ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် အစိုးရအဖွဲ့ဝင် ဝန်ကြီးများ၊ တာဝန်ရှိသူများနှင့်အတူ ယနေ့နံနက်ပိုင်းက မြန်အောင်ခရိုင်အတွင်းရှိ တောင်သူများ၏ စိုက်ပျိုးရေးလုပ်ငန်းလိုအပ်ချက်များအား ကွင်းဆင်းဖြည့်ဆည်း ဆောင်ရွက်ပေးခဲ့ကြောင်းသိရသည်။ ရှေးဦးစွာ တိုင်းဒေသကြီးဝန်ကြီးချုပ်သည် ကြံခင်းမြို့နယ်၊ ဆိပ်သာကျေးရွာရှိ တောင်သူဦးဝင်းတင်၏ မိုးနေကြာဆင်းရွှေကြာ(၂ )စိုက်ခင်းနှင့် နှမ်းစိုက်ခင်းစိုက်ပျိုးဖြစ်ထွန်းနေမှုနှင့် ဝတ်မှုန်ကူးခြင်းလုပ်ငန်းများ ဆောင်ရွက်နိုင်ရန် ပျားပုံးများဖြင့်ပျားမွေးမြူထားရှိမှုအားကြည့်ရှုအားပေးခဲ့သည်။ ထို့နောက် ကြံခင်းမြို့နယ်အထွေထွေအုပ်ချုပ်ရေးဦးစီးဌာန ဧရာဦးခန်းမ၌ မြို့နယ်အတွင်းရှိဌာနဆိုင်ရာများ၊ တောင်သူများနှင့်တွေ့ဆုံပွဲသို့တက်ရောက်ခဲ့ပြီး  တိုင်းဒေသကြီးဝန်ကြီးချုပ်က“ဧရာဝတီတိုင်းဒေသကြီးသည် စိုက်ပျိုးရေးတိုင်းဒေသကြီးဖြစ်သည်နှင့်အညီ စံပြစိုက်ပျိုးရေးတိုင်းဒေသကြီးဖြစ်စေရေးနှင့် စီးပွား​ရေး၊ ပညာ​ရေး၊ ကျန်းမာ​ရေးနှင့်တည်ငြိမ်​အေးချမ်း​ရေးမှအစပြု၍ဘက်​ပေါင်းစုံတွင်​ကောင်းမွန်သည့်အ​ခြေအ​နေအားဆက်လက်ထိန်းသိမ်း​ဆောင်ရွက်လျက်ရှိပါ​ကြောင်း၊ တိုင်း ဒေသကြီးတွင် ရေတော်မိုးတော်၊ သဲဆန်ကုန်းချော မိုးစပါးစိုက်ဧကများ ရာနှုန်းပြည့်စိုက်ပျိုးပြီးစီး၍ ထွန်းတုံးပိတ်သိမ်းပွဲများ ဆောင်ရွက်ခဲ့ပြီး ရေကြီးကွင်း၊ ရေနက်ကွင်း စိုက်ဧကများကိုလည်း မိုးရာသီအမီ ရာနှုန်းပြည့်စိုက်ပျိုးသွားမှာဖြစ်ပါကြောင်း၊  အယ်နီညိုဖြစ်ပွားနိုင်မှုကိုသုံးသပ်ပြီး ဆောင်းသီးနှံနှင့် နွေသီးနှံများ အောင်ရေရရှိရန် ရာသီဥတုခန့်မှန်းတွက်ချက်မှုများဖြင့် ဆောင်ရွက်ရန်လိုပါကြောင်း၊ ချောင်းပိတ်၊ မြောင်းပိတ်များကြိုတင်စီမံဆောင်ရွက်ရန်နှင့် ဒုတိယသီးနှံစိုက်ပျိုးနိုင်ရေးအတွက်ကြိုတင်တွက်ချက်ဆောင်ရွက်ထားရန်လည်းလိုပါကြောင်း၊ တိုင်းဒေသကြီးအတွင်း ဆီဖူလုံစေးရေး မြေပဲ၊ နှမ်း၊ နေကြာ တိုးချဲ့စိုက်ပျိုးနိုင်ရေးအတွက် တောင်သူများ၊ ဌာနဆိုင်ရာများနှင့် ပူးပေါင်းဆောင်ရွက်လျက်ရှိပါကြောင်း၊ မြန်အောင်ခရိုင်အတွင်း မိုး နေကြာဧက(၆)ထောင် လျာထားဆောင်ရွက်လျက်ရှိပြီး ဒေသနှင့်ကိုက်ညီသည့် အထွတ်တိုးနေကြာမျိုးများအသုံးပြု၍ နေကြာ စိုက်ပျိုးအောင်မြင်ဖြစ်ထွန်းစေရေးအတွက်လည်း ကြိုးစားစိုက်ပျိုးရန်လည်းလိုအပ်ပါကြောင်းနှင့် တောင်သူများ၏ လိုအပ်ချက်များကိုလည်းဖြည့်ဆည်း ဆောင်ရွက်ပေးသွားမှာ ဖြစ်ပါကြောင်း”အဖွင့်အမှာစကားပြောကြားသည်။ ဆက်လက်၍ ကြံခင်းမြို့နယ်နှင့် မြန်အောင်မြို့နယ်စီမံအုပ်ချုပ်ရေးအဖွဲ့ဥက္ကဌများက မြို့နယ်အတွင်းရှိ အုပ်ချုပ်ရေး၊ လူမှုရေး၊ စိုက်ပျိုးရေးလုပ်ငန်းဆောင်ရွက်ချက်များအားလည်းကောင်း၊ စိုက်ပျိုးရေးဦးစီးဌာန တိုင်းဒေသကြီးဦးစီးမှူးက စပါးအထွက်နှုန်းတိုးတက်ရေးနှင့် ဆီထွက်သီးနှံနေကြာအထွက်နှုန်း တိုးတက်စေရေးအောင်မြင်အောင် ဆောင်ရွက်ထားရှိမှုအားလည်းကောင်း ရှင်းလင်းတင်ပြချက်များအပေါ် တိုင်းဒေသကြီး ဝန်ကြီးချုပ်က လိုအပ်သည်များဖြည့်စွက်ဆွေးနွေးခဲ့ပြီး သီးထပ်စွမ်းအားများတိုးမြှင့်စိုက်ပျိုးနိုင်စေရန်၊ စိုက်ပျိုး မြေများရာနှုန်းပြည့်စိုက်ပျိုးစေရန်ဆီထွက်သီးနှံများပိုမိုတိုးချဲ့စိုက်ပျိုး၍ အောင်မြင်အောင်ဆောင်ရွက်ရန်နှင့် စိုက်ပျိုးသီးနှံများ ပန်းတိုင်အထွက်နှုန်းရရှိစေရေး ကြိုးစားဆောင်ရွက်ပေးရန်မှာကြားခဲ့ပြီး တောင်သူများထံသို့ ယူရီးဓာတ်မြေဩဇာအားလည်းကောင်း၊ နေကြာမျိုးစေ့အားလည်းကောင်း၊ ကော်ဖီပျိုးပင်များအားလည်းကောင်း၊  ပိုက်ဆံလျှော်မျိုးစေ့များအားလည်းကောင်း အသီးသီးထောက်ပံ့ပေးအပ်ခဲ့ကြောင်းသိရသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် မြန်အောင်မြို့နယ်၊ တယ်ကုန်းကျေးရွာ ရှိ ဦးသန်းဇော်ပါ တောင်သူ၄ဦး ၏ မိုးနေကြာ ရေဆင်း-၁၊  (၃)ဧက စိုက်ခင်းဖြစ်ထွန်းအောင်နေမှုများအားကြည့်ရှုအားပေးခဲ့ပြီး တောင်သူများနှင့်တွေ့ဆုံ၍ ဆီထွက်နှုန်းကောင်းမွန်သည့် အထွက်တိုးနေကြာမျိုးများအသုံးပြုစိုက်ပျိုးရန်၊ ထွက်ရှိလာသည့်နေကြာစေ့များအားဆီကြိတ်ခွဲအသုံးပြုရန်၊ နေကြာစိုက်ပျိုးနိုင်သည့်နေရာများတွင် နေကြာတိုးချဲ့စိုက်ပျိုးကြရန်နှင့် တိုင်းဒေသကြီးအတွင်းဆီဖူလုံစေရေးအတွက် ဝိုင်းဝန်းကြိုးစားဆောင်ရွက်ပေးကြရန် မှာကြားခဲ့ပြီး တောင်သူများထံ အထွက်တိုးနေကြာမျိုးစေ့များထောက်ပံ့ပေးအပ်ခဲ့ကြောင်းသိရသည်။

ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် တာဝန်ရှိသူများနှင့်အတူ ယနေ့မွန်းလွဲပိုင်းတွင် မအူပင်ခရိုင်အတွင်းရှိ စိုက်ပျိုးရေးလုပ်ငန်းများအားကြည့်ရှုစစ်ဆေးခဲ့သည်။ ရှေးဦးစွာ တိုင်းဒေသကြီးဝန်ကြီးချုပ်သည် မအူပင်ခရိုင်၊ ညောင်တုန်းမြို့နယ်၊ အရွှဲကျေးရွာ ရန်ကုန်-ပုသိမ်ကားလမ်းဘေးရှိ တောင်သူ ဦးခင်မြင့်၏ လယ်မြေ(၁၂)ဧကတွင် မြန်မာနိုင်ငံဆန်စပါးစိုက်ပျိုးထုတ်လုပ်သူများအသင်း (Myanmar Paddy Producers Association) စပါးမျိုးသန့်စိုက်ခင်းတွင် ဆင်းသုခ (RS) မျိုးစပါး စိုက်ပျိုးနေမှုအားကြည့်ရှုအားပေးခဲ့ပြီး တာဝန်ရှိသူများက မျိုးသန့်စိုက်ခင်း