နိုင်ငံတော်စီမံအုပ်ချုပ်ရေးကောင်စီအဖွဲ့ဝင် မန်းငြိမ်းမောင်၊တိုင်းဒေသကြီး ဝန်ကြီးချုပ်ဦးတင်မောင်ဝင်းတို့သည် တာဝန်ရှိသူများနှင့်အတူ မြောင်းမြို့နယ်၊ မြစိမ်းရောင်တောင်တော်ရှိပေ(၁၀၀)(၂၀၀)တန်ဆောင်းတော်ကြီး၌ ပြုလုပ်သော အနန္တကျေးဇူးတော်ရှင် မြစိမ်းရောင်ဆရာတော်ဘုရားကြီး အဂ္ဂမဟာသဒ္ဓမ္မဇောတိကဓဇ၊ ဘဒ္ဒန္တဣဿရိယ ၏ သက်တော်နှစ်(၁၀၀)ပြည့် ဝိဇာတမွေးနေ့ ပူဇော်ပွဲအထိမ်းအမှတ် ပင့်သံဃာအပါး(၁၀၀၀)ဖြင့် ဘုရားအနေကဇာတင်ခြင်း၊ ဆွမ်း၊ သင်္ကန်း၊ ဝတ္ထု၊ဆေးနှင့် လှူဖွယ်ပစ္စည်းအဝဝတို့ကို ဆက်ကပ်လှူဒါန်းခြင်း ရေစက်ချမဟာမင်္ဂလာအခမ်းအနားသို့တက်ရောက်ခဲ့ကြသည်။ ဦးစွာ အဂ္ဂမဟာသဒ္ဓမ္မဇောတိကဓဇ၊ ဘဒ္ဒန္တဣဿရိယ ဗိမာန်တော်ရှိ ဆရာတော်ကြီး၏ ရုပ်ကလပ်တော်အားဖူးမြော်ကြည်ညိုခဲ့ကြပြီး ဗိမာန်တော်တွင်သီတင်းသုံးကြသည့် သံဃာတော်များအား နဝကမ္မအလှူငွေများဆက်ကပ်လှူဒါန်းခဲ့ကြသည်။ ဆက်လက်၍ အမရဝတီဆင်ဖြူတောင်စေတီရင်ပြင်တော်တွင် သံဃာတော်အရှင်သူမြတ်များမှ ဘုရားအနေကဇာတင်မင်္ဂလာဆင်ယင်ကျင်းပနေမှုများအား ဖူးမြော်ကြည်ညိုခဲ့ကြပြီး မြတိဂုံစေတီတော်အားဖူးမြော်ကြည်ညိုခဲ့ကြကာ သံဃာတော်အရှင်သူမြတ်များမှ ဘုရားအနေကဇာတင်မင်္ဂလာဆင်ယင်ကျင်းပနေမှုများအား ဖူးမြော်ကြည်ညိုခဲ့ကြသည်။ ထို့နောက်အနန္တကျေးဇူးတော်ရှင် မြစိမ်းရောင်ဆရာတော်ဘုရားကြီး အဂ္ဂမဟာသဒ္ဓမ္မဇောတိကဓဇ၊ ဘဒ္ဒန္တဣဿရိယ ၏ သက်တော်နှစ်(၁၀၀)ပြည့် ဝိဇာတမွေးနေ့ ပူဇော်ပွဲအထိမ်းအမှတ် ပင့်သံဃာအပါး(၁၀၀၀)ဖြင့် ဘုရားအနေကဇာတင်ခြင်း၊ ဆွမ်း၊ သင်္ကန်း၊ ဝတ္ထု၊ဆေးနှင့် လှူဖွယ်ပစ္စည်းအဝဝတို့ကို ဆက်ကပ်လှူဒါန်းခြင်း ရေစက်ချမဟာမင်္ဂလာအခမ်းအနား စတင်ကျင်းပရာ “နမော တဿ” (၃)ကြိမ်ရွတ်ဆို ဘုရားကန်တော့၍ အခမ်းအနားစတင်ဖွင့်လှစ်ခဲ့သည်။ ထို့နောက် ရန်ကုန်တိုင်းဒေသကြီး၊ တောင်ဒဂုံမြို့နယ်၊ ပိဋကသုံးပုံနိကာယ်စာသင်တိုက်၊ပဓာနနာယက ရွှေရတုတိပိဋကဓရ၊ တိပိဋကကောဝိဒ၊တိပိဋကဓရဓမ္မဘဏ္ဍာဂါရိက၊ တိပိဋကဧရာဝတီ မော်ကျွန်းဆရာတော်     ဘဒ္ဒန္တ သီလက္ခန္ဓာဘိဝံသ မဟာထေရ်အရှင်သူမြတ်မှ ငါးပါးသီလနှင့် သမ္မောဒနီယဩဝါဒကထာ မြွတ်ကြားချီးမြှင့်တော်မူပြီး နိုင်ငံတော်စီမံအုပ်ချုပ်ရေးကောင်စီအဖွဲ့ဝင် မန်းငြိမ်းမောင်နှင့် ဧည့်ပရိသတ်များက ဆရာတော်သံဃာတော်များထံမှ ပရိတ်တရားတော်များကို ဆက်လက်နာယူကြည်ညိုကြသည်။ ဆက်လက်၍  နိုင်ငံတော်စီမံအုပ်ချုပ်ရေးကောင်စီအဖွဲ့ဝင်၊မန်းငြိမ်းမောင် က သာသနာရေးဆိုင်ရာများ လျှောက်ထားခဲ့ပြီး နိုင်ငံတော်သြဝါဒါစရိယ၊ အဘိဓဇမဟာရဋ္ဌဂုရု၊ ရန်ကင်းမြို့နယ် မေဒိနီ ပရိယတ္တိစာသင်တိုက်၏ ပဓာန နာယကဆရာတော် ဘဒ္ဒန္တကောဝိဒအား  လှူဖွယ်ပစ္စည်းများကိုလည်းကောင်း၊ ဧရာဝတီတိုင်းဒေသကြီးအစိုးရအဖွဲ့၊ ဝန်ကြီးချုပ်ဦးတင်မောင်ဝင်းက နိုင်ငံတော်သံဃမဟာနာယကအဖွဲ့ဝင်၊ အဂ္ဂမဟာပဏ္ဍိတ၊အဂ္ဂမဟာသဒ္ဓမ္မဇောတိကဓဇ၊မြောင်းမြမြို့၊ဇေယျမေဒနီပရိယတ္တိစာသင်တိုက်၏ ပဓာန နာယကဆရာတော် ဘဒ္ဒန္တစန္ဒဝရအားလည်းကောင်း၊ တိုင်းဒေသကြီးအစိုးရအဖွဲ့ဝင်ဝန်ကြီးများနှင့် အလှူရှင်များမှ နိုင်ငံတော်ဗဟိုသံဃာ့ဝန်ဆောင်၊ အဂ္ဂမဟာပဏ္ဍိတ၊ အလယ်တောရကျောင်းတိုက်၏ ဦးစီးပဓာနနာယက ဆရာတော် ဘဒ္ဒန္တပညာသီဟ၊ တိပိဋကကောဝိဒ၊ တိပိဋကဓရ ဓမ္မဘဏ္ဍာဂါရိကမော်ကျွန်းဆရာတော် ဘဒ္ဒန္တသီလက္ခန္ဓာဘိဝံသ၊ တိပိဋကကောဝိဒ၊ တိပိဋကဓရ ဓမ္မဘဏ္ဍာဂါရိက ဘုတလင်ဆရာတော် ဘဒ္ဒန္တဣန္ဒာစရိယနှင့် တိပိဋကကောဝိဒ၊ တိပိဋကဓရ ဓမ္မဘဏ္ဍာဂါရိက နောင်ချိုဆရာတော် ဘဒ္ဒန္တဝီရိယာနန္ဒ  မဟာထေရ်မြတ်တို့အား လှူဖွယ်ပစ္စည်းများအား ဆက်လက်လှူဒါန်းခဲ့သည်။ ထို့နောက် မြောင်းမြခရိုင်အတွင်းရှိ တောင်သူများ စားရေရိက္ခာပေါများရေးတွက်ဝါးခယ်မမြို့နယ်၊ ကျွန်းကုန်းကျေးရွာမှ ဦးကျော်စွာ + ဒေါ်အေးစီ(ချမ်းမြေ့ဆန်စက်)မိသားစုမှ လှူဒါန်းသော မျိုးကောင်းမျိုးသန့်မျိုးစပါး ဇီရာလုံးသေး(ပန်းနှံစား) တင်း(၁၅၀၀)ကို အလှူရှင်များကိုယ်စား မြောင်းမြခရိုင်စီမံအုပ်ချုပ်‌ရေးအဖွဲ့ဥက္ကဋ္ဌ ဦးစန်းဌေးနှင့် ဇနီးတို့မှလည်းကောင်း၊ ပင့်သံဃာအပါး(၁,၀၀၀)အား (၁)ပါးလျှင်(၁၀၀၀၀)နှုန်းဖြင့် လှူဒါန်းငွေသိန်း(၁၀၀)ကျပ်နှင့် သင်္ကန်းအစုံ(၁၀၀၀)စာအတွက် လှူဒါန်းငွေ သိန်း(၁၀၀) စုစုပေါင်း ကျပ်သိန်း(၂၀၀)အား အလှူရှင် ဒေါ်ညွန့်ယဉ်ဝင်းမိသားစုတို့ကလှူဒါန်းပေးအပ်ရာ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် မန်းငြိမ်းမောင်ကလည်းကောင်း ၊ ပင့်သံဃာအပါး(၁၀၀၀)အား (၁)ပါးလျှင် (၂၀,၀၀၀)ကျပ်နှုန်းဖြင့်လှူဒါန်းငွေ ကျပ်သိန်း(၂၀၀)အား အလှူရှင်များကိုယ်စား အလှူရှင်(၂)ဦးကပေးအပ်လှူဒါန်းရာ ဧရာဝတီတိုင်း ဒေသကြီးအစိုးရအဖွဲ့၊ ဝန်ကြီးချုပ် ဦးတင်မောင်ဝင်းကလည်းကောင်း၊ မြစိမ်းရောင်သာသနာ့နယ်မြေအတွင်း ကွန်ကရစ်လမ်းခင်းရန်အတွက် ရန်ကုန်မြို့နေ၊ အဂ္ဂမဟာသီရိသုဓမ္မမဏိဇောတဓရ၊ ဦးစိုးသန်းထွန်း(လူမှုထူးချွန်- တတိယအဆင့်)+ ဒေါ်ခင်မေသန်း (ပွင့်သစ်စမ်း)မိသားစုတို့က လှူဒါန်းငွေ ကျပ်သိန်း(၁၀၀)အား လှူဒါန်းပေးအပ်ရာ တိုင်းဒေသကြီးအစိုးရအဖွဲ့ သယံဇာတရေးရာဝန်ကြီးမှလည်းကောင်း၊ မြစိမ်းရောင်သာသနာ့နယ်မြေရှိ နန်းတော်ဦး-ပြည်လုံးကပ်ကာ ဘုရားလမ်းအတွက် ဦးတင်နိုင်ထွန်း+ဒေါ်မြမြဌေး၊သမီး မအေးမြစိမ်းကြည် မိသားစုတို့က လှူဒါန်းငွေ ကျပ်သိန်း(၁၀၀)အား ပေးအပ်လှူဒါန်းပေးအပ်ရာ အနောက်တောင်တိုင်းစစ်ဌာနချုပ်မှ ဗိုလ်မှူးကြီးမျိုးညွန့်ဦးကလည်းကောင်းလက်ခံရယူခဲ့သည်။ ဆက်လက်၍ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်၊မန်းငြိမ်းမောင်နှင့် ဧည့်ပရိသတ်များက နိုင်ငံတော်ဗဟိုသံဃာ့ဝန်ဆောင်၊ အဂ္ဂမဟာပဏ္ဍိတ၊ အလယ်တောရကျောင်းတိုက်၏ ဦးစီးပဓာနနာယက ဆရာတော် ဘဒ္ဒန္တပညာသီဟ အရှင်သူမြတ်ထံမှ အနုမောဒနာတရားနာကြား၍ လှူဒါန်းမှုအစုစုတို့အတွက် ရေစက်သွန်းချ အမျှပေးဝေခဲ့ပြီး  “ဗုဒ္ဓသာသနံ စိရံ တိတု” (၃)ကြိမ်ရွတ်ဆို ဆုတောင်း၍ အခမ်းအနားအားရုပ်သိမ်းခဲ့ပြီး ဆရာတော်သံဃာတော်များအားနေ့ဆွမ်းဆပ်ကပ်လှူဒါန်းခဲ့ကြကြောင်းသိရသည်။

မြောင်းမြမြို့နယ်၊ ကုန်းသာကျေးရွာရှိ စစ်တန့်ဦးအောင်ပွဲရစေတီတော်မြတ်ကြီး၏ ရွှေထီးတော်၊ငှက်မြတ်နားတော်နှင့် စိန်ဖူးတော်တင်လှူပူဇော်ခြင်းမင်္ဂလာအခမ်းအနားအား အဆိုပါစေတီတော်မြတ်ကြီး၌ ကျင်းပခဲ့ရာ အခမ်းအနားသို့ ဩဝါဒစရိယဆရာတော်ကြီးများ၊နိုင်ငံတော်စီမံအုပ်ချုပ်ရေးကောင်စီအဖွဲ့ဝင် မန်းငြိမ်းမောင်၊တိုင်းဒေသကြီး