(၃၇)ကြိမ်မြောက် အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင် ရောင်းဝယ်မှု တိုက်ဖျက်ရေးနေ့အထိမ်းအမှတ် တက္ကသိုလ်အဆင့် စာစီစာကုံး၊ ဆောင်းပါးပြိုင်ပွဲကို ယနေ့နံနက်ပိုင်းက ပုသိမ်တက္ကသိုလ်၊ ဘွဲ့နှင်းသဘင်ခန်းမတွင် ပြုလုပ်ရာ တိုင်းဒေသကြီးဝန်ကြီးချုပ်နှင့် ဇနီး၊ အစိုးရအဖွဲ့ဝင် ဝန်ကြီးများနှင့် ဇနီးများ၊ တာဝန်ရှိသူများက သွားရောက်ကြည့်ရှုအားပေးခဲ့သည်။

စိုက်ပျိုးမွေးမြူရေးကိုအခြေခံသည့် စီးပွားရေးလုပ်ငန်းများနှင့် စက်မှုဇုန်များဖွံ့ဖြိုးတိုးတက်ရေးဆိုင်ရာဆွေးနွေးပွဲကို (၁၇.၆.၂၀၂၄)ရက်နေ့မွန်းလွဲပိုင်းက ပုသိမ်မြို့၊ ဧရာရွှေဝါခန်းမတွင်ပြုလုပ်ခဲ့ရာ ဆွေးနွေးပွဲသို့ တိုင်းဒေသကြီး ဝန်ကြီးချုပ်ဦးတင်မောင်ဝင်း၊ အစိုးရအဖွဲ့ဝင်ဝန်ကြီးများ၊ ဌာနဆိုင်ရာများ၊ စိုက်ပျိုးမွေးမြူရေးနှင့်  စက်မှုလုပ်ငန်းရှင်များတက်ရောက်ခဲ့ကြသည်။

ဧရာဝတီတိုင်းဒေသကြီးအစိုးရအဖွဲ့၏ကြီးကြပ်မှုဖြင့် တိုင်းဒေသကြီးအားကစားနှင့် ကာယပညာဦးစီးဌာန၊ Pathein Smart Goal Badminton Club နှင့် VS Myanmar Co.Ltd တို့ ပူးပေါင်းစီစဉ်ကျင်းပသည့် ဧရာဝတီတိုင်းဒေသကြီးကလပ်ပေါင်းစုံ သက်တမ်းအလိုက် အမျိုးသား၊ အမျိုးသမီး ဖိတ်ခေါ်ကြက်တောင်ရိုက်ပြိုင်ပွဲ ဗိုလ်လုပွဲနှင့်ဆုချီးမြှင့်ပွဲအခမ်းအနားကို (၁၆.၆.၂၀၂၄)ရက်နေ့ညနေပိုင်းက ပုသိမ်မြို့၊ ကိုးသိန်းအားကစားခန်းမတွင်ပြုလုပ်ရာ အခမ်းအနားသို့ တိုင်းဒေသကြီးဝန်ကြီးချုပ် ဦးတင်မောင်ဝင်းနှင့်ဇနီး၊ တိုင်းဒေသကြီးအစိုးရအဖွဲ့ဝင်များနှင့် ၎င်းတို့၏ ဇနီးများ၊ ဌာနဆိုင်ရာများတက်ရောက်ခဲ့ကြပြီး အမျိုးသားတစ်ဦးချင်းဗိုလ်လုပွဲ၊ အမျိုးသမီးနှစ်ယောက်တွဲ ဗိုလ်လုပွဲနှင့် အမျိုးသားနှစ်ယောက်တွဲဗိုလ်လုပွဲစဉ်များ ယှဉ်ပြိုင်နေမှုများကို ကြည့်ရှုအားပေးခဲ့သည်။

