၂၀၂၁ခုနှစ်၊ သြဂုတ်လ၊ (၁၇) ရက်နေ့၊ နေ့လည်(၁၃၅၅) နာရီအချိန်တွင် ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းသည် တိုင်းဒေသကြီးအစိုးရအဖွဲ့ဝင် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးကျော်စွာလှိုင်၊ လမ်းပန်းဆက်သွယ်ရေးဝန်ကြီး ရဲမှူးကြီး တင်ဇော်ထွန်း၊ တိုင်းဒေသကြီးအစိုးရအဖွဲ့အတွင်းရေးမှူး ဦးဝေဇင်ထွန်း၊ တိုင်းဒေသကြီးပြည်သူ့ကျန်းမာရေးနှင့် ကုသရေးဦးစီးမှူး ဒေါက်တာဇော်မင်းထွန်း၊ ခရိုင်/မြို့နယ်အဆင့် ဌာနဆိုင်ရာတာဝန်ရှိသူများနှင့်အတူ ပုသိမ်မြို့နယ်၊ ရွှေမြင်တင်ကျေးရွာအုပ်စု၊ ရွာသာယာကျေးရွာရှိ ဦးဇင်အောင်၏ ဥစားကြက် မွေးမြူရေးခြံသို့ ရောက်ရှိ၍ ဥစားကြက်အကောင်ရေ(၉၀၀၀)မွေးမြူမှု တစ်ရက်ပျမ်းမျှ ကြက်ဥ ထုတ်လုပ်မှု (၅၀၀၀ - ၆၀၀၀)လုံး ထုတ်လုပ်နိုင်မှုနှင့် ကိုယ်ပိုင်အစာစပ်စက်ရုံမှ မွေးမြူရေးအစား အစာများ ထုတ်လုပ်နိုင်ခြင်းကြောင့် စျေးကွက်သို့ စျေးနှုန်းချိုသာစွာဖြင့် ဖြန့်ဖြူးဆောင်ရွက် ပေးနေကြောင်း ရှင်းလင်းတင်ပြခဲ့ပါသည်။ ထို့နောက် တိုင်းဒေသကြီးဝန်ကြီးချုပ်နှင့် အဖွဲ့ဝင်များမှ ဥစားကြက်မွေးမြူရေးခြံသို့ လိုက်လံ ကြည့်ရှုစစ်ဆေးခဲ့ပြီး မွေးမြူရေးလုပ်ငန်းအတွက် ဆေးဝါးများ ထောက်ပံ့ပေးအပ်ခဲ့ရာ ဥစားကြက်မွေးမြူရေးခြံပိုင်ရှင် ဦးဇင်အောင်မှ လက်ခံရယူခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်ခရိုင်၊ သာပေါင်းမြို့သို့ ဆက်လက် ထွက်ခွာခဲ့ရာ (၁၅၁၀)နာရီအချိန်တွင် သာပေါင်းမြို့ ပြည်သူ့ဆေးရုံသို့ ရောက်ရှိပြီး တိုင်းဒေသကြီး ဝန်ကြီးချုပ် ဦးတင်မောင်ဝင်းမှ Oxygen Concentrator 10L (၂)လုံး၊ Oxygen-40L (၄)လုံး၊ KN95 (၂၀၀)ခု၊ Favipiravir 400mg (၁၀၀)ခု၊ Enoxaparin (၁၀)ခု၊ PPE(၁၀၀)စုံနှင့် ဆေးရုံ ဝန်ထမ်းများအတွက် ထောက်ပံ့ငွေ (၅၀၀၀၀ဝိ/-)ကျပ်အား ထောက်ပံ့ပေးအပ်ခဲ့ရာ ဆေးရုံတာဝန်ရှိ သူများမှ လက်ခံရယူခဲ့ကြောင်းသတင်းရရှိပါသည်။

