့် လက်ခွဲမြောင်းပြန်လည်တူးဖော်ခြင်းလုပ်ငန်းအား ကြည့်ရှုစစ်ဆေးပြီး လုပ်ငန်းဆောင်ရွက်ရာတွင် သတ်မှတ်အရည်အသွေး စံချိန်စံညွှန်းများ ပြည့်မီရန် နှင့် အချိန်မီပြီးစီးရန်၊ စိုက်ပျိုးရေအား တောင်သူများ အကျိုးရှိရှိ အသုံးချရန်၊ ဆိုလာစနစ်ဖြင့် ရေတင်နိုင်ရေး ဆောင်ရွက်ကြရန်ညွှန်ကြားခဲ့ပြီး ဒေသခံ တောင်သူများနှင့် ရင်းရင်းနှီးနှီးတွေ့ဆုံ၍  တင်ပြချက်များအပေါ် သက်ဆိုင်ရာဌာနများနှင့် ပေါင်းစပ်ညှိနှိုင်း ဆောင်ရွက်ပေးခဲ့သည်။ အဆိုပါ မြောင်းများ တူးဖော်ပြီးစီးပါက အနီးပတ်ဝန်းကျင်ကျေးရွာများမှ လယ် ဧက ၈၀၀ အား အကျိုးပြုနိုင်မည် ဖြစ်ကြောင်း သိရသည်။

နေပြည်တော်၌ကျင်းပပြုလုပ်မည့် ၂၀၂၃ခုနှစ်၊ (၇၅)နှစ်မြောက် စိန်ရတု လွတ်လပ်ရေးနေ့ အထိမ်းအမှတ် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌဖလား ပြည်နယ်နှင့် တိုင်းဒေသကြီး အသက်(၁၈)နှစ်အောက် အမျိုးသမီးဘောလုံးပြိုင်ပွဲနှင့် ပြည်နယ်နှင့် တိုင်းဒေသကြီး (အလွတ်တန်းဖိတ်ခေါ်)အမျိုးသား/အမျိုးသမီး ဘော်လီဘောပြိုင်ပွဲသို့ ဝင်ရောက်ယှဉ်ပြိုင်ကြမည့် တိုင်းဒေသကြီးကိုယ်စားပြုအသင်းများအား အောင်နိုင်ရေးအလံပေးအပ်ပွဲကို ဒီဇင်ဘာလ ၁ ရက်နေ့ နံနက်ပိုင်းက ဧရာဝတီတိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ(၂)တွင် ကျင်းပ ပြုလုပ်ရာ တိုင်းဒေသကြီးဝန်ကြီးချုပ် ဦးတင်မောင်ဝင်း၊ အစိုးရအဖွဲ့ဝင်ဝန်ကြီးများ၊ အားကစား နှင့်ကာယပညာဦးစီးဌာနမှ တာဝန်ရှိသူများနှင့် ပြိုင်ပွဲဝင် အားကစားသမားများ၊ အုပ်ချုပ်သူနည်းပြများ တက်ရောက်ကြပါသည်။  ဦးစွာ တိုင်းဒေသကြီးဝန်ကြီးချုပ်အား အုပ်ချုပ်သူနည်းပြများ၊  ပြိုင်ပွဲဝင်အားကစားသမား များနှင့် တစ်ဦးချင်းမိတ်ဆက်ပေးပြီး အသင်းအုပ်ချုပ်သူတစ်ဦးမှ ပြိုင်ပွဲဝင်ရောက်ယှဉ်ပြိုင်မည့် အစီအစဉ်များအား ရှင်းလင်းတင်ပြသည်။ ယင်းနောက် တိုင်းဒေသကြီးဝန်ကြီးချုပ်က  တိုင်းဒေသကြီးကိုယ်စားပြု အသက်(၁၈)နှစ်အောက် အမျိုးသမီးဘောလုံးအသင်းသည် (၈)ခရိုင် ဘောလုံးပြိုင်ပွဲ ကျင်းပပြုလုပ်ပြီး ရွေးချယ်ထားသည့် လက်ရွေးစင်ကစားသမားများနှင့် ဖွဲ့စည်းထားခြင်းဖြစ်ပါကြောင်း၊ ဧရာဝတီတိုင်းဒေသကြီး၏ အမျိုးသမီးဘောလုံးအားကစား အသင်းသည် အောင်မြင်မှုအစဉ်အလာ ကောင်းသည့် အသင်းဖြစ်ကြောင်း၊ ဘော်လီဘော ပြိုင်ပွဲဝင် ကစားသမားများအနေဖြင့်လည်း တိုင်းဒေသကြီးအတွင်း ခရိုင်အသီးသီးမှ လက်ရွေးစင် ကစားသမားများ ရွေးချယ်ထားခြင်းဖြစ်သောကြောင့် ယခင်ကထက် ပိုမိုတိုးတက်အောင် ဆောင်ရွက်နိုင်မည်ဟု ယုံကြည်ပါကြောင်း၊ အားကစားသမားများအနေဖြင့် အသင်းအဖွဲ့ စိတ်ဓာတ်၊ အချိတ်အဆက် မျှမျှတတဖြင့် ကြိုးစားယှဉ်ပြိုင် သွားကြရန်၊ ကျန်းမာရေးကို အထူးဂရုစိုက်ကြရန် နှင့် အာဟာရပြည့်ဝသည့် အစားအစာများကို စားသောက်ကြဖို့ လိုပါကြောင်း၊ အသင်းအုပ်ချုပ် သူများအနေဖြင့်လည်း စည်းကမ်းစနစ်တကျ ဖြစ်စေရေး ကြပ်မတ်ဆောင်ရွက်ပေးရန်နှင့် တိုင်းဒေသကြီး ဂုဏ်ဆောင်နိုင်အောင် ကြိုးစားကြရန် ပြောကြားပြီး ဝင်ရောက် ယှဉ်ပြိုင်ကြမည့် အသက်(၁၈)နှစ်အောက် အမျိုးသမီး ဘောလုံး အသင်းနှင့် အမျိုးသား/ အမျိုးသမီး ဘော်လီဘောအသင်းမှ တာဝန်ရှိသူများထံသို့ အောင်နိုင်ရေးအလံနှင့် ချီးမြှင့် ထောက်ပံ့ငွေများ ပေးအပ်ခဲ့ကြောင်း သတင်းရရှိသည်။

ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် အစိုးရအဖွဲ့ရအဖွဲ့ဝင် ဝန်ကြီးများနှင့်အတူ နိုဝင်ဘာလ ၃၀ ရက်နေ့ နံနက်ပိုင်းက ကျုံပျော်ခရိုင်အတွင်းသို့ ဒေသဖွံ့ဖြိုးရေးလုပ်ငန်းများ ကွင်းဆင်းဆောင်ရွက်ခဲ့သည်။ ဦးစွာတိုင်းဒေသကြီး ဝန်ကြီးချုပ်သည် ကျုံပျော်ခရိုင်၊ ကျောင်းကုန်းမြို့နယ်၊ ကောက်ကြီးကုန်းကျေးရွာရှိ  လယ်ဧက(၂၅၀)အား ဆည်မြောင်းနှင့်ရေအသုံးချမှု စီမံခန့်ခွဲရေး ဦးစီးဌာန(ရေအရင်းအမြစ်)မှ လျှပ်စစ်ရေတင်လုပ်ငန်းဖြင့် စိုက်ပျိုးရေးလုပ်ငန်းအတွက် ဆောင်ရွက်ပေးနေမှုနှင့် တောင်သူ(၄)ဦး၏ လယ်ဧက(၃၂)ဧက၌ ဆင်းသုခအမျိုးအစား နွေစပါးစိုက်ပျိုးရန် အတွက် စုပေါင်းထွန်ယက်နေမှုအား ကြည့်ရှုအားပေးပြီး တောင်သူများနှင့်ရင်းရင်းနှီးနှီးတွေ့ဆုံ၍ မိုးစပါးတစ်ဧကအထွက်နှုန်း၊ ဈေးကွက်အတွင်းရောင်းချရသည့် ဈေးနှုန်းများအား မေးမြန်းခဲ့ပြီး အထွက်တိုး မျိုးကောင်းမျိုးသန့်များသုံးစွဲကြရန်နှင့် စနစ်တကျမြေပြင်ခြင်းလုပ်ငန်းများ ဆောင်ရွက် ကြရန်လိုပါကြောင်း၊ သဘာဝမြေသြဇာနှင့် ဓာတ်မြေသြဇာများကို အချိုးကျသုံးစွဲကြစေရေး နှင့် မိရိုးဖလာ စိုက်ပျိုးနည်းများအပြင် ခေတ်မီစိုက်ပျိုးနည်းစနစ်များ၊ စက်ကိရိယာများ အသုံးပြု   ဆောင်ရွက်ကြရမှာဖြစ်ပါကြောင်း၊ ပန်းတိုင်အထွက်နှုန်းများရရှိစေရေး ကြိုးစား ဆောင်ရွက်ကြစေ လိုကြောင်းနှင့် ကုန်ထုတ်လမ်းအား မပျက်စီးစေရန်အတွက် တောင်သူများ ကလည်း ဝိုင်းဝန်းထိန်းသိမ်းပေးစေလိုကြောင်း”လမ်းညွှန်မှာကြားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်သည် ကျောင်းကုန်းမြို့နယ်၊ ဂုန်မင်းကျေးရွာ ရှိ တောင်သူ ဦးဂျိုးမင်း၏ လယ်မြေ၌ ရေဆင်း-၁ စပ်မျိုးနေကြာ သီးသန့်စိုက်ပျိုးခြင်း စံပြကွက်၌ နေကြာစိုက်ပျိုးပြီးစီးမှုနှင့် အပင်များရှင်သန်ဖြစ်ထွန်းနေမှု အားကြည့်ရှုအားပေးသည်။ ယင်းနောက် ရိုးပြတ်ကျန်ဧရိယာများတွင် စပါးအပါအဝင် သီးနှံများ စိုက်ပျိုးနိုင်ရေး ရေရရှိစေရန်အတွက် ကျုံတာဖျားနှင့် အရှေ့ချောင်းဖျားရွာသို့ ဆက်သွယ်သော အလျား ၄.၅၅မိုင်၊ အကျယ် ၃၆ ပေနှင့် အနက် ၈ ပေရှိ ရေမြောင်းမကြီးနှင့် မြောင်းလက်တက်များ တူးဖော်ခြင်း လုပ်ငန်း၊ ဂုန်မင်းကျေးရွာ အုပ်စု၊ ပေ(၂၀)သံလမ်းတံတားမှ လယ်တီစု အမှတ်(၁)မြောင်းထိပ်အထိ အလျား ၁.၅မိုင်၊ အကျယ် ၃၆ ပေနှင့် အနက် ၇ ပေရှိ မြောင်းဖော်တူးဖော်ခြင်းလုပ်ငန်းနှင့် ရင်းတိုက်ငူ-အုန်းပင်စု အလျား ၁.၄၂ မိုင်၊ အကျယ် ၃၆ ပေနှင့် အနက် ၇ ပေရှိ ရေနုတ် မြောင်းတူးဖော်ခြင်း လုပ်ငန်းများကို ၂၀၂၂-၂၀၂၃ ဘဏ္ဍာရေးနှစ်၊ တိုင်းဒေသကြီး ငွေလုံးငွေရင်း ရန်ပုံငွေဖြင့် ဆောင်ရွက်နေမှုအား ကြည့်ရှုစစ်ဆေးပြီး တာဝန်ရှိသူများ၏ ရှင်းလင်း တင်ပြချက်ချက်များအပေါ် တိုင်းဒေသကြီး ဝန်ကြီးချူပ်က ကြည့်ရှုစစ်ဆေးပြီး “လုပ်ငန်းဆောင်ရွက်ရာတွင် သတ်မှတ် အရည်အသွေး စံချိန်စံညွှန်းများ ပြည့်မီရန် နှင့် အချိန်မီပြီးစီးရန်၊ စိုက်ပျိုးရေအား တောင်သူများ အကျိုးရှိရှိ အသုံးချရန်၊ ဆိုလာ စနစ်ဖြင့် ရေတင်နိုင်ရေး ဆောင်ရွက်ကြရန်နှင့် ကုန်ထုတ်လမ်း ဖောက်လုပ်ပေးမည့် အစီအမံများ အား ရှင်းလင်းဆွေးနွေးပြီး ဒေသခံ တောင်သူများနှင့် ရင်းရင်းနှီးနှီးတွေ့ဆုံ၍  တင်ပြချက်များ အပေါ် သက်ဆိုင်ရာဌာနများနှင့် ပေါင်းစပ်ညှိနှိုင်း ဆောင်ရွက်ပေး ခဲ့သည်။ အဆိုပါ ရေမြောင်းများ တူးဖော်ပြီးစီးပါက ဂုန်မင်းကျေးရွာ၊ အုန်းပင်စုကျေးရွာနှင့် ထိပ်အုပ် ကျေးရွာတို့မှ လယ် ၉၅၀ ဧကအား အကျိုးပြုနိုင်မည် ဖြစ်ကြောင်း သိရသည်။

ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် အစိုးရအဖွဲ့ဝင် ဝန်ကြီးများ၊ ဌာနဆိုင်ရာများနှင့်အတူ နိုဝင်ဘာလ ၃၀ ရက်နေ့ နံနက်ပိုင်းက ပုသိမ်စက်မှုမြို့တော်စီမံကိန်းသို့ သွားရောက်ကြည့်ရှု စစ်ဆေးခဲ့ကြောင်းသိရသည်။ ရှေးဦးစွာ တိုင်းဒေသကြီး ဝန်ကြီးချုပ်သည် ပုသိမ်စက်မှုမြို့တော်စီမံကိန်းသို့ သွားရောက်၍ ဆန်ဖြူချောထုတ်လုပ်နေမှုအခြေအနေ၊ ဆန်စက်ယူနစ်အသစ်များ တိုးချဲ့တပ်ဆင်နေမှုအခြေအနေ နှင့် စပါးခွံလောင်စာသုံး Gasifierဖြင့် လျှပ်စစ် ထုတ်လုပ်နိုင်ရန် မီးဖိုတပ်ဆင်နေမှုအားလည်းကောင်း၊ အထည်ချုပ်စက်ရုံ(၂)ရုံ အဆောက်အဦ အချောသပ်လုပ်ငန်းများ ဆောင်ရွက် နေမှုအား လည်းကောင်း၊  ကောက်ပဲသီးနှံမျိုးစုံ သိုလှောင်ရောင်းဝယ်ရန်နေရာ (Commodity Trade Center)သိုလှောင်ရုံ အဖြစ်အသုံးပြုမည့် အဆောက်အဦအားလည်းကောင်း၊ ဆန်စက် တည်ဆောက်ရန် ဆောက်လုပ်နေမှုအားလည်းကောင်း၊ ယာယီအပြည်ပြည်ဆိုင်ရာကုန်တင်ကုန်ချ ဆိပ်ကမ်းတွင် ဘင်္ဂလားဒေ့ရှ်နိုင်ငံသို့ ဆန်တင်ပို့ရန် MV MCL-19 သင်္ဘောတွင် ဆန်တင်ဆောင် ပြီးစီးမှုအား လည်းကောင်း လှည့်လည်ကြည့်ရှုစစ်ဆေးရာ စက်မှုမြို့တော်စီမံကိန်း ဒုတိယဥက္ကဋ္ဌက စီမံကိန်းလျာထားမှု၊ တိုးတက်ပြီးစီးမှုအခြေအနေနှင့် ဆက်လက် ဆောင်ရွက်မည့် လုပ်ငန်းစဉ်များအား လိုက်လံရှင်းလင်း တင်ပြသည်။ ယင်းနောက် ပုသိမ်စက်မှုမြို့တော် စီမံကိန်းရုံးအစည်းအဝေးခန်းမတွင် သက်ဆိုင်ရာဌာနဆိုင်ရာများ၊ ရင်းနှီးမြှုပ်နှံမည့် လုပ်ငန်းရှင်များနှင့် တွေ့ဆုံခဲ့ရာ စီမံကိန်းဒုတိယဥက္ကဋ္ဌက စီမံကိန်း ဆက်လက်ဆောင်ရွက်မည့် အခြေအနေများ၊ ပြည်တွင်း/ပြည်ပရင်းနှီးမြှုပ်နှံမှု၊ အလုပ်အကိုင်အခွင့်အလမ်းများ ဖော်ဆောင်ပေးနေမှုများစသည့် စီမံကိန်းအကြောင်းအရာ အကျဉ်း ချုပ်အား ရှင်းလင်းတင်ပြသည်။ ယင်းနောက် တိုင်းဒေသကြီးဝန်ကြီးချုပ်က“စက်မှုမြို့တော် စီမံကိန်း အကောင်အထည်ဖော် ဆောင်ရွက်နိုင်ရန်အတွက် လျှပ်စစ် လိုအပ်ချက်များ ဖြည့်ဆည်းပေးနိုင်ရေး ညှိနှိုင်းပေါင်းစပ်ပေးလျက်ရှိပါကြောင်း၊ ဆိုလာစနစ်ဖြင့် လျှပ်စစ်ဓာတ်အား လိုအပ်ချက်ကို အမြန်ဆုံးဖြည့်ဆည်း ပေးနိုင်မည်ဖြစ်ပါကြောင်း၊ စက်ရုံအလုပ်ရုံများ လည်ပတ်နေပြီဖြစ်သဖြင့်  အလုပ်အကိုင် အခွင့်အလမ်းများ ပိုမိုရရှိလာပြီ ဖြစ်ပါကြောင်း၊ လိုအပ်ချက်များအပေါ် ဌာနဆိုင်ရာ အသီးသီးက ဖြည့်ဆည်းဆောင်ရွက်ပေးနိုင်သည်များ ညှိနှိုင်းပေါင်းစပ် ဆောင်ရွက်ပေးသွားရန်”ပြောကြားသည်။ ထို့နောက် စီမံကိန်း ဒုတိယဥက္ကဋ္ဌ၊ သက်ဆိုင်ရာဌာနများနှင့် ရင်းနှီးမြှုပ်နှံမည့် လုပ်ငန်းရှင်များ၏ အထွေထွေဆွေးနွေးတင်ပြချက်များအပေါ် တိုင်းဒေသကြီး ဝန်ကြီးချုပ်က လိုအပ်သည်များအား ဖြည့်စွက်ဆွေးနွေးခဲ့ပြီး ပေါင်းစပ်ညှိနှိုင်းဆောင်ရွက်ပေးခဲ့ကြောင်းသိရသည်။

နေပြည်တော်တွင်ကျင်းပပြုလုပ်မည့် ၂၀၂၃ခုနှစ်၊စိန်ရတုလွတ်လပ်ရေးနေ့အထိမ်းအမှတ် နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌဖလား ပြည်နယ်နှင့်တိုင်းဒေသကြီး အသက်(၁၈)နှစ်အောက် အမျိုးသမီးဘောလုံးပြိုင်ပွဲသို့ ဝင်ရောက်ယှဉ်ပြိုင်မည့် ဧရာဝတီတိုင်းဒေသကြီးအသင်း ဖွဲ့စည်းနိုင်ရေးအတွက် ခြေစမ်းဘောလုံးပြိုင်ပွဲအား နိုဝင်ဘာလ ၂၉ ရက်နေ့ ညနေပိုင်းက ကိုးသိန်းဘောလုံးအားကစားကွင်း၌ ပြုလုပ်ရာ တိုင်းဒေသကြီးဝန်ကြီးချုပ် ဦးတင်မောင်ဝင်းနှင့်ဇနီး၊ အစိုးရအဖွဲ့ဝင် ဝန်ကြီးများနှင့်ဇနီးများ၊ ဘောလုံးဝါသနာရှင် ပြည်သူများတက်ရောက်ခဲ့ကြသည်။ ခြေစမ်းဘောလုံးပြိုင်ပွဲမစတင်မီ ဒိုင်လူကြီးများ ဦးဆောင်၍ နှစ်ဖက်ကစားသမားများ ကွင်းအတွင်းဝင်ရောက် နေရာယူကြပြီးနောက် တိုင်းဒေသကြီး ဝန်ကြီးချုပ်အား နှစ်ဖက်အသင်းမှ အားကစားသမားများ၊ကွင်းလယ်ဒိုင်၊စည်းကြပ်ဒိုင်များနှင့်တစ်ဦးချင်းမိတ်ဆက်ပေးသည်။ ယင်းနောက် ခြေစမ်းပွဲအား ဧရာဝတီ(က) အသင်းနှင့် ဧရာဝတီ(ခ)အသင်းတို့ အကြိတ်အနယ်ယှဉ်ပြိုင်ကစားခဲ့ကြရာ ဧရာဝတီ(က)အသင်းက ဧရာဝတီ(ခ)အသင်းအား ၄ ဂိုး- ၂ ဂိုးဖြင့်အနိုင်ရရှိခဲ့ကြောင်းသိရသည်။