၂၀၂၂ခုနှစ်၊ ပြည်နယ်နှင့်တိုင်းဒေသကြီး စားပွဲတင်တင်းနစ် အားကစားပြိုင်ပွဲသို့ ဝင်ရောက်ယှဉ်ပြိုင်မည့် ဧရာဝတီတိုင်းဒေသကြီးကိုယ်စားပြု စားပွဲတင်တင်းနစ် အသင်းအား အောင်နိုင်ရေးအလံ ပေးအပ်ပွဲအခမ်းအနားကို ယနေ့နေ့လည်ပိုင်းက  တိုင်းဒေသကြီးအစိုးရအဖွဲ့ရုံး ၊ အစည်းအဝေးခန်းမ(၂)၌ ပြုလုပ်ရာ တိုင်းဒေသကြီး ဝန်ကြီးချုပ်ဦးတင်မောင်ဝင်း ၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ အားကစားနှင့်ကာယပညာဦးစီးဌာနမှ တာဝန်ရှိသူများနှင့် ပြိုင်ပွဲဝင် အားကစားသမားများတက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်အား ပြည်နယ်နှင့်တိုင်းဒေသကြီး စားပွဲတင်တင်းနစ်အားကစားပြိုင်ပွဲသို့ ဝင်ရောက်ယှဉ်ပြိုင်မည့်  အုပ်ချုပ် ၊ နည်းပြ ၊ အားကစားသမားများနှင့် တစ်ဦးချင်းမိတ်ဆက်ပေးပြီး အသင်းအုပ်ချုပ်သူက ပြိုင်ပွဲဝင်ရောက်ယှဥ်ပြိုင်မည့် အစီအစဉ်များအား ရှင်းလင်းတင်ပြသည်။ ထို့နောက် တိုင်းဒေသကြီးဝန်ကြီးချုပ်က “ အားကစား အောင်နိုင်ရေးအတွက်အကောင်းဆုံးအားကစားသမားများရွေးချယ်ပြီး နည်းစနစ်မှန်မှန်ဖြင့် စခန်းသွင်းလေ့ကျင့်ခဲ့ပါကြောင်း၊ တစ်ဦးချင်းကျွမ်းကျင်မှု၊ အသင်းလိုက်စည်းလုံးမှုဖြင့် အောင်မြင်မှုရရှိစေရေးကြိုးစားကြမှာဖြစ်ပါကြောင်း၊ တိုင်းဒေသကြီးအနေဖြင့်  စားပွဲတင်တင်းနစ်အားကစားပြိုင်ပွဲများတွင်အားနည်း/အားသာချက်များ သင်ခန်းစာယူပြီး အောင်မြင်မှုများရရှိနိုင်ရေးပိုမိုကြိုးစားကြရန်လိုပါကြောင်း၊ အားကစားသမားအနေဖြင့် ကျန်းမာကြံ့ခိုင်စေရေး ဂရုစိုက်နေထိုင်ကြရန်၊ လေ့ကျင့်မှုမပြက်ဆောင်ရွက်ကြရန်နှင့် တိုင်းဒေသကြီးအတွက် အောင်မြင်မှုများရရှိစေရေး အစွမ်းကုန်ကြိုးစာကြရန်”‌ပြော ကြားပြီး ဧရာဝတီတိုင်းဒေသကြီးကိုယ်စားပြု စားပွဲတင်တင်းနစ် အသင်းမှတာဝန်ရှိသူများထံသို့ အောင်နိုင်ရေးအလံနှင့် ချီးမြှင့်ထောက်ပံ့ငွေများပေးအပ်ခဲ့ပါသည်။ တိုင်းဒေသကြီးအနေဖြင့် ၂၀၂၂ခုနှစ်၊ ပြည်နယ်နှင့်တိုင်းဒေသကြီး စားပွဲတင်တင်းနစ်အားကစားပြိုင်ပွဲသို့ နည်းပြ၊ အုပ်ချုပ်၊ အားကစားသမားများ စုစုပေါင်း ၁၄ ဦးဖြင့်ဝင်ရောက်ယှဉ်ပြိုင်သွားမှာဖြစ်ကြောင်းသိရှိရသည်။

