ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းသည် အစိုးရအဖွဲ့ဝင်ဝန်ကြီးများ၊ ဌာနဆိုင်ရာများနှင့်အတူ ဧပြီလ(၆)ရက်နေ့ နံနက်ပိုင်းက ပုသိမ်ခရိုင်၊ ငရုတ်ကောင်းမြို့ရှိ တံတားအရှည် ၁၂၈၀ပေ (Bored Pile RC Concrete) အမျိုးအစား ချောင်းဝတံတားတည်ဆောက်ရေး ရှင်းလင်းဆောင်သို့ ရောက်ရှိပြီး တံတားတည်ဆောက်ရေးတာဝန်ခံမှ ဘဏ္ဍာနှစ်အလိုက် လုပ်ငန်းဆောင်ရွက်နေမှု အခြေအနေများ ရှင်းလင်းတင်ပြရာ တိုင်းဒေသကြီးဝန်ကြီးချုပ်မှ တည်ဆောက်ရေးလုပ်ငန်းများ အရည်အသွေးပြည့်မီစေရေး သတ်မှတ်ကာလအတွင်း ပြီးစီးစေရေး လုပ်ငန်းခွင်အန္တရာယ်ကင်းရှင်းစေရေး အလေးထားဆောင်ရွက်ရန် မှာကြားခဲ့ပြီးနောက် တံတားတည်ဆောက်ရေးဆောင်ရွက်နေမှု အခြေအနေများအား ကြည့်ရှုစစ်ဆေးခဲ့ပါတယ်။ အဲ့ဒီနောက် တိုင်းဒေသကြီးဝန်ကြီးချုပ်နှင့်အဖွဲ့သည် ငရုတ်ကောင်းမြို့ ပြည်သူ့ဆေးရုံသို့ရောက်ရှိပြီး ဆေးရုံတာဝန်ခံများနှင့်တွေ့ဆုံကာ တင်ပြချက်များအပေါ် ဖြေရှင်းဆောင်ရွက်ပေးခဲ့ပြီး ကျန်းမာရေးသုံးပစ္စည်းများနှင့် ထောက်ပံ့ငွေများပေးအပ်ခဲ့ပါတယ်။ ဆက်လက်ပြီး တိုင်းဒေသကြီး ဝန်ကြီးချုပ်နှင့်အဖွဲ့သည် ငရုတ်ကောင်းမြို့ အခြေခံပညာအထက်တန်းကျောင်းတွင် ကျောင်းသူ/သားများ အေးချမ်းစွာ စာ​မေးပွဲဖြေဆိုနေမှုများ၊ ကျောင်းဆောင်ကြံ့ခိုင်မှုအခြေအနေများ လှည့်လည်ကြည့်ရှု စစ်ဆေးခဲ့ပြီး စာရေးကိရိယာများနှင့် ထောက်ပံ့ငွေများပေးအပ်ခဲ့ပါတယ်။ ဆက်လက်ပြီး တိုင်းဒေသကြီးဝန်ကြီးချုပ်နှင့်အဖွဲ့သည် ငရုတ်ကောင်းမြို့ ဓမ္မိကာရုံမြို့မကျောင်းတိုက် ဆရာတော်ဘုရားကြီးအားဖူးမျှော်၍ သာသနာရေးဆိုင်ရာများလျောက်ထားခဲ့ပြီး လှူဖွယ်ပစ္စည်း ဆွမ်း၊ ဆန်၊ ဆီ၊ ဆား၊ ပဲနှင့် ဝတ္တုငွေများ ဆက်ကပ်လှူဒါန်းခဲ့ပြီး သာသနရက္ခိတကျောင်းဆောင်တွင် ကိုဗစ်-၁၉ရောဂါ ကာကွယ်ဆေးထိုးနှံနေမှုအခြေအနေများအား လှည့်လည်ကြည့်ရှုအားပေးခဲ့ပါတယ်။ ဆက်လက်ပြီး တိုင်းဒေသကြီးဝန်ကြီးချုပ်သည် ငရုတ်ကောင်းမြို့ ဌာနဆိုင်ရာများနှင့်တွေ့ဆုံခဲ့ပြီး တင်ပြချက်များအပေါ် ဖြေရှင်းဆောင်ရွက်ပေးခဲ့ပြီး တိုင်းဒေသကြီးဝန်ကြီးချုပ်က