ပုသိမ်မြို့၊ အမှတ်(၈)အခြေခံပညာအထက်တန်းကျောင်းသို့သွားရောက်၍ ၂၀၂၂ ခုနှစ် တက္ကသိုလ်ဝင် စာမေးပွဲစတုတ္ထနေ့ ဖြေဆိုမှုများအား ကြည့်ရှုအားပေး
တစ်နိုင်ငံလုံးအတိုင်းအတာဖြင့် မတ်လ (၃၁)ရက်နေ့မှ ဧပြီလ(၉)ရက်နေ့အထိ တက္ကသိုလ်၀င်စာမေးပွဲ ကျင်းပလျက်ရှိရာ ဧရာ၀တီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းသည် တိုင်းဒေသကြီးအစိုးရဖွဲ့ဝင် ဝန်ကြီးများ၊ ဌာနဆိုင်ရာတာဝန်ရှိသူများ လိုက်ပါလျှက် ၂၀၂၂ ခုနှစ်၊ ဧပြီလ (၄)ရက်နေ့၊ ယနေ့နံနက်ပိုင်းအချိန်တွင် ပုသိမ်မြို့၊ အမှတ်(၈) အခြေခံပညာအထက်တန်းကျောင်းတွင် တက္ကသိုလ်၀င်စာမေးပွဲ စတုတ္ထနေ့၊ ဓာတုဗေဒဘာသာရပ်အား အေးချမ်းစွာစာမေးပွဲဖြေဆိုနေမှုများကို လိုက်လံကြည့်ရှု အားပေးခဲ့ပြီး ကျောင်းသူကျောင်းသားများ စာမေးပွဲဖြေဆိုနေစဉ်အတွင်း လုံခြုံရေး၊ သွားလာရေးနှင့် ကျန်းမာရေးစောင့်ရှောက်မှုများ အလေးထားဆောင်ရွက်ပေးရေး သက်ဆိုင်ရာ တာဝန်ရှိသူများအား မှာကြားခဲ့ပါတယ်။ ပုသိမ်မြို့၊ အမှတ်(၈) အခြေခံပညာအထက်တန်းကျောင်းတွင် အတွင်းဖြေဆိုသူ (၁၂၈)ဦး၊ အပြင်ဖြေဆိုသူ(၂၁)ဦး၊ စုစုပေါင်း(၁၄၉)ဦးဝင်ရောက် ဖြေဆိုလျက်ရှိပြီး ခရိုင်(၆)ခရိုင်၊ မြို့နယ် (၂၆) မြို့နယ်တွင် တက္ကသိုလ်ဝင်စာမေးပွဲ စာစစ်ဌာန (၂၄၇)ခု ဖွင့်လှစ်ထားရှိရာ ဓာတုဗဒဘာသာရပ်ကို ကျောင်းသားကျောင်းသူ စုစုပေါင်း(၁၉၁၉၁)ဦး၀င်ရောက်ဖြေဆိုလျက်ရှိကြောင်း သတင်းရရှိပါသည်။