ဝန်ကြီးချုပ်ဦးတင်မောင်ဝင်း၊အစိုးရအဖွဲ့ဝင် ဝန်ကြီးများနှင့် ဌာနဆိုင်ရာများ၊ အလှူရှင် ဘုရားဒါယိကာ၊ ဒါယိကာမမိသားစုနှင့် ဒေသခံပြည်သူများ တက်ရောက်ခဲ့ကြသည်။ ရှေးဦးစွာ အခမ်းအနားအား နိုင်ငံတော်စီမံအုပ်ချုပ်ရေးကောင်စီအဖွဲ့ဝင် မန်းငြိမ်းမောင်နှင့် ဧည့်ပရိသတ်များက “နမောတဿ”သုံးကြိမ်ရွတ်ဆိုဘုရားကန်တော့၍ ဖွင့်လှစ်ခဲ့ပြီး နိုင်ငံတော်သံဃမဟာနာယကအဖွဲ့ဝင်၊ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊မြောင်းမြမြို့၊ဇေယျမေဒနီပရိယတ္တိစာသင်တိုက်၏    ပဓာန နာယကဆရာတော် ဘဒ္ဒန္တစန္ဒဝရ မဟာထေရ်မြတ်ထံမှ ငါးပါးသီလခံယူဆောက်တည်ကြသည်။ ယင်းနောက် နိုင်ငံတော်စီမံအုပ်ချုပ်ရေးကောင်စီအဖွဲ့ဝင် မန်းငြိမ်းမောင်၊တိုင်းဒေသကြီး ဝန်ကြီးချုပ်နှင့် အလှူရှင်များက ရတနာပစ္စည်းများအား စိန်ဖူးတော်အတွင်းသို့ထည့်သွင်းပူဇော်၍ အမွှေးနံ့သာရည်များ ပက်ဖျန်းပေးခဲ့သည်။ ဆက်လက်၍ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် မန်းငြိမ်းမောင်နှင့် ဧည့်ပရိသတ်များက ဆရာတော် သံဃာတော်များထံမှ ပရိတ်တရားတော်များ နာယူကြည်ညိုကြပြီး ဆရာတော် သံဃာတော်အရှင်သူမြတ်များထံသို့ ရတနာစိန်ဖူးတော်၊ငှက်မြတ်နားတော်၊ရွှေထီးတော်နှင့် လှူဖွယ်ပစ္စည်းများဆက်ကပ်လှူဒါန်းခဲ့သည်။ ယင်းနောက် နိုင်ငံတော်သံဃမဟာနာယကအဖွဲ့ဝင်၊ အဂ္ဂမဟာပဏ္ဍိတ၊အဂ္ဂမဟာသဒ္ဓမ္မဇောတိကဓဇ၊မြောင်းမြမြို့၊ဇေယျမေဒနီပရိယတ္တိစာသင်တိုက်၏ ပဓာန နာယကဆရာတော် ဘဒ္ဒန္တစန္ဒဝရ ဆရာတော်ဘုရားကြီးအမှူးပြုသော သံဃာတော်အရှင်သူမြတ်များ၊နိုင်ငံတော်စီမံအုပ်ချုပ်ရေးကောင်စီအဖွဲ့ဝင် မန်းငြိမ်းမောင်၊တိုင်းဒေသကြီး ဝန်ကြီးချုပ်၊ ဘုရားဒါယိကာ၊ဒါယိကာများနှင့် တာဝန်ရှိသူများက ရတနာစိန်ဖူးတော်၊ငှက်မြတ်နားတော်နှင့် ရွှေထီးတော်ဘုံအဆင့်ဆင့်များကိုပင့်ဆောင်၍ ဒေဝါဝင်း၊ရာဇာဝင်းတို့ဖြင့် စေတီတော်အားလက်ယာရစ် သုံးကြိမ်လှည့်လည်ပူဇော်သည်။ ဆက်လက်၍ အခမ်းအနားမှူးက “မင်္ဂလာအခါတော်”ဟုကြွေးကြော်လိုက်သည်နှင့်တပြိုင်နက် တာဝန်ရှိသူများက ရွှေထီးတော်ထမဘုံအဆင့်၊ဒုတိယဘုံအဆင့်၊တတိယဘုံအဆင့်များကို တင်လှူပူဇော်ခဲ့ကြသည်။

