ဧရာဝတီတိုင်းဒေသကြီးဝန်ကြီးချုပ် ဦးအေးကျော်သည် ဖျာပုံမြို့ပြည်သူ့ဆေးရုံသို့ သွားရောက်ကြည့်ရှုစစ်ဆေးခဲ့ပြီး ကျောက်ကပ်သွေးသန့်စင်ခန်း၌ ကျောက်ကပ်သွေးသန့်စင်နေသည့် လူနာများ၊ ကလေးကုသဆောင်၌ တက်ရောက်ကုသနေသည့် ကလေးလူနာများကို ကြည့်ရှုအားပေး စကားများ ပြောကြားခဲ့ကာ စားသောက်ဖွယ်ရာများနှင့် ထောက်ပံ့ငွေများပေးအပ်ခဲ့သည်။

ဧရာဝတီတိုင်းဒေသကြီးဝန်ကြီးချုပ် ဦးအေးကျော်သည် တာဝန်ရှိသူများနှင့်အတူ ဖျာပုံမြို၊ ဆရာဇော်ဂျီ ရာပြည့်စာကြည့်တိုက်၊ ဗေဒါခန်းမတွင်ပြုလုပ်သည့် စာဖတ်ရှိန်မြှင့်တင်ရေး ဆောင်ရွက်ထားရှိမှုအား ရှင်းလင်းတင်ပြခြင်း အစည်းအ‌ဝေးသို့ တက်ရောက်ခဲ့ရာ ဆရာဇော်ဂျီရာပြည့်ကြည့်တိုက်ကော်မတီ အတွင်းရေးမှူးက ဆရာဇော်ဂျီရာပြည့်စာကြည့်တိုက်၏ လုပ်ငန်းဆောင်ရွက်မှုနှင့် ဒေသအတွင်း စာဖတ်ရှိန်မြှင့်တင်ရေးလုပ်ငန်းဆောင်ရွက်နေမှုအခြေအနေကို ရှင်းလင်းတင်ပြခဲ့ပြီး တိုင်းဒေသကြီး ဝန်ကြီးချုပ်က စာဖတ်ရှိန်မြှင့်တင်ရေး လုပ်ငန်းများ ဆောင်ရွက်နိုင်ရေးအတွက် သုတ၊ ရသစာအုပ်များနှင့် အလှူငွေများ ပေးအပ်လှူဒါန်းခဲ့သည်။

ဧရာဝတီတိုင်းဒေသကြီးဝန်ကြီးချုပ် ဦးအေးကျော်သည် တာဝန်ရှိသူများနှင့်အတူ ဖျာပုံခရိုင်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမတွင်ပြုလုပ်သည့် ဖျာပုံခရိုင်အတွင်းစိုက်ပျိုး ထုတ်လုပ်မှုမြင့်မားရေးဆိုင်ရာ လုပ်ငန်းညှိနှိုင်းအစည်းအဝေးသို့ တက်ရောက်ခဲ့ပြီး တိုင်းဒေသကြီး ဝန်ကြီးချုပ်က“ ဖျာပုံခရိုင်အတွင်း စိုက်ဧကများတိုးတက်ရေးနှင့် ဒေသဖွံ့ဖြိုးရေးကိစ္စရပ်များကို ဖြည့်ဆည်းဆောင်ရွက်ပေးရန်ဖြစ်ပါကြောင်း၊ ရေငန်ဝင်ရောက်သည့်ဒေသများတွင် စိုက်ဧကများ တိုးတက်‌စေရေး၊ ရိုးပြတ်ကျန်ဧကများမရှိ‌စေရေးနှင့် ဒုတိယသီးနှံစိုက်ပျိုးရာတွင် အောင်ရေ ရေချိုများ ရရှိ‌စေရေးအတွက် ရေငန်တားတာများတည်ဆောက်‌ပေးလျက်ရှိပါကြောင်း

