ဧရာဝတီတိုင်းဒေသကြီးအစိုးရအဖွဲ့သည် ပြည်သူများ၏ အသံ၊ ပြည်သူများ၏ တင်ပြချက်များနှင့် ပြည်သူများ၏ လိုအပ်ချက်များကို ကြိုးပမ်းအကောင်အထည် ဖော်ဆောင်ရွက်ပေးလျက်ရှိကာ ပြည်သူများနှင့်ထိတွေ့ပြီး ပြည်သူများ၏လိုအပ်ချက်များအား လျှင်မြန်ထိရောက်စွာ ဖြည့်ဆည်းဆောင်ရွက်ပေးနိုင်ရန်အတွက် အောက်ခြေအထိဆင်းပြီး ဒေသခံပြည်သူများနှင့်တွေ့ဆုံပွဲများကို ကျင်းပပြုလုပ်လျက်ရှိရာ (၁၅.၉.၂၀၁၉)ရက်နေ့၊ (၁၃၀၀) နာရီအချိန်တွင် ဖျာပုံခရိုင်၊ ဒေးဒရဲမြို့နယ်၊တညင်ကုန်း‌ကျေးရွာ၊ ပေါ်တော်မူဘုရားတန်ဆောင်းတွင်တိုင်းဒေသကြီးအစိုးရအဖွဲ့ဝန်ကြီးချုပ်၊ အစိုးရအဖွဲ့ဝင်ဝန်ကြီးများနှင့် ဒေသခံပြည်သူလူထုများ တွေ့ဆုံပွဲ အခမ်း အနားကို ကျင်းပပြုလုပ်ရာ အခမ်းအနားသို့ တိုင်းဒေသကြီအစိုးရအဖွဲ့ ဝန်ကြီးချုပ် ဦးလှမိုးအောင်၊ တိုင်းဒေသကြီးအစိုးရအဖွဲ့ဝင်ဝန်ကြီးများ၊ လွှတ်တော်အရပ်ရပ်မှလွှတ်တော်ကိုယ်စားလှယ်များ၊ တိုင်းဒေသကြီး/ ခရိုင်/ မြို့နယ်အဆင့် ဌာနဆိုင်ရာတာဝန်ရှိသူများ၊ ဒေသခံပြည်သူများတက်ရောက်ခဲ့ပါသည်။

အခမ်းအနားတွင် တိုင်းဒေသကြီးအစိုးရအဖွဲ့ဝန်ကြီးချုပ် ဦးလှမိုးအောင်က အဖွင့်အမှစကားပြောကြားရာတွင် တိုင်းဒေသကြီးအစိုးရအဖွဲ့အနေဖြင့် တိုင်းဒေသကြီးအတွင်း ဆောင်ရွက်လျက်ရှိသော ဒေသဖွံ့ဖြိုးရေးဆိုင်ရာကိစ္စရပ်များ၊ ပညာရေး/ ကျန်းမာရေး/ စိုက်ပျိုးရေး/မွေးမြူရေးနှင့်စီပွားရေးကဏ္ဍဖွံဖြိုးတိုးတက်ရေးဆိုင်ရာ
လုပ်ငန်းများ၊ ဒေသခံပြည်သူများအလုပ် အကိုင်အခွင့်အလမ်း ရရှိ၍လူမှုဘဝတိုးတက်မြင့်မားရေးဆောင်ရွက်ချက်များ၊
အားကစားကဏ္ဍဖွံ့ဖြိုးတိုးတက်ရေး ဆောင်ရွက်ချက်များအား ရှင်းလင်းပြောကြားခဲ့ပြီး တိုင်းဒေသကြီးအစိုးရအဖွဲ့ဝင်ဝန်ကြီးများက ဝန်ကြီးဌာအလိုက် လုပ်ငန်းဆောင်ရွက်ချက်များအား ရှင်းလင်းပြောကြားခြင်းနှင့် မိတ်ဆက်နှုတ်ခွန်းဆက်စကားများပြောကြားခဲ့ပါသည်။

ထို့နောက် တက်ရောက်လာကြသော ဒေသခံပြည်သူများက လမ်းပန်းဆက်သွယ်ရေးကဏ္ဍ(လမ်း/တံတား)၊လျပ်စစ်မီးရရှိရေးကဏ္ဍ၊လယ်ယာကဏ္ဍဖွံ့ဖြိုးတိုး တက်နှင့်ချောင်းကောမြောင်းကောများ ပြန်လည်‌တူးဖော်ပေးစေလိုခြင်းကဏ္ဍ၊ရိတ်သိမ်းခြွေလှေ့စက်များအား အရစ်အနည်းဆုံး(အရစ်ကျ)စနစ်ဖြင့် ရောင်းချပေးစေလိုခြင်းကိစ္စများအား တင်ပြမေးမြန်းဆွေးနွေးခဲ့ကြပြီး မေးမြန်းဆွေးနွေးမှုများအပေါ် တိုင်းဒေသကြီးဝန်ကြီးချုပ်၊ တိုင်းဒေသကြီးအစိုးရအဖွဲ့ဝန်ကြီးများ၊တိုင်းဒေသကြီး/ ခရိုင်/ မြို့နယ်အဆင့်တာဝန်ရှိသူများက ပြန်လည်ရှင်းလင်းဖြေကြားခဲ့ပြီး တိုင်းဒေသကြီးအစိုးရအဖွဲ့ဝန်ကြီးချုပ်မှ ပြည်သူများ၏လိုအပ်ချက်များအပေါ် သက်ဆိုင်ရာဌာနများနှင့် ပေါင်းစပ်ညှိနှိုင်းဆောင်ရွက်ပေးခဲ့ပြီး
နိဂုံးချုပ်အမှာစကားပြောကြား၍ တွေ့ဆုံပွဲအားအခမ်းအနားအားရုတ်သိမ်းခဲ့ပါသည်။