ဧရာဝတီတိုင်းဒေသကြီး ဝန်ကြီးချုပ်နှင့် အစိုးရအဖွဲ့ဝင် ဝန်ကြီးများသည် မြန်အောင်ခရိုင်၊ကြံခင်းမြို့နယ်ရှိ စက်မှု၊စိုက်ပျိုးရေးနှင့် မွေးမြူရေးအထက်တန်းကျောင်း (ချင်းမြောင်) ကျောင်းဆောင်သစ်အား ပညာရေးဌာနသို့ လွှဲပြောင်းအပ်နှံပွဲ အခမ်းအနားသို့တက်ရောက်၍ ကျောင်းဆောင်သစ်မုဒ်ဦးအား တာဝန်ရှိသူများနှင့်အတူ ဖဲကြိုးဖြတ်ဖွင့်လှစ်ပေးပြီး စုပေါင်းမှတ်တမ်းတင် ဓာတ်ပုံရိုက်ကူးခဲ့သည်။ယင်းနောက်  ဝန်ကြီးချုပ်သည် ကမ္ဗည်းမော်ကွန်းအားအမွှေးနံ့သာရည်များ ပက်ဖျန်းပေးပြီး ကျောင်းဆောင်သစ်၊ စာသင်ခန်းများ၊ ကွန်ပျူတာခန်းများပြင်ဆင်ထားရှိမှုများအား လှည့်လည်ကြည့်ရှုစစ်ဆေးခဲ့သည်။ ဆက်လက်၍ အခမ်းအနားအားပြုလုပ်ရာ တိုင်းဒေသကြီးဝန်ကြီးချုပ်က“၂၀၂၃-၂၀၂၄ပညာသင်နှစ်တွင် စက်မှု၊စိုက်ပျိုးရေးနှင့် မွေးမြူရေးအထက်တန်းကျောင်း (ချင်းမြောင်)အား အချိန်မီဆောက်လုပ်၍ ယနေ့တွင်ဖွင့်လှစ်ပေးနိုင်ခဲ့ပြီ ဖြစ်ပါကြောင်း၊ကျောင်းဆောင်များ၌ ကျောင်းတက်ရောက်မည့်သူများအတွက် သင်ကြားရေးအထောက်အကူပြု ပစ္စည်းများကိုလည်း ပြည့်ပြည့်စုံစုံထားရှိပြီး ဖြစ်ပါကြောင်း၊ဧရာဝတီတိုင်းဒေသကြီးတွင်  ၂၀၂၃-၂၀၂၄ပညာသင်နှစ်၌ စက်မှု၊စိုက်ပျိုးရေးနှင့် မွေးမြူရေးအထက်တန်းကျောင်း(၂)ကျောင်း၊စိုက်ပျိုးရေးနှင့် မွေးမြူရေးအထက်တန်းကျောင်း (၂)ကျောင်းဖွင့်လှစ်သွားမည်ဖြစ်ပါကြောင်း၊ တိုင်း​ဒေသကြီးသည်စိုက်ပျိုးမွေးမြူ​ရေးအ​ခြေခံသည့်တိုင်း​ဒေသကြီးဖြစ်ရာစိုက်ပျိုး​မွေးမြူ​ရေးပညာရှင်များများစွာလိုအပ်ပါ​ကြောင်း၊ထို့အပြင်စိုက်ပျိုး​မွေးမြူရေးနှင့် MSMEsလုပ်ငန်းများအတွက်လည်းစက်မှုကဏ္ဍဖွံ့ဖြိုးလာ​စေရန်လိုအပ်ပါ​ကြောင်း၊တိုင်းဒေသကြီးမှ အားထားရသည့် စက်မှု၊စိုက်ပျိုးရေးနှင့် မွေးမြူရေးပညာရှင်များ ဖြစ်ပါစေကြောင်းနှင့် ဆရာ၊ဆရာမကြီးကလည်း ကျောင်းသား၊ကျောင်းသူများ ပိုမိုတက်ရောက်နိုင်ရေး စည်းရုံးဆောင်ရွက်ပေးကြစေလိုကြောင်း”ပြောကြားသည်။ ယင်းနောက် ဆောက်လုပ်ရေးကုမ္ပဏီက ကျောင်းဆောင်နှင့်ပတ်သက်သည့် မှတ်တမ်းများအား ပညာရေးဌာနသို့ လွှဲပြောင်းပေးအပ်ခဲ့ပြီး စက်မှု၊စိုက်ပျိုးရေးနှင့် မွေးမြူရေးအထက်တန်းကျောင်း(ချင်းမြောင်) ကျောင်းအုပ်ကြီးက ကျေးဇူးတင်စကားများ ပြန်လည်ပြောကြားခဲ့သည်။ထို့နောက်တိုင်းဒေသကြီးဝန်ကြီးချုပ်နှင့်အဖွဲ့သည် တလိုင်းကွင်းကျေးရွာရှိ တောင်သူဦးစိုးမင်းအောင်၏ လယ်မြေဧက ၃၀တွင် တစ်နှစ်သုံးသီးတိုးတက်စိုက်ပျိုးထားသည့် တတိယသီးနှံ နွေစပါး(ရက်၉၀)မျိုးစပါးစိုက်ပျိုးဖြစ်ထွန်းအောင်မြင်နေမှုများအားကြည့်ရှုအားပေးခဲ့ပြီး တစ်နှစ်သုံးသီးစိုက်ပျိုးမှုများပိုမိုဆောင်ရွက်စေရေးနှင့်အောင်မြင်အောင်ဆောင်ရွက်စေရေးမှာကြားခဲ့သည်။ ဆက်လက်၍ မြန်အောင်မြို့နယ်၊ အမှတ်(၁)ရပ်ကွက်၊ ဧရာဝတီမြစ်ကမ်း တာမိုင်(၅/၅)တွင် ရေအရင်းအမြစ်နှင့်မြစ်ချောင်းများဖွံ့ ဖြိုးတိုးတက်ရေးဦးစီးဌာနဒေသ(၂)၊ ဧရာဝတီတိုင်းဒေသကြီးရုံးမှ  ၂၀၂၂-၂ဝ၂၃ ဘဏ္ဍာရေးနှစ်၊ ပြည်ထောင်စုငွေလုံးငွေရင်းရန်ပုံ ငွေဖြင့်ဆောင်ရွက်သည့် ကမ်းပြိုကာကွယ်ရေးတည်ဆောက်ခြင်းလုပ်ငန်းအလျား(၂၆၀) ပေ၊ ဘိုးပိုင်အခြေပြုကျောက်စီတမံတည်ဆောက်ခြင်းဆောင်ရွက်နေ မှုများအားကြည့်ရှုစစ်ဆေးခဲ့ပြီး ရှင်းလင်းဆောင်တွင် လုပ်ငန်းတာဝန်ခံမှ ကမ်းထိန်း လုပ်ငန်းဆောင်ရွက်ပြီးစီးမှုနှင့် ဆက်လက်ဆောင်ရွက်မည့်အစီအမံများရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်မှ မိုးမကျမီပြီးစီးစေရေးအင်တိုက်အားတိုက်ဆောင်ရွက်ရန်နှင့်  ရေရှည်ခိုင်ခံ့စေရေးအလေးထားဆောင်ရွက်ရန်မှာကြားခဲ့သည်။

ဧရာဝတီတိုင်းဒေသကြီးဝန်ကြီးချုပ် ဦးတင်​မောင်ဝင်းသည် အစိုးရအဖွဲ့ဝင် ဝန်ကြီးများနှင့်အတူ မအူပင်ခရိုင်၊ညောင်တုန်းမြို့နယ်၊စိုက်ပျိုးရေး၊ မွေးမြူရေး အခြေခံပညာအထက်တန်းကျောင်း(စက္ကော့) ‘ဧရာရွှေပြည်’ကျောင်းဆောင်သစ်အား ပညာရေးဌာနသို့ လွှဲပြောင်းအပ်နှံပွဲ အခမ်းအနားသို့တက်ရောက်၍ ကျောင်းဆောင်သစ်အား တာဝန်ရှိသူများနှင့်အတူ ဖဲကြိုးဖြတ်ဖွင့်လှစ်ပေးပြီး စုပေါင်းမှတ်တမ်းတင် ဓာတ်ပုံရိုက်ကူးခဲ့သည်။ ယင်းနောက်  ဝန်ကြီးချုပ်သည် ကမ္ဗည်းမော်ကွန်းအားအမွှေးနံ့သာရည်များ ပက်ဖျန်းပေးပြီး ကျောင်းဆောင်သစ်ဆအား