ဧရာဝတီတိုင်းဒေသကြီးအစိုးရအဖွဲ့အနေဖြင့် တိုင်းဒေသကြီးအတွင်းရှိ မြို့နယ်ပြည်သူ့ဆေးရုံများသို့ ကိုဗစ်-၁၉ ရောဂါထိန်းချုပ်၊ ကာကွယ်၊ ကုသ​ရေးလုပ်ငန်းများအတွက် အထောက်အကူပြု ဆေးဝါးများ၊ ဆေးပစ္စည်းများနှင့် ဝန်ထမ်းများအတွက် ထောက်ပံ့ငွေများ ကူညီထောက်ပံ့ ပေးလျက်ရှိရာ ၂၀၂၁ခုနှစ်၊ သြဂုတ်လ၊ (၁၇) ရက်နေ့၊နံနက်( ၁၀၀၅)နာရီအချိန်တွင် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည်တိုင်းဒေသကြီးအစိုးရအဖွဲ့ဝင် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးကျော်စွာလှိုင်၊ လမ်းပန်းဆက်သွယ်ရေး ဝန်ကြီး ရဲမှူးကြီးတင်ဇော်ထွန်း၊ တိုင်းဒေသကြီးအစိုးရအဖွဲ့အတွင်းရေးမှူးဦးဝေဇင်ထွန်း၊ တိုင်းဒေသကြီးပြည်သူ့ကျန်းမာရေးနှင့် ကုသရေးဦးစီးမှူး ဒေါက်တာဇော်မင်းထွန်း၊ ခရိုင်/မြို့နယ်အဆင့် ဌာနဆိုင်ရာတာဝန်ရှိသူများနှင့်အတူ ငပုတောမြို့နယ် ပြည်သူ့ဆေးရုံသို့ သွားရောက်ရှိ၍ တိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းမှ Oxygen Concentrator (၂)လုံး၊ Oxygen-40 Litter (၂၀)အိုး၊ PPE(၂၀၀)စုံနှင့် ဆေးရုံဝန်ထမ်းများအတွက် ထောက်ပံ့ငွေ (၅၀၀၀၀ဝိ/-)ကျပ်အားထောက်ပံ့ပေးအပ်လှူဒါန်းခဲ့ရာ ဆေးရုံတာဝန်ရှိသူများမှ လက်ခံရယူခဲ့ပါသည်။ ထို့နောက် ငပုတောပြည်သူ့ဆေးရုံးအတွင်းရှိ ခွဲစိပ်ဆောင်သစ် တည်ဆောက်ပြီးစီးမှုအခြေအနေအားကြည့်ရှု့စစ်ဆေးပြီး တိုင်းဒေသကြီးဝန်ကြီးချုပ်မှ လိုအပ်သည်များကို လမ်းညွှန်မှာကြားခဲ့ပါသည်။ ဆက်လက်၍ ဝန်ကြီးချုပ်နှင့်အဖွဲ့သည် ငပုတောမြို့၊ စိန်ပန်းကျောင်းတိုက်အတွင်း Oxygen စက်ရုံတည်ဆောက်နေမှုအခြေအနေအား သွားရောက်ကြည့်ရှုအားပေးခဲ့ပါသည်။ ထို့နောက် ဝန်ကြီးချုပ်နှင့်အဖွဲ့သည် ငပုတောမြို့မှ ပြန်လည်ထွက်ခွာလာခဲ့ရာ (၁၁၂၀)နာရီအချိန်တွင် ပုသိမ်စက်မှုမြို့တော်စီမံကိန်းသို့ရောက်ရှိ၍ စီမံကိန်းဆောင်ရွက်နေမှုအခြေအနေများ၊ ဆက်လက် အကောင်အထည်ဖော်ဆောင်ရွက်မည့် အခြေအနေများအား စက်မှုမြို့တော်စီမံကိန်းဒုတိယဥက္ကဋ္ဌ ဦးစည်သူစိုးမှ ရှင်းလင်းတင်ပြခဲ့ပြီး အရေးကြီးပုဂ္ဂိုလ်ခရီးစဉ်အတွင်း လမ်းညွှန်မှာကြားခဲ့မှုများအပေါ် ဆောင်ရွက်ထားရှိမှုအခြေအနေများအား လှည့်လည်ကြည့်ရှုစစ်ဆေးခဲ့ပါသည်။

