(၃၇)ကြိမ်မြောက်အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင် ရောင်းဝယ်မှု တိုက်ဖျက်ရေးနေ့အခမ်းအနားကို ယနေ့နံနက်ပိုင်းက ပုသိမ်မြို့၊ မြို့တော်ခန်းမ၌ ကျင်းပခဲ့ရာ အခမ်းအနားသို့ တိုင်းဒေသကြီး ဝန်ကြီးချုပ် ဦးတင်မောင်ဝင်းနှင့် ဇနီး၊ အနောက်တောင်တိုင်းစစ်ဌာနချုပ် တိုင်းမှူးနှင့် ဇနီး၊ ပုသိမ်လေတပ်စခန်းဌာနချုပ်မှူးနှင့် ဇနီး၊ အစိုးရအဖွဲ့ဝင် ဝန်ကြီးများနှင့် ၎င်းတို့၏ဇနီးများ၊ မြန်မာနိုင်ငံရဲတပ်ဖွဲ့ဝင်များ၊ တိုင်း၊ ခရိုင်၊ မြို့နယ်အဆင့် ဌာနဆိုင်ရာများ၊ ဗဟိုအဆင့်နှင့် တိုင်းအဆင့်တွင် ဆုရရှိသည့် ကျောင်းသား၊ ကျောင်းသူများ တက်ရောက်ခဲ့ကြသည်။

ဧရာဝတီတိုင်းဒေသကြီးဝန်ကြီးချုပ်နှင့်အဖွဲ့သည် ဟင်္သာတမြို့နယ်အခြေခံပညာနှင့်  စက်မှု၊ စိုက်ပျိုးရေး၊ မွေးမြူရေး အထက်တန်းကျောင်း (နတ်မော်) ကျောင်းဆောင်သစ်ဖွင့်ပွဲအား တက်ရောက်ခဲ့ပြီး တိုင်းဒေသကြီးဝန်ကြီးချုပ်သည် တာဝန်ရှိသူများနှင့်အတူ ဖဲကြိုးဖြတ်ဖွင့်လှစ် ပေးခဲ့ကာ စုပေါင်းမှတ်တမ်းတင် ဓာတ်ပုံရိုက်ကူးခဲ့သည်။ ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကျောင်းဆောင်သစ်အား လှည့်လည်ကြည့်ရှုစစ်ဆေးခဲ့ပြီး ကျောင်းသား၊ ကျောင်းသူများအတွက် စာရေးကိရိယာပစ္စည်းများနှင့်  အဆောင်နေကျောင်းသား၊ ကျောင်းသူများအတွက် စားသောက်ဖွယ်ရာများပေးအပ်ခဲ့သည်။

ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းနှင့်အဖွဲ့သည် ဟင်္သာတမြို့သူနာပြုသင်တန်းကျောင်းတွင်ပြုလုပ်သည့် အပတ်စဉ်(၂၃) သူနာပြုနှင့်သားဖွားဒီပလိုမာ (၃)နှစ်သင်တန်း ဂျူတီကုတ်နှင့်ဦးဆောင်းအပ်နှင်းပွဲ အခမ်းအနားသို့တက်ရောက်ခဲ့ပြီး သင်တန်းသား၊ သင်တန်းသူ များ၏ တေးသီချင်းများဖြင့် ကပြဖျော်ဖြေမှုများကို ကြည့်ရှုအားပေးခဲ့ပြီးနောက် တိုင်းဒေသကြီး ဝန်ကြီးချုပ်က“ နိုင်ငံတော်နှင့်တိုင်းဒေသကြီးအတွက် ကျန်းမာရေးစောင့်ရှောက်မှုများ ပေးနိုင်မည့် သင်တန်းသား (၆)ဦး၊ သင်တန်းသူ(၈၄)ဦး စုစုပေါင်း (၉၀)ဦးအား ဂျူတီကုတ်နှင့် ဦးဆောင်းများ အပ်နှင်းနိုင်ခဲ့သဖြင့် မင်္ဂလာရှိသည့် နေ့တစ်နေ့ဖြစ်ပါကြောင်း၊ တိုင်းဒေသကြီးအတွင်းရှိ သူနာပြုသင်တန်းကျောင်း (၃) ကျောင်းတွင် ကျန်းမာရေးစောင့်ရှောက်မှုပေးနိုင်မည့် လူ့စွမ်းအားအမြစ် များကို စဉ်ဆက်မပြတ်မွေးထုတ်ပေးလျက်ရှိပါကြောင်း၊ ကျန်းမာရေး ဝန်ထမ်းများအနေဖြင့် ကိုဗစ်-၁၉ရောဂါ ဖြစ်ပွားနေစဉ်ကာလအတွင်း မိမိတို့၏အသက်ကို ပဓာနမထားဘဲ ကျန်းမာရေးလုပ်ငန်းများကို ထဲထဲဝင်ဝင် ဆောင်ရွက်ခဲ့သည်ကို အသိအမှတ် ပြုဂုဏ်ပြုပါကြောင်း၊ သင်တန်းသား၊ သင်တန်းသူများအနေဖြင့် ကျောင်းတော်ကြီးမှ သင်ကြားပေးသည့် ကျန်းမာရေးပညာရပ်များဖြင့်ပြည်သူထုအား ကျန်းမာရေးစောင့်ရှောက်မှုများ ပေးနိုင်ပါစေကြောင်းနှင့် သင်တန်းပြီးဆုံးသည့်အခါမှာလည်း နေရာဒေသမရွေးကျန်းမာရေး စောင့်ရှောက်မှုပေးနိုင်ပြီး နိုင်ငံ့အကျိုး၊ ပြည်သူ့အကျိုးကို ဆတက်ထမ်းပိုး သယ်ပိုးဆောင်ရွက် နိုင်ကြပါစေကြောင်း” တိုက်တွန်းအမှာစကားများ ပြောကြားသည်။ ထို့နောက် ဖလောရင့်နိုက်တင်ဂေးဆုရှင် ဝဏ္ဏကျော်ထင် စနိုင်နိုင်ထွန်း၊ ဟင်္သာတမြို့ သူနာပြုသင်တန်းကျောင်းအုပ်ကြီးနှင့်  တာဝန်ရှိသူများက ဂျူကုတ်နှင့် ဦးဆောင်းများ အပ်နှင်းခဲ့ ပြီးနောက် သင်တန်းသား၊ သင်တန်း သူများက သူနာပြုသစ္စာ အဓိဋ္ဌာန် ရွတ်ဆိုခဲ့ကြသည်။ ဆက်လက်၍ တိုင်းဒေသကြီးဝန်ကြီးချုပ်က ထူးချွန်ဆုရရှိသူများအား ဆုများချီးမြှင့်ခဲ့ပြီး သူနာပြုသင်တန်းကျောင်းအတွက် ထောက်ပံ့ငွေများပေးအပ်ခဲ့ရာ သူနာပြုသင်တန်းကျောင်းမှ ကျောင်းအုပ်ကြီးက လက်ခံရယူခဲ့ကာ သင်တန်းသား၊ သင်တန်းသူများကိုယ်စား သင်တန်းသား တစ်ဦးက ကျေးဇူးတင်စကားများပြောကြားခဲ့သည်။ ထို့နောက် စုပေါင်းမှတ်တမ်းဓာတ်ပုံ ရိုက်ကူးခဲ့ကြပြီး သင်တန်းသား၊ သင်တန်းသူများ၏ တေးသီချင်းများဖြင့် ကပြဖျော်ဖြေမှုများကို ကြည့်ရှုအားပေးခဲ့သည်။