ဒေသဖွံ့ဖြိုးတိုးတက်ရေးအတွက် သက်ဆိုင်ရာဌာနအလိုက် ရည်မှန်းချက်များအား အောင်မြင်အောင် အကောင်အထည်ဖော်ဆောင်ရွက်ရန်နှင့် ဒေသခံပြည်သူများကို ကိုဗစ်-၁၉ရောဂါကာကွယ်ဆေး ရာနှုန်းပြည့်ထိုးနှံပေးနိုင်ရေး ပူးပေါင်းဆောင်ရွက်ကြရန် ပြောကြားခဲ့ပါတယ်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ဒီရေတောများထိန်းသိမ်းရေးနှင့်ရေနေသတ္တဝါများ မျိုးသုန်းပျောက်ကွယ်မှုမရှိစေရေးနှင့်ဒေသခံပြည်သူများမှ သစ်တောများစနစ်တကျထိန်းသိမ်းနိုင်စေရန် ရည်ရွယ်၍ ပုသိမ်ခရိုင်သစ်တောဉီးစီးဌာနမှ ထပ်မံဖွဲ့စည်းရန်ဆောင်ရွက်လျက်ရှိသည့် ကြွေချိုင်ဒီရေတော ကြိုးပြင်ကာကွယ်တော (၁၀၁၈)ဧကအား သွားရောက်ကြည့်ရှုခဲ့ပြီး သစ်တောဉီးစီးဌာန ခရိုင်သစ်တောဉီးစီးမှူးမှ လုပ်ငန်းဆောင်ရွက်ထားရှိမှု အခြေအနေများအား ရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်မှ အသေးစိတ်ကွင်းဆင်းစစ်ဆေးပြီး ပြန်လည်တင်ပြဆောင်ရွက်သွားရန် လမ်းညွန်မှာကြားခဲ့ပါတယ်။ ဆက်လက်၍  တိုင်းဒေသကြီးဘဏ္ဍာရန်ပုံငွေဖြင့်လမ်းဦးစီးဌာနမှဆောင်ရွက်သည့် ငရုပ်ကောင်းလမ်း ၁မိုင် ၂ဖာလုံအား ကတ္တရာလမ်းခင်းခြင်း လုပ်ငန်းဆောင်ရွက်နေမှုကို ကြည့်ရှုစစ်ဆေးခဲ့ပြီး အရည်အသွေး ပြည့်မီစေရေးလမ်းညွှန်မှာကြားခဲ့ကြောင်းသတင်းရရှိပါသည်။

ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းသည် ယနေ့ နေ့လယ်ပိုင်းတွင် တိုင်းဒေသကြီးအစိုးရအဖွဲ့ဝင် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးကျော်စွာလှိုင်၊ လမ်းပန်းဆက်သွယ်ရေးဝန်ကြီး ရဲမှူးကြီး တင်ဇော်ထွန်းတို့နှင့်အတူ ပုသိမ်ပြည်သူ့ ဆေးရုံကြီး (၉)ထပ်တိုးချဲ့ဆောင် ဆောက်လုပ်ရေးလုပ်ငန်းခွင်သို့သွားရောက်၍ ရေသန့်လုပ်ငန်း RC Ground Tank (30000, 60000, 90000 Gal)/ Pump House ဆောင်ရွက်နေမှုအား ကြည့်ရှုစစ်ဆေးခဲ့ပြီး တာဝန်ရှိသူများမှ လုပ်ငန်းဆောင်ရွက်နေမှုအခြေအနေများ ရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်မှ လိုအပ်သည်များအား ဖြည့်စွက်မှာကြားခဲ့ပါသည်။ ဆက်လက်၍ (၉)ထပ်ဆောင်ဆေးရုံကြီးတွင် ဓာတ်လှေခါးတပ်ဆင်မှုအခြေအနေများအား ကြည့်ရှုစစ်ဆေးခဲ့ပြီး လုပ်ငန်းခွင်အန္တရာယ်ကင်းရှင်းစေရေး၊ သတ်မှတ်ကာလအတွင်း ပြီးစီးစေရေး လမ်းညွှန်မှာကြားခဲ့ပါတယ်။ ထို့နောက် Multi Room တွင် ဆောက်လုပ်ရေးဝန်ကြီးဌာန၊ အဆောက်အဦအထူးအဖွဲ့(၁၅)၊ လုပ်ငန်းတာဝန်ခံမှ ဆောင်ရွက်လျက်ရှိသည့် မြို့ပြလုပ်ငန်း၊ ရေသန့်လုပ်ငန်း၊ လျှပ်စစ်လုပ်ငန်းများ၏ ဆောင်ရွက်ပြီးစီးမှုအခြေအနေများ၊ ဆောင်ရွက်ဆဲ အခြေအနေများနှင့် ဆက်လက်ဆောင်ရွက်မည့် အခြေအနေများအား ရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်မှ တည်ဆောက်ရေးလုပ်ငန်းများ အရည်အသွေးပြည့်မီစေရေး၊ သတ်မှတ်ကာလအတွင်း ပြီးစီးစေရေး အလေးထားဆောင်ရွက်ရန် မှာကြားခဲ့ပြီး လုပ်ငန်းဆောင်ရွက်နေမှု အခြေအနေများအား လှည့်လည်ကြည့်ရှုစစ်ဆေးခဲ့ကြောင်း သတင်းရရှိပါသည်။

ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည်  ၂၀၂၂ ခုနှစ်၊ ဧပြီလ (၄)ရက်နေ့၊ နေ့လည်ပိုင်းအချိန်တွင် ပုသိမ်မြို့၊ ဧရာရွှေဝါခန်းမတွင် ကျင်းပပြုလုပ်သော တိုင်းဒေသကြီး၏ ၂၀၂၂-၂၀၂၃ ဘဏ္ဍာရေးနှစ်၊ ဒေသန္တရစီမံကိန်းတာဝန်ပေးအပ်ပွဲအခမ်းအနားသို့ တက်ရောက်ခဲ့ပါသည်။ အခမ်းအနားသို့ တိုင်းဒေသကြီးဝန်ကြီးချုပ်၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီး အဆင့်ဌာနဆိုင်ရာများ၊ ခရိုင်အုပ်ချုပ်ရေးအဖွဲ့ဥက္ကဌများနှင့် တာဝန်ရှိသူများ တက်ရောက်ခဲ့ပြီး တိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းက အမှာစကား ပြောကြားရာတွင် ၂၀၂၂-၂၀၂၃ ဘဏ္ဍာရေးနှစ်ဟာ နိုင်ငံတော်က ဘဏ္ဍာရေးနှစ် ပြန်လည်ပြောင်းလဲပြင်ဆင်သတ်မှတ်ပြီးနောက် စတင်ဆောင်ရွက်သည့် ပထမဆုံးဘဏ္ဍာရေးနှစ်ဖြစ်ပြီး တိုင်းပြည်ရဲ့စီးပွားရေးပြန်လည် ဦးမော့လာစေရေးကို တွန်းအားပေး ဆောင်ရွက်ရမဲ့နှစ်လည်း ဖြစ်ပါကြောင်း တိုင်းဒေသကြီး၏ စီးပွားရေး ဖွံ့ဖြိုးတိုးတက်ဖို့ ကဏ္ဍအလိုက်လျာထားချက်များကို အကောင်အထည်ဖော်ရာမှာ ကဏ္ဍများရဲ့ ထုတ်လုပ်နိုင်စွမ်းဆောင်ရွက်နိုင်စွမ်းရှိသမျှ အကောင်အထည်ဖော်နိုင်ဖို့ လိုအပ်ပါကြောင်း၊ ထို့အပြင်ပြည်သူအများစု ရေတိုလက်ငင်း အကျိုးကျေးဇူးရရှိခံစားရမဲ့ ဒေသဖွံ့ဖြိုးရေးလုပ်ငန်းများကိုလည်း လျင်လျင်မြန်မြန် အကောင်အထည်ဖော်ပေးနိုင်ဖို့လည်း လိုအပ်ပြီးတိုင်းဒေသကြီး၏ စီးပွားရေးမှာ ပါဝင်မှုအများဆုံးဖြစ်ပြီး အဓိကလည်းဖြစ်သည့် လယ်ယာနှင့် သားငါးကဏ္ဍများ လျာထားချက်ထက် ပိုမိုအကောင်အထည်ဖော်နိုင်ရေး၊ စိုက်ပျိုးမွေးမြူရေး ထုတ်ကုန်အခြေခံတန်ဖိုးမြင့် ကုန်ထုတ် လုပ်ငန်းများဖြစ်တဲ့ အသေးစားနှင့် အလတ်စားစက်မှုလက်မှုလုပ်ငန်းများ ဖွံ့ဖြိုးတိုးတက်စေရေး၊ အဆိုပါလုပ်ငန်းများရဲ့ ထုတ်လုပ်မှုများ သက်ဆိုင်ရာကဏ္ဍအလိုက် မကျန်ရှိစေရေး အကောင်အထည်ဖော် ဆောင်ရွက်မည့် ဌာနများနှင့် အဖွဲ့အစည်းများအချင်းချင်း အချိတ်အဆက်မိမိ ဆောင်ရွက်ဖို့ လိုအပ်ပါကြောင်း၊ ကဏ္ဍအလိုက် လျာထားချက်များ ပြည့်မီကျော်လွန်ရေး ဆောင်ရွက်ရင်းနိုင်ငံတော်ရဲ့ လမ်းညွှန်ချက်ဖြစ်သော စားသုံးဆီဖူလုံရေးအတွက် နေကြာသီးနှံကို သတ်မှတ်လျာထားချက်အတိုင်း အပြည့်အဝစိုက်ပျိုးထွက်ရှိနိုင်ရေး ကိုလည်းအင်တိုက်အားတိုက် ဆောင်ရွက်ရမှာဖြစ်ပြီး တိုင်းဒေသကြီးအတွင်း ဆီဖူလုံမှုရာခိုင်နှုန်း တိုးတက်လာသကဲ့သို့ ဒေသနေပြည်သူများ ကျန်းမာရေးနဲ့ညီညွတ်ပြီး သင့်တင့်သည့် ဈေးနှုန်းဖြင့် စားသုံးနိုင်မှာဖြစ်ပါကြောင်း ဒေသန္တရစီမံကိန်းပါ ရည်မှန်းချက်များ ပြည့်မီအောင်မြင်ရေးအတွက် တာဝန်ရှိအဖွဲ့အစည်းအသီးသီးအနေနဲ့ ကဏ္ဍအချင်းချင်း၊ ဒေသအချင်းချင်း ညှိနှိုင်း ပေါင်းစပ် ဆောင်ရွက်ကြရန်လိုကြောင်းပြောကြားခဲ့ပါသည်။

တစ်နိုင်ငံလုံးအတိုင်းအတာဖြင့် မတ်လ (၃၁)ရက်နေ့မှ ဧပြီလ(၉)ရက်နေ့အထိ  တက္ကသိုလ်၀င်စာမေးပွဲ ကျင်းပလျက်ရှိရာ   ဧရာ၀တီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည် တိုင်းဒေသကြီးအစိုးရဖွဲ့ဝင် ဝန်ကြီးများ၊ ဌာနဆိုင်ရာတာဝန်ရှိသူများ လိုက်ပါလျှက် ၂၀၂၂ ခုနှစ်၊ ဧပြီလ (၄)ရက်နေ့၊ ယနေ့နံနက်ပိုင်းအချိန်တွင် ပုသိမ်မြို့၊ အမှတ်(၈) အခြေခံပညာအထက်တန်းကျောင်းတွင်  တက္ကသိုလ်၀င်စာမေးပွဲ စတုတ္ထနေ့၊ ဓာတုဗေဒဘာသာရပ်အား