စိုက်ပျိုးမှုအခြေအနေများရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်မှ အထွက်တိုးမျိုးကောင်းမျိုးသန့်မျိုးစပါးများ ရာနှုန်းပြည့်လွှမ်းခြုံနိုင်ရေးပိုမိုတိုးချဲ့စိုက်ပျိုးရန်၊ သဘာဝမြေဩဇာနှင့်ဓါတ်မြေဩဇာအချိုးကျသုံးစွဲရန်နှင့် ပန်းတိုင်အထွက်နှုန်းရရှိစေရေးဆောင်ရွက်ရန်မှာကြားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ကျုံပျော်ခရိုင်၊ ကျောင်းကုန်းမြို့နယ်၊ ကံကလေးကျေးရွာ၊ တောင်သူ ဦးကျော်ဝင်း၏ လယ်မြေ (၁၀) ဧကတွင် ပြုလုပ်သည့်  ၂၀၂၃-၂၀၂၄ မိုးစပါး ရေတော်မိုး တော် မြို့နယ်ထွန်းတုံးပိတ်ပွဲတက်ရောက်ခဲ့ပြီး ချမ်းမြေ့မေ မျိုးစပါး စနစ်တကျစိုက်ပျိုးနေမှုအား ကြည့်ရှုအားပေးခဲ့သည်။ ထို့နောက် တောင်သူများနှင့်တွေ့ဆုံ၍ အထွက်တိုး မျိုးကောင်းမျိုးသန့်များ ပြောင်းလဲသုံးစွဲခြင်း၊ ခေတ်မီစိုက်နည်းစနစ်များပြောင်းလဲစိုက်ပျိုးခြင်း၊ သဘာဝမြေဩဇာ၊ဓါတ်မြေဩဇာများအချိုးကျသုံးစွဲခြင်း၊ သစ်စိမ်း​မြေသြဇာ(ပိုက်ဆံ​လျှော်)ထည့်သွင်းစိုက်ပျိုးခြင်းများဖြင့် ပန်းတိုင်အထွက်နှုန်းတိုးတက်ထွက်ရှိစေရေးဆောင်ရွက်ထားရှိပါကြောင်း၊ တောင်သူများအနေဖြင့်လည်း စနစ်တကျလိုက်ပါဆောင်ရွက်ကြသည်ကိုလည်းတွေ့ရှိရပါကြောင်းနှင့် တိုင်းဒေသကြီး၏ စိုက်ပျိုးရေးလုပ်ငန်းများပိုမိုတိုးတက်စေရေးဆောင်ရွက်ကြရန်မှာကြားခဲ့ပြီး ဖျော်ဖြေရေးအဖွဲ့များအတွက် ထောက်ပံ့ငွေများပေးအပ်ခဲ့သည်။ ကျုံပျော်ခရိုင်အနေဖြင့် ၂၀၂၃-၂၀၂၄ မိုးစပါး ရေတော်မိုးတော် စိုက်ဧက နှစ်သိန်းငါးသောင်း ခြောက်ထောင်ကျော်၊ သဲဆန်ကုန်းချော စိုက်ဧက ခုနှစ်ရာကျော်တို့အား ရာနှုန်းပြည့်စိုက်ပျိုးပြီးစီးပြီဖြစ်ကြောင်းသိရသည်။

အမှတ်ပေးဘောလုံးပြိုင်ပွဲမှတစ်ဆင့် သက်တမ်းအလိုက်၊ မြို့နယ်အဆင့်ခရိုင်အဆင့်၊ တိုင်း‌ဒေသကြီးအဆင့်မှသည် နိုင်ငံ့လက်ရွေးစင်များအထိ ထူးချွန်ထက်မြက်သည့် မျိုးဆက်သစ် အားကစားသမားများ ထွက်ပေါ်လာစေရန် ရည်ရွယ်၍ ဧရာဝတီတိုင်းဒေသကြီး၊ပုသိမ်မြို့၌ Pathein League 2023 အမှတ် ပေးဘောလုံးပြိုင်ပွဲ ဖွင့်ပွဲအခမ်းအနားအား ယနေ့ညနေပိုင်းက ေကျာက်တိုင်အားကစားကွင်း၌ ပြုလုပ်ရာ  တိုင်းဒေသကြီးဝန်ကြီးချုပ် ဦးတင်မောင်ဝင်း၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်း၊ ခရိုင်၊ မြို့နယ်အဆင့်ဌာနဆိုင်ရာများ၊ ပြိုင်ပွဲဝင်အားကစားသမားများ၊ ဘောလုံးဝါသနာရှင်များ တက်ရောက်ခဲ့ကြသည်။  Pathein League 2023 m ဖွင့်ပွဲအခမ်းအနားတွင် စစ်ကြောင်းမှူးမှဦးဆောင်၍ ပြိုင်ပွဲဝင်အသင်းများက