ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်နှင့်အစိုးရအဖွဲ့အား တိုင်းဒေသကြီးသစ်တောဦးစီးဌာနနှင့် လျှပ်စစ်ဌာနများမှ လုပ်ငန်းဆိုင်ရာဆောင်ရွက်ထားရှိမှုများအား ရှင်းလင်းတင်ပြခြင်း အခမ်းအနားကျင်းပ
ဧရာဝတီတိုင်းဒေသကြီး၊ ပုသိမ်မြို့၊ တိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ (၁)၌ ၂၀၂၁ ခုနှစ်၊ ဩဂုတ်လ၊ (၁၃) ရက်နေ့ ၊ မွန်းလွဲ(၁)နာရီခွဲအချိန်တွင် ဧရာဝတီတိုင်းဒေသကြီးအစိုးရအဖွဲ့အား တိုင်းဒေသကြီးသစ်တောဦးစီးဌာနနှင့် တိုင်းဒေသကြီးလျှပ်စစ်ဌာနဌာနတို့မှ လုပ်ငန်းဆိုင်ရာဆောင်ရွက်ထားရှိမှုများအား ရှင်းလင်းတင်ပြခြင်း အခမ်းအနားကျင်းပပြုလုပ်ခဲ့ပါသည်။
အခမ်းအနားသို့ ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်း၊ တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်းဒေသကြီး အစိုးရအဖွဲ့အတွင်းရေးမှူး၊ တိုင်းဒေသကြီးသစ်တောဦးစီးဌာနနှင့် လျှပ်စစ်ဓါတ်အားဖြန့်ဖြူးရေးလုပ်ငန်းမှ တိုင်းဦးစီးမှူးများ တက်ရောက်ခဲ့ ကြပါတယ်။
အခမ်းအနားတွင် ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်းက အဖွင့်အမှာစကားပြောကြားခဲ့ပြီး တိုင်းဒေသကြီး သစ်တောဦးစီးဌာနမှ ညွှန်ကြားရေးမှူးဦးစိုးတင့်က သစ်တောလုပ်ငန်းများဆိုင်ရာ ဆောင်ရွက်ထားရှိမှုများ၊ မိန်းမလှကျွန်း (ဘေးမဲ့တော)နှင့် ပတ်သက်သောအကြောင်းအရာများ၊ သဘာဝ ထိန်းသိမ်းရေး နယ်မြေများနှင့်ပတ်သက်၍ကြေးတိုင်လုပ်ငန်းများ ဆောင်ရွက်ပြီးစီးမှု အခြေအနေ၊ ဒီရေတောစိုက်ခင်းတည်ထောင်ထားရှိမှု အခြေအနေတို့အား Power Point ဖြင့် ရှင်းလင်း တင်ပြခဲ့ပါသည်။
ဆက်လက်၍ တိုင်းဒေသကြီးလျှပ်စစ်ဓါတ်အားဖြန့်ဖြူးရေးလုပ်ငန်းမှ တိုင်းလျှပ်စစ်အင်ဂျင်နီယာ ဦးထင်ကျော်က လျှပ်စစ်ဓါတ်အား ဖြန့်ဖြူးမှုအခြေအနေများနှင့်ပတ်သက်၍ စီမံကိန်းလုပ်ငန်းများ၏ ဘတ်ဂျက်ရန်ပုံငွေရရှိမှု၊ လုပ်ငန်းများပြီးစီးမှုနှင့်ရရှိနိုင်မည့် အကျိုးကျေးဇူးများ အစရှိသည်များကို Power Point ဖြင့် ရှင်းလင်းတင်ပြခဲ့ပါသည်။
အဆိုပါရှင်းလင်းတင်ပြမှုများအပေါ် တိုင်းဒေသကြီးအစိုးရအဖွဲ့ဝင် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးကျော်စွာလှိုင်နှင့် တိုင်းဒေသကြီးအစိုးရအဖွဲ့ အတွင်းရေးမှူးတို့က ဖြည့်စွက်ဆွေးနွေးခဲ့ပြီး ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးတင်မောင်ဝင်း ကလိုအပ်သည်များကိုလမ်းညွှန်မှာကြားကာ ပေါင်းစပ်ညှိနှိုင်း ဆောင်ရွက်ပေးခဲ့ကြောင်း သတင်းရရှိပါတယ်။