သတင်းများ

လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး ဦးကျော်ထွန်းဇော် ညောင်တုန်းမြို့၊ ကျွန်းတာ ကမ်းထိန်းလုပ်ငန်းဆောင်ရွက်နေမှုအားကြည့်ရှု့အားပေး
၂၀၂၆ ခုနှစ်၊ စက်တင်ဘာလ ၁၅ ရက်နေ့ နံနက်ပိုင်းတွင် ဧရာဝတီတိုင်းဒေသကြီးအစိုးရအဖွဲ့ လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး ဦးကျော်ထွန်းဇော် နှင့် ရေအရင်းအမြစ်နှင့်မြစ်ချောင်းများဖွံ့ဖြိုးတိုးတက်ရေးဦးစီးဌာန တိုင်းဒေသကြီး ညွှန်ကြားရေးမှူး ဦးလှမိုး တို့သည် တာဝန်ရှိသူများလိုက်ပါ၍ ဧရာဝတီမြစ်ရေ တိုက်စားမှုကြောင့် ညောင်တုန်းမြို့နယ်၊ ချောင်းကြီးကျေးရွာအုပ်စု၊ ချောင်းဖျားကျေးရွာရှိ ညောင်တုန်းကျွန်းတာမှာ တာအိကျမှုဖြစ်ပွားခဲ့သည့်အတွက် ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာနမှ ကမ်းထိန်းလုပ်ငန်းဆောင်ရွက်ထားရှိမှုနှင့် ဆက်လက်ဆောင်ရွက်သွားမည့် လုပ်ငန်းများအား ကြည့်ရှူ့ခဲ့ပြီး လိုအပ်သည်များအား ပေါင်းစပ်ညှိနှိုင်းဆောင်ရွက်ခဲ့ကြပါသည်။


Read More...
15-Sep-2026
တိုင်းဒေသကြီးဝန်ကြီးချုပ်ဦးအေးကျော် ၂၀၂၆ခုနှစ် တိုင်းဒေသကြီးနှင့်ပြည်နယ် U-19 အမျိုးသမီး ဘောလုံးပြိုင်ပွဲသို့ ဝင်ရောက်ယှဉ်ပြိုင်မည့် ဧရာဝတီတိုင်းဒေသကြီး အမျိုးသမီး ဘောလုံးအသင်းအား အောင်နိုင်ရေးအလံပေးအပ်
၂၀၂၆ ခုနှစ် တိုင်းဒေသကြီးနှင့်ပြည်နယ် U-19 အမျိုးသမီးဘောလုံးပြိုင်ပွဲသို့ ဝင်ရောက် ယှဉ်ပြိုင်မည့် ဧရာဝတီတိုင်းဒေသကြီး အမျိုးသမီးဘောလုံးအသင်းအား အောင်နိုင်ရေးအလံ ပေးအပ်ပွဲ အခမ်းအနားကို ယနေ့နံနက်ပိုင်းက တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ(၂)၌ ကျင်းပခဲ့ရာ တိုင်းဒေသကြီးဝန်ကြီးချုပ်ဦးအေးကျော်သည် တာဝန်ရှိသူများနှင့်အတူ တက်ရောက်ခဲ့ပြီး အောင်နိုင်ရေးအလံပေးအပ်ခဲ့သည်။


Read More...
15-Sep-2026
ဧရာဝတီတိုင်းဒေသကြီးအတွင်းရှိ ရေဘေးသင့်ပြည်သူများအတွက် အလှူငွေများလာရောက်လှူဒါန်းမှူများ လက်ခံရယူခဲ့ပြီး ဂုဏ်ပြုမှတ်တမ်းလွှာများ ပြန်လည်ပေးအပ်
ဧရာဝတီတိုင်းဒေသကြီးအစိုးရအဖွဲ့ရုံး၊ ဧည့်ခန်းမ၌ တိုင်းဒေသကြီးအတွင်းရှိ ရေဘေးသင့်ပြည်သူများအတွက် i Green Development and Engineering Groupက အလှူငွေ ကျပ်သိန်းတစ်ရာ့သုံးဆယ်ကိုလည်းကောင်း၊ ဦးအောင်တင်စိုး + ဒေါ်ချစ်စုဝင်းတို့က အလှူငွေ ကျပ်သိန်းခုနှစ်ဆယ်ကိုလည်းကောင်း၊ Shwe Wah Nadi Agriculture Co.,Ltd က အလှူငွေ ကျပ်သိန်းငါးရာကိုလည်းကောင်း လာရောက်လှူဒါန်းရာ တိုင်းဒေသကြီးဝန်ကြီးချုပ်က လက်ခံရယူခဲ့ပြီး ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့သည်။


