ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ် ဦးလှမိုးအောင်ည် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးနှင့်အတူ Facility Quarantine Center များတွင် ကူညီဆောင်ရွက်ပေးနေသော Volunteer များအား နိုင်ငံတော်မှပေးအပ်သည့် ဂုဏ်ပြုတံဆိပ်နှင့် ဂုဏ်ပြုလက်မှတ်များ ပေးအပ်
ဧရာဝတီတိုင်းဒေသကြီးအတွင်း Coronavirus Disease 2019 (COVID – 19)နှင့်ပတ်သက်ပြီး ရောဂါရောက်ရှိပြန့်ပွားခြင်းမရှိစေရန် တိုင်းဒေသကြီးအစိုးရအဖွဲ့အနေဖြင့် အရှိန်အဟုန်မြှင့် ထိန်းချုပ်ဆောင်ရွက်လျက်ရှိရာ ၂၀၂၀ ပြည့်နှစ်၊ ဇွန်လ (၂၇)ရက်နေ့၊ ညနေ (၀၂၄၅)နာရီအချိန်တွင် တိုင်းဒေသကြီးအစိုးရအဖွဲ့ ဝန်ကြီးချုပ် ဦးလှမိုးအောင်သည် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးနှင့်အတူ တိုင်းဒေသကြီးအစိုးရအဖွဲ့ဝင် လူမှုရေးဝန်ကြီး ဒေါက်တာလှမြတ်သွေး၊ တိုင်းဒေသကြီးအစိုးရအဖွဲ့ အတွင်းရေးမှူး၊ တာဝန်ရှိဌာနဆိုင်ရာများ လိုက်ပါလျက် ပုသိမ်ပညာရေးကောလိပ်နှင့် ပုသိမ်တက္ကသိုလ်သို့ သွားရောက်ပြီး Facility Quarantine Center များတွင် ကူညီဆောင်ရွက်ပေးနေသော Volunteer များအား နိုင်ငံတော်မှပေးအပ်သည့် ဂုဏ်ပြုတံဆိပ်နှင့် ဂုဏ်ပြုလက်မှတ်များ ပေးအပ်ကာ အားပေးစကားပြောကြားခဲ့ပါသည်။