အေးချမ်းစွာစာမေးပွဲဖြေဆိုနေမှုများကို လိုက်လံကြည့်ရှု အားပေးခဲ့ပြီး ကျောင်းသူကျောင်းသားများ စာမေးပွဲဖြေဆိုနေစဉ်အတွင်း လုံခြုံရေး၊ သွားလာရေးနှင့် ကျန်းမာရေးစောင့်ရှောက်မှုများ အလေးထားဆောင်ရွက်ပေးရေး သက်ဆိုင်ရာ တာဝန်ရှိသူများအား မှာကြားခဲ့ပါတယ်။ ပုသိမ်မြို့၊ အမှတ်(၈) အခြေခံပညာအထက်တန်းကျောင်းတွင်  အတွင်းဖြေဆိုသူ (၁၂၈)ဦး၊  အပြင်ဖြေဆိုသူ(၂၁)ဦး၊ စုစုပေါင်း(၁၄၉)ဦးဝင်ရောက် ဖြေဆိုလျက်ရှိပြီး ခရိုင်(၆)ခရိုင်၊ မြို့နယ် (၂၆) မြို့နယ်တွင် တက္ကသိုလ်ဝင်စာမေးပွဲ စာစစ်ဌာန (၂၄၇)ခု ဖွင့်လှစ်ထားရှိရာ ဓာတုဗဒဘာသာရပ်ကို ကျောင်းသားကျောင်းသူ စုစုပေါင်း(၁၉၁၉၁)ဦး၀င်ရောက်ဖြေဆိုလျက်ရှိကြောင်း သတင်းရရှိပါသည်။

ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်ဦးတင်မောင်ဝင်းနှင့်အစိုးရအဖွဲ့ဝင် ဝန်ကြီးများ၊ တိုင်း/ခရိုင်၊ မြို့နယ်ဌာနဆိုင်ရာများလိုက်ပါလျက် ဧပြီလ(၃)ရက်နေ့ နံနက်ပိုင်းက လပွတ္တာခရိုင်၊ ပြင်စလူမြို့ Multi Cyclone Shulter သို့ရောက်ရှိပြီး ဒေသခံပြည်သူများနှင့်တွေ့ဆုံပွဲအခမ်းအနားကျင်းပခဲ့ရာ ဉီးစွာတိုင်းဒေသကြီးဝန်ကြီးချုပ်က တိုင်းဒေသကြီးတွင်မုန်တိုင်းဒဏ်ခံနိုင်သည့် Cyclone Shulter (၁၁၆)လုံး ဆောက်လုပ်ပေးပြီးဖြစ်ပါကြောင်း၊ ဒေသခံပြည်များအနေဖြင့် မုန်တိုင်းမကျရောက်မီ ကြိုတင်ပြင်ဆင်ရမည့် အချက်(၄)ချက်ကို လိုက်နာဆောင်ရွက်ထားကြရန် လိုပါကြောင်း၊ မုန်တိုင်းဝင်ရောက်လာမည်ကိုသိရှိပါက Multi Cyclone Shulter များသို့ အချိန်မီသွားရောက်ခိုလှုံကြရန်နှင့် အကြောင်းအမျိုးမျိုးကြောင့် ကိုဗစ်-၁၉ ရောဂါကာကွယ်ဆေးထိုးရန်ကျန်ရှိနေသူများအား လာရောက်ထိုးနှံစေရေးဝိုင်းဝန်းဆောင်ရွက်ပေးရန် တိုက်တွန်းပြောကြားခဲ့ပါသည်။ ထို့နောက် ဒေသခံပြည်သူများမှ ဒေသဖွံ့ဖြိုးရေးအတွက် လျှပ်စစ်မီးရရှိရေး၊ လမ်းပန်းဆက်သွယ်မှု ကောင်းမွန်စေရေး၊ Cyclone Shulterများ ဆောက်လုပ်ပေးနိုင်ရေး၊ သောက်သုံးရေရရှိစေရေးစသည့် လိုအပ်ချက်များအား အသီးသီးတင်ပြကြရာ သက်ဆိုင်ရာဌာနဆိုင်ရာများမှ ဆောင်ရွက်ပေးနိုင်မှုအခြေအနေများ ရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်မှ လိုအပ်သည်များ ဖြည့်ဆည်းဆောင်ရွက်ပေးခဲ့ပြီး အားကစားသုံးပစ္စည်းများ၊ ကျန်းမာရေးသုံးပစ္စည်းများ၊ ကယ်ဆယ်ရေးသုံးပစ္စည်းများအား ထောက်ပံ့ပေးအပ်ကာ  ဒေသခံပြည်သူများကိုယ်စား ပြည်သူတစ်ဦးက ကျေးဇူးတင်စကား ပြန်လည်ပြောကြားခဲ့ပါသည်။ ထို့နောက် Multi Cyclone Shulter တွင်ဖွင့်လှစ်ထားရှိသည့် ပြင်စလူမြို့ဆေးရုံအတွင်း ဆေးကုသမှုခံယူနေသော လူနာများအား ကြည့်ရှုအားပေးခဲ့ပြီး လူနာများနှင့် ဆေးရုံ၀န်ထမ်းများအတွက် ထောက်ပံ့ငွေများပေးအပ်ခဲ့ကာ ဒေသခံပြည်သူများ ကိုဗစ်-၁၉ ရောဂါကာကွယ်ဆေးထိုးနှံပေးနေမှုအခြေအနေများအား ကြည့်ရှု့အားပေးခဲ့ပါတယ်။ ဆက်လက်ပြီး တိုင်းဒေသကြီးဝန်ကြီးချုပ်နှင့်အဖွဲ့ဝင်များသည် ပြင်စလူမြို့ Multi Cyclone Shulter တွင် ဖွင့်လှစ်ထားရှိသည့် အခြေခံပညာအထက်တန်းကျောင်းသို့ရောက်ရှိပြီး ဆရာ၊ဆရာမများနှင့် တွေ့ဆုံခဲ့ပြီး ကျောင်းသုံးပစ္စည်းများနှင့် ထောက်ပံ့ငွေများပေးအပ်ခဲ့ကာ စာသင်ဆောင်များအား လှည့်လည်ကြည့်ရှုစစ်ဆေးခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ပြင်စလူမြို့၊ အထွေထွေအုပ်ချုပ်ရေးဦးစီးဌာနရုံးတွင်  ပြင်စလူမြို့ဌာနဆိုင်ရာများနှင့် တွေ့ဆုံခဲ့ပြီး ဒေသဖွံ့ဖြိုး တိုးတက်ရေးအတွက်  သက်ဆိုင်ရာဌာနအလိုက် အဆင့်ဆင့်တင်ပြ ဖြေရှင်းဆောင်ရွက်ပေးရန်လိုပါကြောင်း၊ ဝန်ထမ်းများအနေဖြင့် စည်းလုံးညီညွတ်စွာဖြင့် မိမိတို့ရဲ့တာဝန်များကို အောင်မြင်အောင်ဆောင်ရွက်ကြရန် ပြောကြားခဲ့ပါတယ်။ ထို့နောက် ပြင်စလူမြို့ဌာနဆိုင်ရာဝန်ထမ်းများမှ တစ်ဉီးချင်းမိတ်ဆက်တင်ပြခဲ့ပြီး တိုင်းဒေသကြီးဝန်ကြီးချုပ်မှ ဝန်ထမ်းများအတွက် ဆန်၊ ဆီ၊ ပဲ၊ ကြက်သွန် အစရှိသည့်စားသောက်ကုန်များထောက်ပံ့ပေးအပ်ခဲ့ပြီး မြို့သန့်ရှင်းသာယာလှပရေး ဝိုင်းဝန်း ဆောင်ရွက်ပေးကြရန်နှင့် ကိုဗစ်-၁၉ရောဂါ ကာကွယ်ဆေးထိုးနှံခြင်းလုပ်ငန်းများတွင် ဌာနဆိုင်ရာများနှင့် ပြည်သူများပူးပေါင်းပါဝင်ဆောင်ရွက်ကြရန် နိဂုံးချုပ်အမှာစကား ပြောကြားခဲ့ကြောင်း သတင်းရရှိပါသည်။