အမှတ် (၁၈၁) ပုသိမ်-ဟင်္သာတ-ကြံခင်း (အဆန်) အမြန်ရထားခရီးစဉ် ပြန်လည်ပြေးဆွဲခြင်းအခမ်းအနားကို ယနေ့နံနက်က ပုသိမ်မြို့၊ ပုသိမ်ဘူတာတွင် ကျင်းပပြုလုပ်ရာ ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်း၊ တိုင်းဒေသကြီးအစိုးရအဖွဲ့ဝင်များ၊ တိုင်း၊ ခရိုင်၊ မြို့နယ်ဌာနဆိုင်ရာများနှင့် ခရီးသွားပြည်သူများတက်ရောက်ကြပါသည်။  ဦးစွာ  တိုင်းဒေသကြီးဝန်ကြီးချုပ်မှ ဖဲကြိုးဖြတ်ဖွင့်လှစ်ပေးခဲ့ပြီး အမွှေးနံသာရည်များဖြန်းပတ်ပေးခဲ့ကာ ရထားစီး ခရီးသွားပြည်သူများကိုရင်းရင်းနှီးနှီးလိုက်လံနှုတ်ဆက်ခဲ့ပါသည်။ ထို့နောက်  နံနက်(၆)နာရီတွင် ရထားစတင်ထွက်ခဲ့ရာ တိုင်းဒေသကြီးဝန်ကြီးချုပ်နှင့်အဖွဲ့သည်  ပုသိမ်ဘူတာမှ ဂုံမင်းဘူတာအထိလိုက်ပါစစ်ဆေးခဲ့ကြပါသည်။ အလားတူအမှတ် (၁၈၂)ကြံခင်း-ဟင်္သာတ- ပုသိမ်(အစုန်)အမြန်ရထားခရီစဉ်ကိုလည်းကြံခင်းဘူတာမှ နံနက်(၆)နာရီတွင်စတင်ထွက်ခဲ့ကြကာ ခရီးသွားပြည်သူများစိတ်အေးချမ်းသာစွာလိုက်ပါစီးနင်းခဲ့ကြောင်းသိရှိရပါသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် တိုင်းဒေသကြီး ကျေးလက်လမ်းဖွံ့ဖြိုးရေးဦးစီးဌာနမှ ၂၀၂၂-၂၀၂၃ အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုရန်ပုံငွေဖြင့်ဆောင်ရွက်သည့် ကျောင်းကုန်းမြို့နယ်၊ ဆိပ်သာကြီးကျေးရွာနှင့် ကန်ကြီးထောင့်မြို့နယ်၊ ဆိပ်သာလေးကျေးရွာသို့ဆက်သွယ်ထားသည့် ကျုံလမုချောင်းကူးတံတား (၁၂ဝပေ×၁၄ပေ)တည်ဆောက်ခြင်းလုပ်ငန်းခွင်သို့ သွားရောက်၍ စတီးလက်ရန်းများတပ်ဆင်နိုင်ရေးဆောင်ရွက်နေမှုများကို ကြည့်ရှုစစ်ဆေးခဲ့ပြီး စနစ်တကျဆောင်ရွက်စေရေး၊ သတ်မှတ်ကာလအတွင်းပြီးစီးစေရေးမှာကြားခဲ့ကြောင်းသိရသည်။

ဧရာဝတီတိုင်းဒေသကြီး၊ ပုသိမ်မြို့တွင် ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်ဖလားအခြေခံပညာကျောင်းပေါင်းစုံ အသက် (၁၆) နှစ်အောက် အမျိုးသားဘောလုံးပြိုင်ပွဲ ဖွင့်ပွဲအခမ်းအနားကို ယနေ့ညနေပိုင်းတွင် ကိုးသိန်းအားကစားကွင်း၌ ပြုလုပ်ရာ  တိုင်းဒေသကြီးဝန်ကြီးချုပ် ဦးတင်မောင်ဝင်း၊ အနောက်တောင်တိုင်းစစ်ဌာနချုပ်တိုင်းမှူး ဗိုလ်ချုပ် အောင်အောင်နှင့် အစိုးရအဖွဲ့ဝင်ဝန်ကြီးများ၊ တိုင်း၊ ခရိုင်၊ မြို့နယ်ဌာနဆိုင်ရာများ၊ အခြေခံပညာကျောင်းသားကျောင်းသူများတက်ရောက်ခဲ့သည်။ ဖွင့်ပွဲတွင် တိုင်းဒေသကြီးဝန်ကြီးချုပ်က “ တိုင်းဒေသကြီးအတွင်းရှိ အခြေခံပညာကျောင်းသားအားကစားသမားများအချင်းချင်း ချစ်ကြည်ရင်းနှီးစွာဖြင့် ယှဉ်ပြိုင်ကစားနိုင်ရေး၊ တိုင်းဒေသကြီးကိုယ်စားပြု  ထူးချွန်ထက်မြက်သော မျိုးဆက်သစ်အားကစားသမားများ ပေါ်ထွက်လာစေရေး ရည်ရွယ်ကျင်းပခြင်းဖြစ်ကြောင်း၊ ပြိုင်ပွဲဝင်အသင်းများမှ အားကစားသမားများကလည်း အားကစားသမားကောင်းပီသစွာ ယှဉ်ပြိုင်ကစားကြရန်လိုပါကြောင်း၊ ခွန်အားနဲ့ဉာဏ်ရည်ကိုစနစ်တကျမှန်ကန်စွာလှုပ်ရှားရမှု၊ ဇွဲရှိမှု၊ ယှဉ်ပြိုင်မှု၊ သည်းခံမှု၊ ကျွမ်းကျင်မှု၊စိတ်ဓာတ်ကြံ့ခိုင်မှု စည်းလုံးညီညွတ်မှု၊ စည်းကမ်းလိုက်နာမှုတို့ဖြင့်ယှဉ်ပြိုင်ကစားရခြင်းဖြစ် တာကြောင့် မိမိဒေသရဲ့ဂုဏ်သတင်းကိုအားကစားဖြင့် မြှင်တင်နိုင်အောင် ကြိုးစားယှဉ်ပြိုင်ကြစေလိုကြောင်းနှင့် မိမိတို့၏ တိုင်းဒေသကြီး၏ ဂုဏ်ကို ဆောင်နိုင်ပြီး နိုင်ငံ့ဂုဏ်ဆောင် အားကစားသများဖြစ်အောင် ကြိုးစားဆောင်ရွက်ကြရန်” တိုက်တွန်းမှာကြား၍ ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်ဖလားအခြေခံပညာကျောင်းပေါင်းစုံ အသက် (၁၆) နှစ်အောက် အမျိုးသားဘောလုံးပြိုင်ပွဲအား ဖွင့်လှစ်ပေးသည်။ ဆက်လက်၍ စစ်ကြောင်းမှူးဦးဆောင်၍ ပြိုင်ပွဲဝင်အသင်းများက ဝန်ကြီးချုပ်အား အလေးပြုခြင်း၊ အားကစားသစ္စာအဓိဌာန် ၄ချက်အားရွတ်ဆိုခြင်းများကို ဆောင်ရွက်ခဲ့ကြပြီး ပြိုင်ပွဲဝင်အသင်းများက ကွင်းအတွင်းမှပြန်လည်ထွက်ခွာခဲ့ကြသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့မှ ပြိုင်ပွဲ ပထမပွဲစဉ်ယှဉ်ပြိုင်ကစားကြသည့် မအူပင်ခရိုင်အသင်းနှင့် ကျုံပျော်ခရိုင်အသင်းတို့၏ ယှဉ်ပြိုင်ကစားမှုများကို ကြည့်ရှုအားပေးခဲ့ပါသည်။ ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်ဖလား  အခြေခံပညာကျောင်းပေါင်းစုံ အသက် (၁၆) နှစ်အောက် အမျိုးသားဘောလုံးပြိုင်ပွဲကို ၁၀.၉ ၂၀၂၂ရက်နေ့မှ ၁၂.၉.၂၀၂၂ ရက်နေ့အထိကျင်းပပြုလုပ်သွားမှာဖြစ်ကြောင်းသိရှိရပါသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည် တိုင်းဒေသကြီးအစိုးရအဖွဲ့ဝင် ဝန်ကြီးများနှင့် တိုင်းဒေသကြီး / ခရိုင်/ မြို့နယ်အဆင့် ဌာနဆိုင်ရာ တာဝန်ရှိသူများလိုက်ပါလျှက် ကျုံပျော်ခရိုင်၊ ကျောင်းကုန်းမြို့နယ်၊ ကွင်းကြီးကျေးရွာအုပ်စု၊ ကွင်းကြီးကျေးရွာ၊ ဦးစစ်ငြိမ်း၏ လယ်မြေ(၄) ဧကတွင် ဧရာဝတီတိုင်းဒေသကြီး ၂၀၂၂ခုနှစ်မိုးစပါးစံကွက်ရိတ်သိမ်းပွဲတက်ရောက်၍ ရိတ်သိမ်းခြွေလှေ့စက်ဖြင့် ရိတ်သိမ်းနေမှုနှင့် (၁)ဧက