ဧရာဝတီတိုင်းဒေသကြီး ဝန်ကြီးချုပ်နှင့်အဖွဲ့သည် ဇွန်လ ၂၅ ရက်နေ့က မြန်အောင်မြို့၊ အောင်ဇေယျအားကစားခန်းမတွင်ပြုလုပ်သည့် ၂၀၂၄-၂၀၂၅ခုနှစ်၊ မိုးစပါးနှင့်ဆီထွက်သီးနှံများ ပန်းတိုင်အထွက်နှုန်းရရှိစေရေးအတွက် မျိုးစေ့၊ Drum Seeder ၊ သွင်းအားစုများပေးအပ်ပွဲနှင့် တောင်သူများနှင့်တွေ့ဆုံပွဲအခမ်းအနားသို့ တက်ရောက်ခဲ့ပြီး တိုင်းဒေသကြီးဝန်ကြီးချုပ်က“ မြန်အောင်ခရိုင်အတွင်းရှိ ၂၀၂၄-၂၀၂၅ ခုနှစ်၊ မိုးစပါးနှင့်ဆီထွက်သီးနှံများ ပန်းတိုင်အထွက်နှုန်းရရှိစေရေးအတွက် မျိုးစေ့၊ Drum Seeder ၊ သွင်းအားစုများပေးအပ်ခြင်းဖြစ်ပါကြောင်း၊ တိုင်းဒေသကြီးအတွင်း ဆီဖူလုံရေးအတွက် ဆီထွက်သီးနှံစိုက်ပျိုး​ရေးဇုန်နှစ်ခုအကောင်အထည်ဖော်ဆောင်ရွက်လျက်ရှိပြီး မျိုး​၊ ​ရေ၊ နည်း နည်းလမ်း​ေလးသွယ်ဖြင့် စနစ်တကျစိုက်ပျိုးသွားမည်ဖြစ်ပါ​ကြောင်း၊ မြန်အောင်ခရိုင်အား ဆီထွက်သီးနှံစိုက်ပျိုးသည့် စံပြခရိုင်ဖြစ်ရန် ရည်မှန်းချက်ထား​ဆောင်ရွက်လျက်ရှိပြီး ဆီထွက်သီးနှံမျိုးစုံအား အင်တိုက်အားတိုက်စိုက်ပျိုးသည့် ခရိုင်တစ်ခုလည်းဖြစ်ပါကြောင်း၊ ဆီထွက်သီးနှံစိုက်ပျိုး​ရေးဇုန်နှစ်ခုဖြစ်သည့် မြန်​အောင်ခရိုင်၊ ဟင်္သာတခရိုင်နှင့် မအူပင်ခရိုင်တို့တွင် ကြိုတင်​မြေစုဖွဲ့ခြင်း၊ မျိုးရရှိ​ရေး၊ ​အောင်​ရေရရှိ​ရေး၊ သီးနှံပိုးမွှား​​ရောဂါကြိုတင်ကာကွယ်​ရေးလုပ်ငန်းများအတွက် ပညာရှင်များဖိတ်​ခေါ်၍ အသိပညာ​ပေးလုပ်ငန်းများ​ဆောင်ရွက်လျက်ရှိပါ​ကြောင်း၊ တိုင်း​ဒေသကြီးတွင် ယခုနှစ်နွေစပါးသည် ပန်းတိုင်အထွက်နှုန်းရောက်ရှိသည့်နှစ်ဖြစ်ပါကြောင်း၊  ယခုနှစ်မိုးစပါးစိုက်ရာသီတွင် ကြဲခင်းစနစ်များ လျော့နည်း ပပျောက်စေရေး ဆောင်ရွက်လျက်ရှိပါကြောင်း၊ သီးနှံများစိုက်ပျိုးရာတွင် စိုက်ဧက၊ အထွက်နှုန်း၊ စာရင်းဇယား များ တိကျမှန်ကန်စေရေး အလေးထားဆောင်ရွက်ရမည်ဖြစ်ပါကြောင်း၊ သီးထပ်စွမ်းအား တိုးတက်ရေးအတွက် ရိုးပြတ်ကျန် ဧကများဖော်ထုတ်၍ တစ်နှစ်သုံးသီး စိုက်ပျိုးနိုင်အောင် ဆောင်ရွက်ရမည်ဖြစ်ပါကြောင်း၊  မြန်အောင်ခရိုင်သည် စိုက်ပျိုးရေးဖြစ်ထွန်းသည့် ခရိုင်ဖြစ်သဖြင့် စိုက်ပျိုးရေးလုပ်ငန်းများ ပိုမိုအောင်မြင် ဖြစ်ထွန်းရေး၊ စိုက်ပျိုးသီးနှံစုံပန်းတိုင်အထွက်နှုန်းရောက်ရှိရေး တက်ညီလက်ညီ ပူးပေါင်းဆောင်ရွက်ပေးကြစေလိုကြောင်း” အမှာစကား ပြောကြားသည်။ ထို့နောက် မြန်အောင်ခရိုင်စီမံအုပ်ချုပ်ရေးအဖွဲ့ ဥက္ကဌက စိုက်ပျိုးရေးဆိုင်ရာကိစ္စရပ်များကို ရှင်းလင်းတင်ပြခဲ့ပြီးနောက်  တိုင်းဒေသကြီးဝန်ကြီးချုပ်က မြန်အောင်၊ ကြံခင်း၊ အင်္ဂပူမြို့နယ်များမှ တောင်သူများထံသို့ Drum Seeder များ၊  ဆီထွက်သီးနှံမျိုးစေ့များနှင့် သွင်းအားစုများကို ပေးအပ်ခဲ့ပြီး တောင်သူတစ်ဦးက ကျေးဇူးတင်စကား ပြောကြားခဲ့သည်။ ထို့နောက် တိုင်းဒေသကြီးဝန်ကြီးချုပ်သည် အခမ်းအနားသို့တက်ရောက်လာသည့် တောင်သူများအား ရင်းရင်းနှီးနှီးနှုတ်ဆက်ခဲ့ပြီး ခင်းကျင်းပြသထားသည့် မြေပဲ၊ နှမ်းမျိုးစေ့များ၊ သွင်းအားစုများ၊ ရိုဘက်စတာ(မြေနိမ့်ကော်ဖီ)ပျိုးပင်များနှင့် စပါး ပျိုးထောင်စက်များကို  ကြည့်ရှုအားပေးခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်တာဝန်ရှိသူများသည် မြန်အောင်မြို့နယ်၊ ပြည်တော်သာကျေးရွာတွင် ပြုလုပ်သည့် ၂၀၂၄-၂၀၂၅ခုနှစ်၊ မိုးရာသီ (ကော်ဖီ) သီးနှံ ပျိုးပင်ပေးအပ်ပွဲနှင့် စိုက်ပျိုးပွဲသို့တက်ရောက်၍ တောင်သူများထံသို့ ကော်ဖီပျိုးပင်များပေးအပ်ခဲ့ပြီး ရိုဘက်စတာ ​မြေနိမ့်​ကော်ဖီပျိုးပင်များစုပေါင်းစိုက်ပျိုးပေးခဲ့သည်။ ယင်းနောက် တိုင်း​ဒေသကြီးဝန်ကြီးချုပ်နှင့်တာဝန်ရှိသူများသည် မြန်အောင်မြို့နယ်၊ ဆင်သေကျေးရွာရှိ တောင်သူဦး​အောင်​ဌေးပါ (၁၂)ဦး ၏ စိုက်ဧက(၅၄)ဧကတွင် စိုက်ပျိုးထားသည့် သစ်စိမ်းမြေဩဇာ(ပိုက်ဆံလျှော်)အောင်မြင်ဖြစ်ထွန်းနေမှုအားလည်းကောင်း၊ အင်္ဂပူမြို့နယ်၊ အောက်ရွာကြီးကျေးရွာရှိ မြို့မစိုက်ပျိုးရေးနည်းပညာပေးစခန်းတွင် စိုက်ပျိုးရေးဦးစီးဌာနမှ ရိုဘက်စတာ မြေနိမ့်ကော်ဖီပင်များ ပျိုးထောင်ထားရှိမှု အခြေအနေများကိုကြည့်ရှုစစ်ဆေးခဲ့သည်။