လှည့်လည်ကြည့်ရှုစစ်ဆေးခဲ့သည်။ ဆက်လက်၍ အခမ်းအနားဒုတိယပိုင်းအားပြုလုပ်ရာ တိုင်းဒေသကြီးဝန်ကြီးချုပ်က“ယခုပညာသင်နှစ်၌ စက်မှု၊စိုက်ပျိုး၊မွေးမြူရေး(၅၁)ကျောင်း ဖွင့်လှစ်ရန်ဆောင်ရွက်ခဲ့ပြီး မိမိတိုင်းဒေသကြီး၌(၄)ကျောင်းပါဝင်ပါကြောင်း၊ဧရာဝတီတိုင်းဒေသကြီးသည် စိုက်ပျိုးမွေးမြူရေးကို အခြေခံသည့် တိုင်းဒေသကြီးဖြစ်ပါကြောင်း၊ မွေးမြူရေးအနေဖြင့် ငါးမွေးမြူရေး၊ပုစွန်မွေးမြူရေး၊ဂဏန်းမွေးမြူရေးလုပ်ငန်းများလည်းရှိပါကြောင်း၊ဆီထွက်သီးနှံများအတွက် အရေးပါသည့် ပျားမွေးမြူရေးလုပ်ငန်းကိုလည်း မွေးမြူလုပ်ကိုင်လျက်ရှိ ပါကြောင်း၊မိမိတို့တိုင်းဒေသကြီးသည် စိုက်ပျိုးရေးကိုအခြေခံသည့် မြန်မာနိုင်ငံ၏စပါးကျီဟု ပြောရမှာဖြစ်သော်လည်း ပန်းတိုင်အထွက်နှုန်းရောက်ရှိရန်လိုပါသေးကြောင်း၊ စိုက်ပျိုးမွေးမြူရေးကို ဝါသနာပါသည့် ကျောင်းသား၊ကျောင်းသူများ ထွက်ပေါ်လာစေရေးအတွက် ဆရာကြီး၊ဆရာမကြီးများနှင့် ရပ်မိရပ်ဖများကလည်း ဝိုင်းဝန်းစည်းရုံးပြောဆိုရန်လိုပါကြောင်း၊စိုက်ပျိုးရေး၊ မွေးမြူရေးအထက်တန်းကျောင်းများ၌ စိုက်ပျိုးမွေးမြူရေးပညာရပ်များကို  အခြေခံကျကျသင်ယူဆောင်ရွက်ရမည် ဖြစ်သောကြောင့် မိမိတို့၏တပည့်များ လမ်းကြောင်းမှန်မှန်ကန်ကန် ရွေးချယ်နိုင်ရေး စည်းရုံးဆဆွေးနွေးရန်လိုအပ်ပြီး တိုင်း၊ခရိုင်၊မြို့နယ်ဌာနဆိုင်ရာ အဆင့်ဆင့်ကလည်း လာရောက်ဆွေးနွေးဟောပြောရန်လိုပါကြောင်းနှင့် တိုင်းဒေသကြီးနှင့်နိုင်ငံတော်အတွက် အားကိုးအားထားပြုနိုင်သည့် စိုက်ပျိုးမွေးမြူရေး ပညာရှင်များမွေးထုတ်ပေးနိုင်ရေး ဝိုင်းဝန်းကြိုးစားဆောင်ရရွက်ကြရန်လိုကြောင်း”ပြောကြားခဲ့သည်။ ယင်းနောက် ဆောက်လုပ်ရေးကုမ္ပဏီက ကျောင်းဆောင်နှင့်ပတ်သက်သည့် မှတ်တမ်းများအား ပညာရေးဌာနသို့ လွှဲပြောင်းပေးအပ်ခဲ့ပြီး ကျောင်းကော်မတီတစ်ဦးက ကျေးဇူးတင်စကားများ ပြန်လည်ပြောကြားခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် အုန်းပင်စုကျေးရွာ အခြေခံပညာမူလတန်းကျောင်းသို့သွားရောက်၍ လေပြင်းတိုက်ခက်မှုကြောင့် ထိခိုက်ပျက်စီးခဲ့သည့် ကျောင်းဆောင်အားပြန်လည်ပြင်ဆင်ဆောင်ရွက်နေမှုအားကြည့်ရှုစစ်ဆေးခဲ့ပြီး