၂၀၂၄ ခုနှစ်၊ ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်ဖလား (၈)ခရိုင်အသက်(၂၅)နှစ်အောက် အမျိုးသားဘောလုံးပြိုင်ပွဲ ဗိုလ်လုပွဲနှင့်ဆုချီးမြှင့်ပွဲအခမ်းအနား ကို ယနေ့ညနေပိုင်းက ပုသိမ်မြို့၊ ကျောက်တိုင်အားကစားကွင်း၌ ကျင်းပခဲ့ရာ အခမ်းအနားသို့ တိုင်းဒေသကြီးဝန်ကြီးချုပ်နှင့် ဇနီး၊ အနောက်တောင်တိုင်းစစ်ဌာနချုပ် တိုင်းမှူးနှင့်ဇနီး၊ ပုသိမ်လေတပ်စခန်းဌာနချုပ်မှူးနှင့် ဇနီး၊ အစိုးရအဖွဲ့ဝင် ဝန်ကြီးများနှင့် ဇနီးများ၊ တိုင်း၊ ခရိုင်၊ မြို့နယ်အဆင့်ဌာနဆိုင်ရာများ၊ ပြိုင်ပွဲဝင်အသင်းများမှ အားကစားသမားများနှင့် အသင်းနည်းပြ၊ အုပ်ချုပ်သူများ၊ ဘောလုံးဝါသနာရှင်ပြည်သူများ တက်ရောက်ခဲ့သည်။ ဗိုလ်လုပွဲတွင်ပုသိမ်ခရိုင် ဘောလုံးအသင်းနှင့် မြောင်းမြခရိုင် ဘောလုံးအသင်းတို့က အကြိတ်အနယ်ယှဉ်ပြိုင်ကစားခဲ့ရာ မြောင်းမြခရိုင်အသင်းက ပုသိမ်ခရိုင်အသင်းအား ပင်နယ်တီ အဆုံးအဖြတ်ဖြင့်အနိုင်ရရှိခဲ့သည်။ ဆက်လက်၍ ဆုချီးမြှင့်ပွဲအခမ်းအနားကိုပြုလုပ်ရာ ဆုရရှိသည့် ခရိုင်အသင်းများမှ အားကစားသမားများက နေရာယူကြပြီးနောက် ဒုတိယဆုရရှိသည့် ပုသိမ်ခရိုင်အသင်းမှ အားကစားသမားများအား တစ်ဦးချင်းဆုတံဆိပ်နှင့်ငွေသားဆုကို လုံခြုံရေးနှင့်နယ်စပ်ရေးရာ ဝန်ကြီးကလည်းကောင်း၊ ပထမဆုရရှိသည့် မြောင်းမြခရိုင်အသင်းမှ အားကစားသမားများအား တစ်ဦးချင်းဆုတံဆိပ်နှင့် ငွေသားဆုအား ပုသိမ်လေတပ်စခန်းဌာနချုပ်မှူးကလည်းကောင်း၊ ဂိုးအကောင်းဆုံးဆု၊ နေရာအလိုက်အကောင်းဆုံး ကစားသမားဆု၊ ပွဲစဉ်တစ်လျှောက် အကောင်းဆုံး အားကစားသမားဆုရရှိသူများအား တစ်ဦးချင်းဆုတံဆိပ်နှင့် ငွေသားဆုများကို အနောက်တောင်တိုင်းစစ်ဌာနချုပ် တိုင်းမှူးကလည်းကောင်း အသီးသီးပေးအပ်ချီးမြှင့်ခဲ့ကြကာ ပထမဆုရရှိသည့် မြောင်းမြခရိုင်အသင်းအား တံခွန်စိုက်ဆုဖလားကို တိုင်းဒေသကြီးဝန်ကြီးချုပ် ဦးတင်မောင်ဝင်းက ပေးအပ်ချီးမြှင့်ခဲ့ပြီး ပထမဆုရရှိသည့် မြောင်းမြခရိုင်အသင်းနှင့်အတူ မှတ်တမ်းတင် ဓာတ်ပုံရိုက်ကူးခဲ့ကြောင်းသိရသည်။

ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းသည် တာဝန်ရှိသူ များနှင့်အတူ ယနေ့နေ့လယ်ပိုင်းက လပွတ္တာမြို့နယ်၊ ရေဆိုင်ကျေးရွာအုပ်စု၊ စမ်းချောင်းကျေးရွာရှိ မွေးမြူရေးနှင့်ကုသရေးဦးစီးဌာန၊ ကျွဲမွေးမြူရေးသုတေသနနှင့် မျိုးထိန်း၊ မျိုးပွားခြံသို့ သွားရောက်ကြည့်ရှုစစ်ဆေးခဲ့ပါသည်။ ထို့နောက် ကျွဲမွေးမြူရေးသုတေသနနှင့် မျိုးထိန်း၊ မျိုးပွားခြံ တာဝန်ခံက မွေးမြူရေးခြံလုပ်ငန်းများဆောင်ရွက်မှုများကို ရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်က ဒေသခံတောင်သူများအား ကျွဲမျိုးထိန်းဆောင်ရွက်မှုများနှင့် ကျွဲမွေးမြူခြင်းဆိုင်ရာ နည်းပညာများဖြန့်ဖြူးပေးရန်၊ ဒေသကျွဲမျိုးကောင်းမျိုးသန့်များ ထိန်းသိမ်း ဖြန့်ဖြူးရန်၊ နို့နှင့်နို့ထွက်ပစ္စည်းများထုတ်လုပ်ဖြန့်ဖြူးနိုင်အောင်ဆောင်ရွက်ရန်၊ သုတေသန လုပ်ငန်းများ စဉ်ဆက်မပြတ်ဆောင်ရွက်ရန်နှင့် အောင်မြင်အောင်ဆက်လက် ဆောင်ရွက်ရန်မှာကြားခဲ့သည်။

ဧရာဝတီတိုင်းဒေသကြီးအစိုးရအဖွဲ့၊ တိုင်းဒေသကြီးအဆင့် ဌာနဆိုင်ရာများ တိုင်းဒေသကြီးအစိုးရအဖွဲ့မှ အရာထမ်း၊ အမှုထမ်းများနှင့်နိုင်ငံရေးပါတီများမှ တာဝန်ရှိသူများအား မြန်မာအီလက်ထရောနစ်မဲပေးစက်အသုံးပြု၍ လက်တွေ့သရုပ်ပြစမ်းသပ်မဲပေးခြင်း အခမ်းအနားကို ယနေ့နံနက်ပိုင်းက ပုသိမ်မြို့၊ ဧရာရွှေဝါခန်းမ၌ ပြုလုပ်ခဲ့ရာ အခမ်းအနားသို့ တိုင်းဒေသကြီးဝန်ကြီးချုပ်ဦးတင်မောင်ဝင်း၊ ပြည်ထောင်စုရွေးကောက်ပွဲကော်မရှင်အဖွဲ့ဝင်၊ (ဧရာဝတီတိုင်းဒေသကြီးတာဝန်ခံ) ဦးသန်းထွန်း၊ ဧရာဝတီတိုင်းဒေသကြီး အစိုးရအဖွဲ့ဝင်များ၊ တိုင်းအဆင့်ဌာနဆိုင်ရာအကြီးအကဲများ၊ နိုင်ငံရေးပါတီ(၈)ပါတီမှ ဥက္ကဋ္ဌများနှင့် အတွင်းရေးမှူးများ၊ တိုင်း/ ခရိုင်/ မြို့နယ်ရွေးကောက်ပွဲကော်မရှင်အဖွဲ့ခွဲအဆင့်ဆင့်မှ အရာထမ်းများ၊ မဲဆန္ဒရှင်ပြည်သူများ တက်ရောက်ခဲ့ကြသည်။ အခမ်းအနားတွင် တိုင်းဒေသကြီးဝန်ကြီးချုပ်က“ ယနေ့ကျင်းပသည့် အခမ်းအနားသည် နောင်ကျင်းပမည့် ရွေးကောက်ပွဲများတွင် မြန်မာအီလက်ထရောနစ်မဲပေးစက် (Myanmar Electronic Voting Machine - MEVM) ကို အသုံးပြုနိုင်ရေးအတွက် ပြည်ထောင်စုရွေးကောက်ပွဲ ကော်မရှင်အနေဖြင့် စီစဉ်ဆောင်ရွက်နေမှုများနှင့် ဌာနဆိုင်ရာများ၊ မဲဆန္ဒရှင်ပြည်သူများ အနေဖြင့် (MEVM) မဲပေးစက်များနှင့် စမ်းသပ်မဲပေးမှု သရုပ်ပြခြင်းများကို သိရှိလေ့လာနိုင်ရန် ဖြစ်ပါကြောင်း၊ ကျင်းပမည့် အထွေထွေရွေးကောက်ပွဲအတွက် ကြိုတင်ပြင်ဆင် ဆောင်ရွက်လျက်ရှိရာတွင် ပြည်ထောင်စုရွေးကောက်ပွဲကော်မရှင်အနေဖြင့် အထွေထွေအုပ်ချုပ်ရေးဦးစီးဌာန၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာနတို့နှင့် ပူးပေါင်းပြီး မဲဆန္ဒရှင်စာရင်းများ မှန်ကန်စေရေးများ ဆောင်ရွက်လျက်ရှိသကဲ့သို့ ပြည်ထောင်စုရွေးကောက်ပွဲကော်မရှင်အနေဖြင့် နိုင်ငံရေးပါတီများ မှတ်ပုံတင်ခွင့်လျှောက်ထားလာမှုများကို ဥပဒေနှင့်အညီ စိစစ်ခွင့်ပေးခြင်း၊ မဲလက်မှတ်အစားမြန်မာအီလက်ထရောနစ်မဲပေးစက် (Myanmar Electronic Voting Machine-MEVM) နှင့် မဲပေးနိုင်ရေးအတွက် ပြည်တွင်းရှိ ကျွမ်းကျင်ပညာရှင်များဖြင့်ပူးပေါင်း၍ တီထွင်ခဲ့ခြင်းများကို ဆောင်ရွက်ခဲ့ပါကြောင်း၊ နိုင်ငံတကာတွင် အသုံးပြုသည့် မဲပေးစက်များကို လေ့လာပြီး မြန်မာနိုင်ငံရှိ မဲဆန္ဒရှင်ပြည်သူလူထုတို့၏ အခြေအနေ၊ သဘောသဘာဝနှင့်အကိုက်ညီဆုံးဖြစ်သော ဒီဇိုင်းကို တီထွင်ထားခြင်း ဖြစ်ပါကြောင်း၊ ယခု မဲပေးစက်ကို ဥပဒေနှင့်အညီ အသုံးပြုမဲပေးနိုင်ရေး အတွက်ကိုလည်း လွှတ်တော်ရွေးကောက်ပွဲ ဥပဒေ/နည်းဥပဒေများ၊ တိုင်း/ ခရိုင် /မြို့နယ်/ ရပ်၊ ကျေး ကော်မရှင်အဖွဲ့ခွဲ လုပ်ငန်း လမ်းညွှန်များ၊ မဲရုံမှူးလုပ်ငန်း လမ်းညွှန် များမှာလည်း လိုအပ်သည့် ပြင်ဆင်ဖြည့်စွက်မှုများကိုပြည်ထောင်စု ရွေးကောက်ပွဲကော်မရှင် အနေနဲ့ဆောင်ရွက်ထားပြီးဖြစ်ပါကြောင်း၊ MEVM စက်အသုံးပြုခြင်းကြောင့် ပယ်မဲများ မရှိတော့သည့်အပြင်မဲလက်မှတ်ဖြင့် မဲပေးခဲ့စဉ်ကကဲ့သို့ မဲရေအတွက်သည့်အချိန်လည်း သက်သာမည်ဖြစ်ပါကြောင်း၊ မိမိတို့ ဧရာဝတီတိုင်းဒေသကြီး အတွင်းတွင်ရှိသည့် မြို့နယ်များမှ မဲဆန္ဒရှင်ပြည်သူများအား MEVM စက်ဖြင့် စမ်းသပ် သရုပ်ပြ မဲပေးသည့် လုပ်ငန်းများကို ယနေ့မှ စတင်ပြီး ၂၀၂၄ ခုနှစ်၊ ဖေဖော်ဝါရီလ တတိယပတ်အထိ ဆောင်ရွက်သွားမည်ဖြစ်ပါကြောင်း၊ ယနေ့စမ်းသပ်မဲပေးခြင်းနှင့်ပတ်သက်၍ အကြံပြု ပြောကြားပေးပါရန်နှင့် MEVM စက်ဖြင့် စမ်းသပ်သရုပ်ပြ မဲပေးသည့်လုပ်ငန်းများနှင့် ပတ်သက်၍ မိမိတို့သက်ဆိုင်ရာအဖွဲ့အစည်း မိမိတို့သားစုများထံ တစ်ဆင့်ပြန်လည်ဖြန့်ဝေရှင်လင်းပေးကြစေလိုကြောင်း” အမှာစကားများ ပြောကြားခဲ့သည်။ ဆက်လက်၍ ဧရာဝတီတိုင်းဒေသကြီးရွေးကောက်ပွဲကော်မရှင်အဖွဲ့ခွဲ အတွင်းရေးမှူးက မြန်မာအီလက်ထရောနစ် မဲပေးစက်နှင့်စပ်လျဉ်း၍ ရှင်းလင်းတင်ပြခဲ့ပြီးနောက် ပြည်ထောင်စု ရွေးကောက်ပွဲကော်မရှင်အဖွဲ့ဝင်၊ (ဧရာဝတီတိုင်းဒေသကြီးတာဝန်ခံ)နှင့် ဧရာဝတီတိုင်းဒေသကြီး ရွေးကောက်ပွဲကော်မရှင်အဖွဲ့ခွဲမှ တာဝန်ရှိသူများက မြန်မာအီလက်ထရောနစ် မဲပေးစက် အသုံးပြုနည်းများအား ရှင်းလင်းပြောကြားပြီး တိုင်းဒေသကြီးဝန်ကြီးချုပ်နှင့် ဧည့်သည်တော် များသည် မြန်မာအီလက်ထရောနစ်မဲပေးစက်အသုံးပြု၍ လက်တွေ့သရုပ်ပြ စမ်းသပ်မဲပေးခဲ့ကြသည်။ မြန်မာအီလက်ထရောနစ်မဲပေးစက် (Myanmar Electronic Voting Machine-MEVM)ကိုအသုံးပြု၍ လက်တွေ့မဲပေးရာတွင် အမှားအယွင်း လုံးဝမရှိဘဲ (၁၀၀)ရာခိုင်နှုန်း တိကျစွာ ဆန္ဒမဲပေးခြင်းကို ဆောင်ရွက်နိုင်မည်ဖြစ်ပြီး လူတစ်ဦးမဲပေးချိန်(၇)စက္ကန့်မှ (၁၀)စက္ကန့်ထိဖြစ်၍ (၁)နာရီလျှင် အနည်းဆုံး လူ(၂၀၀)ခန့်ကောင်းမွန်စွာ မဲပေးနိုင်မည်ဖြစ်ကာ မဲရုံတစ်ရုံလျှင် စက်တစ်လုံးဖြင့် လူ(၁၈၀၀)ခန့်မှ (၂၀၀၀)ခန့်အထိ သတ်မှတ်ဆန္ဒမဲပေးချိန် အတွင်း ဆောင်ရွက်နိုင်မည်ဖြစ်ကြောင်း ရွေးကောက်ပွဲကော်မရှင်မှတာဝန်ရှိသူများ၏ ပြောကြားချက်များအရ သိရှိရပါသည်။ ဆက်လက်၍ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် မွန်းလွဲပိုင်းတွင် ပုသိမ်မြို့နယ်၊ အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမတွင် ပြည်ထောင်စု ရွေးကောက်ပွဲကော်မရှင်အဖွဲ့ဝင်၊ (ဧရာဝတီတိုင်းဒေသကြီးတာဝန်ခံ) ဦးသန်းထွန်းနှင့် ဧရာဝတီတိုင်းဒေသကြီး ရွေးကောက်ပွဲကော်မရှင်အဖွဲ့ခွဲမှ တာဝန်ရှိသူများက မြန်မာအီလက်ထရောနစ် မဲပေးစက်နှင့်စပ်လျဉ်း၍ အသုံးပြုနည်းများအား ရှင်းလင်းပြောကြားပြီး ဌာနဆိုင်ရာများ၊ နိုင်ငံရေးပါတီများမှ တာဝန်ရှိသူများနှင့် ပုသိမ်မြို့နယ်မဲဆန္ဒရှင်ပြည်သူများမှ မြန်မာအီလက် ထရောနစ် မဲပေးစက်ဖြင့် လက်တွေ့စမ်းသပ်မဲပေးလေ့လာနေမှုများကို သွားရောက်ကြည့်ရှု အားပေးခဲ့ပါသည်။

တိုင်းဒေသကြီးဝန်ကြီးချုပ်နှင့်အဖွဲ့သည် ဖျာပုံခရိုင်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ခရိုင်၊ မြို့နယ် စိုက်ပျိုးထုတ်လုပ်မှု တိုးတက်မြင့်မားရေး ကြီးကြပ်မှုကော်မတီများနှင့်တွေ့ဆုံ၍ တိုင်းဒေသကြီးဝန်ကြီးချုပ်က “ တိုင်းဒေသကြီးသည် စိုက်ပျိုးရေးတိုင်းဒေသကြီးဖြစ်သော်လည်း ပန်းတိုင်အထွက်နှုန်းရောက်ရှိအောင် အားလုံးကဝိုင်းဝန်းကြိုးပမ်း ဆောင်ရွက်ရမည် ဖြစ်ပါကြောင်း၊ ယခုနှစ်နွေစပါးစိုက်ရာသီတွင် နွေစပါးပန်းတိုင်အထွက်နှုန်း ရောက်ရှိရန် လျာထားဆောင်ရွက်လျက်ရှိပါကြောင်း၊ အထွက်နှုန်းများ တိုးတက်ရန်အတွက် မျိုး၊ မြေ၊ ရေ၊ နည်း စနစ်တကျ အကောင်အထည်ဖော်ဆောင်ရွက်ကြရမည်ဖြစ်ပါကြောင်း၊ စိုက်ပျိုးရေများစနစ်တကျ သုံးစွဲ၍ ရိုးပြတ်ကျန်ဧကများ ကျန်ရှိမှုမရှိစေရေးနှင့် အောင်မြင်အောင်စိုက်ပျိုးဆောင်ရွက်ကြရမည်ဖြစ်ပါကြောင်း၊ တိုင်းဒေသကြီးအတွင်း မိုးစပါး၊ နွေစပါး ဧက ၅၂ သိန်းကျော်၊ ပဲမျိုးစုံ ဧက(၁၆) သိန်းကျော်နှင့် ဆီထွက်သီးနှံ မြေပဲ၊ နှမ်း၊ နေကြာများ စိုက်ပျိုး လျက်ရှိပါကြောင်း၊ ၂၀၂၄ ခုနှစ်တွင် ရေတော်မိုးတော်မိုးစပါး စိုက်ဧက(၂၇)သိန်းကျော်အား သစ်စိမ်းမြေသြဇာ(ပိုက်ဆံလျှော်) အပြည့်အဝထည့်သွင်း စိုက်ပျိုးရန် မျိုးထုတ်လုပ်စိုက်ပျိုးလျက်ရှိပါကြောင်း၊ တစ်ဧကအထွက်နှုန်းများတိုးတက်ထွက်ရှိရေး၊ တိုင်းဒေသကြီး၏ သီးနှံစုံ ပန်းတိုင်အထွက်နှုန်းရောက်ရှိရေး ဝိုင်းဝန်းဆောင်ရွက်ကြရမှာဖြစ်ကြောင်း” အမှာစကားပြောကြားသည်။ ဆက်လက်၍ ဖျာပုံခရိုင်စိုက်ပျိုးထုတ်လုပ်မှု တိုးတက်မြင့်မားရေးကြီးကြပ်မှုကော်မတီ ဥက္ကဋ္ဌက ဖျာပုံခရိုင်အတွင်း မြို့နယ်များအလိုက် ၂၀၂၃ခုနှစ်၊ မိုးစပါးစိုက်ပျိုးရိတ်သိမ်းပြီးစီးမှု အခြေအနေ၊ မြို့နယ်များအလိုက် ၂၀၂၃- ၂၀၂၄ခုနှစ်၊ နွေစပါးစိုက်ပျိုးပြီးစီးမှုအခြေအနေများ၊ သစ်စိမ်းမြေဩဇာ(ပိုက်ဆံလျှော်) မျိုးပွားစိုက်ပျိုးမှုအခြေအနေများ၊ နိုင်ငံ့စီးပွားမြှင့်တင်ရေး ရန်ပုံငွေဖြင့် လုပ်ငန်းဆောင်ရွက်မှုအခြေအနေများကို ရှင်းလင်းတင်ပြခဲ့သည်။ ထို့နောက် လုံခြုံရေးနှင့်နယ်စပ်ရေးရာဝန်ကြီးက စိုက်ပျိုးထုတ်လုပ်မှု တိုးတက်မြင့်မားရေးဆိုင်ရာ ကိစ္စရပ်များကို ဆက်လက်ဆွေးနွေးတင်ပြချက်များနှင့် အစည်းအဝေးသို့ တက်ရောက်လာသူ များ၏ အထွေထွေဆွေးနွေးတင်ပြချက်များအပေါ် တိုင်းဒေသကြီးဝန်ကြီးချုပ်က လိုအပ်သည်များ ဖြည့်စွက်ဆွေးနွေးခဲ့ပြီး နိဂုံးချုပ်အမှာစကားပြောကြားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ဖျာပုံမြို့နယ်၊ ကျုံတာရှမ်းကွင်း ကျေးရွာရှိ တောင်သူဦးနေမျိုးဝင်း၏ စိုက်ဧက (၃)ဧက၌ နယူးဧရာ-၁ မျိုးစပါး နွေစပါးဘောင်ပျိုး စိုက်စနစ်စံပြကွက်အား သဘာဝမြေသြဇာနှင့် ဓါတ်မြေဩဇာကြဲပက်နေမှုများကို ကြည့်ရှု အားပေးခဲ့ပြီး မိုးစပါး၊ နွေစပါး ပန်းတိုင်အထွက်နှုန်းရရှိစေရေး၊ အထွက်တိုးမျိုးစပါးများ ပြောင်းလဲစိုက်ပျိုးစေရေး၊ ခေတ်မီစိုက်နည်းစနစ်များအသုံးပြုစိုက်ပျိုးစေရေး၊ သဘာဝမြေဩဇာ၊ ဓါတ်မြေဩဇာများ အချိုးကျသုံးစွဲစေရေးမှာကြားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ကျိုက်လတ်မြို့နယ်၊ သာယာဝဲကျေးရွာ သို့ရောက်ရှိ၍ ၂၀၂၃-၂၀၂၄ ခုနှစ် နေကြာသီးသန့် (၁၀)ဧက တစ်ကွင်းတစ်စပ်တည်း စံပြစိုက်ခင်း ကြည့်ရှုအားပေးခဲ့ပြီး အောင်မြင်ဖြစ်ထွန်းအောင် ဆောင်ရွက်ကြရန် မှာကြားခဲ့ပါသည်။ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် မအူပင်မြို့နယ်၊ အလန်းကျေးရွာအုပ်စု၊ လှေဆိပ်မြောင်း အလျား ၁၅၂ဝဝ ပေ၊ မျက်နှာပြင်ထိပ်ဝအကျယ် ၂၉ပေ၊ အောက်ခြေအကျယ် ၂၀ပေ၊ ပျမ်းမျှအနက် (အမြင့်) ၉ပေ၊ စိုက်ဧက (၁၀၀၀)ဧကအား အကျိုးမည့် မြောင်းတူးဖော်ခြင်းလုပ်ငန်းအား ကြည့်ရှုစစ်ဆေးခဲ့ပြီး တာဝန်ရှိသူများမှ မြောင်းတူးဖော် ပြီးစီးမှုအခြေအနေများ၊ စိုက်ဧကများအတွက်အကျိုးပြုနိုင်မှုအခြေအနေများအား ရှင်းလင်း တင်ပြမှုအပေါ် တိုင်းဒေသကြီးဝန်ကြီးချုပ်က လုပ်ငန်းများအမြန်ဆုံးပြီးစီးရေး၊ မြေစာများ စနစ်တကျ ဆယ်ဖို့ထားရှိကာ လမ်းအသုံးပြုနိုင်ရေး မှာကြားခဲ့ကြောင်းသတင်းရရှိပါသည်။

ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် ယနေ့မွန်းလွဲပိုင်းက တာဝန်ရှိသူများနှင့်အတူ ဖျာပုံခရိုင်အတွင်းရှိ စိုက်ပျိုးရေးလုပ်ငန်းများအား ကြည့်ရှုစစ်ဆေးခဲ့ပြီး (၇၇)နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသောအားဖြင့် ဖွင့်လှစ်သည့် ကွန်ကရစ်လမ်းသစ်ဖွင့်ပွဲနှင့် ဈေးသစ်ဖွင့်ပွဲများအား တက်ရောက်ဖွင့်လှစ်ပေးခဲ့သည်။ ဦးစွာ တိုင်းဒေသကြီးဝန်ကြီးချုပ်သည် ကျိုက်လတ်မြို့နယ်၊ လှည်းဆိပ်ကျေးရွာ နွေစပါး ဧက (၁၀၀)၊ တင်း(၁၂၀)အထက်ထွက်ရှိရေး ဆောင်ရွက်သည့် စံပြကွက်ရှိ တောင်သူ ဦးအောင်မြင့်ဦး၏ စိုက်ဧက(၃၇)ဧကတွင် မှော်ဘီ(၃) စပါးမျိုး၊ စိုက်ပျိုးအောင်မြင် ဖြစ်ထွန်း နေမှုများကို ကြည့်ရှုအားပေးခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်တာဝန်ရှိသူများသည် (၇၇)နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသောအားဖြင့် ဖွင့်လှစ်သည့် ကျိုက်လတ်မြို့၊ အမှတ်(၅)ရပ်ကွက် ဗိုလ်ချုပ်လမ်း ကွန်ကရစ်လမ်းသစ်ဖွင့်ပွဲအား တက်ရောက်ဖွင့်လှစ်ပေးခဲ့သည်။ ဦးစွာ တိုင်းဒေသကြီးဝန်ကြီးချုပ်သည် တာဝန်ရှိသူများနှင့်အတူ ကွန်ကရစ်လမ်းသစ်အား ဖဲကြိုးဖြတ်ဖွင့်လှစ်ပေးသည်။ ထို့နောက် တိုင်းဒေသကြီး ဝန်ကြီးချုပ်နှင့် လုံခြုံရေးနှင့်နယ်စပ် ရေးရာဝန်ကြီးထံသို့ တိုင်းဒေသကြီးစည်ပင်သာယာရေးအဖွဲ့ ခေတ္တညွှန်ကြားရေးမှူး၊ ခရိုင်စီမံအုပ်ချုပ်ရေးအဖွဲ့ ဥက္ကဋ္ဌတို့က လမ်းဖွင့်ပွဲအထိမ်းအမှတ် ပစ္စည်းများပေးအပ်ပြီးနောက် စုပေါင်းမှတ်တမ်းတင်ဓာတ်ပုံများရိုက်ကူးခဲ့ကာ ကွန်ကရစ်လမ်းသစ်အားလှည့်လည်ကြည့်ရှု စစ်ဆေးခဲ့သည်။ ကျိုက်လတ်မြို့၊ အမှတ်(၅)ရပ်ကွက် ဗိုလ်ချုပ်လမ်း ကွန်ကရစ်လမ်းသစ်သည် အတိုင်းအတာအားဖြင့်အရှည် (၁၅၅၈)ပေ၊ အကျယ် (၆)ပေနှင့် ထု (၆)လက်မရှိပြီး