ဧရာဝတီတိုင်းဒေသကြီးအစိုးရအဖွဲ့အနေဖြင့် တိုင်းဒေသကြီးအတွင်းရှိ မြို့နယ်ပြည်သူ့ဆေးရုံများသို့ ကိုဗစ်-၁၉ ရောဂါထိန်းချုပ်၊ ကာကွယ်၊ ကုသ​ရေးလုပ်ငန်းများအတွက် အထောက်အကူပြုဆေးဝါးများ၊ ဆေးပစ္စည်းများနှင့် ဝန်ထမ်းများအတွက် ထောက်ပံ့ငွေများ ကူညီထောက်ပံ့ပေးလျက်ရှိရာ ၂၀၂၁ခုနှစ်၊ သြဂုတ်လ၊ (၁၅) ရက်နေ့၊ (၁၄၄၅)နာရီအချိန်တွင် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည် အနောက်တောင်တိုင်းစစ်ဌာနချုပ်တိုင်းမှူး ဗိုလ်ချုပ်အောင်အောင်၊ တိုင်းဒေသကြီးအစိုးရအဖွဲ့ဝင် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးကျော်စွာလှိုင်၊ လမ်းပန်းဆက်သွယ်ရေးဝန်ကြီး ရဲမှူးကြီးတင်ဇော်ထွန်း၊ တိုင်းဒေသကြီး အစိုးရအဖွဲ့အတွင်းရေးမှူး ဦးဝေဇင်ထွန်း၊ တိုင်းဒေသကြီးပြည်သူ့ကျန်းမာရေးနှင့် ကုသရေးဦးစီးမှူး ဒေါက်တာဇော်မင်းထွန်း၊ ခရိုင်/မြို့နယ်အဆင့်ဌာနဆိုင်ရာ တာဝန်ရှိသူများနှင့်အတူ ကျုံပျော်မြို့ပြည်သူ့ဆေးရုံသို့သွားရောက်၍ ကိုဗစ်-၁၉ ရောဂါထိန်းချုပ်၊ ကာကွယ်၊ ကုသ​ရေးလုပ်ငန်းများအတွက် အထောက်အကူပြုဆေးဝါးများ၊ ဆေးပစ္စည်းများနှင့် ဝန်ထမ်းများအတွက် ထောက်ပံ့ငွေများပေးအပ်ပွဲ အခမ်းအနားသို့ တက်ရောက်ခဲ့ပါသည်။ ရှေးဦးစွာ တိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းမှ Oxygen (40)L (၂၀)အိုး၊Oxygen Concentrator (၂)လုံး၊ Surgical Mask(၂၅၀၀)ခု၊ Goggles(၅၀)ခု၊ PPE(၅၀)စုံနှင့် ဆေးရုံ ဝန်ထမ်းများအတွက် ထောက်ပံ့ငွေ(၅၀၀၀၀ဝိ/-)ကျပ်အားပေးအပ်လှူဒါန်းခဲ့ရာ မြို့နယ်ပြည်သူ့ ကျန်းမာရေးနှင့်ကုသရေးဦးစီးမှူး ဒေါက်တာအောင်ဇော်မိုးနှင့်တာဝန်ရှိသူများမှ လက်ခံရယူခဲ့ပါသည်။ ထို့နောက် အနောက်တောင်တိုင်းစစ်ဌာနချုပ်တိုင်းမှူး ဗိုလ်ချုပ်အောင်အောင်မှ ဆေးရုံဝန်ထမ်းများအတွက် Nan Myaing Coffee ထုပ်များ၊ ရွှေဖီဦးအသင့်ဖျော်လ္ဘက်ရည်ထုပ်များ၊ မှော်ဘီအဆင့်မြင့်ခေါက်ဆွဲထုပ်များနှင့်ကြက်ဥများ ပေးအပ်လှူဒါန်းခဲ့ရာ မြို့နယ်ပြည်သူ့ ကျန်းမာရေးနှင့်ကုသရေးဦးစီးမှူး ဒေါက်တာအောင်ဇော်မိုးနှင့် တာဝန်ရှိသူများမှ လက်ခံရယူခဲ့ပြီး တိုင်းဒေသကြီးပြည်သူ့ကျန်းမာရေးနှင့် ကုသရေးဦးစီးဌာနမှ PPE (၃၀၀)စုံ၊ Oxygen Concentrator (၂)လုံးနှင့်ဆေးဝါးများ ထောက်ပံ့ပေးအပ်ခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ကျုံပျော်မြို့၊ အောင်ဆန်းရပ်ကွက်ရှိ နာရေးကူညီမှုအသင်း(ကျုံပျော်) အဆောက်အဦတွင် အောက်စီဂျင်စက်တပ်ဆင်ရန် ပြင်ဆင်ဆောင်ရွက် နေမှုအခြေအနေအား သွားရောက်ကြည့်ရှုအားပေးခဲ့ပါသည်။ ထို့နောက် တိုင်းဒေသကြီးအစိုးရအဖွဲ့ဝန်ကြီးချုပ်နှင့်အဖွဲ့ဝင်များသည် ကျုံပျော်မြို့မှ ပြန်လည် ထွက်ခွာလာခဲ့ရာ ကန်ကြီးထောင့်မြို့နယ်၊ ကွင်းယားကြီးကျေးရွာတွင် Saemaul Undong (S.M.U) ကျေးရွာသစ်လှုပ်ရှားမှုစီမံကိန်းဖြင့်ဆောင်ရွက်သည့် ဆင်းသုခမျိုးစေ့ထုတ်စိုက်ခင်း (၃၆)ဧကသို့ ရောက်ရှိ၍ တိုင်းဒေသကြီးစိုက်ပျိုးရေးဦးစီးဌာန၊ တိုင်းဦးစီးမှူး ဦးစိန်မောင်မြင့်မှ စိုက်ပျိုးဖြစ်ထွန်း နေမှုအခြေအနေများအား ရှင်းလင်းတင်ပြခဲ့ပါသည်။ ထို့နောက် တိုင်းဒေသကြီးဝန်ကြီးချုပ်မှ မျိုးစေ့စိုက်တောင်သူများနှင့်တွေ့ဆုံခဲ့ပြီး တောင်သူများမှ စိုက်ပျိုးဆောင်ရွက်မှုအခြေအနေများ၊ အခက်အခဲများအား တင်ပြကြရာ တိုင်းဒေသကြီးဝန်ကြီးချုပ်မှ လိုအပ်သည်များကို သက်ဆိုင်ရာ ဌာနများနှင့် ပေါင်းစပ်ဆောင်ရွက်ပေးခဲ့ပါသည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်မြို့သို့ပြန်လည်ထွက်ခွာလာခဲ့ပြီး ၂၀၂၀-၂၀၂၁ ဘဏ္ဍာရေးနှစ် တိုင်းဒေသကြီးရန်ပုံငွေ (၅၆.၃၀၅သန်း)ဖြင့် ဆောင်ရွက်နေသည့် ရန်ကုန်-ပုသိမ်လမ်း(ပုသိမ်မြို့အဝင်လမ်း)မိုင် ၁၁၀/၃-၁၁၀/၄ အတွင်း Box Culvert 95' ×10' Box Culvert (၁)စင်း တည်ဆောက်ခြင်းလုပ်ငန်းခွင်သို့ရောက်ရှိပြီး လုပ်ငန်းဆောင်ရွက်ပြီးစီးမှု အခြေအနေများအား တိုင်းဒေသကြီးလမ်းဦးစီးဌာန ညွှန်ကြားရေးမှူး(မြို့ပြ) ဦးရန်နိုင်ဇော်မှ ရှင်းလင်းတင်ပြခဲ့ပြီး တိုင်းဒေသကြီးဝန်ကြီးချုပ်မှ လုပ်ငန်းဆောင်ရွက်နေမှုများအား ကြည့်ရှု စစ်ဆေးခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်မြို့၊ ခုတင်(၅၀၀)ပြည်သူ့ ဆေးရုံကြီးတွင် ကျန်းမာရေးဝန်ကြီးဌာနမှ ပံ့ပိုးကူညီပေးသည့် (၄)နာရီလျှင် အောက်စီဂျင်(၄၀) လီတာ (၁၆)အိုးထွက်ရှိသည့် အောက်စီဂျင်စက် တပ်ဆင်ပြီးစီး၍ အောက်စီဂျင် ထုတ်လုပ် နေမှုအခြေအနေအား ကြည့်ရှုစစ်ဆေးခဲ့ပါသည်။

၂၀၂၁ ခုနှစ်၊ ဩဂုတ်လ၊ (၁၄)ရက်၊ (၁၁၄၅)နာရီအချိန်တွင် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည် တိုင်းဒေသကြီးအစိုးရအဖွဲ့ဝင် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးကျော်စွာလှိုင်၊ လမ်းပန်းဆက်သွယ်ရေးဝန်ကြီး ရဲမှူးကြီး တင်ဇော်ထွန်း၊ တိုင်းဒေသကြီးအစိုးရအဖွဲ့အတွင်းရေးမှူး ဦးဝေဇင်ထွန်း၊ တိုင်းဒေသကြီးစိုက်ပျိုးရေးဦးစီးဌာန တိုင်းဦးစီးမှူး ဦးစိန်မောင်မြင့်၊ ဌာနဆိုင်ရာတာဝန်ရှိသူများနှင့်အတူ ပုသိမ်မျိုးစေ့အရည်အသွေး စစ်ဆေးခန်းသို့ရောက်ရှိ၍ မျိုးသန့်စင်မှုစစ်ဆေးခြင်း၊ မျိုးစေ့အပင်ပေါက် စမ်းသပ်ခြင်းများအား ကြည့်ရှုစစ်ဆေးခဲ့ရာ တိုင်းဒေသကြီးမျိုးစေ့တာဝန်ခံ ဒေါ်ခင်ဌေးမြင့်မှ လိုက်လံရှင်းလင်းတင်ပြခဲ့ ပါသည်။ ဆက်လက်၍ တိုင်းဒေသကြီးဝန်ကြီးချုပ်သည် မြေအသုံးချရေးဓါတ်ခွဲခန်းသို့ သွားရောက်၍ မြေဆီလွှာဓါတ်ခွဲခြင်း၊ ရေဓါတ်ခွဲခြင်း၊ မြေသြဇာ ဓါတ်ခွဲခြင်းများအား ကြည့်ရှုစစ်ဆေးခဲ့ရာ စိုက်ပျိုးရေးဦးစီးဌာနမှ ဒုလက်ထောက်ဦးစီးမှူး ဒေါ်အိသဉ္ဇာငြိမ်းနှင့် ဒုလက်ထောက် ဦးစီးမှူး နန့်ဖောင်ထွဋ်တို့မှ လိုက်လံရှင်းလင်းတင်ပြခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်သည် သီးနှံကာကွယ်ရေးဓါတ်ခွဲခန်းသို့ ရောက်ရှိ၍ ပိုးမွှားရောဂါစစ်ဆေးခြင်း၊ သီးနှံဖျက် ပိုးမွှားများ၊ သီးနှံဖျက်ရောဂါများ၊ တိုင်းဒေသကြီးအတွင်း စပါးသီးနှံများတွင် ကျရောက်ဖျက်ဆီး တတ်သော ဖျက်ပိုးနှင့်ရောဂါများအား တိုင်းဒေသကြီးသီးနှံကာကွယ်ရေးတာဝန်ခံ ဒေါ်ခင်ရီမြင့်နှင့် ဒုလက်ထောက်ဦးစီးမှူး ဦးထက်ဝေလင်း တို့မှ လိုက်လံရှင်းလင်းတင်ပြခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်မြို့နယ်၊ စိုက်ပျိုးရေးဦးစီးဌာန(မျိုးစေ့ဌာနခွဲ)၊ သရောင်းချောင်း မျိုးသန့်ခြံသို့ရောက်ရှိ၍ ခြံတာဝန်ခံ ဦးစီးအရာရှိ ဒေါ်ခင်ဌေးဦးမှ မျိုးသန့်ခြံ၏ သီးနှံစိုက်ပျိုးထုတ်လုပ်နိုင်မှုအတွက် မြေယာအသုံးချနိုင်မှု အခြေအနေများ၊ ဝန်ထမ်းအင်အားအခြေအနေများ၊ မိုးစပါးဆောင်ရွက်ပြီးစီးမှုအခြေအနေများ၊ ပေါ်ဆန်းစပါးမျိုးများ စိုက်ပျိုး၊ ထုတ်လုပ်၊ ဖြန့်ဖြူးနိုင်မှုအခြေအနေများ၊ သုတေသနဆောင်ရွက်ထားရှိမှုအခြေအနေများ၊ ပေါ်ဆန်း ဘေးကြားစပါးမျိုးတွင် နုံးထည့်စမ်းသပ် စိုက်ပျိုးခြင်းများအား Power Point ဖြင့် အသေးစိတ် ရှင်းလင်းတင်ပြရာ တိုင်းဒေသကြီးဝန်ကြီးချုပ်မှ စပါးစိုက်တောင်သူများ အထွက်နှုန်းတိုးတက်ရေး၊ စျေးကောင်းရရှိရေး၊ စိုက်နည်းစနစ်များ မှန်ကန်မှုရှိစေရေး၊ စိုက်ပျိုးရေးဦးစီးဌာနအနေဖြင့် သုတေသန လုပ်ငန်းများအား စနစ်တကျ မှတ်တမ်းပြုစုထိန်းသိမ်းထားရှိရေး၊ စိုက်ပျိုးရေးဦးစီးဌာနအနေဖြင့် တောင်သူများအား အသိပညာပေး ဆောင်ရွက်ရေး လမ်းညွှန်မှာကြားခဲ့ကာ စပါးမျိုး စိုက်ကွင်းဆောင်ရွက်ထားရှိမှုများကို သွားရောက်ကြည့်ရှုခဲ့ပါသည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် မျိုးသန့်ခြံမှ ပြန်လည်ထွက်ခွာလာခဲ့ပြီး ပုသိမ်မြို့၊ ခုတင်(၅၀၀)ဆေးရုံကြီးတွင် လှူဒါန်းထားရှိသည့် Portable Ventilator (၄)လုံးနှင့် ဆေးပစ္စည်းများအား သွားရောက်ကြည့်ရှုခဲ့ကာ အလှူရှင်များ လှူဒါန်းထားသည့် ကျန်းမာရေးအထောက်အကူပြု ဆေးဝါးနှင့်ပစ္စည်းများအား အမြန်အသုံးပြုနိုင်ရေး ဆေးရုံတာဝန်ရှိသူများအား မှာကြားခဲ့ကြောင်း သတင်းရရှိပါသည်။

၂၀၂၁ ခုနှစ်၊ ဩဂုတ်လ၊ (၁၄)ရက်၊ နံနက်(၀၉၀၀)နာရီအချိန်တွင် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည် တိုင်းဒေသကြီးအစိုးရအဖွဲ့ဝင် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး ကျော်စွာလှိုင်၊ လူမှုရေးရာဝန်ကြီး ဦးမောင်မောင်သန်း၊ လမ်းပန်း ဆက်သွယ်ရေးဝန်ကြီး ရဲမှူးကြီး တင်ဇော်ထွန်း၊ တိုင်းဒေသကြီးအစိုးရအဖွဲ့အတွင်းရေးမှူး ဦးဝေဇင်ထွန်း၊ တိုင်းဒေသကြီးသာသနာရေးဦးစီးဌာန ညွှန်ကြားရေးမှူး ဦးဖြိုးဇော်ဇော်၊ ဌာနဆိုင်ရာတာဝန်ရှိသူများနှင့်အတူ ပုသိမ်မြို့ပေါ်ရှိ ကျောင်းတိုက်များတွင် သတင်းသုံးတော်မူနေ ကြသည့် ရဟန်း၊ သာမဏေများအား လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့ရာ ပုသိမ်မြို့၊ ညောင်ပင်သာကျောင်းတိုက်ဆရာတော် ဦးဝိဿုတ (နိုင်ငံတော်သြဝါဒါစရိယ၊ အဘိဓဇမဟာရဋ္ဌဂုရု၊ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ)၊ မောင်း​ထောင်ကျောင်းတိုက်ဆရာတော် ဦးပညာဓိက(အဂ္ဂမဟာဂန္ထဝါစကပဏ္ဍိတ၊ အဂ္ဂမဟာသဒ္ဓမ္မဇောတိကဓဇ)၊ မြောင်းမြကျောင်းတိုက် ဆရာတော် ဦးဝဏ္ဏိတာဘိဝံသ(အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ)၊ မရမ်းချိုကျောင်းတိုက်ဆရာတော် ဦးသောဘိတ(အဂ္ဂမဟာဂန္ထဝါစကပဏ္ဍိတ၊ အဂ္ဂမဟာသဒ္ဓမ္မဇောတိကဓဇ) တို့ထံသို့ ဆွမ်းဆန်၊ ဆီ၊ ကြက်ဥ၊ ဆေးဝါး၊ ဝတ္ထုငွေနှင့် လှူဖွယ်ပစ္စည်းများ သွားရောက်ဆက်ကပ်လှူဒါန်းခဲ့ပြီး ဆရာတော်ကြီးများထံမှ အနုမောဒနာတရားများ နာယူကြည်ညိုခဲ့ကာ ရေစက်သွန်းချ အမျှပေးဝေခဲ့ပါသည်။