အခြောက်အထွက်နှုန်း ၉၃. ၄၇ တင်းထွက်ရှိမှုကိုကြည့်ရှုအားပေးပါသည်။ ဆက်လက်၍ ဇရပ်ကွင်းကျေးရွာအုပ်စု၊ စာဖြူစုရွာတွင် မုန်းသီတာကုမ္ပဏီနှင့် Contract Farming စနစ်ဖြင့် ဧက(၅၀၀)မျိုးစေ့စိုက်ပျိုးထုတ်လုပ်နိုင်ရေး စပါးမျိုးသစ် စမ်းသပ်ကွက်ဆောင်ရွက်နေမှုများကိုကြည့်ရှုအားပေးခဲ့ပြီးတောင်သူများနှင့်တွေ့ဆုံ၍ သဘာဝမြေသြဇာ၊ သစ်စိမ်းမြေသြဇာများတိုးချဲ့သုံးစွဲစေရေး၊ မျိုးကောင်းမျိုးသန့်များသုံးစွဲစေရေးမှာကြားခဲ့ပါသည်။

ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်၊ မြို့ကွက်သစ် ရပ်ကွက်၊ အကွက်အမှတ် (၁) ရန်ကုန်-ပုသိမ် ကားလမ်းဘေးတွင်၊ (၁၀၀ပေ×၆၀ပေ×၃၆ပေ) လူထုဗဟိုပြုဌာန (Community Centre) ပန္နက်တင်မင်္ဂလာအခမ်းအနားကို ယနေ့နံနက်ပိုင်းက ကျင်းပပြုလုပ်ရာ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် ဖဒိုမန်းငြိမ်းမောင်၊တိုင်းဒေသကြီးဝန်ကြီးချုပ်ဉီးတင်မောင်ဝင်း၊ အနောက်တောင်တိုင်းစစ်ဌာနချုပ်တိုင်းမှူးဗိုလ်ချုပ်အောင်အောင်၊ တိုင်းဒေသကြီးအစိုးရအဖွဲ့ဝင်များ၊ တိုင်း၊ခရိုင်၊မြို့နယ်ဌာနဆိုင်ရာများ၊ ဒေသခံပြည်သူများတက်ရောက်ခဲ့ကြသည်။ ဦးစွာ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် ဖဒိုမန်းငြိမ်းမောင်၊ညတိုင်းဒေသကြီးဝန်ကြီးချုပ် ဦးတင်မောင်ဝင်း၊ အနောက်တောင်တိုင်းစစ်ဌာနချုပ်တိုင်းမှူးဗိုလ်ချုပ်အောင်အောင်၊ တိုင်းဒေသကြီးအစိုးရအဖွဲ့ဝင်များနှင့် တာဝန်ရှိသူများက မင်္ဂလာအချိန်ကျရောက်ချိန်တွင်သတ်မှတ်နေရာများ၌ မင်္ဂလာပန္နက်တိုင်များစိုက်ထူပေးခဲ့ပြီးအမွှေးနံ့သာရည်များဖြန်းပတ်ပေးခဲ့ကြပါသည်။ ထို့နောက် လူထုအခြေပြုဗဟိုဌာန(Community Centre) ဆောက်လုပ်ရေးကုမ္ပဏီတာဝန်ခံမှ လုပ်ငန်းဆောင်ရွက်မှုအခြေအနေများရှင်းလင်းတင်ပြပါသည်။ ဆက်လက်၍ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် ဖဒိုမန်းငြိမ်းမောင်က တိုင်းဒေသကြီးအကျိုးပိုမိုသယ်ပိုးနိုင်သည့် လူ့စွမ်းအားအရင်းအမြစ်များပိုမိုမွေးထုတ်ပေးနိုင်မယ့် လူထုအခြေပြုဗဟိုဌာနကို တိုင်းဒေသကြီးတွင် တည်ဆောက်နိုင်ရေး  တည်ဆောက်ကြိုးပမ်းဆောင်ရွက်ခဲ့ပါကြောင်း၊ လူထုအခြေပြုဗဟိုဌာနဆိုသည်မှာ ပြည်သူလူထုကစိတ်ဝင်စားသော၊ အကူအညီတောင်းခံနိုင်သော၊ ပေါင်းစပ်လုပ်ကိုင်ဆောင်ရွက်ပေးနိုင်သော၊ အသိပညာဗဟုသုတများဆည်းပူးဖလှယ်နိုင်သော၊ ဒေသအတွက်အကျိုးရှိရာရှိကြောင်းဆွေးနွေးနိုင်ရန်သတင်းအချက်အလက်များရယူနိုင်သော၊ ပြည်သူများအပန်းဖြေရန်နှင့်အသိပညာဗဟုသုတများတည်ရှိရာနေရာဖြစ်ပါကြောင်း၊ လူထုအခြေပြုဗဟိုဌာနတွင် စာကြည့်တိုက်၊ အစည်းအဝေးခန်းမ၊သင်တန်းခန်းမ၊ ကလေးစာဖတ်ခန်း၊ အားကစားခန်းစသည့် ကဏ္ဍစုံပါဝင်ပါသဖြင့် ဒေသခံပြည်များအတွက် များစွာအကျိုးရှိပါကြောင်း၊ လူထုအခြေပြုဗဟိုဌာန သတ်မှတ်အရည်အသွေးများပြည့်မီစေရေး၊ ရေရှည်တည်တံ့ခိုင်မြဲစေရေးနှင့်ပိုမိုတိုးတက်ဖွံံ့ဖြိုးစေရေး အုပ်ချုပ်ရေးအဖွဲ့အစည်းများ၊ ဌာနဆိုင်ရာများ၊ ဒေသခံပြည်သူများ၊အားလုံးဝိုင်းဝန်းကူညီဆောင်ရွက်ကြရမှာဖြစ်ပါကြောင်းနှင့်  လူထုအခြေပြုဗဟိုဌာန(Community Centre)တည်ဆောက်နိုင်ရေးအဘက်ဘက်မှ ကူညီဆောင်ရွက်ပေးကြသူများအားကျေးဇူးတင်ရှိကြောင်း ပြောကြားခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်မှ မိမိတို့တိုင်းဒေသကြီးသည် ကျေးလက်ဒေသကိုအခြေခံပြီး စိုက်ပျိုးမွေးမြူရေးလုပ်ငန်းများဖြင့်နိုင်ငံတော်တာဝန်များသယ်ပိုးဆောင်ရွက်ပေးနေသည့်တိုင်းဒေသကြီးဖြစ်ပါကြောင်း၊ ယနေ့ပြုလုပ်သည့် လူထုအခြေပြုဗဟိုဌာန(Community Centre) တည်ဆောက်ပြီးစီးပါက ဒေသအတွက် စိုက်ပျိုးမွေးမြူရေး၊ ပညာရေး၊ကျန်းမာရေးစသည့် အသိပညာဗဟုသုတများကို ရှာဖွေလေ့လာနိုင်ပြီး အတွေ့အကြုံဗဟုသုများကိုဆွေးနွေးဖလှယ်နိုင်မှာဖြစ်ပါကြောင်း၊ ထိုမှတစ်ဆင့် ဒေသခံပြည်သူများ၏ လူမှုစီးပွားဘဝဖွံ့ဖြိုးတိုးတက်ရေး နည်းလမ်းကောင်းများအဖြေရှာဆောင်ရွက်နိုင်ကြမှာဖြစ်ပါကြောင်း၊ လူ့စွမ်းအားအရင်းအမြစ်များမွေးထုတ်ပေးနိုင်ရေးနှင့် ဒေသအတွက်အမှန်တကယ်အကျိုးရှိသည်ဖြစ်၍ အရည်အသွးပြည့်မီကောင်းမွန်သည့် အဆောက်အဦဖြစ်စေရေး၊လုပ်ငန်းများမြန်ဆန်စွာအကောင်အထည်ဖော်လည်ပတ်နိုင်စေရေးနှင့် မြို့နယ်၊ ခရိုင်၊ တိုင်းဒေသကြီး၏ ကျက်သရေဆောင် လူထု အခြေပြုဗဟိုဌာန(Community Centre)ဖြစ်စေရေးအားလုံးကြိုးစားဆောင်ရွက်ကြရန်ပြောကြားခဲ့ပြီး ဖျော်ဖြေရေးအဖွဲ့များ၏ ကပြမှုများကိုကြည့်ရှုအားပေးခဲ့ကြကာ ဂုဏ်ပြုငွေများချီးမြှင့်ခဲ့ပါသည်။  ဆက်လက်၍ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် ဖဒိုမန်းငြိမ်းမောင်၊တိုင်းဒေသကြီးဝန်ကြီးချုပ်ဉီးတင်မောင်ဝင်းတို့သည် ဓနုဖြူမြို့နယ်၊နန်းတော်ကုန်းကျေးရွာ၊ ဘက်စုံအဆင်မြင့် နည်းပညာသုံးစံပြကျေးရွာ၊ ဧက၁၀၀စံပြကွက်သို့သွားရောက်၍ စိုက်ပျိိုးရေးဦးစီးဌာနမှ အဆင်မြင့် နည်းပညာသုံးစံပြကျေးရွာ၊ ဧက၁၀၀စံပြကွက်အကောင်အထည်ဖော်ဆောင်ရွက်နေမှုများကို ကြည့်ရှုအားပေးခဲ့ပြီး တိုင်းဒေသကြီးစိုက်ပျိုးရေးဦးစီးဌာနတိုင်းဦးစီးမှူးနှင့် ဗဟိုဒေသသုတေသနဗဟို(မြောင်းမြ)တာဝန်ခံတို့မှ မျိုးသန့်မျိုးစပါးထုတ်လုပ်မှု၊ စိုက်ပျိုးရေးနည်းစနစ်များ အသုံးပြု၍ စမ်းသပ်ယှဉ်ပြိုင်ကွက်များဆောင်ရွက်ထားရှိမှုနှင့် သုတေသနပြုလုပ်ငန်းများဆောင်ရွက်ထားရှိမှုများရှင်းလင်းတင်ပြခဲ့ရာ မျိုး၊မြေ၊ရေ၊နည်း မှန်ကန်စွာအသုံးပြုစေရေး၊ သစ်စိမ်းမြေသြဇာ(ပိုက်ဆံလျှော်)ထည့်သွင်းအသုံးပြုမှုများ ပိုမိုဆောင်ရွက်စေရေး၊ တောင်သူအသိပညာပေးလုပ်ငန်းများကျယ်ကျယ်ပြန့်ပြန့်ဆောင်ရွက်စေရေးနှင့် သုတေသနပြုလုပ်ငန်းများပိုမိုကောင်းမွန်အောင်ဆောင်ရွက်၍ တောင်သူများထံချပြဆွေးနွေးစေရေးမှာကြားခဲ့ကာ တောင်သူများနှင့်ရင်းရင်းတွေ့ဆုံခဲ့ပါသည်။  ဆက်လက်၍ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် ဖဒိုမန်းငြိမ်းမောင်၊တိုင်းဒေသကြီးဝန်ကြီးချုပ်ဉီးတင်မောင်ဝင်းတို့သည် ပန်းတနော်မြို့နယ်ရှိ စူပရင်းဘိုင်အိုတတ်(Supreme BioTech) ဇီဝမြေသြဇာစက်ရုံအမှတ်(၁) ပသွယ်သို့သွားရောက်ခဲ့ပြီး ကုမ္ပဏီဥက္ကဋ္ဌ ဒေါက်တာစိန်မြင့်နှင့် Dy. CEO ဦးထူးထူးအောင် တို့မှ စူပရင်း ဘိုင်အိုတတ်(Supreme BioTech) ၏ ဦးတည်ချက် များ၊ ဘိုင်အိုစူပရင်းဇီဝမြေသြဇာ အကြောင်းအရာအချက်အလက်များ၊ ဇီဝမြေသြဇာထုတ်လုပ်မှုအဆင့်ဆင့်နှင့် ရှေ့ဆက်ဆောင်ရွက်မည််လုပ်ငန်းစဉ်များအားရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်မှ မိုးစပါး၊နွေစပါးစိုက်ပျိုးမှု၊ ဆီထွက်သီးနှံ၊ ပဲမျိုးစုံစိုက်ပျိုးမှုအခြေအနေများနှင့်ဓါတ်​မြေသြဇာနှင့်ဇီ၀​မြေသြဇာ၊သဘာ၀​မြေသြဇာ၊ ရွက်စိမ်း​မြေသြဇာသုံးစွဲမှုအခြေအနေများကိုဖြည့်စွက်ရှင်းလင်းတင်ပြခဲ့ပြီးနောက် စက်ရုံအတွင်းလှည့်လည်ကြည့်ရှုစစ်ဆေးခဲ့ပါသည်။ အဆိုပါ စူပရင်း ဘိုင်အိုတတ်(Supreme BioTech) ဇီဝမြေသြဇာစက်ရုံအမှတ်(၁) ပသွယ်သည် လစဉ်ဇီဝမြေသြဇာ ၅၀ ကီလိုဂရမ် (၂၀၀၀၀)အိတ်(မက်ထရစ်တန်၁၀၀၀) ထုတ်လုပ်ဖြန့်ဖြူးပေးလျက်ရှိကြောင်းသိရသည်။