၂၀၂၃-၂၀၂၄ ပညာသင်နှစ်တွင်ဖွင့်လှစ်သင်ကြားမည့် ပြည်ထောင်စုတိုင်းရင်းသားလူမျိုးများဖွံ့ဖြိုးရေးတက္ကသိုလ်(စစ်ကိုင်း)၏ပညာရေးဘွဲ့ (၅)နှစ်သင်တန်း အမှတ်စဉ် (၁၁)နှင့် ပြည်ထောင်စုတိုင်းရင်းသားလူငယ်များစွမ်းရည်ဖွံ့ဖြိုးရေးဒီဂရီကောလိပ် (ရန်ကုန်၊စစ်ကိုင်း)တို့၏ ပထမနှစ် ဝိဇ္ဇာ ၊ သိပ္ပံ ၊ AGTI သင်တန်းများသို့တက်ရောက်မည့် ကျောင်းသား/ကျောင်းသူများအား တွေ့ဆုံပွဲအခမ်းအနားကို ယနေ့နံနက်ပိုင်းက တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ(၁)တွင် ပြုလုပ်ခဲ့ရာ တိုင်းဒေသကြီး ဝန်ကြီးချုပ်ဦးတင်မောင်ဝင်းနှင့် အစိုးရအဖွဲ့ဝင် ဝန်ကြီးများ၊ ကျောင်းသား/ကျောင်းသူများတက်ရောက်ခဲ့ကြသည်။ ဦးစွာ ကျောင်းသား၊ ကျောင်းသူများက တစ်ဦးချင်းမိတ်ဆက်တင်ပြပြီးနောက် တိုင်းဒေသကြီးဝန်ကြီးချုပ်က“ ၂၀၂၃-၂၀၂၄ ပညာသင်နှစ်တွင်ဖွင့်လှစ်သင်ကြားမည့် ပြည်ထောင်စုတိုင်းရင်းသားလူမျိုးများဖွံ့ဖြိုးရေးတက္ကသိုလ်(စစ်ကိုင်း)၏ပညာရေးဘွဲ့ (၅)နှစ်သင်တန်း အမှတ်စဉ် (၁၁)နှင့် ပြည်ထောင်စုတိုင်းရင်းသားလူငယ်များစွမ်းရည်ဖွံ့ဖြိုးရေးဒီဂရီကောလိပ် (ရန်ကုန်၊စစ်ကိုင်း)တို့၏ ပထမနှစ် ဝိဇ္ဇာ ၊ သိပ္ပံ ၊ AGTI သင်တန်းများသို့တက်ရောက်မည့် ကျောင်းသား/ကျောင်းသူ(၁၂)ဦး တက်ရောက်ရမည်ဖြစ်၍ ချီးမြှင့်နှုတ်ဆက်ထောက်ပံ့ပေးခြင်းဖြစ်ပါကြောင်း၊ သင်တန်းသားများတက်ရောက်ရန်အတွက် ရေးဖြေနှင့်လူတွေ့ဖြေဆိုကြပြီးမှ ရွေးချယ်ခံရသူများဖြစ်ကြပါကြောင်း၊ ကျောင်းတော်ကြီးမှသင်ကြားပို့ချပေးသည့် ဘာသာရပ်များကို နှံ့စပ်သိရှိနားလည်ပြီး ကျောင်းဆင်းပြီး၍ တာဝန်ကျရာဒေသများတွင် တာဝန်များထမ်းဆောင်ရမည်ဖြစ်ပါကြောင်း၊ မောင်တို့မယ်တို့သည် သင်တန်းတက်ရောက်သည့်အခါ တိုင်းဒေသကြီးနှင့် ပြည်နယ်အသီးသီးမှ မိမိတို့၏ ညီအစ်ကိုမောင်နှမများနှင့် တွေ့ဆုံရမည်ဖြစ်ပါကြောင်း၊  ကျောင်းတော်ကြီးရောက်ရှိသည့်အခါ အစ်ကိုအစ်မများ၊ အခြားသောတိုင်းဒေသကြီးနှင့် ပြည်နယ်အသီးသီးမှ မိမိတို့၏ ညီအစ်ကိုမောင်နှများအား မိမိတို့တိုင်းဒေသကြီး၏ ဒေသတိုင်ရာအချက်အလက်များကိုသိရှိမျှဝေနိုင်ရန် လေ့လာဆောင်ရွက်သွားကြရန်လိုပါကြောင်းနှင့် တိုင်းဒေသကြီး၏ဂုဏ်ဆောင်နိုင်ကြပါစေကြောင်း” ဩဝါဒအမှာစကားများ ပြောကြားသည်။ ထို့နောက် တိုင်းဒေသကြီးသင်တန်းသားရွေးချယ်ရေးကော်မတီ ဥက္ကဋ္ဌ၊ လုံခြုံရေးနှင့်နယ်စပ်ရေးရာဝန်ကြီးက သင်တန်းသားရွေးချယ်မှု လုပ်ငန်းစဉ်များအားရှင်းလင်းတင်ပြခဲ့ပြီး တိုင်းဒေသကြီးဝန်ကြီးချုပ်က ကျောင်းသား/ကျောင်းသူများအတွက် ထောက်ပံ့ငွေများကို ပေးအပ်ရာတာဝန်ရှိသူများနှင့် ကျောင်းသား/ ကျောင်းသူများက လက်ခံရယူခဲ့ကာ ကျောင်းသူတစ်ဦးက ကျေးဇူးတင်စကားများ ပြန်လည်ပြောကြားခဲ့သည်။ ၂၀၂၃-၂၀၂၄ ပညာသင်နှစ်တွင်ဖွင့်လှစ်သင်ကြားမည့် ပြည်ထောင်စုတိုင်းရင်းသားလူမျိုးများဖွံ့ဖြိုးရေးတက္ကသိုလ်(စစ်ကိုင်း)၏ပညာရေးဘွဲ့ (၅)နှစ်သင်တန်း အမှတ်စဉ် (၁၁)တွင် သင်တန်းသား(၈)ဦးနှင့် ပြည်ထောင်စုတိုင်းရင်းသားလူငယ်များစွမ်းရည်ဖွံ့ဖြိုးရေးဒီဂရီကောလိပ် (ရန်ကုန်၊စစ်ကိုင်း)တို့၏ ပထမနှစ် ဝိဇ္ဇာ ၊ သိပ္ပံ ၊ AGTI သင်တန်းတွင် သင်တန်းသား(၄)၊ စုစုပေါင်း(၁၂)ဦးတက်ရောက်သွားမည်ဖြစ်ကြောင်း သိရသည်။  ဆက်လက်၍ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် ပုသိမ်မြို့အမှတ်(၃)အခြေခံပညာအထက်ကျောင်းသို့ သွားရောက်၍ နယ်မြေခံတပ်ရင်းတပ်ဖွဲ့များ၊ ဌာနဆိုင်ရာများမှစုပေါင်းသန့်ရှင်းဆောင်ရွက် နေမှုများကိုကြည့်ရှုစစ်ဆေးပြီး ရေ၊ မီးများပြည့်စုံကောင်းမွန်ရေး၊ ကျောင်းဥပဓိရုပ်ကောင်းမွန်ရေးများကိုလမ်းညွှန်မှာကြားခဲ့သည်။ ထို့နောက် အခြေခံပညာအလယ်တန်းအဆင့်အလုပ်ရုံဆွေးနွေးပွဲ တက်ရောက်နေသည့် ဆရာ၊ဆရာမများ၊ တက္ကသိုလ်ဝင်စာေမးပွဲပြင်ပေဖြဆိုမည့်ကျောင်းသား၊ ကျောင်းသူများအားတွေ့ဆုံ၍ အားပေးစကားများပြောကြားခဲ့သည်။ ထို့နောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ပုသိမ်မြို့ အခြေခံပညာအထက်တန်းကျောင်း(ခွဲ)၊ အလက(၃)သို့သွားရောက်၍ နယ်မြေခံတပ်ရင်းတပ်ဖွဲ့များ၊ ဌာနဆိုင်ရာများမှစုပေါင်းသန့်ရှင်းဆောင်ရွက် နေမှုများကိုဆက်လက် ကြည့်ရှုစစ်ဆေးခဲ့သည်။ 

ဧရာဝတီတိုင်းဒေသကြီးဝန်ကြီးချုပ်နှင့် တာဝန်ရှိသူများသည် ဟင်္သာတမြို့နယ်၊ အားကစားခန်းမတွင် ပြုလုပ်သည့် ၂၀၂၃-၂၀၂၄ခုနှစ်၊ ဆောင်းသီးနှံစိုက်ပျိုးရေးအတွက် နေကြာ၊ သစ်စိမ်းမြေဩဇာ(ပိုက်ဆံလျှော်) မျိုးစေ့ပေးအပ်ပွဲအခမ်းအနားတက်ရောက်ခဲ့သည်။ ဦးစွာ ခန်းမအတွင်း နေကြာမျိုးစေ့ ရေဆင်း-၁၊ Supersun-41၊ Supersun-66မျိုးစေ့များခင်းကာင်းပြသထားရှိမှုကို ကြည့်ရှုအားပေးခဲ့ပြီး ဟင်္သာတခရိုင်အတွင်း ၂၀၂၃-၂၀၂၄ခုနှစ်၊ ဆောင်းနေကြာစိုက်ပျိုးရန် လျာထားမှုနှင့် ပိုက်ဆံလျှော်မျိုးစေ့ထုတ်စိုက်ပျိုးရန်လျာထားဆောင်ရွက်ထားရှိမှုအခြေအနေများအား လယ်ယာမြေစီမံခန့်ခွဲမှုနှင့်စာရင်းအင်းဦးစီးဌာန၊တိုင်းဒေသကြီး ဦးစီးမှူးရှင်းလင်းတင်ပြခဲ့သည်။ ထို့နောက် အခမ်းအနားတက်ရောက်၍ တိုင်းဒေသကြီး ဝန်ကြီးချုပ်က“ ရာသီအချိန်မီ စိုက်ပျိုးဆောင်ရွက်နိုင်ရန်အတွက် နေကြာ၊ သစ်စိမ်းမြေဩဇာ (ပိုက်ဆံလျှော်) မျိုးစေ့များပေးအပ်ခြင်း ဖြစ်ပါကြောင်း၊  မြေဆီလွှာ ပျက်စီးမှုများကို ပြန်လည်ကောင်းမွန်စေရေးအတွက် သစ်စိမ်းမြေဩဇာများ ထည့်သွင်းစိုက်ပျိုးခြင်းဖြင့် ပြေပြင်ခြင်းလုပ်ငန်းများဆောင်ရွက်ရန်နှင့် ယူရီးယားမြေဩဇာ များသုံးစွဲမှုလျှော့ချနိုင်ရေးတို့အတွက်ဆောင်ရွက်ခြင်းဖြစ်ပါကြောင်း၊ မိမိတို့တိုင်းဒေသ ကြီးသည် ပိုက်ဆံလျှော်သစ်စိမ်းမြေဩဇာကိုအင်တိုက်အားတိုက်စိုက်ပျိုးလျက် ရှိသည့် တိုင်းဒေသကြီးဖြစ်ပါကြောင်းနှင့် လာမည့်၂၀၂၄ခုနှစ်၊ မိုးစပါးစိုက်ရာသီတွင် ရေတော်မိုးတော် စိုက်ဧက(၂၇)သိန်းအား ပိုက်ဆံလျှော်များ အပြည့်အဝထည့်သွင်း စိုက်ပျိုးသွားမည်ဖြစ်ပါကြောင်း၊ ပိုက်ဆံလျှော်မျိုးစေ့ထုတ်စိုက်ခင်းများစိုက်ပျိုးသည့် တောင်သူများအနေဖြင့် သက်ဆိုင်ရာမြို့နယ်အလိုက်အုပ်စုဖွဲ့ပြီး အဖွဲ့လိုက်စုပေါင်း စနစ်ဖြင့် လုပ်ငန်းဆောင်ရွက်ရန်နှင့် မြေလွတ်များနှင့် လမ်းဘေးဝဲယာတစ်လျှောက်တွင် စနစ်တကျစုဖွဲ့၍ အစုအဖွဲ့စနစ်ဖြင့် မျိုးစေ့ရရှိရေးဆောင်ရွက်ကြရမှာဖြစ်ပါကြောင်း၊ ဆီဖူလုံမှုရှိစေရေးအတွက် နေကြာ၊  မြေပဲ၊ နှမ်းအစရှိသည့် ဆီထွက်သီးနှံများကို ပိုမိုတိုးချဲ့စိုက်ပျိုးရန်လည်း လိုအပ်မည်ဖြစ်ပါကြောင်း၊ နေကြာစိုက်ပျိုးရာတွင် ဝတ်မှုန်ကူးခြင်းအတွက် ပျားမွေးမြူရေးကိုလည်း ဆောင်ရွက်သွားကြရန်လိုပါကြောင်း၊ သီးနှံများပန်းတိုင်အထွက်နှုန်းများရရှိ စေရေးနှင့် တိုင်းဒေသကြီး၏ စိုက်ပျိုးရေးကဏ္ဍ ပိုမို ဖွံ့ဖြိုးတိုးတက်စေရေး ဌာနဆိုင်ရာများ၊ လုပ်ငန်းရှင်များ၊ တောင်သူများက ကြိုးစား ဆောင်ရွက်ပေးကြစေလိုကြောင်း” အမှာစကားများပြောကြားသည်။ ဆက်လက်၍ ဟင်္သာတခရိုင်စီမံအုပ်ချုပ်ရေးအဖွဲ့ ဥက္ကဋ္ဌက နေကြာ၊ ပိုက်ဆံလျှော်မျိုးစေ့များအား မြို့နယ်များအလိုက် စုဆောင်းထားရှိမှုအခြေအနေများနှင့် စိုက်ပျိုးပြီးစီးမှုအခြေအနေများ၊ နေကြာ၊ မြေပဲ၊ နှမ်း တိုးချဲ့လျာထားစိုက်ပျိုးမည့်အခြေအနေများ၊ နိုင်ငံ့စီးပွားမြှင့်တင်ရေး ရန်ပုံငွေဖြင့် မိုးစပါး၊ နွေစပါးစိုက်ပျိုးပြီးစီးမှု အခြေအနေများ၊ ပီလောပီနံစိုက်ပျိုးပြီးစီးမှု အခြေအနေများအား  ရှင်းလင်းတင်ပြပြီးနောက် တိုင်းဒေသကြီးဝန်ကြီးချုပ်၊ လုံခြုံရေးနှင့်နယ်စပ်ရေးရာဝန်ကြီး၊ လမ်းပန်းဆက်သွယ်ရေး ဝန်ကြီးတို့က ဟင်္သာတ၊ ဇလွန်၊ လေးမျက်နှာမြို့နယ်များမှ မြို့နယ်အုပ်ချုပ်ရေးမှူးများထံသို့ ရေဆင်း-၁စပ်မျိုးနေကြာ၊ Super sun-41၊ Super sun-66နေကြာမျိုးစေ့များနှင့် သစ်စိမ်းမြေဩဇာ(ပိုက်ဆံလျှော်) မျိုးစေ့များကိုပေးအပ်ခဲ့ပြီး တောင်သူများကိုယ်စား တောင်သူတစ်ဦးကကျေးဇူးတင်စကားများ ပြန်လည်ပြောကြားခဲ့ပြီး နောက် တိုင်းဒေသကြီးဝန်ကြီးချုပ်သည် တောင်သူများနှင့်ရင်းရင်းနှီးနှီးတွေ့ဆုံခဲ့ကြောင်းသိရသည်။

(၃၅)နှစ်မြောက်အထွေထွေအုပ်ချုပ်ရေးဦးစီးဌာနနှစ်ပတ်လည်နေ့အကြို စုပေါင်းသွေး လှူဒါန်းပွဲ အခမ်းအနားကို ယနေ့နံနက်ပိုင်းက ပုသိမ်ပြည်သူ့ဆေးရုံကြီး ကိုးထပ်ဆောင်ရှိ အမျိုးသားသွေးလှူဘဏ်ခွဲ၌ ပြုလုပ်ခဲ့ကြရာ တိုင်းဒေသကြီးဝန်ကြီးချုပ် ဦးတင်မောင်ဝင်းသည် အစိုးရအဖွဲ့ဝင် ဝန်ကြီးများနှင့်အတူ သွားရောက်ကြည့်ရှု အားပေးခဲ့သည်။  ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်ပြည်သူ့ဆေးရုံကြီး ကိုးထပ်ဆောင်ရှိ အမျိုးသားသွေးလှူဘဏ်ခွဲတွင် အထွေထွေအုပ်ချုပ်ရေးဦးစီးဌာန တိုင်း၊ ခရိုင်၊ မြို့နယ်တို့မှ အရာထမ်း၊ အမှုထမ်းများ၏ စုပေါင်းသွေးလှူဒါန်းနေမှုများကို ကြည့်ရှုအားပေးခဲ့ပြီး သွေးအလှူရှင်များအား အာဟာရဖြည့်စားသောက်ဖွယ်ရာများထောက်ပံ့ပေး အပ်ခဲ့ကြ သည်။(၃၅)နှစ်မြောက်အထွေထွေအုပ်ချုပ်ရေးဦးစီးဌာနနှစ်ပတ်လည်နေ့အကြို စုပေါင်း သွေးလှူဒါန်းပွဲတွင် တိုင်း၊ ခရိုင်၊ မြို့နယ်တို့မှ အရာထမ်း၊ အမှုထမ်း(၅၄)ဦးတို့က သွေးများလှူဒါန်းခဲ့ကြကြောင်းသိရသည်။