တိုင်းဒေသကြီးဝန်ကြီးချုပ်အားအလေးပြုခြင်းနှင့်တန်းအပ်ခြင်းများဆောင်ရွက်ခဲ့ပြီးနောက် တိုင်းဒေသကြီးဝန်ကြီးချုပ်က “ မိမိတို့ပုသိမ်မြို့အနေဖြင့် Pathein League 2023 အမှတ်ပေးပြိုင်ပွဲကို အသင်း၁၀သင်းဖြင့်ဝင်ရောက်ယှဉ်ပြိုင်သည့်အတွက် အားကစားသမားများ၊ ပြိုင်ပွဲကျင်းပနိုင်ရေးဆောင်ရွက်ပေးကြသူများအားလုံးကို ဂုဏ်ယူချီးကျူးပါကြောင်း၊ Pathein League 2023 ပွဲစဉ်များအတွက် မြန်မာနိုင်ငံဘောလုံးအဖွဲ့ချုပ်မှ လာရောက်အားပေးချီးမြှင့်ခြင်းနှင့် အားကစားပစ္စည်းများ၊ ရန်ပုံငွေများပေးအပ်ခြင်းတို့အထိ ပူးပေါင်းဆောင်ရွက်ပေးသည်ကိုတွေ့ရှိရ၍ တိုင်းဒေသကြီးအစိုးရအဖွဲ့အနေဖြင့်လည်းဂုဏ်ယူပါကြောင်း၊ အပျော်တမ်းအမှတ်ပေး League ဖြစ်သော်လည်း ပြိုင်ပွဲဝင်အသင်းများတွင် အတွေ့အကြုံရှိ နိုင်ငံလက်ရွေးစင်အားကစားသမားများ ၊ ပြည်နယ်နှင့်တိုင်း ဒေသကြီး လက်ရွေးစင်အားကစားသမားများ၊ မြန်မာ နေရှင်နယ်လိဂ်မှအားကစားသမားများပါဝင်သည့်အတွက် အခြားလူငယ်အားကစားသမားများက အတုယူကြိုးစားနိုင်မှာဖြစ်ပါကြောင်း၊ တိုင်းဒေသကြီးအစိုးရအဖွဲ့အနေဖြင့် နယ်ပယ်အသီးသီးရှိအားကစားကဏ္ဍအလိုက်အားပေးမြှင့်တင်လျက်ရှိရာ ယခုကဲ့သို့ အားကစားစိတ်ဓါတ်မြင့်မားသည့်Pathein League 2023 ပြိုင်ပွဲ ကျင်းပနိုင်ခြင်းဟာလည်းတိုင်းဒေသကြီး၏ဘောလုံးအားကစားကဏ္ဍမြင့်မားစေရေးအတွက်များစွာအထောက်အကူဖြစ်ပါကြောင်း၊ အားကစားသမားများ၊ အသင်းတည်ထောင်သူများအနေဖြင့်လည်း မိမိတို့အသင်းအတွက် တန်ဖိုးရှိအားကစားဖြစ်စေရေး၊ ထိုမှတစ်ဆင့် တိုင်းဒေသကြီးနှင့်နိုင်ငံ့လက်ရွေးစင်အားကစားသမားများဖြစ်စေရေး ကြိုးစားပါဝင်ဆင်နွှဲကြရန်  ”  တိုက်တွန်းမှာကြား၍ဘောလုံးပြိုင်ပွဲအား ဖွင့်လှစ်ပေးခဲ့သည်။ ထို့နောက်  Pathein League 2023 ပြိုင်ပွဲအတွက် တိုင်းဒေသကြီးဝန်ကြီးချုပ်နှင့် မြန်မာနိုင်ငံဘောလုံးအဖွဲ့ချုပ် အထွေထွေ အတွင်းရေးမှူးတို့မှ ရန်ပုံငွေများနှင့် အားကစားပစ္စည်းများပေးအပ်ခဲ့ကြသည်။ ဆက်လက်၍ စစ်ကြောင်းမှူးဦးဆောင်သည့် ပြိုင်ပွဲဝင်အသင်းများက ဝန်ကြီးချုပ်အား အလေးပြုခြင်းနှင့် အားကစားသစ္စာအဓိဌာန် ၄ချက်အားရွတ်ဆိုခြင်းများကို ဆောင်ရွက်ခဲ့ကြပြီးနောက် ပြိုင်ပွဲဝင်အသင်းများက ကွင်းအတွင်းမှပြန်လည်ထွက်ခွာခဲ့ကြသည်။ယင်းနောက် တိုင်းဒေသကြီးဝန်ကြီးချုပ်နှင့်တာဝန်ရှိသူများသည် အဖွင့်ပွဲစဉ်အဖြစ်  Ranger FCအသင်းနှင့် KKL FC အသင်းတို့၏ အကြိတ်အနယ် ယှဉ်ပြိုင်ကစားမှုများကို ကြည့်ရှုအားပေးခဲ့သည်။ Pathein League အနေဖြင့် မြန်မာနိုင်ငံအရပ်ရပ်ရှိ အပျော်တမ်းအမှတ်ပေး League (၅) ခုတွင် တစ်ခုအပါအဝင်ဖြစ်ပြီး 2021တွင် ပြိုင်ပွဲဝင်အသင်း(၆)သင်း၊ 2022တွင် ပြိုင်ပွဲဝင်အသင်း (၈)သင်း၊ ယခုနှစ် Pathein League 2023 တွင် ပြိုင်ပွဲဝင်အသင်း (၁၀)ဖြင့် ယှဉ်ပြိုင်သွားမည် ဖြစ်ကြောင်းသိရသည်။

