ပုသိမ် ဇွန် ၁၄

ဧရာဝတီတိုင်းဒေသကြီးစစ်မှုထမ်းဟောင်းများ၏ သားသမီးများအတွက် ပညာသင်စရိတ်ထောက်ပံ့ပေးအပ်ပွဲအခမ်းအနားကို ဇွန်လ(၁၂)ရက်နေ့ညနေပိုင်းက အစိုးရအဖွဲ့ရုံးအစည်းအဝေးခန်းမ (၁)တွင် ပြုလုပ်ခဲ့ရာ အခမ်းအနားသို့ တိုင်းဒေသကြီးဝန်ကြီးချုပ်ဦးအေးကျော်၊ အစိုးရအဖွဲ့ဝင် ဝန်ကြီးများ၊ ဌာနဆိုင်ရာများနှင့် စစ်မှုထမ်းဟောင်းများတက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်အား စစ်မှုထမ်းဟောင်းများက တစ်ဦးချင်းမိတ်ဆက် တင်ပြခဲ့ပြီးနောက် တိုင်းဒေသကြီးဝန်ကြီးချုပ်က ဧရာဝတီတိုင်းဒေသကြီးစစ်မှုထမ်းဟောင်းများ၏ သားသမီးများအတွက် ပညာသင်စရိတ်ထောက်ပံ့ပေးအပ်ခြင်းဖြစ်ပါကြောင်း၊ စစ်မှုထမ်းဟောင်းများ၏ စားဝတ်နေရေးနှင့် သား/ သမီးများ၏ ပညာရည်မြှင့်တင်မှု လုပ်ငန်းများကိုလည်း အလေးထားဖြည့်ဆည်း ဆောင်ရွက်ပေးလျက်ရှိပါကြောင်းပြောကြားပြီး အစိုးရအဖွဲ့က ထောက်ပံ့ငွေ (၇၉၁၁၀၀၀ဝိ/-)ကျပ်နှင့် ဌာနဆိုင်ရာများ ထောက်ပံ့ငွေ(၁၀၄၅၀၀၀ဝိ/−)ကျပ်၊ စုစုပေါင်း (၈၉၅၆၀၀၀ဝိ/−) ကျပ်အား တိုင်းဒေသကြီးဝန်ကြီးချုပ်နှင့် အစိုးရအဖွဲ့ဝင်ဝန်ကြီးများက ဧရာဝတီတိုင်းဒေသကြီးစစ်မှုထမ်းဟောင်းများ၏ သားသမီးများအတွက် ပညာသင်စရိတ်ထောက်ပံ့ပေးအပ်ရာ တာဝန်ရှိသူများက လက်ခံရယူခဲ့သည်။