ဧရာဝတီတိုင်းဒေသကြီး၊ ဖျာပုံခရိုင်၊ ဖျာပုံမြို့နယ်၊ နောင်တော်ကြီးကျေးရွာ၌ နောင်တော်ကြီး ဆိုလာရေတင်စီမံကိန်းဖြင့် နွေစပါးစိုက်ဧက(၁၀၀)ကို ဆိုလာ ၄၈ ကီလိုဝပ်၊ ရေပေးမြောင်း(၃၁၂၀)ပေဖြင့် ရေပေးဝေဆောင်ရွက် စိုက်ပျိုးသွားမည့် အခြေအနေများကို တိုင်းဒေသကြီးဝန်ကြီးချုပ်ဦးအေးကျော်သည် ယနေ့နံနက်ပိုင်းက တာဝန်ရှိသူများနှင့်အတူ သွားရောက်ကြည့်ရှုစစ်ဆေးခဲ့သည်။

ဧရာဝတီတိုင်းဒေသကြီးဝန်ကြီးချုပ် ဦးအေးကျော်သည် တိုင်းဒေသကြီးအစိုးရအဖွဲ့ရုံး၊ အစည်းအဝေး ခန်းမ(၁)တွင်ပြုလုပ်သည့် စုပေါင်းမဟာဘုံကထိန်နှင့် တန်ဆောင်တိုင် ပွဲတော်ကျင်းပရေး လုပ်ငန်းညှိနှိုင်းအစည်းအဝေးသို့ တက်ရောက်ခဲ့ပြီး တိုင်းဒေသကြီးဝန်ကြီးချုပ်က“ပဒေသာပင်များ စနစ်တကျပြင်ဆင်ဆောင်ရွက်ရေး၊ ပဒေသာပင် လှည့်လည်မည့် သတ်မှတ်လမ်းကြောင်း တစ်လျောက် အဆင်ပြေချောမွေ့စွာလှည့်လည်နိုင်ရေး၊ ကျွေးမွေးလှူဒါန်းမည့် စားသောက်ဖွယ်ရာများ ချက်ပြုတ်ရာနှင့် ဧည့်ခံကျွေးမွေးရာတွင် သန့်ရှင်းသပ်ရပ်မှုရှိစေရေး စနစ်တကျ ဆောင်ရွက်ရမည်ဖြစ်ကြောင်း၊ တန်ဆောင်တိုင်မီးမျှောပွဲတော်နှင့် ရှင်ဥပဂုတ္တရဟန္တာမထေရ်မြတ် ပူဇော်ပွဲ ကျင်းပမည့် ရှုခင်းသာရင်ပြင်နှင့် ပုသိမ်မြို့၊ ကမ်းနားလမ်းတစ်လျှောက်တွင် အလှမီးများ ထွန်းညှိခြင်း၊ ဘုရားစေတီပုထိုးများ၊ ရုံး၊ ဌာန အဆောက်အဦများ၊ ရပ်ကွက်များ၊ နေအိမ်များနှင့် ပန်းခြံများတွင် အလှမီးများ ထွန်းညှိပူဇော်သွားမည်ဖြစ်ပြီး စတုဒီသာကျွေးမွေးမည့်အစီအစဉ်များ၊ ဖျော်ဖြေရေးအစီအစဉ်များကိုလည်း ထည့်သွင်းဆောင်ရွက်သွားမည် ဖြစ်ပါကြောင်း၊ ပြည်သူများ စိတ်အေးချမ်းပျော်ရွှင်စွာ အပန်းဖြေနိုင်ရေး၊ စုပေါင်းမဟာဘုံကထိန်ပွဲတော်နှင့် တန်ဆောင် တိုင်ပွဲတော် အောင်မြင်စွာကျင်းပနိုင်ရေးအတွက် တာဝန်ရှိသူများအားလုံး ပူးပေါင်းဆောင်ရွက် ကြရန်နှင့် သက်ဆိုင်ရာကော်မတီအလိုက် ဆွေးနွေးတင်ပြကြရန်”အမှာစကားများ ပြောကြားသည်။