ကျောင်းဖွင့်ချိန်အမီအပြီးပြင်ဆင်ဆောင်ရွက်ပေးသွားမှာဖြစ်ကြောင်းနှင့်ကျောင်းနေအရွယ်ကလေးတိုင်းကျောင်းတက်ရောက်စေရေးကြိုးစားဆောင်ရွက်ကြရန်မှာကြားခဲပြီး ကျောင်းအုပ်ဆရာကြီးထံထောက်ပံ့ငွေများပေးအပ်ခဲ့ကြောင်းသိရသည်။

ဧရာဝတီတိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဟင်္သာတမြို့အမှတ်(၁) အခြေခံပညာအထက်တန်းကျောင်း၊ ဟင်္သာခန်းမ၌ ၂၀၂၃-၂၀၂၄ ပညာသင်နှစ်၊ ဧရာဝတီတိုင်းဒေသကြီး ဟင်္သာတတက္ကသိုလ်နယ်မြေ တိုင်းဒေသကြီးအဆင့် အခြေခံပညာအလယ်တန်း Grade-9သင်ရိုးသစ်ဆင့်ပွားသင်တန်း တက်ရောက်နေသည့် ဆရာကြီး၊ဆရာမကြီးများတွေ့ဆုံ၍“ အခြေခံပညာကျောင်းများပြန်လည်ဖွင့်လှစ်တော့မည်ဖြစ်၍ ကျောင်းဖွင့်ချိန်အမီ စာသင်ကျောင်းများဥပဓိရုပ်များ ကောင်းမွန်စေရေး၊ ကျောင်းပတ်ဝန်းကျင်သန့်ရှင်းသာယာစေရေး ကြိုတင်ပြင်ဆင်ဆောင်ရွက်ရမှာဖြစ်ပါကြောင်းကျောင်း​နေအရွယ်က​လေးတိုင်း ​ကျောင်းတက်​ရောက်နိုင်​ရေးနှင့် အနိမ့်ဆုံးအ​ခြေခံပညာအလယ်တန်းအဆင့် KG+9 ပြီး​မြောက်​စေ​ရေး ရည်မှန်းချက်ထား ဆောင်ရွက်လျက်ရှိရာ တိုင်း၊ ခရိုင်၊ မြို့နယ်အုပ်ချုပ်ရေးအဖွဲ့အဆင့်ဆင့်၊  ပညာရေးဌာန၊ မိဘများနှင့် ကျောင်းသား၊ ကျောင်းသူများပူးပေါင်း၍ အောင်မြင်အောင် အကောင် အထည်ဖော် ဆောင်ရွက်ရန်လိုပါကြောင်း၊ နိုင်ငံတစ်နိုင်ငံ ဖွံ့ဖြိုးတိုးတက်ရန်အတွက် ပညာရေးမြင့်မားရမည်ဖြစ်ပါကြောင်း၊ ကျောင်းနေအရွယ်ကလေးတိုင်း ကျောင်းတက်ရောက် နိုင်ရေးနှင့် အတန်းစဉ်ကူးပြောင်းရေး၊ အနိမ့်ဆုံး အလယ်တန်းအဆင့် KG+9 ပြီးမြောက်စေရန်အတွက် ကြိုးပမ်း ဆောင်ရွက်ကြစေလိုကြောင်း၊ဆင့်ပွားသင်တန်းမှပို့ချပေးလိုက်သည့်သင်ခန်းစာများအား လေ့လာမှတ်သား၍ စနစ်တကျပြန်လည်သင်ကြားပေးစေလိုကြောင်းနှင့် လိုအပ်ချက်များရှိပါကလည်း အဆင့်ဆင့်သို့တင်ပြပေးစေလိုကြောင်းနှင့်ကူညီဆောင်ရွက်ပေးသွားမှာဖြစ်ပါကြောင်း” လမ်းညွှန်အမှာစကားပြောကြားပြီးGrade-12 နှင့် Grade-9 သင်တန်းသား၊ သင်တန်းသူ ဆရာ၊ဆရာမများအတွက် ထောက်ပံ့ငွေများပေးအပ်ခဲ့သည်။