သတင်းများ

ဧရာဝတီတိုင်းဒေသကြီးဝန်ကြီးချုပ် ဦးအေးကျော် ရေကြည်မြို့နယ်၊ သရက်ပင်လှကျေးရွာ ရေဘေးသင့် ပြည်သူများအား တွေ့ဆုံအားပေးစကားများပြောကြားကာ ထောက်ပံ့ပစ္စည်းများပေးအပ်
ဧရာဝတီတိုင်းဒေသကြီးဝန်ကြီးချုပ်ဦးအေးကျော်သည် ရေကြည်မြို့နယ်၊ သရက်ပင်လှကျေးရွာ ဇေယျသုခကျောင်းတိုက်ဆရာတော်အား ဖူးမြော်ကြည်ညို၍ လှူဖွယ်ဝတ္ထုပစ္စည်းများ ဆက်ကပ် လှူဒါန်းခဲ့ပြီးနောက် ရေဘေးသင့်ပြည်သူများနှင့်တွေ့ဆုံခဲ့ပြီး တိုင်းဒေသကြီးဝန်ကြီးချုပ်နှင့် ရခိုင် တိုင်းရင်းသားလူမျိုးရေးရာဝန်ကြီးတို့က အားပေးစကားများပြောကြားကာ ရေဘေးသင့်ပြည်သူ များကို ထောက်ပံ့ပစ္စည်းများ ပေးအပ်ခဲ့သည်။ယင်းနောက် တိုင်းဒေသကြီးဝန်ကြီးချုပ်နှင့်အဖွဲ့သည် ရေကြည်မြို့၊ စိမ်းလဲ့ရေကြည်ခန်းမတွင် ရေဘေးသင့်ပြည်သူများအတွက် ဆန်ရိက္ခာနှင့် ပဲများ စုဆောင်းထားရှိမှု အခြေအနေများကို ကြည့်ရှုစစ်ဆေးပြီး လိုအပ်သည်များမှာကြားခဲ့သည်။


Read More...
04-Sep-2026
ဧရာဝတီတိုင်းဒေသကြီးအတွင်းရှိ ရေဘေးသင့်ပြည်သူများအတွက် အလှူရှင်များက အလှူငွေများလာရောက်လှူဒါန်း
(၃-၉-၂၀၂၆)ရက်နေ့နံနက်ပိုင်းက ဟင်္သာတမြို့၊ ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန ရိပ်သာတွင် တိုင်းဒေသကြီးအတွင်းရှိ ရေဘေးသင့်ပြည်သူများအတွက် ရုပ်ရှင်သရုပ်ဆောင် ကျော်ကျော်ဗိုလ်နှင့် ညီအစ်ကိုမိတ်ဆွေများ (GOATs For Charity)၊ မြန်မာနိုင်ငံဆန်စပါး ကုန်သည် များအသင်း၊ မြိတ်မြို့ OK ရတနာဆန်စက်၊ အောင်နိုင်သစ္စာကုမ္ပဏီလိမိတက်၊ ဆရာတော် ဉူးအာလောက၊ မြန်မာနိုင်ငံဆီစက်ပိုင်ရှင်များအသင်းနှင့် Eco Friendly Fuel တို့က အလှူငွေများနှင့် ဆန်အိတ်များကို အသီးသီးလာရောက်လှူဒါန်းရာ တိုင်းဒေသကြီးဝန်ကြီးချုပ်က လက်ခံရယူခဲ့ပြီး ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့သည်။


Read More...
04-Sep-2026
ဧရာဝတီတိုင်းဒေသကြီးဝန်ကြီးချုပ် ဦးအေးကျော် ငဝန်တာနိမ့်ကျမှုနှင့် ရေကျော်စီးဝင်မှုများကြောင့် ရေဝင်နစ်မြုပ်စိုက်ဧကများ ပြန်လည်စိုက်ပျိုးနိုင်ရေးနှင့် ပြန်လည်ထူထောင်ရေးလုပ်ငန်းများအတွက် သက်ဆိုင်ရာတာဝန်ရှိသူများနှင့်ဆွေးနွေး
ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာမြို့နယ်ရှိ ငဝန်တာနိမ့်ကျမှုနှင့်ရေကျော် စီးဝင်မှုများကြောင့် ကျုံပျော်ခရိုင်အတွင်းရှိ သီးနှံများရေဝင်နစ်မှုများအပေါ် ပြန်လည်စိုက်ပျိုးနိုင်ရေးနှင့် ပြန်လည်ထူထောင်ရေးလုပ်ငန်းများ ဆောင်ရွက်ရန်အတွက် ယနေ့နံနက်ပိုင်းက ကျုံပျော်ခရိုင် စုပေါင်းရုံး၊ အစည်းအဝေးခန်းမတွင် တိုင်း၊ ခရိုင်၊ မြို့နယ်ဌာနဆိုင်ရာများနှင့် တွေ့ဆုံဆွေးနွေးခဲ့သည်။


Read More...
04-Sep-2026
CB တွဲခွံကြီး ရေဝင်လမ်းကြောင်းအတွင်း စနစ်တကျ နစ်မြုပ်ပိတ်ဆို့မှု အောင်မြင်စွာဆောင်ရွက်ပြီးစီး
ငဝန်တာ ရေဝင်လမ်းကြောင်း ပိတ်ဆို့ရေး လုပ်ငန်းစဉ်များအနက် အဓိကကျသော CB တွဲခွံ နစ်မြုပ်ပိတ်ဆို့ခြင်း လုပ်ငန်းကို အောင်မြင်စွာ ဆောင်ရွက်နိုင်ခဲ့ပြီ ဖြစ်ပါသည်။ ရေစီးအရမ်းသန်ပြီး ရေတိုးဝင်နေသော ပိတ်ဆို့ရန်ကျန်ရှိနေသေးသည့် အလျား ပေ ၇၀ နှင့် ရေအနက် ပေ ၄၀ ရှိသည့် ရေဝင်ပေါက် လမ်းကြောင်းကို ထိရောက်စွာ ပိတ်ဆို့နိုင်ရန်အတွက် ဧရာရွှေဝါကုမ္ပဏီမှ လှူဒါန်းထားသည့် (၈၀ ပေ × ၁၈ ပေ × ၉ ပေ) ပမာဏရှိ CB တွဲခွံကြီး ကို မော်လမြိုင်ကျွန်းမြို့နယ်မှ လုပ်ငန်းခွင်သို့ သယ်ယူရွှေ့ပြောင်းခဲ့ပါသည်။


Read More...
03-Sep-2026
ဧရာဝတီတိုင်းဒေသကြီးဝန်ကြီးချုပ် ဦးအေးကျော် ဟင်္သာတမြို့နယ်၊ တလုတ္ထော်မြို့၊ အမှတ် (၂)ရပ်ကွက်ရှိ ရေဘေးသင့်ပြည်သူများကို ဆန်ရိက္ခာပစ္စည်းများ ထောက်ပံ့ပေးအပ်
ဧရာဝတီတိုင်းဒေသကြီးဝန်ကြီးချုပ် ဦးအေးကျော်သည် တာဝန်ရှိသူများနှင့်အတူ ဟင်္သာတမြို့နယ်၊ တလုတ္ထော်မြို့၊ အမှတ် (၂)ရပ်ကွက်၊ ရွှေငြိမ်းကျောင်းတိုက်ဆရာတော်အား ဖူးမြော်ကြည်ညို၍ လှူဖွယ်ဝတ္ထု ပစ္စည်းများ ဆက်ကပ်လှူဒါန်းခဲ့ပြီး ရေဘေးသင့်ပြည်သူများကို အားပေးစကားများပြောကြားခဲ့ကာ တိုင်းဒေသကြီးဝန်ကြီးချုပ်နှင့်တာဝန်ရှိသူများက ဆန်ရိက္ခာနှင့် ထောက်ပံ့ပစ္စည်းများပေးအပ်ခဲ့ပြီး ပြည်သူများ၏ တင်ပြချက်များအပေါ် လိုအပ်သည်များကို ပေါင်းစပ်ဖြည့်ဆည်းဆောင်ရွက်ပေးခဲ့ကြောင်း သိရှိရသည်။


Read More...
03-Sep-2026