တိုင်းဒေသကြီးဝန်ကြီးချုပ် မြန်အောင်ခရိုင်အတွင်းရှိ ၂၀၂၄-၂၀၂၅ခုနှစ်၊ ဆောင်းနေကြာစံပြစိုက်ခင်းများအား ကြည့်ရှုအားပေး၊ ဒေသဖွံ့ဖြိုးရေးလုပ်ငန်းများကွင်းဆင်းဆောင်ရွက်

ပုသိမ် ဇန်နဝါရီ ၂၄
ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် ယနေ့နံနက်ပိုင်းက တာဝန်ရှိသူများနှင့်အတူ မြန်အောင်ခရိုင်အတွင်းရှိ ၂၀၂၄-၂၀၂၅ခုနှစ်၊ ဆောင်းနေကြာစံပြစိုက်ခင်းများအား ကြည့်ရှုအားပေးခဲ့ပြီး တောင်သူများ၏ တင်ပြချက်များအပေါ် လိုအပ်သည်များကို ဖြည့်ဆည်းဆောင်ရွက်ပေးခဲ့သည်။
ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် မြန်အောင်ခရိုင်၊ ကြံခင်းမြို့နယ်၊ ရွာသစ်ရပ်ကွက်ရှိ တောင်သူဦးအောင်သူအပါအဝင်(၆၀)ဦး၏ စိုက်ဧက(၈၀)ဧကတွင် စိုက်ပျိုးထားသည့် Super Sun-41 နေကြာစိုက်ခင်းနှင့် မြို့မမြေနုမြောက်ကွင်း တောင်သူဦးထွန်းလင်းအပါအဝင် (၂၀)ဦး၏ စိုက်ဧက(၃၅)ဧက တွင်စိုက်ပျိုးထားသည့် Super Sun-41 နေကြာစိုက်ခင်းများအား ကြည့်ရှုအားပေးခဲ့ပြီး ပိုးမွှားအန္တရာယ်မကျရောက်စေရေး၊ ရေပေးသွင်းခြင်း၊ ပေါင်းမြက်နှိမ်နှင်း ခြင်းနှင့် မြေဩဇာ အချိန်ကိုက် ထည့်သွင်းအသုံးပြုနိုင်ရေးနှင့် ပန်းတိုင်အထွက်နှုန်းရောက်ရှိ စေရေးအတွက် ကြိုးစားဆောင်ရွက်ကြရန် တာဝန်ရှိသူများအား မှာကြားခဲ့သည်။
ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် မြန်အောင်မြို့နယ်၊ ရောင်နီစက်ရုံသို့သွားရောက်၍ တိရစ္ဆာန်အစာခြောက်ထုတ်စက်ဖြင့် ပြောင်းအစာခြောက်၊ ဆန်ကွဲအစာခြောက် ထုတ်လုပ်နေမှုများကို ကြည့်ရှုအားပေးခဲ့ပြီး ဈေးကွက်အတွင်း အရည်အသွေးပြည့်မီစွာ တင်ပို့ရောင်းချနိုင်ရေးမှာကြားခဲ့သည်။
ယင်းနောက် တိုင်းဒေသကြီးဝန်ကြီးချုပ်ဦးတင်မောင်ဝင်းသည် မြန်အောင်မြို့၊ အမှတ် ၁ ရပ်ကွက်ရှိ ကမ်းပြိုကာကွယ်ရေးလုပ်ငန်းများအားသွားရောက်ကြည့်ရှုစစ်ဆေးရာ ရေအရင်းအမြစ်နှင့်မြစ်ချောင်းများဖွံ့ဖြိုးတိုးတက်ရေးဦးစီးဌာန၊တိုင်းဒေသကြီးဦးစီးမှူးက ၂၀၂၄-၂၀၂၅ ဘဏ္ဍာ ရေးနှစ် ပြည်ထောင်စုငွေလုံးငွေရင်းရန်ပုံငွေဖြင့်ဆောင်ရွက်လျက်ရှိသည့်မြန် အောင်မြို့တာမိုင် ၅/၅ နှင့် ၅/၇ အကြားကမ်းပြိုကာကွယ်ရေးဖြစ်သည့် Bored Pile အ ခြေပြုကျောက်စီတမံအလျား ၂၄၀ ပေ ဆောင်ရွက် နေမှုအခြေအနေအားလည်းကောင်း၊ မြန်အောင်မြို့၊အထွေထွေအုပ်ချုပ်ရေး ရုံးအနီးနှင့်လွန်ဆေးမြိုင်ပန်းခြံအနီး ကမ်းပြိုကာကွယ် ရေးဖြစ်သည့် Bored Pile အ ခြေပြု Gabion box တမံ အလျား ၂၀၀ ပေနှင့် Bored Pile အ ခြေပြုကျောက်စီတမံအလျား ၂၀၀ ပေ ဆောင်ရွက်နေမှုအခြေအနေများအားလည်း ကောင်း ရှင်းလင်းတင်ပြရာ တိုင်းဒေသကြီးဝန်ကြီးချုပ်က ရေရှည်တည်တံ့စေရေးအတွက် သတ်မှတ်စံချိန်စံညွှန်း နှင့်အညီဆောင်ရွက်ရန်နှင့် သတ်မှတ်ကာလအတွင်းအချိန်မီပြီးစီးအောင်ဆောင်ရွက်ရန် မှာကြားခဲ့သည်။
ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် မြန်အောင်မြို့၊ အမှတ်(၅)ရပ်ကွက်ရှိ တောင်သူဦးစိုးသန်းဦး၏ စိုက်ဧက(၂)ဧကတွင်စိုက်ပျိုးထားသည့် ဆင်းရွှေကြာ(၂)နေကြာစံပြစိုက်ခင်းအား ကြည့်ရှုအားပေးခဲ့ပြီး အောင်မြင်ဖြစ်ထွန်းအောင်စိုက်ပျိုးကြရန်မှာကြားခဲ့ကာ ဒေသခံများနှင့်ရင်းရင်းနှီးနှီးတွေ့ဆုံ၍ လိုအပ်ချက်တင်ပြမှုများအပေါ် ပေါင်းစပ်ဖြည့်ဆည်းဆောင်ရွက်ပေးခဲ့သည်။ ယင်းနောက် တိုင်းဒေသကြီးဝန်ကြီးချုပ်သည် မြန်အောင်မြို့၊ သဘာဝမီးစက်လမ်းရှိ “ကောင်းသန့်”ဆီစက်သို့သွားရောက်၍ ပဲပုပ်ဆီကြိတ်ခွဲထုတ်လုပ်မှု အခြေအနေများအား သွားရောက်ကြည့်ရှုစစ်ဆေးခဲ့ပြီး မြေပဲ၊ နှမ်း၊ ပဲပုပ် ဆီများကြိတ်ခွဲထုတ်လုပ်မှု ကုန်ကြမ်းရရှိမှု၊ ဈေးကွက်ရရှိမှုအခြေအနေများ ဆွေးနွေးပြောကြားခဲ့ရာ တိုင်းဒေသကြီးဝန်ကြီးချုပ်က သန့်ရှင်းလတ်ဆတ်၍ ကျန်းမာရေးနှင့်ညီညွတ်သည့် စားသုံးဆီများထုတ်လုပ်နိုင်ရေးနှင့် အဆင့်မီဆီကြိတ်စက်များနှင့် စားသုံးဆီများပိုမိုထုတ်လုပ်နိုင်ရေးမှာကြားခဲ့သည်။
ထို့နောက် တိုင်းဒေသကြီးဝန်ကြီးချုပ်သည် မြန်အောင်သဘာဝဓာတ်ငွေ့သုံးဓာတ်အားပေးစက်ရုံသို့ သွားရောက်၍ စက်ရုံလည်ပတ်မှုအခြေအနေများကို ကြည့်ရှုစစ်ဆေးခဲ့ရာ စက်ရုံမှူးက မြန်အောင်သဘာဝဓာတ်ငွေ့သုံးဓာတ်အားပေးစက်ရုံဆိုင်ရာအချက်အလက်များ၊ ၆ မဂ္ဂါဝပ် gas engine ၄ လုံး တပ်ဆင်ထားရှိပြီး gas engine ၃ လုံး လည်ပတ်နေမှု၊ နိုင်ငံတော်ဓာတ်အားစနစ်ဖြင့် ချိတ်ဆက်ထားမှု၊ သဘာဝဓါတ်ငွေ့ရရှိမှု၊ သဘာဝဓာတ်ငွေ့သုံးဓာတ်အားပေးစက်အချက်အလက်များ၊ ဓာတ်အားပေးစက်များ တပ်ဆင်စမ်းသပ်မှုများကို ရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်က စက်စွမ်းအားပြည့်လည်ပတ်နိုင်ရေး ကြိုးပမ်းဆောင်ရွက်ကြရန်မှာကြားခဲ့ပြီး လိုအပ်သည်များကို ပေါင်းစပ်ညှိနှိုင်းဆောင်ရွက်ပေးခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့်တာဝန်ရှိသူများသည် စက်ထိန်းခန်းနှင့် သဘာဝဓာတ်ငွေ့သုံးဓာတ်အားပေးစက် ၆ မဂ္ဂါဝပ် gas engine ၃ လုံး လည်ပတ်နေမှုများကိုကြည့်ရှုစစ်ဆေးခဲ့သည်။
ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် မြန်အောင်မြို့နယ်၊ ညောင်းဝိုင်းကျေးရွာအုပ်စု ထောင့်ကုန်းကွင်းရှိ တောင်သူဦးသက်နိုင်ဝင်း၏ စိုက်ဧက ၃ဧကတွင် စိုက်ပျိုးထားသည့် Super Sun-41 နေကြာစိုက်ခင်းနှင့် သုံးဆယ်ကျွန်းကွင်း တောင်သူဦးဝင်းသိန်း၏ စိုက်ဧက ၃ ဧကတွင် စိုက်ပျိုးထားသည့် Super Sun-41 နေကြာစိုက်ခင်းများကို ကြည့်ရှုအားပေးခဲ့ပြီး ဆီဖူလုံမှုရှိစေရေးအတွက် အောင်မြင်ဖြစ်ထွန်းအောင်စိုက်ပျိုးကြရန်မှာကြားခဲ့ပါသည်။ မြန်အောင်မြို့နယ်၊ ညောင်းဝိုင်းကျေးရွာအုပ်စုတွင် ဆီထွက်သီးနှံ နေကြာ ၆၄ ဧက စိုက်ပျိုးထားရှိကြောင်းသိရသည်။