ဧရာဝတီတိုင်းဒေသကြီးဝန်ကြီးချုပ်ဦးအေးကျော်သည် ပုသိမ်မြို့၊ ကိုးသိန်းအားကစားရုံ ကြမ်းခင်း လဲလှယ်ခြင်းလုပ်ငန်း ဆောင်ရွက်ထားရှိမှုအားကြည့်ရှုစစ်ဆေး

ဧရာဝတီတိုင်းဒေသကြီးဝန်ကြီးချုပ်ဦးအေးကျော်သည် ၁ - ၁၀ - ၂၀၂၆ ရက်နေ့တွင် တိုင်းဒေသကြီး အားကစားနှင့် ကာယပညာဦးစီးဌာန၊ အစည်းအဝေးခန်းမတွင် ၂၀၂၆ခုနှစ်၊ တိုင်းဒေသကြီးနှင့် ပြည်နယ်(U-18) ပြေးခုန်ပစ်ပြိုင်ပွဲသို့ ဝင်ရောက်ယှဉ်ပြိုင်မည့် ဧရာဝတီတိုင်းဒေသကြီးအသင်းအား အောင်နိုင်ရေး အလံပေးအပ်ပွဲအခမ်းအနားသို့ တက်ရောက်ခဲ့ပြီး အသင်းအုပ်ချုပ်သူက ပြိုင်ပွဲဝင်ရောက်ယှဉ်ပြိုင်မည့် အစီအစဉ်များအားရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်က "ပြိုင်ပွဲဝင်အားကစားသမားများအနေဖြင့် အောင်မြင်မှုများရရှိရန် အမြဲမပြတ် လေ့ကျင့်၍ ဇွဲ၊ လုံ့လ၊ ဝိရိယတို့ဖြင့် ကြိုးစားယှဉ်ပြိုင်ကြရန်နှင့် ကျန်းမာရေးကို အထူးဂရုစိုက်ကြရန်” မှာကြားပြီး အောင်နိုင်ရေးအလံနှင့် ဂုဏ်ပြုချီးမြှင့်ငွေများ ပေးအပ်ခဲ့သည်။

ဧရာဝတီတိုင်းဒေသကြီးဝန်ကြီးချုပ် ဦးအေးကျော်သည် အိုင်သပြုကျေးရွာ အခြေခံပညာအထက်တန်း ကျောင်းတွင် စခန်းသွင်းသင်ကြားပေးနေသည့် တက္ကသိုလ်ဝင်တန်းကျောင်းသား၊ ကျောင်းသူများ အတွက် နေ့လယ်စာ ချက်ပြုတ်ပြင်ဆင်နေမှုများကို ကြည့်ရှုစစ်ဆေးခဲ့ပြီး ခရိုင်၊ မြို့နယ် ပညာရေးမှူးများ၊ ဆရာ၊ ဆရာများ၊ ကျောင်းအကျိုးတော်ဆောင်များနှင့်တွေ့ဆုံ၍ ကျောင်းသား၊ ကျောင်းသူများ၏ ပညာရေးမပြတ်တောက်စေရေး၊ ယာယီပိတ်ခဲ့ရသည့် ကာလအတွင်း သင်ခန်းစာများကို ပြန်လည်အစားထိုး သင်ကြားပေးနိုင်ရေး၊ တက္ကသိုလ်ဝင်တန်းအောင်ချက်မြင့်မားရေး၊ ဂုဏ်ထူးရထူးချွန်ကျောင်းသား၊ ကျောင်းသူများပေါ်ထွန်းရေးအတွက် ဆရာ၊ ဆရာမများအနေဖြင့် သင်ကြားရေးလုပ်ငန်းများကိုအားကြိုးမာန်တက် ဆောင်ရွက်ပေး ကြရန်မှာကြားခဲ့ပြီး လျှပ်စစ်မီးရရှိရေး၊ သန့်ရှင်းသော သောက်ရေ၊ သုံးရေများရရှိရေး၊ စားသောက်နေထိုင်ရေးကိစ္စရပ်များအား သက်ဆိုင်ရာတာဝန်ရှိသူများနှင့် ပေါင်းစပ် ဖြည့်ဆည်းဆောင်ရွက်ပေးခဲ့ကာ အိုင်သပြုကျေးရွာ အခြေခံပညာအထက်တန်း ကျောင်းအတွက် ရေသန့်စက်၊ ဆန်နှင့် ဆီများ ထောက်ပံ့ပေးအပ်ခဲ့သည်။

ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာမြို့နယ်ရှိ ငဝန်တာ၏ အောက်ခံ မြစ်ကျိုးအင်းသဲကြောမှ ထူးပေါက်၍ ရေဖြတ်သန်းစီးဆင်းပြီး တာတမံနိမ့်ကျမှုဖြစ်ပွားကာ ရေကျော်စီးဝင်ခဲ့သဖြင့် အခြေခံပညာ ကျောင်းများ ယာယီပိတ်ထားခဲ့ရာ ယခုအခါတွင် ရေပြန်လည်ကျဆင်းသွားပြီဖြစ်၍ ကျောင်းများပြန်လည် ဖွင့်လှစ် သင်ကြားနေမှုများကို တိုင်းဒေသကြီးဝန်ကြီးချုပ် ဦးအေးကျော်သည် ယနေ့နံနက်ပိုင်းက တာဝန်ရှိသူများနှင့်အတူ သွားရောက်ကြည့်ရှုအားပေးခဲ့ပြီး လိုအပ်သည်များကို ပံ့ပိုးပေးခဲ့သည်။

၂၀၂၆ ခုနှစ်၊ အောက်တိုဘာလ ၃ ရက်နေ့နံနက်ပိုင်းတွင် ဧရာဝတီတိုင်းဒေသကြီးအစိုးရအဖွဲ့ လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး ဦးကျော်ထွန်းဇော် သည် မြို့ပြနှင့်အိမ်ယာဖွံ့ဖြိုးရေးဦးစီးဌာန တိုင်းဒေသကြီးညွှန်ကြားရေးမှူး ဦးမျိုးခိုင်နှင့် တာဝန်ရှိသူများနှင့်အတူ ပုသိမ်မြို့ ပြည်တော်အေးနိုင်ငံဝန်ထမ်းအိမ်ရာသို့သွားရောက်၍ နိုင်ငံဝန်ထမ်းအိမ်ရာအတွင်း နေထိုင်သူများအားတိုက်ဆိုင်စစ်ဆေးခဲ့ပြီး အသစ်ဆောက်လုပ်နေသော ၄ ခန်းတွဲ၊ ၄ ထပ်အိမ်ယာ RCC အဆောက်အဦအား လိုက်လံကြည့်ရှူစစ်ဆေးခဲ့ပါသည်။