၂၀၂၃-၂၀၂၄၊ ဆောင်းသီးနှံစိုက်ပျိုးရေးအတွက် စပါးမျိုး​စေ့၊ နေကြာမျိုး​စေ့၊ သစ်စိမ်းမြေဩဇာ(ပိုက်ဆံလျှော်)မျိုးစေ့ပေးအပ်ပွဲအခမ်းအနားကို ယနေ့နံနက်ပိုင်းက ဖျာပုံခရိုင်၊ ဖျာပုံမြို့၊ သိရိအဏ္ဏဝါခန်းမ၌ပြုလုပ်ရာ အခမ်းအနားသို့ တိုင်းဒေသကြီးဝန်ကြီးချုပ် ဦးတင်​မောင်ဝင်း၊ အစိုးရအဖွဲ့ဝင်ဝန်ကြီးများ၊ ဌာနဆိုင်ရာများနှင့် တောင်သူများတက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်က“၂၀၂၄ ခုနှစ်မိုးစပါးစိုက်ရာသီတွင် ရေတော်မိုးတော်စိုက်ဧက(၂၇)သိန်းအားထည့်သွင်းစိုက်ပျိုးနိုင်ရန် ပိုက်ဆံလျှော်မျိုးစေ့၊ နွေစပါးအတွက်မျိုးစပါးနှင့် ဆောင်းသီးနှံနေကြာအတွက်မျိုးစေ့များပေးအပ်ခြင်း ဖြစ်ပါကြောင်း၊ တိုင်းဒေသကြီးအနေဖြင့် ပန်းတိုင်အထွက်နှုန်းရောက်ရှိရန် ယခုနှစ်မိုးစပါးစိုက်ပျိုးရာသီမှစ၍ တစ်ဧက(၁၀)တင်းနှုန်းပိုမိုတိုးတက်ထွက်ရှိရေးအတွက် ပြီးခဲ့သည့် တောင်သူလယ်သမားနေ့တွင် ဆွေးနွေးပွဲများပြုလုပ်၍ အကောင်အထည်ဖော် ဆောင်ရွက်ခဲ့ပါကြောင်း၊ ပန်းတိုင်အထွက်နှုန်းအဖြစ် မိုးစပါး တစ်ဧကလျှင် တင်း ၁၀၀ နှုန်းနှင့် ​နွေစပါး တစ်ဧကလျှင် တင်း ၁၁၀ နှုန်းရည်မှန်းချက်ထားရှိပါ​ကြောင်း၊ ယခင်နှစ်​နွေစပါးအထွက်နှုန်းအရ ယခုနှစ်သည် ​နွေစပါး ပန်းတိုင်အထွက်နှုန်း​ရောက်ရှိရမည့်နှစ်ဖြစ်ပါ​ကြောင်း၊ ဧရာဝတီတိုင်းဒေသကြီးသည် စိုက်ပျိုးရေးတိုင်းဒေသကြီးဖြစ်ပြီး မြန်မာနိုင်ငံ၏ စပါးကျီဖြစ်ပါ​ကြောင်း၊ တိုင်း​ဒေသကြီးအတွင်း စားသုံးဆီအပြည့်အဝအဖူလုံစေရေးအတွက် မြေပဲ၊ နှမ်းအပြင် ဆီထွက်သီးနှံနေကြာများကို တိုးချဲ့စိုက်ပျိုးလျက်ရှိပါကြောင်း၊ နေကြာစိုက်ပျိုးဖြစ်ထွန်းအောင်မြင်စေရေးအတွက် အထွက်တိုးနေကြာမျိုးများသုံးစွဲစေရေး၊ စနစ်တကျစိုက်ပျိုးစေရေးကိုလည်းဆောင်ရွက်ရန်လိုပါကြောင်း၊ မြေဆီလွှာပျက်စီးမှုများကို ပြန်လည်ကောင်းမွန်စေရေးအတွက် သစ်စိမ်းမြေဩဇာများ ထည့်သွင်းစိုက်ပျိုးခြင်း၊ ဓါတ်​မြေဩဇာသုံးစွဲမှုများ လျှော့ချနိုင်ရေးနှင့် တောင်သူများ၏ သွင်းအားစုများ​ကုန်ကျစရိတ်များသက်သာ​စေ​ရေးအတွက် ဆောင်ရွက်ခြင်းလည်းဖြစ်ပါကြောင်း၊ ပိုက်‌ဆံလျှော်မျိုးစေ့များအချိန်မီထုတ်လုပ်နိုင်ရန်၊ ဆောင်းသီးနှံစပါးနှင့်နေကြာအချိန်မီစိုက်ပျိုးနိုင်ရန် တောင်သူများထံသို့ ယခုကဲ့သို့မျိုးစေ့များပေးအပ်ခြင်းဖြစ်ပြီး အောင်မြင်အောင်ဝိုင်းဝန်းဆောင်ရွက်ကြိုးပမ်းပေးကြစေလိုကြောင်း” အမှာစကားများပြောကြားသည်။ ဆက်လက်၍ ခေတ္တခရိုင်အုပ်ချုပ်ရေးမှူးက ခရိုင်အတွင်းပိုက်ဆံလျှော် (မျိုးစေ့ထုတ်)နှင့် နေကြာစိုက်ပျိုးမှု အခြေအနေများ၊ ၂၀၂၃ခုနှစ် မိုးစပါးစိုက်ပျိုးမှုနှင့် ထွက်ရှိမှု၊ တစ်ဧက(၁၀)တင်းနှုန်းပိုမိုတိုးတက်ထွက်ရှိရေးအတွက် ဆောင်ရွက်ထားရှိမှု အခြေအနေများအားလည်းကောင်း၊ စိုက်ပျိုးရေးဦးစီးဌာန၊ခရိုင်ဦးစီးမှူးက တောင်သူများထံပိုက်ဆံလျှော်မျိုးစေ့၊ နေကြာမျိုးစေ့နှင့် စပါးမျိုးစေ့များ ပေးအပ်ရခြင်းရည်ရွယ်ချက်များနှင့် စိုက်ပျိုးဆောင်ရွက်မည့် အခြေအနေများအား လည်းကောင်း ရှင်းလင်းတင်ပြခဲ့ကြသည်။  ထို့နောက် တိုင်းဒေသကြီး ဝန်ကြီးချုပ်၊ လုံခြုံရေးနှင့်နယ်စပ်ရေးရာဝန်ကြီးနှင့် လမ်းပန်းဆက်သွယ်ရေးဝန်ကြီးတို့က ဖျာပုံ၊ ဘိုကလေး၊ ကျိုက်လတ်၊ ဒေးဒရဲမြို့နယ်များမှ တောင်သူများထံသို့ ပိုက်ဆံလျှော်မျိုးစေ့၊ နေကြာမျိုးစေ့နှင့် စပါးမျိုးစေ့များအားပေးအပ်ခဲ့ပြီး တောင်သူတစ်ဦးကကျေးဇူးတင်စကားများ ပြန်လည်ပြောကြားခဲ့ပါသည်။ ဆက်လက်၍ တိုင်းဒေသကြီး ဝန်ကြီးချုပ်သည် ဖျာပုံမြို့နယ်၊ ကျုံတာရှမ်းကွင်း​ကျေးရွာအုပ်စု၊ ဖျာပုံ-ကျိုက်လတ်ကားလမ်းဘေးရှိ ပိုက်ဆံလျှော်မျိုးစေ့ထုတ်စိုက်ခင်းဧက(၂၀)အား ကြည့်ရှုခဲ့ရာ လယ်ယာမြေစီမံခန့်ခွဲမှုနှင့်စာရင်းအင်းဦးစီးဌာန တိုင်းဦးစီးမှူးနှင့် ခရိုင်စိုက်ပျိုး​ရေးဦးစီးမှူးတို့က ၂၀၂၃-၂၀၂၄ခုနှစ်၊ ဖျာပုံမြို့နယ်၏ ကျေးရွာအုပ်စု/ကွင်းအလိုက် ပထမအကြိမ်အဖြစ် ပိုက်ဆံ​လျှော် မျိုးစေ့ထုတ် စိုက်ဧက (၂၀) ဧက စိုက်ပျိုးပြီးစီးမှုနှင့် ဒုတိယအကြိမ်တွင် ဧက (၁၆၀၀) ပိုက်ဆံလျှော်မျိုးစေ့ စိုက်ပျိုးထုတ်လုပ်မည့် အစီအစဥ်များအား ရှင်းလင်းတင်ပြခဲ့ရာ တိုင်း​ဒေသကြီးဝန်ကြီးချုပ်က ပိုက်ဆံ​လျှော်မျိုး​စေ့များ ​တောင်သူများထံသို့ အချိန်မီ​ရောက်ရှိ၍ ထည့်သွင်းစိုက်ပျိုးနိုင်​ရေး​ဆောင်ရွက်​ပေးရန် လမ်းညွှန်မှာကြားခဲ့ပါသည်။ ဆက်လက်၍ တိုင်းဒေသကြီးဝန်ကြီးချုပ်သည် အစိုးရအဖွဲ့ဝင် ဝန်ကြီးများနှင့်အတူ မအူပင်ခရိုင်၊ မအူပင်မြို့တိုးရွှေဝါခန်းမ၌ပြုလုပ်သည့် ၂၀၂၃-၂၀၂၄၊ ဆောင်းသီးနှံစိုက်ပျိုးရေးအတွက်  နေကြာမျိုး​စေ့၊ သစ်စိမ်းမြေဩဇာ(ပိုက်ဆံလျှော်)မျိုးစေ့ပေးအပ်ပွဲအခမ်းအနားသို့တက်ရောက်၍အမှာစကားများပြောကြားသည်။ ထို့နောက် ခရိုင်အုပ်ချုပ်ရေးက တိုင်းဒေသကြီးဝန်ကြီးချုပ်အား မြေဆီလွှာဖွံ့ဖြိုးတိုးတက်ရေးအတွက် ပိုက်ဆံလျှော်ထည့်သွင်းစိုက်ပျိုးနိုင်မှု၊ ပိုက်ဆံလျှော်မျိုးစေ့များမြို့နယ်များအလိုက် ဆက်လက်ပေးအပ်သွားမည့်အခြေအနေများနှင့် စပါးတစ်ဧက(၁၀)တင်းနှုန်းပိုမိုတိုးတက်ထွက်ရှိရေးဆောင်ရွက်ထားရှိမှုအခြေအနေများကိုရှင်းလင်းတင်ပြသည်။ ထို့နောက် စိုက်ပျိုးရေးဦးစီးဌာန၊ ဒုတိယတိုင်းဦးစီးမှူးက တောင်သူများထံပိုက်ဆံလျှော်မျိုးစေ့၊ နေကြာမျိုးစေ့နှင့် စပါးမျိုးစေ့များ ပေးအပ်ရခြင်းရည်ရွယ်ချက်များအားရှင်းလင်းတင်ပြပြီးနောက် တိုင်းဒေသကြီးဝန်ကြီးချုပ်နှင့် လုံခြုံရေးနှင့်နယ်စပ်ရေးရာဝန်ကြီးတို့က  မအူပင်၊ ပန်းတနော်၊ ညောင်တုန်း၊ ဓနုဖြူနယ်တို့မှ တောင်သူများထံသို့ ပိုက်ဆံလျှော်မျိုးစေ့များနှင့် နေကြာမျိုးစေ့များပေးအပ်ခဲ့ပြီး တောင်သူတစ်ဉီးက ကျေးဇူးတင်စကားများပြန်လည်ပြောကြားခဲ့ပါသည်။

၂၀၂၃ခုနှစ်၊ ပြည်နယ်နှင့်တိုင်းဒေသကြီး ကိုယ်ကာယကြံ့ခိုင်မှုလေ့ကျင့်ခန်း(အေရိုးဗစ်)ပြိုင်ပွဲသို့ ဝင်ရောက်ယှဉ်ပြိုင်မည့် ဧရာဝတီတိုင်းဒေသကြီး ကိုယ်စားပြုအသင်းအား အောင်နိုင်ရေးအလံပေးအပ်ပွဲအခမ်းအနားကို တိုင်းဒေသကြီးအစိုးရအဖွဲ့ရုံး ၊ အစည်းအဝေးခန်းမ(၁)၌ ပြုလုပ်ခဲ့သည်။  ရှေးဦးစွာ တိုင်းဒေသကြီးဝန်ကြီးချုပ်အား ၂၀၂၃ခုနှစ်၊ ပြည်နယ်နှင့်တိုင်းဒေသကြီး ကိုယ်ကာယကြံ့ခိုင်မှုလေ့ကျင့်ခန်း(အေရိုးဗစ်)ပြိုင်ပွဲသို့ ဝင်ရောက်ယှဉ်ပြိုင်မည့်  အုပ်ချုပ် ၊ နည်းပြ ၊ အားကစားသမားများက တစ်ဦးချင်းမိတ်ဆက်ပြီးနောက် ဧရာဝတီတိုင်းဒေသကြီး ​အေဒိုးဗစ်အသင်း အုပ်ချုပ်သူက ပြိုင်ပွဲဝင်ရောက် ယှဉ်ပြိုင်မည့် အစီအစဉ်များအား ရှင်းလင်းတင်ပြသည်။ ထို့​နောက် တိုင်းဒေသကြီးဝန်ကြီးချုပ်က “ ဧရာဝတီတိုင်းဒေသကြီးကိုယ်စားပြု ကိုယ်ကာယကြံ့ခိုင်မှုလေ့ကျင့်ခန်း (အေရိုးဗစ်)ပြိုင်ပွဲသို့ ဝင်ရောက်ယှဉ်ပြိုင်မည့် အသင်းအားတွေ့ဆုံ၍ အောင်နိုင်ရေးအလံပေးအပ်ခြင်းနှင့် ချီးမြှင့်ထောက်ပံ့ငွေများပေးအပ်ခြင်း ဖြစ်ပါကြောင်း၊ ကိုယ်ကာယကြံ့ခိုင်မှုလေ့ကျင့်ခန်း(အေရိုးဗစ်)အားကစားနည်းသည်ယခုအခါ လေ့လာလိုက်စားလာကြသည့် အားကစားနည်းလည်းဖြစ်ပါကြောင်း၊ ပြိုင်ပွဲဝင်များအနေဖြင့် တိုင်းဒေသကြီးအတွင်းရှိ(၂၆)မြို့နယ်မှ အကောင်းဆုံးရွေးချယ်ထားသည့်အတွက်ကြောင့် လေ့ကျင့်သားပြည့်ဝမှုအပြင် စုစည်းမှုအားကောင်းကောင်းဖြင့်လည်း ယှဉ်ပြိုင်ဆောင်ရွက်သွားကြရန်လည်း လိုအပ်ပြီး တိုင်း​ဒေသကြီးကိုယ်စားပြုယှဉ်ပြိုင်ရမည်ဟူသည့် စိတ်ဓာတ်မွေးရန်လိုအပ်မည်ဖြစ်ပါကြောင်း၊ ပြိုင်ပွဲဝင်များသည် သွက်လက်ဖြတ်လက်၍ ညီညာမှုရှိစွာ ယှဥ်ပြိုင်ကြရန်လိုပြီး တစ်ဦးချင်းကောင်းမှ အဖွဲ့လိုက်ကောင်းမည်ဖြစ်ပါကြောင်း၊ ကျန်းမာရေးကိုလည်းအထူးဂရုစိုက်ရန်လိုအပ်မည်ဖြစ်ပါကြောင်းနှင့် လေ့ကျင့်ခန်းကိုလည်းရရှိသည့်အချိန်တွင် အသင်းအုပ်ချုပ်သူ၊ နည်းပြများ၏ သွန်သင်ပြသမှုများကို လိုက်နာ၍ လေ့ကျင့်ရန်လိုပါကြောင်း၊ ယခုအားကစားနည်းအား သွားရောက်ယှဉ်ပြိင်မည့် ပြိင်ပွဲဝင်များအနေဖြင့် တိုင်းဒေသကြီးကိုယ်စားပြု၍ အောင်ပွဲနှင့်ဆုတံဆိပ်များရရှိအောင် ကြိုးပမ်းဆောင်ရွက်သွားကြရန်လိုပါကြောင်း” တိုက်တွန်းအမှာစကားများပြောကြားပြီး ဧရာဝတီတိုင်းဒေသကြီးကိုယ်စားပြု ကိုယ်ကာယကြံ့ခိုင်မှုလေ့ကျင့်ခန်း(အေရိုးဗစ်)အသင်းမှ တာဝန်ရှိသူများထံသို့ အောင်နိုင်ရေးအလံနှင့် ချီးမြှင့်ထောက်ပံ့ငွေများပေးအပ်ခဲ့ကြောင်းသိရသည်။