ကွန်ကရစ်လမ်းခင်းခြင်းလုပ်ငန်းအား ကျိုက်လတ်မြို့နယ်စည်ပင်သာယာရေးအဖွဲ့၏ ၂၀၂၃-၂၀၂၄ ဘဏ္ဍာရေးနှစ် ငွေလုံးငွေရင်းအသုံးစရိတ်ရန်ပုံငွေဖြင့် ဆောင်ရွက်သော လမ်းဖြစ်ကြောင်း သိရသည်။ ထို့နောက် တိုင်းဒေသကြီးဝန်ကြီးချုပ်နှင့်တာဝန်ရှိသူများသည် (၇၇)နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသောအားဖြင့်ဖွင့်လှစ်သည့် ဖျာပုံမြို့အထပ်မြင့်မြို့မဈေးသစ် ဖွင့်ပွဲအခမ်းအနားသို့ တက်ရောက်၍ ဖဲကြိုးဖြတ်ဖွင့်လှစ်ပေးခဲ့ပြီး ဈေးသစ်အားလှည့်လည် ကြည့်ရှုစစ်ဆေးခဲ့သည်။ ဆက်လက်၍ ဖျာပုံမြို့အထပ်မြင့်မြို့မဈေးသစ်လွှဲပြောင်းပေးအပ်ခြင်း အခမ်းအနားကို အဆိုပါဈေးသစ်၍ ပြုလုပ်ခဲ့ရာ တိုင်းဒေသကြီး ဝန်ကြီးချုပ်က “ (၇၇)နှစ် မြောက်ပြည်ထောင်စုနေ့ကို ကြိုဆိုဂုဏ်ပြုသောအားဖြင့်ဖွင့်လှစ်သည့် ဖျာပုံမြို့အထပ်မြင့် မြို့မဈေးသစ်အား ယနေ့တွင်ဖွင့်လှစ်နိုင်ခဲ့ပြီဖြစ်ပါကြောင်း၊ ဈေးသစ်ဖွင့်လှစ်ပေးနိုင်ခဲ့၍ ဈေးသူ၊ ဈေးသားများ၏ စားဝတ်နေရေးကိုလည်း ဖြည့်ဆည်းပေးခြင်းလည်းဖြစ်ပါကြောင်း၊ စျေးသစ်ကြီးအား တိုင်းဒေသကြီးရန်ပုံငွေ၊ စျေးသူ၊ စျေးသားများ၏ ထည့်ဝင်ငွေများဖြင့် တည်ဆောက်ခဲ့ခြင်းဖြစ်ပါကြောင်း၊ စျေးရုံရှေ့တွင် ယာဥ်ကြောပိတ်ဆို့မှုများမရှိစေရေးအတွက် ယာဥ်ရပ်နားမှုများ စနစ်ကျစေရေးစီမံဆောင်ရွက်ရမှာဖြစ်ပါကြောင်း၊ တိုင်းဒေသကြီးအတွင်းရှိမြို့နယ်များအား Clean City၊ Green City၊ Smart City ဖြစ်အောင် ဆောင်ရွက်လျှက်ရှိရာ ခရိုင်အဆင့်မြို့ဖြစ်သည်နှင့်အညီ မြို့သန့်ရှင်းသာယာလှပရေး၊ ဈေးသန့်ရှင်းသပ်ရပ်မှုရှိစေရေး ဝိုင်းဝန်းပူးပေါင်းဆောင်ရွက်ပေးကြစေလိုကြောင်း” အမှာစကားပြောကြားသည်။ ထို့နောက် ဖျာပုံမြို့နယ်စည်ပင်သာယာရေးအဖွဲ့၊ အမှုဆောင်အရာရှိက ဖျာပုံမြို့မဈေး အတွင်းရှိ အထပ်မြင့်ဈေးရုံသစ် တည်ဆောက်ပြီးစီးနိုင်ရေး ဆောင်ရွက်ခဲ့မှုအခြေအနေများအား လည်းကောင်း၊ ဖျာပုံမြို့မဈေးအတွင်းရှိ အထပ်မြင့်ဈေးရုံသစ်ကို တာဝန်ယူတည်ဆောက်သည့် ကုမ္ပဏီမှ မန်းနေဂျင်းဒါရိုက်တာက လုပ်ငန်းဆောင်ရွက်ခဲ့မှုအခြေအနေများကို Power Point ဖြင့်လည်းကောင်း ရှင်းလင်းတင်ပြခဲ့ပြီးနောက် ဈေးရုံသစ်ဖွင့်ပွဲအထိမ်းအမှတ် ပစ္စည်းအား တိုင်းဒေသကြီး ဝန်ကြီးချုပ်နှင့် လုံခြုံရေးနှင့်နယ်စပ်ရေးရာဝန်ကြီးထံသို့ တိုင်းဒေသကြီးစည်ပင်သာယာရေးအဖွဲ့ ခေတ္တညွှန်ကြားရေးမှူး၊ မြို့နယ်စည်ပင်သာယာရေးအဖွဲ့အမှုဆောင် အရာရှိတို့က