ဧရာဝတီတိုင်းဒေသကြီးဝန်ကြီးချုပ်နှင့်အဖွဲ့သည် ဇွန်လ ၂၅ ရက်နေ့က ကြံခင်းမြို့နယ်အထွေထွေအုပ်ချုပ်ရေးဦးစီးဌာန၊ ဧရာဦးခန်းမတွင်ပြုလုပ်သည့် ၂၀၂၄ ခုနှစ်၊ ဇွန်လအတွက် မွေးဖွားမှု၊ သေဆုံးမှုစာရင်းများတိုက်ဆိုင်စစ်ဆေးခြင်းအစည်းအဝေးသို့တက်ရောက်ခဲ့ရာ တိုင်းဒေသကြီးဝန်ကြီးချုပ်အား လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ခရိုင်ဦးစီးမှူးနှင့် တိုင်းဒေသကြီးဦးစီးမှူးတို့က မွေးဖွားမှု၊ သေဆုံးမှုစာရင်းများတိုက်ဆိုင်စစ်ဆေးမှုအခြေအနေများ၊ အခြေခံလူဦးရေစာရင်းများမှန်ကန်ရေး၊ နိုင်ငံသားစိစစ်ရေးကတ်များ ပြုလုပ်ဆောင်ရွက်ပေးနေမှုအခြေအနေများ၊ လာမည့်ရွေးကောက်ပွဲအတွက် လူဦးရေကိန်းဂဏန်းအချက်အခက်အလက်များမှန်ကန်ရေး ဆာဗာအတွင်းသို့ပြင်ဆင်၊ ဖြည့်စွက်ခြင်းလုပ်ငန်းများ ဆောင်ရွက်နေမှုအခြေအနေများကို ရှင်းလင်းတင်ပြရာ တိုင်းဒေသကြီးဝန်ကြီးချုပ်က“ လာမည့်​ရွေး​ကောင်ပွဲတွင် အ​ခြေခံမဲစာရင်းများမှန်ကန်မှုရှိ​စေ​ရေး၊ နိုင်ငံသားတိုင်းမဲ​ပေးနိုင်​ရေးအတွက် ကိုင်​ဆောင်လက်မှတ်မရှိသူများအား ပန်းခင်းစီမံချက်ဖြင့်  နိုင်ငံသားစိစစ်​ရေးကတ်ပြားများပြုလုပ်​ဆောင်ရွက်​ပေးလျက်ရှိပါ​ကြောင်း၊ လူဦးရေစာရင်းဇယားများ၊ ကိန်းဂဏန်းအချက်အလက်များ မှန်ကန်ရေးအတွက် လုပ်ငန်းစဉ်များချမှတ်ပေးပြီးဖြစ်ပါကြောင်းနှင့် မွေးဖွား၊ သေဆုံးမှုစာရင်းများမှန်ကန်မှုရှိ​စေရေး အလေးထားဆောင်ရွက်ရန်လိုပါကြောင်း၊ တိုက်ဆိုင်စစ်ဆေးမှုများ စဉ်ဆက်မပြတ်ဆောင်ရွက်မှသာ  ကိန်းဂဏန်းအချက်အလက်များ မှန်ကန်နိုင်မည်ဖြစ်ပါကြောင်းနှင့် သက်ဆိုင်ရာတာဝန်ရှိသူများက ပေါင်းစပ်ညှိနှိုင်းဆောင်ရွက်ရမည်ဖြစ်ပါကြောင်း” မှာကြားကာ အထွ​ထွေအုပ်ချုပ်​ရေးဦးစီးဌာန၊ လူဝင်မှုကြီးကြပ်​ရေးနှင့် ပြည်သူ့အင်အားဝန်ကြီးဌာနနှင့် ကျန်းမာ​ရေးဦးစီးဌာနတို့မှ မွေးဖွားမှု၊ သေဆုံးမှုစာရင်းများတိုက်ဆိုင်စစ်ဆေးခြင်း၊ ဆာဗာအတွင်း လူဦး​ရေဆိုင်ရာအချက်အလက်များအားဖြည့်သွင်း​ထားရှိမှုများအား ကြည့်ရှုစစ်ဆေးခဲ့သည်။