နိုင်ငံတော်သံဃမဟာနာယကအဖွဲ့ ဥက္ကဋ္ဌ ဒေါက်တာဘဒ္ဒန္တကုမာရာဘိဝံသအား ရည်စူး၍ကျေးဇူးတော်ရှင်ဆရာတော်ကြီးများအား ဦးထိပ်ပန်ဆင်လျက်အကြိမ် (၂၀) မြောက် ဝါတွင်း (၃)လ ရက်ပေါင်း (၉ဝ)၊ နေ့/ည အသံမစဲ အဘိဓမ္မာ(၇)ကျမ်းပဌာန်းဒေသနာကျမ်းရွှေစာ ရွတ်ဖတ်ပူဇော်ပွဲအခမ်းအနားအား ယနေ့မွန်းလွဲပိုင်းက လပွတ္တာမြို့နယ်၊ ဘုရားကြီးကုန်းကျွေးရွာရှိ ရှင်စောမြတ်စေတီတော် ပရဝဏ်အတွင်း၌ ပြုလုပ်ရာ အခမ်းအနားသို့ ဆရာတော်သံဃာတော်အရှင်သူမြတ်များကြွရောက်တော်မူကြပြီး တိုင်းဒေသကြီး ဝန်ကြီးချုပ်ဦးတင်မောင်ဝင်း၊ အနောက်တောင်တိုင်းစစ်ဌာနချုပ် တိုင်းမှူးနှင့်ဇနီး၊ အစိုးရအဖွဲ့ဝင် ဝန်ကြီးများ၊ ဌာနဆိုင်ရာများနှင့် ဒေသခံပြည်သူများ တက်ရောက်ခဲ့ကြသည်။ ရှေးဦးစွာ အခမ်းအနားအား “နမောတဿ” သုံးကြိမ်ရွတ်ဆိုဘုရားကန်တော့၍ အခမ်းအနားစတင်ဖွင့်လှစ်ခဲ့ပြီးနောက် နိုင်ငံတော်ဝိနည်းဓိုရ် အဂ္ဂမဟာသဒ္ဓမ္မဇောတိကဓဇ ဒေါက်တာ ဘဒ္ဒန္တ နန္ဒာလင်္ကာရဆရာတော်အရှင်သူမြတ်ထံမှ ဝန်ကြီးချုပ်နှင့်ဧည့်ပရိသတ်များကငါးပါးသီလခံယူဆောက်တည်ကြပြီး နိုင်ငံတော်ဝိနည်းဓိုရ် အဂ္ဂမဟာသဒ္ဓမ္မဇောတိကဓဇ ဒေါက်တာ ဘဒ္ဒန္တ နန္ဒာလင်္ကာရဆရာတော်နှင့် ကြွရောက်တော်မူလာကြသည့် ဆရာတော်၊ သံဃာတော်များထံမှ အန္တရာယ်ကင်းပရိတ်တရားတော်များ ဆက်လက်နာယူကြည်ညိုကြပြီး တိုင်းဒေသကြီးဝန်ကြီးချုပ်၊ တိုင်းမှူးနှင့် အစိုးရအဖွဲ့ဝင် ဝန်ကြီးများက လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့ကြသည်။ ဆက်လက်၍ ပင်မနယ်လှည့် သစ္စာအဓိဌာန်  နတ်စင်တစ်ရာဆရာတော် အဂ္ဂမဟာသဒ္ဓမ္မဇောတိကဓဇ ဒေါက်တာ ဘဒ္ဒန္တပညာတေဇက ပဌာန်းဒေသနာကျမ်းရွှေစာရွတ်ဖတ်ပူဇော်ပွဲပြုလုပ်ရခြင်း၏ရည်ရွယ်ချက်အား ဆရာတော်၊ သံဃာတော်များအား ရှင်းလင်းလျှောက်ထားခဲ့ပြီး  နိုင်ငံတော်သံဃမဟာနာယကအဖွဲ့ တွဲဖက်အကျိုးတော်ဆောင် အဂ္ဂမဟာသဒ္ဓမ္မဇောတိကဓဇ၊ အဂ္ဂမဟာဂန္ထဝါစကပဏ္ဍိတ ဘဒ္ဒန္တပညာဓဇက ရေစက်သွန်းချ အနုမောဒနာတရား ချီးမြှင့်ဟောကြားတော်မူပြီးနောက် အခမ်းအနားအား  “ဗုဒ္ဓသာသနံစိရံ တိဋ္ဌတု”သုံးကြိမ်ရွတ်ဆို ဆုတောင်း၍ ရုပ်သိမ်းခဲ့ကြောင်းသိရသည်။ ဆက်လက်၍ တိုင်းဒေသကြီး ဝန်ကြီးချုပ်နှင့်အဖွဲ့သည် လပွတ္တာမြို့နယ်၊ ရှမ်းစုကျေးရွာ၊ တောင်သူ ဒေါ်ခင်စိန်၏ လယ်မြေ(၁)ဧက၌ ပြုလုပ်သည့် မျိုးစပါး ပေါင်းလိုက်၊ တမန်းနှိုး၊ မြေဩဇာကြဲပတ်ပွဲ တက်ရောက်ခဲ့ပြီး ပေါင်းလိုက်၊ တမန်းနှိုးခြင်း၊ ယူရီးယားနှင့် ဘိုင်ပိုစူပရင်းဇီဝမြေဩဇာ အချိုးကျပေါင်းစပ်၍ မြေဩဇာကြဲပတ်ခြင်းဆောင်ရွက်နေမှုအားကြည့်ရှုအားပေးခဲ့သည်။  ဆက်လက်၍ လယ်ယာမြေစီမံခန့်ခွဲမှုနှင့်စာရင်းအင်းဦးစီးဌာန မြို့နယ်ဦးစီးမှူးက မိုးစပါး ရေ၊ မြေ သဘာဝအလိုက် စိုက်ပျိုးပြီးစီးမှု၊ နိုင်ငံ့စီးပွားရေးမြှင့်တင်ရေးရန်ပုံငွေဖြင့် ဆောင်ရွက်သည့်တောင်သူများ၏ လယ်ဧကများ၊ မိုးစပါးတစ်ဧက(၁၀)တင်းနှုန်းပိုမိုတိုးတက်ထွက်ရှိရေးဆောင်ရွက်ထားရှိမှုအခြေအနေများကို ရှင်းလင်းတင်ပြခဲ့ပြီး တိုင်းဒေသကြီး ဝန်ကြီးချုပ်က တောင်သူကြီးများအနေဖြင့် သစ်စိမ်း​မြေသြဇာ(ပိုက်ဆံ​လျှော်)ထည့်သွင်းစိုက်ပျိုးခြင်းဖြင့် မြေဆီလွှာပြန်လည်ကောင်းမွန်မှုကို လက်တွေ့ကြုံတွေ့နေရပြီဖြစ်ပါကြောင်း၊ အထွက်တိုး မျိုးကောင်းမျိုးသန့်များ ပြောင်းလဲသုံးစွဲခြင်း၊ ခေတ်မီစိုက်နည်းစနစ်များပြောင်းလဲစိုက်ပျိုးခြင်း၊ သဘာဝမြေဩဇာ၊ဓါတ်မြေဩဇာများအချိုးကျသုံးစွဲခြင်း၊ သစ်စိမ်း​မြေသြဇာ(ပိုက်ဆံ​လျှော်)ထည့်သွင်းစိုက်ပျိုးခြင်းများဖြင့် တစ်ဧက၁၀တင်းနှုန်းတိုးတက်ထွက်ရှိစေရေးဆောင်ရွက်ထားရှိပါကြောင်း၊ တောင်သူများအနေဖြင့်လည်း စနစ်တကျလိုက်ပါဆောင်ရွက်ကြသည်ကိုလည်းတွေ့ရှိရပါကြောင်းနှင့် တိုင်းဒေသကြီး၏ စိုက်ပျိုးရေးလုပ်ငန်းများပိုမိုတိုးတက်စေရေးဆောင်ရွက်ကြရန်မှာကြားခဲ့ပြီး တောင်သူများအတွက် နိုင်ငံ့စီးပွားမြှင့်တင်ရေးရန်ပုံငွေဖြင့်ဆောင်ရွက်သည့် သွင်းအားစုများ ထောက်ပံ့ပေးခဲ့သည်။ ဆက်လက်၍ မိုးစပါး ရေတော်မိုးတော် ထွန်တုံးပိတ်ပွဲ တက်ရောက်၍ ပျိုးဗန်းဖြင့်ပျိုးထောင်ထားရှိသည့် ဆင်းသုခအထွက်တိုးမျိုးစပါးအား ကောက်စိုက်စက်ဖြင့် စိုက်ပျိုး၍ ထွန်တုံးပိတ်ပွဲကျင်းပမှုအားကြည့်ရှုအားပေးခဲ့သည်။ လပွတ္တာမြို့နယ်တွင် မိုးစပါး ရေတော်မိုးတော် စိုက်ဧက နှစ်သိန်းခြောက်သောင်းကိုးထောင်ကျော်နှင့် မိုးစပါးသဲဆန်ကုန်းချောစိုက်ဧက တစ်ထောင့်ကိုးရာကျော်  အား ရာနှုန်းပြည့်စိုက်ပျိုးပြီးစီးပြီဖြစ်ကြောင်းသိရှိရသည်။

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ကျေးလက်ဒေသဖွံ့ဖြိုးရေးဦးစီးဌာနမှ မဟာဓါတ်အားလိုင်းပြင်ပ ကျေးလက်မီးလင်းရေးလုပ်ငန်းများ  အကောင်အထည်ဖော်ဆောင်ရွက်လျက်ရှိပြီး မြောင်းမြမြို့နယ်နှင့်လပွတ္တာမြို့နယ်များရှိ ကျေးရွာများတွင် ကျေးလက်ဒေသဖွံ့ဖြိုးရေးဦးစီးဌာနမှ ၆၀%၊ ကုမ္ပဏီမှ ၂၀%၊ ကျေးရွာမှ ၂၀% ထည့်ဝင်ငွေများဖြင့် ဆိုလာအသေးစားလျှပ်စစ် ဓါတ်အားလိုင်းစနစ်( Solar Mini-Grid)မီးလင်းရေးဖွင့်ပွဲအခမ်းအနားများအား ယနေ့နံနက်ပိုင်းကကျင်းပပြုလုပ်ခဲ့ရာ တိုင်းဒေသကြီးဝန်ကြီးချုပ် ဦးတင်မောင်ဝင်းသည် တိုင်းဒေသကြီးအစိုးရအဖွဲ့ဝင်များ၊ တိုင်း၊ ခရိုင်၊ မြို့နယ်ဌာနဆိုင်ရာများနှင့်အတူ တက်ရောက်ဖွင့်လှစ်ပေးခဲ့သည်။ ဦးစွာ တိုင်းဒေသတိုင်းဒေသကြီး ဝန်ကြီးချုပ်နှင့်အဖွဲ့သည်  မြောင်းမြမြို့နယ်၊ ကွမ်းခြံကြီးကျေးရွာရှိ ဆိုလာအသေးစားလျှပ်စစ် ဓါတ်အားလိုင်းစနစ် (Solar Mini-Grid) မီးလင်းရေးအခမ်းအနားအားတက်ရောက်ခဲ့ပြီး ဒေသခံပြည်သူများနှင့်တွေ့ဆုံ၍ စီးပွားရေး၊ ပညာရေး၊ ကျန်းမာရေး ခြေအနေများအားရင်းရင်းနှီးနှီးမေးမြန်းခဲ့သည်။ ဆက်လက်၍ ဆိုလာအသေးစားလျှပ်စစ် ဓါတ်အားလိုင်းစနစ်( Solar Mini-Grid)မီးလင်းရေးဖွင့်ပွဲတက်ရောက်၍ အခမ်းအနားအား တာဝန်ရှိသူများနှင့်အတူ ဖဲကြိုးဖြတ်ဖွင့်လှစ်ပေးပြီး စုပေါင်းမှတ်တမ်းတင် ဓာတ်ပုံများရိုက်ကူးခဲ့ကာ ကမ္ဗည်းမော်ကွန်းအား စက်ခလုပ်နှိပ်၍ဖွင့်လှစ်ပေးသည်။ ထို့နောက်တိုင်းဒေသကြီး ဝန်ကြီးချုပ်သည် ကမ္ဗည်းမော်ကွန်းအား အမွှေးနံ့သာရည်များ ဆက်လက်ပက်ဖျန်းပေးပြီး Mini-Gridမီး လင်းရေးဆောက်ရွက်ထားရှိမှု၊ လျှပ်စစ်မီးသုံးစွနိုင်မှုအခြေအနေများနှင့် ကွမ်းခြံကြီးကျေးရွာအတွင်းလျှပ်စစ်ဓာတ်အားများစတင်အသုံးပြုနေသည့် ပိုင်ရှင်ဦးကျော်စွာလှိုင်၏ ရေခဲစက်လုပ်ငန်း၊ ကျေးလက်ကျန်းမာရေးဌာနများသို့ သွားရောက်ကြည့်ရှုအားပေးခဲ့သည်။ မြောင်းမြမြို့နယ်၊ ကွမ်းခြံကြီးကျေးရွာ၌ ကျေးလက်ဒေသသဖွံ့ဖြိုးတိုးတက်ရေးဦးစီးဌာန၊ ကုမ္ပဏီနှင့် ကျေးရွာနေပြည်သူများ၏ ထည့်ဝင်ငွေများဖြင့် အကောင်အထည်ဖော်ဆောင်ရွက်ခဲ့ပြီး ၎င်းကျေးရွာရှိ အိမ်သုံးနှင့်အသေးစားစက်မှုလက်မှုလုပ်ငန်းသုံး(၂၈၅)အိမ်ခြေသည်(180kw)ဆိုလာအသေးစား ဓာတ်အားလိုင်းစနစ်ဖြင့် လျှပ်စစ်ဓာတ်အားများစတင် အသုံးပြုလျက်ရှိကြောင်းသိရသည်။  ထို့အတူ တိုင်းဒေသကြီး ဝန်ကြီးချုပ်သည် တာဝန်ရှိသူများနှင့်အတူ လပွတ္တာမြို့နယ်၊ ရွှေပြည်သာကျေးရွာရှိ ဆိုလာအသေးစားလျှပ်စစ် ဓါတ်အားလိုင်းစနစ်(Solar Mini-Grid) မီးလင်းရေးအခမ်းအနားအားတက်ရောက်ခဲ့ပြီး ဒေသခံပြည်သူများနှင့်တွေ့ဆုံ၍ စီးပွားရေး၊ ပညာရေး၊ ကျန်းမာရေး ခြေအနေများအားရင်းရင်းနှီးနှီးမေးမြန်းခဲ့သည်။ ထို့နောက် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြစိမ်းရောင်ကျေးရွာစီမံကိန်း ၂၀၂၃-၂၀၂၄ ဘဏ္ဍာရေးနှစ်တွင် ဆောင်ရွက်ပြီးစီးသည့် လမ်းအရှည်၆၅၀ပေ၊ အကျယ်၅ပေနှင့် ထု၆လက်မရှိ ကွန်ကရစ်လမ်းအားဖွင့်လှစ်ပေးသည်။ ဆက်လက်၍  တိုင်းဒေသကြီး ဝန်ကြီးချုပ်သည်  ရွှေပြည်သာကျေးရွာ၊ ဆိုလာအသေးစားလျှပ်စစ် ဓါတ်အားလိုင်းစနစ်(Solar Mini-Grid) မီးလင်းရေးအခမ်းအနားအား တာဝန်ရှိသူများနှင့်အတူ ဆက်လက်ဖဲကြိုးဖြတ်ဖွင့်လှစ်ပေးပြီး စုပေါင်းမှတ်တမ်းတင် ဓာတ်ပုံများရိုက်ကူးခဲ့ကာ ကမ္ဗည်းမော်ကွန်းအား စက်ခလုပ်နှိပ်၍ဖွင့်လှစ်ပေးသည်။ထို့နောက် တိုင်းဒေသကြီး ဝန်ကြီးချုပ်သည် ကမ္ဗည်းမော်ကွန်းအား အမွှေးနံ့သာရည်များ ဆက်လက်ပက်ဖျန်းပေးပြီး Mini-Gridမီး လင်းရေးဆောင်ရွက်ထားရှိမှုအခြေအနေများကို လှည့်လည်ကြည့်ရှုစစ်ဆေးခဲ့သည်။ လပွတ္တာမြို့နယ်၊ ရွှေပြည်သာကျေးရွာတွင်ကျေးလက်ဒေသသဖွံ့ဖြိုးတိုးတက်ရေးဦးစီးဌာန၊ ကုမ္ပဏီနှင့် ကျေးရွာနေပြည်သူများ၏ ထည့်ဝင်ငွေများဖြင့် အကောင်အထည်ဖော်ဆောင်ရွက်ခဲ့ပြီး ၎င်းကျေးရွာရှိ အိမ်သုံးနှင့်အသေးစားစက်မှုလက်မှုလုပ်ငန်းသုံး(၈၀)အိမ်ခြေသည်(100kw)ဆိုလာအသေးစား ဓာတ်အားလိုင်းစနစ်ဖြင့် လျှစ်စစ်ဓာတ်အားများစတင် အသုံးပြုလျက်ရှိကြောင်းသိရသည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့ ရွှေပြည်သာကျေးရွာ အခြေခံပညာအထက်တန်းကျောင်းခွဲသို့သွားရောက်၍ ဆရာ၊ ဆရာမများနှင့်တွေ့ဆုံခဲ့ပြီး လိုအပ်သည်များတင်ပြမှုအပေါ် သက်ဆိုင်ရာဌာနများနှင့်ပေါင်းစပ်ညှိနှိုင်းဆောင်ရွက်ပေးခဲ့ပြီး ထောက်ပံ့ငွေများပေးအပ်ခဲ့သည်။  ဆက်လက်၍ တိုင်းဒေသကြီး ဝန်ကြီးချုပ်သည် တာဝန်ရှိသူများနှင့်အတူ လပွတ္တာမြို့နယ်၊ ကြာကန်ကျေးရွာရှိ ရတနာထွန်းဆန်စက်သို့ သွားရောက်၍ စပါးခွံလောင်စာသုံး Gasifier ဖြင့်စက်ရုံလည်ပတ်မှုအခြေအနေများ၊ Gasifier စနစ်မှထွက်ရှိသည့်ရေဆိုးများအား ရေစစ်ကန် စနစ်ဖြင့်ဆောင်ရွက်ထားရှိမှုအခြေအနေများအား  လိုက်လံရှင်းလင်း ပြသရာ တိုင်းဒေသကြီးဝန်ကြီးချုပ်က Gasifier စနစ်မှထွက်ရှိသည့်စွန့်ပစ်ပစ္စည်းများသည် သဘာဝပတ်ဝန်းကျင်အား ထိခိုက်ညစ်ညမ်းမှုမရှိစေရန်နှင့် သတ်မှတ်ထားသည့် စည်းမျဉ်း စည်းကမ်းများနှင့်အညီ လည်ပတ်မောင်းနှင်ရန်၊ သဘာဝပတ်ဝန်းကျင်ထိခိုက်မှုမရှိစေရေး အတွက် ပတ်ဝန်းကျင်ထိန်းသိမ်းရေးဦးစီးဌာနနှင့် စက်မှုကြီးကြပ်ရေးနှင့်စစ်ဆေးရေးဦးစီးဌာန တို့မှကွင်းဆင်းစစ်ဆေးခဲ့ပြီး အကြံပြုချက်များအပေါ်  စနစ်တကျလိုက်နာဆောင်ရွက်စေရန်နှင့် လေထုညစ်ညမ်းမှုမရှိစေရေး၊ စွန့်ပစ်ပစ္စည်းများမှ သဘာဝပတ်ဝန်းကျင်ထိခိုက်မှုမရှိစေရေး စနစ်တကျဆောင်ရွက်ကြရန် မှာကြားခဲ့ပြီး ဆန်စက်လည်ပတ်မှုအားကြည့်ရှုစစ်ဆေးခဲ့ကြောင်းသိရသည်။