ပုသိမ်ခရိုင်၊ ပုသိမ်မြို့နယ်စုပေါင်းရုံး၊ မြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမတွင် နိုဝင်ဘာ  ၃ရက်နေ့ညနေပိုင်းက ပုသိမ်ခရိုင် ၂ဝ၂၃-၂၀၂၄ ခုနှစ် ၊ ဆောင်းသီးနှံတွင် စိုက်ပျိုးသည့် သစ်စိမ်းမြေဩဇာ(ပိုက်ဆံလျှော်) မျိုးစေ့ထုတ်နှင့် ဆီထွက်သီးနှံ(နေကြာ) မျိုးစေ့များ ပေးအပ်ပွဲအခမ်းအနား ပြုလုပ်ခဲ့ရာ ဧရာဝတီတိုင်း‌ဒေသကြီးအစိုးရအဖွဲ့ ဝန်ကြီးချုပ်ဦးတင်မောင်ဝင်း၊ တိုင်းဒေသကြီး အစိုးရအဖွဲ့ဝင်များ၊ တိုင်း၊ ခရိုင်၊ မြို့နယ်ဌာနဆိုင်ရာများတက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်က“ ပြီးခဲ့သည့် ၂၀၂၂-၂၀၂၃ မိုးစပါးစိုက်ပျိုးရာသီတွင် ရေတော်မိုးတော်စိုက်ဧကတစ်သိန်းအား ပိုက်ဆံလျှော် သစ်စိမ်း မြေဩဇာများ ထည့်သွင်းဆောင်ရွက်ခဲ့ပါကြောင်း၊ လာမည့် ၂၀၂၄ခုနှစ်၊ မိုးစပါးစိုက်ရာသီတွင် ရေတော်မိုးတော် စိုက်ဧက(၂၇)သိန်းအား ပိုက်ဆံလျှော်များ အပြည့်အဝထည့်သွင်းစိုက်ပျိုးသွားမည်ဖြစ်၍ ပိုက်ဆံလျှော် မျိုးစေ့ ထုတ်စိုက်ပျိုးနိုင်ရေး ေတာင်သူများအား မျိုးစေ့များထောက်ပံ့ ပေးခြင်းဖြစ်ပါကြောင်း၊ တောင်သူများအနေဖြင့်လည်း အဖွဲ့လိုက်စုပေါင်းစနစ်ဖြင့် စနစ်တကျစိုက်ပျိုး၍ ရှင်သန်ဖြစ်ထွန်းေစရန်နှင့်မျိုးစေ့များရရှိစေရေး ဆောင်ရွက် ကြရန်လိုပါကြောင်း၊ တိုင်းဒေသကြီးသည်စိုက်ပျိုးရေးစံပြတိုင်းဖြစ်စေရေးအတွက် ပန်းတိုင်အထွက်နှုန်းများ ရရှိစေရေးကြိုးစားဆောင်ရွက်လျက်ရှိရာ မိုးစပါးပန်းတိုင် အထွက်နှုန်း မရောက်သေးမီ ကာလအကြား ရည်မှန်းချက်အနေဖြင့် တစ်ဧက(၁၀)တင်း ပိုမိုတိုးတက်ထွက်ရှိရေးအတွက် စိုက်ပျိုးရေးပညာရှင်များ၊ ဌာနဆိုင်ရာများနှင့် တောင်သူများတွေ့ဆုံ၍ အလုပ်ရုံဆွေးနွေးပွဲများ ပြုလုပ်၍ ရလဒ်များဖော်ထုတ် အကောင်အထည်ဖော်ဆောင်ရွက်ခဲ့ရာ မိုးစပါးများတိုးတက်ထွက်ရှိခဲ့သည်ကို တွေ့ရှိနေရပါကြောင်းနှင့် မိုးစပါးသာမက နွေစပါးအပါအဝင် အဓိကသီးနှံများကိုလည်း ပန်းတိုင်အထွက်နှုန်းများ ရရှိအောင် ဆောင်ရွက်ရမှာဖြစ်ပါကြောင်း၊ ဆီဖူလုံမှုရှိစေရေး အတွက် ဆီထွက်သီးနှံများ တိုးချဲ့စိုက်ပျိုးလျက်ရှိရာ နေကြာ၊ မြေပဲ၊ နှမ်းစသည့်ဆီထွက် သီးနှံများဖြစ်ထွန်း အောင်မြင်ရေးနှင့် ဆီဖူလုံရေးအတွက်လည်း ဝိုင်းဝန်းဆောင်ရွက် ရမှာဖြစ်ပါကြောင်းနှင့် နေကြာစိုက်ပျိုးဖြစ်ထွန်းအောင်မြင်စေရေးအတွက် အထွက်တိုး နေကြာမျိုးများသုံးစွဲစေရေး၊ စနစ်တကျစိုက်ပျိုးစေရေးဆောင်ရွက်ရန်နှင့်တိုင်းဒေသကြီး ၏ စိုက်ပျိုးရေးလုပ်ငန်းများပိုမိုအောင်မြင်စေရေး ဝိုင်းဝန်းကြိုးပမ်းဆောင်ရွက်ကြရန် အမှာစကားများ ပြောကြားသည်။ ဆက်လက်၍ ပုသိမ်ခရိုင်စီမံအုပ်ချုပ်ရေးအဖွဲ့ ဥက္ကဋ္ဌက ပိုက်ဆံလျှော်(မျိုးစေ့ထုတ်)နှင့် နေကြာစိုက်ပျိုးဆောင်ရွက်မှု အခြေအနေများအား လည်းကောင်း၊ စိုက်ပျိုးရေးဦးစီးဌာန၊ တိုင်းဒေသကြီးဦးစီးမှူးက ပိုက်ဆံလျှော်နှင့် နေကြာမျိုးစေ့များ ပေးအပ်ရခြင်းရည်ရွယ်ချက်၊ စိုက်ပျိုးဆောင်ရွက်မည့် အခြေအနေ များအားလည်းကောင်း ရှင်းလင်းတင်ပြပြီးနောက် တိုင်းဒေသကြီးဝန်ကြီးချုပ်က ပုသိမ်မြို့နယ်၊ ကန်ကြီးထောင့်မြို့နယ်၊ သာပေါင်းမြို့နယ်နှင့် ငပုတောမြို့နယ်တို့မှ မြို့နယ်အုပ်ချုပ်ရေးမှူးများနှင့် တောင်သူများထံသို့ နေကြာမျိုးစေ့များနှင့် သစ်စိမ်းမြေဩဇာ (ပိုက်ဆံလျှော်) မျိုးစေ့များပေးအပ်ခဲ့သည်။ ထို့နောက် တောင်သူများကိုယ်စား ပုသိမ်မြို့နယ်မှတောင်သူတစ်ဦးက ကျေးဇူးတင်စကားပြောကြားခဲ့ပြီး တိုင်းဒေသကြီးအစိုးရအဖွဲ့ ဝန်ကြီးချုပ်နှင့်အဖွဲ့သည်  မြို့နယ်အလိုက် ပိုက်ဆံလျှော် (မျိုးစေ့ထုတ်)နှင့် နေကြာစိုက်ပျိုးဆောင်ရွက်ထားရှိသည့် အခြေပြမြေပုံ၊ လုပ်ငန်းအခြေပြ ဇယားနှင့် မျိုးစေ့များအား လှည့်လည်ကြည့်ရှုစစ်ဆေးခဲ့ပြီး တောင်သူများနှင့် ရင်းရင်း နှီးနှီးတွေ့ဆုံအားပေးခဲ့ကြောင်းသိရသည်။

(၂၄)ကြိမ်မြောက်မြန်မာ့ရိုးရာယဉ်ကျေးမှု အဆို၊အက၊အရေး၊အတီးဗဟိုအဆင့်ပြိုင်ပွဲဝင် တိုင်းဒေသကြီးကိုယ်စားပြုအသင်းနှင့် ဆုရရှိသူများအားဂုဏ်ပြုချီးမြှင့်ပွဲ အခမ်းအနားကို ယနေ့မွန်းလွဲပိုင်းက ပုသိမ်မြို့၊ မြို့တော်ခန်းမတွင် ပြုလုပ်ခဲ့ရာ တိုင်းဒေသကြီးအစိုးရအဖွဲ့ ဝန်ကြီးချုပ်နှင့် ဇနီး၊ အနောက်တောင်တိုင်းစစ်ဌာနချုပ်တိုင်းမှူးနှင့် ဇနီး၊ ပုသိမ်လေတပ် စခန်းဌာနချုပ်မှူးနှင့်ဇနီး၊ တိုင်းဒေသကြီးအစိုးရအဖွဲ့ဝင် ဝန်ကြီးများနှင့် ၎င်းတို့၏ဇနီးများ၊ ဌာနဆိုင်ရာများနှင့် ဧရာဝတီတိုင်းဒေသကြီးကိုယ်စားပြုပြိုင်ပွဲဝင်များ တက်ရောက် ခဲ့ကြသည်။ ဦးစွာ (၂၄)ကြိမ်မြောက်မြန်မာ့ရိုးရာယဉ်ကျေးမှု အဆို၊အက၊အရေး၊အတီးဗဟိုအဆင့်ပြိုင်ပွဲ တိုင်းဒေသကြီးကိုယ်စားပြုဆုရရှိသူများအားဂုဏ်ပြုချီးမြှင့်ခြင်းအခမ်းအနား ကျင်းပရေး နာယက ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်က“ ယခုကဲ့သို့ (၂၄)ကြိမ်မြောက်   မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး(ဗဟိုအဆင့်) ပြိုင်ပွဲကြီးတွင် အောင်အောင်မြင်မြင် ပါဝင်ယှဥ်ပြိုင်နိုင်ခဲ့ပြီး ဆုတံဆိပ်များရရှိအောင် စွမ်းဆောင်နိုင်ခဲ့ပါကြောင်း၊ (၂၄) ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး(ဗဟိုအဆင့်) ပြိုင်ပွဲသို့ ဝင်ရောက်ယှဉ်ပြိုင်နိုင်ရန်အတွက်  မြို့နယ်အဆင့်၊ ခရိုင်အဆင့်ပြိုင်ပွဲများပြုလုပ်၍ စိစစ်ရွေးချယ်ပြီး တိုင်းအဆင့်ပြိုင်ပွဲပြုလုပ်၍ အရည်အချင်းပြည့်ဝသည့် ပြိုင်ပွဲဝင်များအား စိစစ်ရွေးချယ်ခဲ့ပါကြောင်း၊ ယခင်နှစ်က အတွေ့အကြုံများကိုအခြေခံ၍ ယခုနှစ် တိုင်းဒေသကြီးအဆင့်ပြိုင်ပွဲတွင် အဆို၊ အက၊ အရေး၊ အတီး အကဲဖြတ်ပညာရှင်များ၊ ခရိုင်အဆင့်အကဲဖြတ်ပညာရှင်များအား ဖိတ်ခေါ်၍ ပြိုင်ပွဲဝင်များအား အကဲဖြတ် ရွေးချယ်ကာ စခန်းသွင်းလေ့ကျင်မှုများ ပြုလုပ်ခဲ့သည့်အပြင် အရည်အချင်းဆန်းစစ်ခြင်း များကိုလည်း ဆောင်ရွက်နိုင်ခဲ့ပါကြောင်း၊ (၂၃)ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးဗဟိုအဆင့်ပြိုင်ပွဲတွင် တတိယနေရာတွင်ရရှိခဲ့ပြီး ယခုနှစ်တွင်လည်း တတိယနေရာကိုဆက်လက်ထိန်းသိမ်း နိုင်ခဲ့ပါကြောင်း၊ (၂၄)ကြိမ်မြောက်မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး(ဗဟိုအဆင့်)ပြိုင်ပွဲ ကြီးတွင် အားသွန်ခွန်စိုက်ဖြင့် သွားရောက်ယှဉ်ပြိုင်ခဲ့ကြပြီး တတိယနေရာရရှိအောင်စွမ်းဆောင်ပေးနိုင်ခဲ့သည့်  တိုင်းဒေသကြီးကိုယ်စားပြုအသင်းအား ကျေးဇူးတင်ရှိပါကြောင်း၊ (၂၄)ကြိမ်မြောက်မြန်မာ့ရိုးရာယဉ်ကျေးမှုအဆို၊ အက၊ အရေး၊ အတီး ဗဟိုအဆင့်ပြိုင်ပွဲတွင် ဧရာဝတီတိုင်းဒေသကြီးကိုယ်စားပြု ပါဝင်ယှဉ်ပြိုင်နိုင်ရေး ပူးပေါင်းပါဝင်ဆောင်ရွက်ခဲ့ကြသည့် အသင်းတာဝန်ခံ၊ နည်းပြ၊ အုပ်ချုပ်သူ၊ ရုံးအဖွဲ့၊ ပြိုင်ပွဲဝင်များနှင့်ဆုရရှိခဲ့ကြသည့် ပြိုင်ပွဲဝင်များအတွက် အလွန်ဂုဏ်ယူဝမ်းမြောက် မိပါကြောင်းနှင့် နောင်နှစ်ပြိုင်ပွဲများတွင် ယခု(၂၄)ကြိမ်မြောက် ပြိုင်ပွဲတွင် ရရှိခဲ့သည့် အဆင့်ထက် ပိုမိုသာလွန်သည့် ဆုတံဆိပ်များရရှိနိုင်ရေး ကြိုးစားကြစေလိုကြောင်း  ” ဂုဏ်ပြုအမှာစကားများပြောကြားသည်။ ဆက်လက်၍ တိုင်းဒေသကြီး ဝန်ကြီးချုပ်က အကပြိုင်ပွဲ ကွက်စိပ်ဝါသနာရှင် (ဒုတိယတန်း)တွင် ပထမဆု(ရွှေတံဆိပ်ဆု)၊ ဇာတ်ညွှန်းဆု၊ ပံ့ပိုးဆိုင်းဆု၊ အရေးပြိုင်ပွဲ အဆင့်မြင့်ပညာ(အမျိုးသား) အဆင့်တွင်ပထမ(ရွှေတံဆိပ်)ဆု၊ အတီးပြိုင်ပွဲ မယ်ဒလင် အခြေခံပညာ (၁၅-၂၀)အဆင့်တွင် ပထမ(ရွှေတံဆိပ်) ဆုနှင့် ဂီတာပြိုင်ပွဲတွင် ဒုတိယ(ငွေတံဆိပ်)ဆု၊ အတီးပြိုင်ပွဲ ဂီတာဝါသနာရှင် (ဒုတိယတန်း) တွင်ပထမ (ရွှေတံဆိပ်)ဆု၊ အတီးပြိုင်ပွဲ ဒုံမင်းဝါသနာရှင် (ပထမတန်း) တွင်ပထမ(ရွှေတံဆိပ်)ဆု၊ အတီးပြိုင်ပွဲ ဒုံမင်းအခြေခံပညာ (၁၅-၂၀) အဆင့် တွင်ပထမ(ရွှေတံဆိပ်) ဆု၊ အတီးပြိုင်ပွဲ နှဲဝါသနာရှင် (ပထမတန်း) တွင် ပထမ(ရွှေတံဆိပ်)ဆု၊ အတီးပြိုင်ပွဲ ပုလွေဝါသနာရှင် (ပထမတန်း)တွင် ပထမ(ရွှေတံဆိပ် )ဆုရရှိသူများအားလည်းကောင်း၊ဧရာဝတီတိုင်း ဒေသကြီးအစိုးရအဖွဲ့ ဝန်ကြီးချုပ်၏ ဇနီးက အခြေခံပညာ (၁၅-၂၀)အဆင့် အဆိုပြိုင်ပွဲ ခေတ်ဟောင်း/ကာလပေါ် (ပထမ) မဟာဂီတ(တတိယ)၊ အတီးပြိုင်ပွဲဂီတာ(ပထမ)၊ စောင်း(တတိယ) စုစုပေါင်း ရွှေတံဆိပ်(၂)ဆုနှင့် ကြေးတံဆိပ်(၂)ဆု၊အဆင့်မြင့်ပညာ အဆင့် အတီးပြိုင်ပွဲ ပုလွေတွင် ပထမ(ရွှေတံဆိပ်)ဆု၊ အခြေခံပညာ(၁၀-၁၅)အဆင့် အတီးပြိုင်ပွဲ ဆိုင်းတစ်ဦးချင်းတွင် ပထမ(ရွှေတံဆိပ်)ဆု၊ အခြေခံပညာ (၁၀-၁၅) အဆင့် အတီးပြိုင်ပွဲ စန္ဒယား တွင်ပထမဆု (ရွှေတံဆိပ်) ဆု၊ ဝါသနာရှင် (ဒုတိယတန်း) အတီးပြိုင်ပွဲဆိုင်းတစ်ဦးချင်းတွင်(ပထမ)ရွှေတံဆိပ်၊ ပတ္တလားပြိုင်ပွဲတွင် (တတိယ) စုစုပေါင်း ရွှေတံဆိပ်( ၁) ဆုနှင့် ကြေးတံဆိပ် ( ၁)ဆု၊ အခြေခံပညာ (၁၀-၁၅) အဆင့်အတီးပြိုင်ပွဲ ဆိုင်းအဖွဲ့လိုက်တွင် ပထမ (ရွှေတံဆိပ်)ဆု၊အခြေခံပညာ (၁၀-၁၅) အဆင့်အတီးပြိုင်ပွဲ ဂီတာတွင်ပထမ (ရွှေတံဆိပ်) ဆုရရှိသူများအားလည်းကောင်း၊ အနောက်တောင်တိုင်းစစ်ဌာနချုပ် တိုင်းမှူးက အရေးပြိုင်ပွဲ ဝါသနာရှင်(ဒုတိယတန်း)တွင် ဒုတိယ(ငွေတံဆိပ်) ဆု၊ အဆင့်မြင့်ပညာအဆင့် အတီးပြိုင်ပွဲ စန္ဒယားတွင်ဒုတိယ (ငွေတံဆိပ်)ဆု၊ အခြေခံပညာ(၁၅-၂၀) အဆင့် အတီးပြိုင်ပွဲ စန္ဒယားတွင် ဒုတိယ (ငွေတံဆိပ်)ဆု၊ ဝါသနာရှင်(ပထမတန်း) အတီးပြိုင်ပွဲ မယ်ဒလင် တွင်ဒုတိယ (ငွေတံဆိပ်)ဆု၊  ဝါသနာရှင်(ဒုတိယတန်း) အတီးပြိုင်ပွဲ ဒုံမင်း တွင်ဒုတိယ(ငွေတံဆိပ်)ဆု၊ အခြေခံပညာ (၁၅-၂၀) အဆင့် အတီးပြိုင်ပွဲ ဒုံမင်းတွင်ဒုတိယ(ငွေတံဆိပ်)ဆု၊ ဝါသနာရှင် (ပထမတန်း) အတီးပြိုင်ပွဲဆိုင်းတစ်ဦးချင်းတွင်(ဒုတိယ) ငွေတံဆိပ်ဆုရရှိသူများအား လည်းကောင်း၊  အနောက်တောင်တိုင်း စစ်ဌာနချုပ် တိုင်းမှူး၏ ဇနီးက ဝါသနာရှင် (ဒုတိယတန်း) အတီးပြိုင်ပွဲ ဆိုင်းတစ်ဦးချင်းတွင်(ဒုတိယ)၊ ပတ္တလားပြိုင်ပွဲတွင် (တတိယ) ငွေတံဆိပ်(၁)နှင့်  ကြေးတံဆိပ်(၁)ဆု၊ အခြေခံပညာ(၁၅-၂၀)အဆင့်အတီးပြိုင်ပွဲ ဆိုင်းတစ်ဦးခြင်းတွင် (ဒုတိယ) ငွေတံဆိပ်ဆု၊ အခြေခံပညာ(၁၅-၂၀) အဆင့် အတီးပြိုင်ပွဲ ဆိုင်းအဖွဲ့လိုက်တွင် (ဒုတိယ) ငွေတံဆိပ်ဆု၊  အဆင့်မြင့်ပညာအဆင့်အတီးပြိုင်ပွဲ အိုးစည်တွင်(ဒုတိယ)ငွေတံဆိပ်ဆု၊အခြေခံပညာ (၁၀-၁၅)အဆင့် တစ်ဦးခြင်းအကပြိုင်ပွဲ တွင် (ဒုတိယ) ငွေတံဆိပ်ဆု၊ ဝါသနာရှင် (ဒုတိယတန်း) အတီးပြိုင်ပွဲ မယ်ဒလင် (ဒုတိယ) ဂီတာ(ဒုတိယ) တယော(တတိယ)ငွေတံဆိပ် (၂ )ဆုနှင့်ကြေးတံဆိပ်(၁)ဆု၊ ဝါသနာရှင် (ပထမတန်း) အတီးပြိုင်ပွဲ ဆိုင်းဝိုင်းကြီးအဖွဲ့လိုက်တွင် ဒုတိယ(ငွေတံဆိပ်)ဆုရရှိသူများအားလည်းကောင်း၊ ပုသိမ်လေတပ်စခန်း ဌာနချုပ်မှူးက အဆိုပြိုင်ပွဲ မဟာဂီတ ဝါသနာရှင် (ပထမတန်း) တွင်တတိယ(ကြေးတံဆိပ်)ဆု၊ အဆိုပြိုင်ပွဲ အမျိုးဂုဏ်/ ဇာတိဂုဏ် အဆင့်မြင့်ပညာအဆင့် တွင် တတိယ(ကြေးတံဆိပ်)ဆု၊  အတီးပြိုင်ပွဲ စန္ဒယား ဝါသနာရှင် (ဒုတိယတန်း)တွင် တတိယ(ကြေးတံဆိပ်)ဆု၊ အတီးပြိုင်ပွဲ ပတ္တလား အခြေခံပညာ(၁၅-၂၀) တွင်တတိယ(ကြေးတံဆိပ်)ဆု၊ အတီးပြိုင်ပွဲ အိုးစည် အခြေခံပညာ(၁၅-၂၀) တွင်တတိယ(ကြေးတံဆိပ်)ဆုရရှိသူများအားလည်း‌ကောင်း၊ ပုသိမ်လေတပ်စခန်း ဌာနချုပ်မှူး၏ဇနီးက အတီးပြိုင်ပွဲ တယော အခြေခံပညာ(၁၀-၁၅) တွင်တတိယ(ကြေးတံဆိပ်)ဆု၊ အတီးပြိုင်ပွဲ အိုးစည် ဝါသနာရှင်(ဒုတိယတန်း)တွင် တတိယ (ကြေးတံဆိပ်)ဆု၊ အဆိုပြိုင်ပွဲ ခေတ်ဟောင်း/ကာလပေါ် အဆင့်မြင့်ပညာ အဆင့်တွင် တတိယ(ကြေးတံဆိပ်)ဆု၊  အတီးပြိုင်ပွဲ ပတ္တလား ဝါသနာရှင်(ပထမတန်း) တွင်တတိယ(ကြေးတံဆိပ်)ဆု၊ အတီးပြိုင်ပွဲ တယောအခြေခံပညာ(၁၅-၂၀)အဆင့်တွင်တတိယ (ကြေးတံဆိပ်)ဆု၊ အတီးပြိုင်ပွဲ စောင်း ဝါသနာရှင် (ဒုတိယတန်း)တွင် တတိယ (ကြေးတံဆိပ်)ဆုရရှိသူများအားလည်းကောင်း၊  တိုင်းဒေသကြီး တရားသူကြီးချုပ်က အတီးပြိုင်ပွဲ ပုလွေ အခြေခံပညာ(၁၀-၁၅) အဆင့်တွင် တတိယ(ကြေးတံဆိပ်)ဆု၊ အတီးပြိုင်ပွဲ ဆိုင်းအဖွဲ့လိုက် ဝါသနာရှင်(ဒုတိယတန်း)တွင် တတိယ (ကြေးတံဆိပ်) ဆု၊  အတီးပြိုင်ပွဲ ဒိုးပါတ် ဝါသနာရှင်(ပထမတန်း)တွင် တတိယ (ကြေးတံဆိပ်)ဆု၊ အတီးပြိုင်ပွဲ ဒိုးပါတ် ဝါသနာရှင် (ဒုတိယတန်း) တွင်တတိယ (ကြေးတံဆိပ်)ဆု၊  အကပြိုင်ပွဲ ရုပ်စုံသဘင် ဝါသနာရှင် (ပထမတန်း) တွင်နှစ်သိမ့်ဆု၊ အကပြိုင်ပွဲ ဇတ်တော်ကြီး ဝါသနာရှင်(ပထမတန်း)တွင်နှစ်သိမ့်ဆုရရှိသူများအား လည်းကောင်း၊ တိုင်းဒေသကြီးအစိုးရအဖွဲ့ လုံခြုံရေးနှင့်နယ်စပ်ရေးရာဝန်က (၂၄)ကြိမ်မြောက်မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီးပြိုင်ပွဲတွင် ဧရာဝတီတိုင်းဒေသကြီး ကိုယ်စားပြုအသင်းမှ အသင်းအုပ်ချုပ်သူ/နည်းပြတစ်ဦးနှင့် ပြိုင်ပွဲဝင်တစ်ဦးအား ဂုဏ်ပြုဆုများအသီးသီးချီးမြှင့်ခဲ့ကြသည်။ ဆက်လက်၍ တိုင်းဒေသကြီးဝန်ကြီးချုပ်နှင့် တာဝန်ရှိသူများက (၂၄)ကြိမ်မြောက် မြန်မာ့ရိုးရာယဉ်ကျေးမှု အဆို၊အက၊အရေး၊အတီးဗဟိုအဆင့်ပြိုင်ပွဲဝင် တိုင်းဒေသကြီး ကိုယ်စားပြုအသင်းအား စားသောက်ဖွယ်ရာများဖြင့် တည်ခင်းဧည့်ခံခဲ့ပြီးနောက် တိုင်းဒေသကြီးဝန်ကြီးချုပ်နှင့် ဧည့်သည်တော်များသည်အခြေခံပညာ (၁၅-၂၀)အဆင့် အဆိုပြိုင်ပွဲ ခေတ်ဟောင်းကာလပေါ် (ပထမ) မဟာဂီတ(တတိယ)၊ အတီးပြိုင်ပွဲ ဂီတာ(ပထမ)၊စောင်း(တတိယ) စုစုပေါင်း ရွှေတံဆိပ်(၂ )ဆုနှင့် ကြေးတံဆိပ်(၂ )ဆုရရှိသူ မအေးသန္တာစိုး၏  ဆုရသီချင်းဖြင့်သီဆိုဖျော်ဖြေမှုအားလည်းကောင်း၊ အခြေခံပညာ (၁၅-၂၀)အဆင့် အတီးပြိုင်ပွဲ စန္ဒယား တွင်ပထမဆု (ရွှေတံဆိပ်)၊ ဆုရရှိသူ မကေဇော်ရှင်းသန့်၏ ဆုရသီချင်းဖြင့် တီးခတ်ဖျော်ဖြေမှုအားလည်းကောင်း၊ အခြေခံပညာ (၁၀-၁၅) အဆင့်အတီးပြိုင်ပွဲ ဂီတာတွင် ပထမ(ရွှေတံဆိပ်) ဆု ရရှိသူ မရွှန်းလဲ့မေ၏ ဆုရရှိခဲ့သည့် သီချင်းဖြင့်တီးခတ်ဖျော်ဖြေမှုအားလည်းကောင်း၊ အတီးပြိုင်ပွဲ ဒုံမင်းဝါသနာရှင် (ပထမတန်း) တွင် ပထမ(ရွှေတံဆိပ်) ဆုရရှိသူ ဦးမြင့်စိုး၏ ဆုရသီချင်း၊ အခြေခံပညာ (၁၀-၁၅) အဆင့် အတီးပြိုင်ပွဲ ဆိုင်းတစ်ဦးချင်းတွင် ပထမ(ရွှေတံဆိပ်)ဆု ရရှိသူများ၏တီးခတ်ဖျော်ဖြေမှုများကို ကြည့်ရှုအားပေးခဲ့ပြီး ပြိုင်ပွဲဝင်များအား ရင်းရင်းနှီးနှီးနှုတ်ဆက်ခဲ့သည်။ (၂၄)ကြိမ်မြောက်မြန်မာ့ရိုးရာယဉ်ကျေးမှု အဆို၊အက၊ အရေး၊အတီးဗဟိုအဆင့်ပြိုင်ပွဲတွင် ဧရာဝတီတိုင်းဒေသကြီးကိုယ်စားပြု ပြိုင်ပွဲဝင်(၂၄၆)ဦး ပါဝင်ယှဉ်ပြိုင်ခဲ့ပြီး ရွှေတံဆိပ်(၁၈)ခု၊ ငွေတံဆိပ်(၁၆)ခု၊ ကြေးတံဆိပ်(၂၀)ခုနှင့် နှစ်သိမ့်ဆု(၂)ဆု၊ စုစုပေါင်းဆုတံဆိပ်(၅၆)ခု ဆွတ်ခူးရရှိခဲ့ပြီး တိုင်းဒေသကြီးနှင့်ပြည်နယ် ဆုရရှိမှု တန်းစီဇယားတွင် တတိယနေရာရရှိခဲ့ကြောင်း သိရသည်