ပုသိမ်မြို့တော် စက်မှုစီမံကိန်းတွင် ကနဦးတည်ဆောက်မည့် စက်ရုံသစ်အတွက် ပန္နက်တင်မင်္ဂလာအခမ်းအနားကို (၁၅.၁၁.၂၀၁၈)ရက်နေ့ နံနက် (၀၉၀၀)နာရီအချိန်တွင် တိုင်းဒေသကြီးလွှတ်တော်ဥက္ကဋ္ဌ၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီးအစိုးရအဖွဲ့အတွင်းရေးမှူး၊ တရုတ်ပြည်သူ့သမ္မတနိုင်ငံသံရုံး၊ စီးပွားရေးသံမှူး Mr ရှဲ့ဂေါ်ရှန်နှင့်တာဝန်ရှိသူများ၊ Ayeyarwady Development Public Co.,Ltd မှ တာဝန်ရှိသူများ၊ တိုင်းဒေသကြီးလွှတ်တော်ကိုယ်စားလှယ်များ၊ တိုင်း/ခရိုင်/မြို့နယ်အဆင့်ဌာနဆိုင်ရာများ၊ ဖိတ်ကြားထားသော ဧည့်သည်တော်များနှင့်အတူ ပုသိမ်စက်မှုမြို့တော် စီမံကိန်းတွင် ကနဦးဆောက်လုပ်မည့် စက်ရုံသစ်အတွက် ပန္နက်တင်မင်္ဂလာအခမ်းအနားသို့ တက်ရောက်၍ ပန္နက်တော်တင်ခြင်းနှင့် အမွှေးနံ့သာရည် ပျက်ဖြန်းခြင်းများ ဆောင်ရွက်ခဲ့ပါသည်။

ဆက်လက်၍ နံနက် (၁၀၀၀)နာရီအချိန်တွင် ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ်၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီးအစိုးရအဖွဲ့အတွင်းရေးမှူး၊ တရုတ်ပြည်သူ့သမ္မတနိုင်ငံသံရုံး၊ စီးပွားရေးသံမှူး Mr ရှဲ့ဂေါ်ရှန်နှင့်တာဝန်ရှိသူများ၊ Ayeyarwady Development Public Co.,Ltd မှ တာဝန်ရှိသူများ၊ တိုင်းဒေသကြီးလွှတ်တော်ကိုယ်စားလှယ်များ၊ တိုင်း/ခရိုင်/မြို့နယ်အဆင့်ဌာနဆိုင်ရာများ၊ ဖိတ်ကြားထားသော ဧည့်သည်တော်များနှင့်အတူ ပုသိမ်စက်မှုမြို့တော် စီမံကိန်းတွင် ပါဝင်ရင်းနှီးမြှုပ်နှံမှု စာချုပ်လက်မှတ်ရေးထိုးခြင်း အခမ်းအနားသို့ တက်ရောက်ခဲ့ပါသည်။ အခမ်းအနားတွင် တိုင်းဒေသကြီးလျှပ်စစ်၊ စွမ်းအင်၊ စက်မှုလက်မှုနှင့်လမ်းပန်းဆက်သွယ်ရေးဝန်ကြီး ဦးဝင်းဌေးမှ အဖွင့်အမှာစကား ပြောကြားခြင်း၊ တရုတ်ပြည်သူ့သမ္မတနိုင်ငံသံရုံး၊ စီးပွားရေးသံမှူး Mr ရှဲ့ဂေါ်ရှန်မှ နှုတ်ခွန်းဆက် စကားပြောကြားခြင်း၊ ပုသိမ်စက်မှုမြို့တော်စီမံကိန်း အထွေထွေမန်နေဂျာမှ ဆက်လက်ဆောင်ရွက်မည့် အစီအမံများအား ရှင်းလင်းတင်ပြခြင်း၊ သဘောတူစာချုပ်လက်မှတ်ရေးထိုးခြင်းနှင့် အမှတ်တရဓာတ်ပုံများ ရိုက်ကူးခဲ့ပါသည်။