ဧရာဝတီတိုင်းဒေသကြီး၊ ပုသိမ်မြို့အတွင်းရေစီးရေလာကောင်းမွန်ရေး ဆောင်ရွက်ထားရှိမှုအခြေအနေများကို ယနေ့နံနက်ပိုင်းက တိုင်းဒေသကြီးဝန်ကြီးချုပ် ဦးတင်မောင်ဝင်းသည် တာဝန်ရှိသူများနှင့်အတူ သွားရောက်ကြည့်ရှုစစ်ဆေးခဲ့သည်။ ဦးစွာ တိုင်းဒေသကြီးဝန်ကြီးချုပ်သည် ပုသိမ်မြို့၊ အမှတ်(၃)ရပ်ကွက်နှင့် အမှတ်(၅)ရပ်ကွက်ကြားရှိ တက်ဆိပ်ချောင်းအတွင်း ရေစီးရေလာကောင်းမွန်စေရေး ချောင်းတူးဖော်ထားရှိမှုများ၊  ဗေဒါနှင့်အမှိုက်များဆယ်ယူထားရှိများကို ကြည့်ရှုစစ်ဆေးပြီး ချောင်းများအတွင်း စည်းကမ်းမဲ့အမှိုက်များ စွန့်ပစ်မှုမရှိစေရေးများကို မှာကြားခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည်  သာပေါင်းမြို့နယ်၊ လှေကြီးတက်ကျေးရွာအုပ်စု၊ ကြက်သွန်ကွင်းကျေးရွာရှိ စိုက်ပျိုးရေးဦးစီးဌာန၊ ကော်ဖီပျိုးဥယျာဉ်နှင့် ကော်ဖီစိုက်ပျိုးထားရှိများကြည့်ရှုစစ်ဆေးပြီး ကော်ဖီစိုက်တောင်သူများနှင့် တွေ့ဆုံခဲ့ရာ တောင်သူများက သွင်းအားစုလိုအပ်ချက်များ၊ ခြောက်သွေ့ကာလတွင်ရေရှိရေးနှင့် နည်းပညာများပံ့ပိုးပေးနိုင်ရေး ကိစ္စရပ်များကို ဆွေးနွေးတင်ပြခဲ့ရာ တိုင်းဒေသကြီးဝန်ကြီးချုပ်က တိုင်းဒေသကြီးတွင် မြေပြန့်ကော်ဖီ ဧက(၁၁၅၀၀)ဧက စိုက်ပျိုးရန် ရည်မှန်းချက်ထားဆောင်ရွက်လျက်ရှိပါကြောင်း၊  ၂၀၂၃-၂၀၂၄ ခုနှစ်အထိ (၁၁၆၃)ဧက စိုက်ပျိုးပြီးဖြစ်ကာ နှစ်အလိုက် လျာထားဧကပြည့်မီအောင်မြင်အောင် စိုက်ပျိုးသွားမည်ဖြစ်ပါကြောင်း၊  မြေပြန့်ကော်ဖီစိုက်ပျိုးရာတွင် စနစ်တကျဖြင့် စံနမူပြဖြစ်အောင်စိုက်ပျိုးကြရန်၊ ပျဉ်းကတိုးအစရှိသည့် နှစ်ရှည်ပင်စိုက်ခင်းများအတွင်း သီးညှပ်စိုက်ပျိုးနိုင်ရေး၊ ကော်ဖီစိုက်ပျိုးရာတွင် ပိုမိုဖြစ်ထွန်းနိုင်သည့်  မြေအမျိုးအစား၊ ရာသီဥတုနှင့် ကိုက်ညီမှုရှိအောင်စိုက်ပျိုးနိုင်ရေးနှင့် လုပ်ငန်းရှင်များဖိတ်ခေါ်၍ တစ်ဆက်တစ်စပ်တည်း စိုက်ပျိုးနိုင်ရေး ကိစ္စရပ်များကို ဖြည့်စွက်ဆွေးနွေးခဲ့ပြီး တောင်သူများ၏ လိုအပ်ချက်တင်ပြမှုများအပေါ် သက်ဆိုင်ရာဌာနများနှင့် ပေါင်းစပ် ညှိနှိုင်းဆောင်ရွက်ပေးခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ကန်ကြီးထောင့်မြို့နယ်၊ တကုန်းကြီးကျေးရွာ စိုက်ပျိုးရေးနည်းပညာစင်တာတွင် စိုက်ပျိုးရေးဦးစီးဌာနမှ ရိုဗာစတာ မြေပြန့်ကော်ဖီပျိုးထောင်ထားရှိမှု အခြေအနေများနှင့် ကန်ကြီးထောင့်မြို့နယ်၊ မဂူကျွန်းကျေးရွာ သိရိလင်္ကာရကျောင်းတိုက်အတွင်းရှိ ရော်ဘာစိုက်ခင်း(၃)ဧကအတွင်း မြေပြန့်ကော်ဖီပင်များ သီးညှပ်စိုက်ပျိုးထားရှိမှုများကို ကြည့်ရှုစစ်ဆေးခဲ့ပြီး ဖြစ်ထွန်းအောင်မြင်အောင်ဆောင်ရွက်ရန် တာဝန်ရှိသူများကို မှာကြားခဲ့သည်။

ဧရာဝတီတိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်တက္ကသိုလ်ဓမ္မာရုံဝန်းအတွင်း ဌာနဆိုင်ရာများ၊ တက္ကသိုလ်မှဆရာ၊ ဆရာမများ၊ ကျောင်းသား၊ ကျောင်းသူများက စုပေါင်းသန့်ရှင်းရေးဆောင်ရွက်နေမှု၊ ရေစီးရေလားကောင်းမွန်စေရေးနှင့် အဆောက်အဦနှင့် မလွတ်ကင်းသည့် သစ်ပင်အကိုင်းအခက်များအား ခုတ်ထွင်ရှင်းလင်းနေမှုများကိုကြည့်ရှုစစ်ဆေးခဲ့သည်။