တေရသမအကြိမ်မြောက် စုပေါင်းမဟာဘုံကထိန်သင်္ကန်းဆက်ကပ်လှူဒါန်းပွဲကျင်းပနိုင်ရေး လုပ်ငန်းညှိနှိုင်းအစည်းအဝေးကို ယနေ့မွန်းလွဲပိုင်းက တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ(၁)၌ပြုလုပ်ခဲ့ရာ တိုင်းဒေသကြီး ဝန်ကြီးချုပ်၊ အစိုးရအဖွဲ့ဝင် ဝန်ကြီးများနှင့် ဌာနဆိုင်ရာများတက်ရောက်ခဲ့ကြသည်။ ဦးစွာ စုပေါင်းမဟာဘုံကထိန်သင်္ကန်းဆက်ကပ်လှူဒါန်းပွဲကျင်းပရေးနာယက၊ တိုင်းဒေသကြီးဝန်ကြီးချုပ်က “ယခင်နှစ်ကကျင်းပခဲ့သည့်  စုပေါင်းမဟာဘုံကထိန်သင်္ကန်းဆက်ကပ်လှူဒါန်းပွဲ၏ အားသာချက်များကိုနမူနာယူ၍ အားနည်းချက်များကိုလည်း ပြုပြင်ဆောင်ရွက်သွားရန်လိုပါကြောင်း၊ ပဒေသာပင်လှည့်ရာလမ်းကြောင်းတစ်လျောက်အန္တရာယ်ကင်းစွာလှည့်လည်နိုင်​​ရေး ပြင်ဆင်ထားရန်လိုကြောင်း၊ ပ​ဒေသာပင်များပြင်ဆင်​ဆောင်ရွက်ရာတွင်လည်း စနစ်တကျပြင်ဆင်​​​ဆောင်ရွက်ကြရန်လို​ကြောင်း၊ ပဒေသာပင်များပို့ဆောင်ထားရှိမည့် သာသနာ့ဗိမာန်တော်ကြီး၏ အတွင်း၊ အပြင်သန့်ရှင်းရေး၊ မွမ်းမံပြင်ဆင်ရေးများကိုလည်း ဆောင်ရွက်သွားရန်လိုပါကြောင်း၊ အခမ်းအနားကျင်းပမှုမှတ်တမ်းများကိုလည်း စနစ်တကျ ထားရှိရန်လို​ကြောင်း၊ ကျန်းမာ​ရေး​စောင့်​ရှောက်မှုများ​ပေးနိုင်ရန်အတွက်လည်း ယာယီ​ဆေးခန်း ဖွင့်လှစ်​ဆောင်ရွက်ရန်လို​ကြောင်း၊ ကျွေး​မွေးလှူဒါန်းမည့် စား​သောက်ဖွယ်ရာများ  ချက်ပြုတ်ရာနှင့် ဧည့်ခံ​ကျွေး​မွေးရာတွင် သန့်ရှင်းလတ်ဆတ်မှုရှိ​စေ​ရေးနှင့် ကျန်းမာ​ရေးနှင့်ညီညွတ်​သော အစားအသောက်များ ဖြစ်စေရေးကိုလည်း ဂရုပြုဆောင်ရွက်သွားကြရန်နှင့် စုပေါင်းမဟာဘုံကထိန်သင်္ကန်းဆက်ကပ်လှူဒါန်းပွဲအောင်မြင်စွာကျင်းပနိုင်ရေးအတွက် ကော်မတီများကလည်း အဖက်ဖက်မှ ဝိုင်းဝန်းဆောင်ရွက်သွားကြရန်လိုကြောင်း” အမှာစကားများပြောကြားသည်။ ဆက်လက်၍ စုပေါင်းမဟာဘုံကထိန်သင်္ကန်းဆက်ကပ်လှူဒါန်းပွဲ ကျင်းပရေးဦးစီးကော်မတီ အတွင်းရေးမှူး၊ ဧရာဝတီတိုင်းဒေသကြီးအစိုးရအဖွဲ့ အတွင်းရေးမှူးက ကော်မတီများဖွဲ့စည်းထားရှိမှုများအားရှင်းလင်းတင်ပြခဲ့ပြီးနောက် သက်ဆိုင်ရာကော်မတီများအလိုက် တာဝန်ရှိသူများက ဆောင်ရွက်သွားမည့်လုပ်ငန်းများနှင့် အစည်းအဝေးသို့တက်ရောက်လာသူများ၏ အထွေထွေဆွေးနွေးတင်ပြချက်များအပေါ် စုပေါင်းမဟာဘုံကထိန်သင်္ကန်း ဆက်ကပ်လှူဒါန်းပွဲကျင်းပရေးနာယက၊ တိုင်းဒေသကြီးဝန်ကြီးချုပ်က လိုအပ်သည်များကိုဖြည့်စွက်ဆွေးနွေးခဲ့ပြီး ကော်မတီများ၏တင်ပြချက်များအပေါ် ပေါင်းစပ်ညှိနှိုင်းဆောင်ရွက်ပေးခဲ့ပါသည်။

ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်ဦးတင်မောင်ဝင်းသည် တိုင်းဒေသကြီးအစိုးရအဖွဲ့ဝင်များ၊ တိုင်း၊ ခရိုင်၊ မြို့နယ် ဌာနဆိုင်ရာများလိုက်ပါလျက် နိုဝင်ဘာလ ၇ရက်နေ့ညနေပိုင်းတွင် မြန်အောင်ခရိုင်အတွင်း စိုက်ပျိုးရေးလုပ်ငန်းများကွင်းဆင်းကြည့်ရှစစ်ဆေးခဲ့သည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် မြန်အောင်မြို့နယ်၊ ဆင်ကျုံးချောင်းအား ပြန်လည်တူးဖော်ခြင်းလုပ်ငန်းဆောင်ရွက်နေမှုများကိုကြည့်ရှုစစ်ဆေးခဲ့ရာ ခရိုင် ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာန တာဝန်ရှိများက ဆင်ကျုံးမြောင်းပြန်လည်တူးဖော်ခြင်းလုပ်ငန်းဆောင်ရွက်နေမှု၊ ရေမြောင်းတူးဖော်ခြင်းလုပ်ငန်းများဆက်လက်ဆောင်ရွက်သွားမည့်အခြေအ နေများနှင့် စိုက်ပျိုးရေလုံလောက်စွာရရှိနိုင်ရေးနှင့်ရေဝင်ရေထွက်ကောင်းမွန်စေ​ရေးဆောင်ရွက်မည့်အခြေအနေများရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်မှ လုပ်ငန်းများသတ်မှတ်ကာလအတွင်းပြီးစီးစေရေး၊ ရေမြောင်းတူးဖော်ပြီးပါက မြောင်းတာဘောင်များ၊ မြေလွတ်များတွင် သီးနှံများစိုက်ပျိုးနိုင်ရေးဆောင်ရွက်ရန်မှာကြားခဲ့သည်။ အဆိုပါ ဆင်းကျုံးမြောင်းအား အလျား (၁.