ပုသိမ်            ဒီဇင်ဘာ         ၁၂

ဧရာဝတီတိုင်းဒေသကြီးဝန်ကြီးချုပ်ဦးတင်မောင်ဝင်းသည် တိုင်း​ဒေသကြီးအစိုးရအဖွဲ့ဝင် ဝန်ကြီးများ၊ တာဝန်ရှိသူများနှင့်အတူ ယ​နေ့​နေ့လယ်ပိုင်းက ဟင်္သာတမြို့နယ်၊ အင်္ဂရမ်းကျေးရွာအုပ်စုတွင် တည်ထားကိုးကွယ်တော်မူသည့် မဟာနေဘုရင်ဘုရားကြီးအား ဖူးမြော်ကြည်ညို၍ ပန်း၊ ဆီမီး၊ ​ရေချမ်းများ ကပ်လှူပူ​ဇော်ခဲ့ပါသည်။ ထို့နောက် တိုင်းဒေသကြီးဝန်ကြီးချုပ်သည် ဗောဓိရိပ်ငြိမ်တောရဆရာတော်အား ဖူးေမြှာ်ကြည်ညို၍ လှူဖွယ်ပစ္စည်းများ ဆက်ကပ်လှူဒါန်းခဲ့ပြီး သာသနာ​ရေးဆိုင်ရာကိစ္စရပ်များ ​လျှောက်ထားခဲ့သည်။

ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် မြန်အောင်ခရိုင်၊ အင်္ဂပူမြို့နယ်၊ ခြောက်ရွာကျေးရွာအုပ်စု၊ ဒေါင့်ကြီးကျေးရွာရှိ တောင်သူ(၆၅)ဦး၏ စိုက်ဧက (၈၅)ဧကတွင် ဆင်း​ရွှေကြာ-၂ နေကြာစိုက်ခင်း စိုက်ပျိုးထားရှိမှုများကို ကြည့်ရှုအားပေးခဲ့ပြီး ပိုးမွှားအန္တရာယ်မကျရောက်စေရေး၊ ဝတ်မှုန်ကူးခြင်းများအတွက် ပျားပုံးများထားရှိရေး၊ ရေ၊ မြေဩဇာအချိန်ကိုက် ထည့်သွင်းအသုံးပြုနိုင်ရေးနှင့် အောင်မြင်ဖြစ်ထွန်း​အောင်စိုက်ပျိုးကြရန် မှာကြားကြောင်းသိရှိရသည်။