ဈေးသစ်ဖွင့်ပွဲအထိမ်းအမှတ် ပစ္စည်းများပေးအပ်ခဲ့သည်။ ဆက်လက်၍ဈေးသူဈေးသားများကိုယ်စား ဈေးတည်ဆောက်ရေးကော်မတီဝင်(၁)ဦးမှ ကျေးဇူးတင်စကားပြောကြားခဲ့ပြီး အသစ်တည်ဆောက်ပြီးစီးသည့် အထပ်မြင့်ဈေးရုံသစ်ကို တာဝန်ယူတည်ဆောက်ခဲ့သည့် Royal Innovative Co,Ltdမှ ဖျာပုံမြို့နယ်စည်ပင်သာယာရေး အဖွဲ့ထံသို့လွှဲပြောင်းပေးအပ်ခဲ့သည်။ ဆက်လက်၍ တိုင်းဒေသကြီး ဝန်ကြီးချုပ်ဦးတင်မောင်ဝင်းနှင့် တာဝန်ရှိသူများသည် ဖျာပုံမြို့၊ ဇင်းဘောင်ဧည့်ရိပ်သာ၌ မြို့မိ၊ မြို့ဖများနှင့်ရင်းရင်းနှီးနှီး တွေ့ဆုံခဲ့ရာတွင် တိုင်းဒေသကြီးဝန်ကြီးချုပ်က“တိုင်းဒေသကြီးသည် စိုက်ပျိုးရေးနှင့်ပတ်သက်၍ စံပြတိုင်းဒေသကြီးဖြစ်ရန်နှင့် စိုက်ပျိုးသီးနှံများအား ပန်းတိုင် အထွက်နှုန်းရောက်ရှိရေး ကြိုးပမ်းဆောင်ရွက်လျက်ရှိပါကြောင်း၊ တိုင်းဒေသကြီးအတွင်း မိုးစပါး၊ နွေစပါး ဧက ၅၂ သိန်းကျော်၊ ပဲမျိုးစုံ ဧက(၁၆) သိန်းကျော်နှင့် ဆီဖူလုံမှုရှိစေရေးအတွက် ဆီထွက်သီးနှံ မြေပဲ၊ နှမ်း၊ နေကြာများတိုးချဲ့စိုက်ပျိုးလျက်ရှိပါကြောင်း၊ တိုင်းဒေသကြီး၏ လူဦးရေ ၈၅ ရာခိုင်နှုန်းခန့်သည် ကျေးလက်ဒေသတွင် နေထိုင်ကြပြီး စိုက်ပျိုးမွေးမြူရေး လုပ်ငန်းများကို အဓိကလုပ်ကိုင်ကြပါကြောင်း၊ စိုက်ပျိုးမွေးမြူရေးလုပ်ငန်းများကိုအခြေခံသည့် ကုန်ကြမ်းများမှတစ်ဆင့် တန်ဖိုးမြင့်ထုတ်ကုန်များထုတ်လုပ်နိုင်ရေး ဆောင်ရွက်ကြရမှာဖြစ်ကြောင်း၊ ထုတ်ကုန်များအား ကုန်ချောအဆင့်အထိထုတ်လုပ်ပြီး စျေးကွက်သို့တင်ပို့ရောင်းချရာတွင် ပြည်တွင်းတွင်ဖူလုံမှုရှိပါက ပြည်ပသို့တင်ပို့နိုင်သည်အထိ ဆောင်ရွက်ကြရမှာဖြစ်ကြောင်း၊ တိုင်းဒေသကြီး၏ ထုတ်ကုန်များ အရည်အသွေးကောင်းမွန်ပြီး စျေးကွက်ရရှိရေး ဆောင်ရွက် ကြရမှာဖြစ်ကြောင်း၊ ဒေသတွင်းဖွံ့ဖြိုးတိုးတက်ရေးနှင့် မြို့သန့်ရှင်းသာယာလှပရေး မြို့မိမြို့ဖများမှ ဝိုင်းဝန်းအကြံပြုဆွေးနွေးပေးကြစေလိုကြောင်း” ဆွေးနွေးပြောကြားခဲ့သည်။ ဆက်လက်၍ မြို့မိ၊ မြို့ဖများက ဒေသဖွံ့ဖြိုးရေး၊ မြို့သန့်ရှင်းသာယာလှပရေးများတွင် ပြည်သူများပူးပေါင်းပါဝင်ဆောင်ရွက်မှု၊ ဖျာပုံပေါ်ဆန်းမွှေးအရည်အသွေးပြန်လည်ကောင်းမွန်အောင် စိုက်ပျိုးရေးပညာရှင်များနှင့် ပူးပေါင်း၍ ဆောင်ရွက်မှု၊ မြေဆီမြေဩဇာများ ပြန်လည်ကောင်းမွန်ရေးအတွက် လိုအပ်မှုတို့အား ပြန်လည်ဆွေးနွေးတင်ပြခဲ့ကြပြီး တိုင်းဒေသကြီးဝန်ကြီးချုပ်က လိုအပ်သည်များကို ပေါင်းစပ်ဆောင်ရွက်ပေးခဲ့သည်။