Read More...
15-Sep-2026
ဧရာဝတီတိုင်းဒေသကြီးအတွင်းရှိ ရေဘေးသင့်ပြည်သူများအတွက် အလှူငွေများလာရောက်လှူဒါန်းမှူများ လက်ခံရယူခဲ့ပြီး ဂုဏ်ပြုမှတ်တမ်းလွှာများ ပြန်လည်ပေးအပ်
(၁၄-၉-၂၀၂၆)ရက်နေ့ နံနက်ပိုင်းကလည်း ဟင်္သာတမြို့၊ ဆည်မြောင်းနှင့်ရေအသုံးချမှု စီမံခန့်ခွဲရေးဦးစီးဌာန၊ ဧည့်ရိပ်သာတွင် Supreme Trading Co.Ltd က အလှူငွေကျပ် တစ်ရာသုံးဆယ်ငါးသိန်းကိုလည်းကောင်း၊ ဦးထွန်းကြည်+ဒေါ်ဟော်လင်လန့်(ဘက်စုံမွေးမြူရေး)က အလှူငွေကျပ်သိန်းသုံးဆယ်နှင့် ဘဲဥ(၅ဝဝဝ)လုံးကိုလည်းကောင်း၊ မြန်မာပြည်ဖွား တရုတ်မျိုးနွယ်လူမှုကူညီရေးအဖွဲ့က ငွေကျပ်နှစ်ထောင်ခြောက်ရာလေးဆယ်ခြောက်သိန်း ခုနှစ်သောင်းငါးထောင် တန်ဖိုးရှိ ဆန်၊ ဆီ၊ ပဲ၊ ဆား၊ တာပေါ်လင်မိုးကာများကိုလည်းကောင်း လာရောက်လှူဒါန်းရာ တိုင်းဒေသကြီးဝန်ကြီးချုပ်က လက်ခံရယူခဲ့ပြီး ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့သည်။


Read More...
15-Sep-2026
ငါးသိုင်းချောင်းမြို့အတွင်း ရေကျဆင်းမှုအခြေအနေနှင့် ရွှေဘိုရပ်ကွက်အတွင်း ဝင်ရောက်လျက်ရှိသောရေများ အမြန်ဆုံးကျဆင်းနိုင်ရေး ရေစီးဆင်းနေသည့် လမ်းကြောင်းများ ရေစီးရေလာကောင်းမွန်အောင်အမြန်ဆုံးဆောင်ရွက်လျက်ရှိ
လေးမျက်နှာမြို့နယ် ငဝန်တာ၏ အောက်ခံမြစ်ကျိုးအင်းသဲကြောမှထူးပေါက်၍ ရေဖြတ်သန်း စီးဆင်းမှုကြောင့် တာတမံနိမ့်ကျမှုဖြစ်ပွားကာ ရေကျော်စီးဝင်ခြင်းကြောင့် ငါးသိုင်းချောင်းမြို့အတွင်း ရေကျဆင်းမှုအခြေအနေနှင့် ရွှေဘိုရပ်ကွက်အတွင်း ဝင်ရောက်လျက်ရှိသောရေများ အမြန်ဆုံးကျဆင်းနိုင်ရေး ရေစီးဆင်းနေသည့်လမ်းကြောင်းများ ရေစီးရေလာကောင်းမွန်အောင် အမြန်ဆုံးဆောင်ရွက်နိုင်ရေးအတွက်ယနေနံနက်ပိုင်းက ရခိုင်တိုင်းရင်းသားလူမျိုးရေးရာဝန်ကြီး ဦးစိုးညွန့်၊ ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာန ညွှန်ကြားရေးမှူးချုပ် ဦးခင်ဇော်နှင့် တိုင်းအဆင့်အကြီးကဲများ၊ ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးစောထွန်းဝင်းနှင့် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးသန်းဇော်လင်းတို့မှကွင်းဆင်းကြည်ရှု့ခဲ့ကြောင်းသိရသည်။


Read More...
13-Sep-2026