၈၉၃)မိုင် မြေကြီးကျင်း၁၈၇၉၅ကျင်း၊ ထိပ်ဝအကျယ် ၃၆ပေ၊ အောက်ခြေအကျယ် ၂၀ပေ၊ ပျမ်းမျှ အမြင့်/အနက် ၈ပေ ပြန်လည်တူးဖော်ခြင်းဖြစ်ပြီး မိုးစပါးစိုက်ဧက (၂၆၀၀)ဧက အားရေကြီးနစ်မြုပ်ခြင်းမှ ကာကွယ်ပေးနိုင်မှာဖြစ်ကြောင်းသိရသည်။ ဆက်လက်၍ တိုင်းဒေသကြီး ဝန်ကြီးချုပ်နှင့်အဖွဲ့သည် အင်္ဂပူမြို့နယ်၊ ညောင်ချဉ်ကျေးရွာသို့သွားရောက်၍ တောင်သူဦးအေးလွင်၏ ယာမြေ ၅ ဧကတွင် မိုးမြေပဲ(မကွေး- ၁၂) ဒုတိယအကြိမ်စိုက်ပျိုးထားရှိမှုနှင့်(ဆင်းရွှေကြာ-၂) နေကြာစိုက်ပျိုးထားရှိမှုတို့အားကြည့်ရှုအားပေးခဲ့ပြီး တောင်သူများနှင့်ရင်းရင်းနှီးနှီးတွေ့ဆုံ၍ နေကြာအပါအဝင်ဆီထွက်သီးနှံများပိုမိုအောင်မြင်အောင်စိုက်ပျိုးစေရေး၊ အထွက်တိုးမျိုးကောင်းများမျိုးသန့်များစိုက်ပျိုးစေရေးနှင့် အောင်မြင်အောင်စိုက်ပျိုးစေရေးမှာကြားခဲ့ကြောင်းသိရသည်။

မြန်မာဘော်လီဘောလူမှုရေးအသင်း အမှုဆောင်ဖလားဘော်လီဘောပြိုင်ပွဲ ဖွင့်ပွဲ အခမ်းအနားအား ယနေ့နံနက်ပိုင်းက ပုသိမ်မြို့၊ ကိုးသိန်းအားကစားခန်းမတွင် ပြုလုပ်ခဲ့ရာ တိုင်းဒေသကြီးဝန်ကြီးချုပ် ဦးတင်မောင်ဝင်း၊ အစိုးရအဖွဲ့ဝင်ဝန်ကြီးများ၊ အားကစားနှင့်ကာယပညာဦးစီးဌာန ညွှန်ကြားရေးမှူးချုပ်နှင့်  ဌာနဆိုင်ရာများ၊ ပြိုင်ပွဲဝင် အားကစားသမားများ တက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်က “မြန်မာဘော်လီဘောလူမှုရေးအသင်းကို ၂၀၀၄ ခုနှစ်တွင် စတင်ဖွဲ့စည်းခဲ့ရာ ပြည်နယ်နှင့်တိုင်းဒေသကြီးများတွင်လည်း မြန်မာဘော်လီဘော အမှုဆောင်အဖွဲ့များကို ဖွဲ့စည်းနိုင်ခဲ့ပြီး ဘော်လီဘောလောကကြီး တိုးတက်လာစေရေးအတွက် အသက်(၁၈)နှစ်အောက်၊ အသက်(၂၅)နှစ်အောက် ပြိုင်ပွဲများကိုကျင်းပပေး နိုင်ခဲ့သည်ကိုလည်း တွေ့ရှိရပါကြောင်း၊ မြန်မာဘော်လီ ဘောလူမှုရေး အသင်းအနေဖြင့် ယခုကဲ့သို့မိမိတို့၏ ဧရာဝတီတိုင်းဒေကြီးတွင် ဘော်လီဘောပြိုင်ပွဲများ ကျင်းပပေးသည့် အတွက်လည်း များစွာကျေးဇူးတင်ရှိပါကြောင်း၊ ယနေ့ကျင်းပ ပြုလုပ်သည့် ပြိုင်ပွဲ၏ ရည်ရွယ်ချက်များမှာ ဘော်လီဘောအားကစား ဖွံ့ဖြိုးတိုးတက်ရေးအတွက် အကောင်အထည်ဖော်ဆောင်ရွက်ရာတွင်  အထောက်အကူ ပြုစေရန်၊ ထူးချွန်သည့် မျိုးဆက်သစ်အားကစားသမားများ စဉ်ဆက်မပြတ် ပေါ်ထွက် ရေးတွင် အထောက် အကူပြုနိုင်စေရန်၊ မြန်မာ့လက်ရွေးစင်အားကစားမောင်/မယ်များ ပေါ်ထွက်လာစေရန် စသည့်ရည်ရွယ်ချက်များအပြင် တိုင်းဒေသကြီးအတွင်းရှိ ဘော်လီ ဘောအားကစားသမားများ အချင်းချင်း ချစ်ကြည်ရင်းနှီးမှု ခိုင်မာလာစေရန်၊ တိုင်းဒေသကြီးအားကစား တိုးတက်မြင့်မားလာရေးအတွက် မြန်မာနိုင်ငံအားကစား အဖွဲ့ချုပ်များ၏ လုပ်ငန်းစဉ်များကို အထောက်အကူ ပြုပေးနေခြင်းလည်းဖြစ်ပါကြောင်း၊ ပြည်သူများ ကျန်းမာကြံ့ခိုင် စေရေးအတွက် အားကစားကဏ္ဍကို အလေးထားအားပေး ဆောင်ရွက်လျှက်ရှိပြီး “အားကစား မြှင့်တင်ခြင်းသည် နိုင်ငံတော်ကိုကာကွယ် စောင့်ရှောက် နေခြင်းဖြစ်သည်”ဆိုသည့် ခံယူချက်နှင့်အညီ ကြိုးပမ်းဆောင်ရွက် သွားကြရန် မှာကြားလိုပါကြောင်း၊ အားကစားဆိုသည်မှာ “အင်အားနှင့် ဉာဏ်ရည်ကို အသုံးချပြီး လှုပ်ရှားယှဉ်ပြိုင်မှု" ဟု အဓိပ္ပါယ်ဖွင့်ဆိုထားသည့်အတွက် ယှဉ်ပြိုင်မှု ပြင်းထန် လာသည့်အခါ အားကစားသမားများအနေဖြင့် သတ်မှတ် ထားသည့်  ဥပဒေတွေကို လိုက်နာရမှာဖြစ်ပြီး စည်းကမ်းသေဝပ်မှု၊ တရားသောယှဉ်ပြိုင် အနိုင်ရရှိမှုကို ကျင့်သုံးဖို့ လိုအပ်မှာဖြစ်ပါကြောင်း၊ ယခုပြိုင်ပွဲကိုကြီးကြပ် ဆောင်ရွက်ကြမည့် ဒိုင်လူကြီးများ အနေဖြင့်လည်း ဘက်လိုက်မှုကင်းစွာဖြင့် ပြိုင်ပွဲစည်းမျဉ်း စည်းကမ်းများ၊ ဥပဒေများ အတိုင်း တိတိကျကျ ဆုံးဖြတ်ကြီးကြပ်ပေးကြဖို့ကိုလည်း ပြောကြားလိုပါကြောင်း” အဖွင့်အမှာစကားပြောကြား၍  ပြိုင်ပွဲကိုစတင်ဖွင့်လှစ်ပေးသည်။ ဆက်လက်၍ ဆက်လက်၍ စစ်ကြောင်းမှူးဦးဆောင်သည့် ပြိုင်ပွဲဝင်အသင်းများက ဝန်ကြီးချုပ်အား အလေးပြုခြင်းနှင့် အားကစားသစ္စာအဓိဌာန် (၄)ချက်အား ရွတ်ဆိုခြင်းများကို ဆောင်ရွက်ခဲ့ကြပြီးနောက် ပြိုင်ပွဲဝင်အသင်းများက ကွင်းအတွင်းမှ ပြန်လည် ထွက်ခွာခဲ့ကြသည်။ ထို့နောက် တိုင်းဒေသကြီးဝန်ကြီးချုပ်နှင့် ဧည့်သည်တော်များသည် အဖွင့်ပွဲစဉ်အဖြစ် Golden Brother(U-18)အသင်းနှင့် အနန်းကုန်း(U-18)အသင်းတို့၏ ယှဉ်ပြိုင်ကစားနေမှုကို ကြည့်ရှုအားပေးခဲ့ကြကြောင်းသိရသည်။