တိုင်းဒေသကြီးဝန်ကြီးချုပ် ပုသိမ် -ချောင်းသာကားလမ်း မျက်ကွယ်ကွေ့များအား Sight Distance ရရှိစေရန်အတွက် ဖြတ်မြေလုပ်ငန်းဆောင်ရွက်နေမှုများကို ကြည့်ရှုစစ်ဆေး
ပုသိမ် အောက်တိုဘာ ၁၆
ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် ယနေ့နံနက်ပိုင်းက တာဝန်ရှိသူများ နှင့်အတူ ပုသိမ် - ချောင်းသာကားလမ်း မျက်ကွယ်ကွေ့များအား Sight Distance ရရှိစေရန်အတွက် ဖြတ်မြေလုပ်ငန်းဆောင်ရွက်နေမှုများကို ကြည့်ရှုစစ်ဆေးခဲ့သည်။
ဦးစွာ တိုင်းဒေသကြီးဝန်ကြီးချုပ်သည် ပုသိမ် - ချောင်းသာကားလမ်း မိုင်(၁၇/၃မှ ၁၉/၀) အတွင်းရှိ မျက်ကွယ်ကွေ့(၃၃၆၀)ပေအား Sight Distance ရရှိစေရန်အတွက် ဖြတ်မြေလုပ်ငန်း ဆောင်ရွက်နေမှုများကိုလည်းကောင်း၊ မိုင်(၁၉/၄ မှ ၂၂/၂)အတွင်းရှိ မျက်ကွယ်ကွေ့ (၁၇၆၅) ပေအား Sight Distance ရရှိစေရန်အတွက် ဖြတ်မြေလုပ်ငန်းဆောင်ရွက်နေမှုများကိုလည်းကောင်း ကြည့်ရှုစစ်ဆေးခဲ့ပြီး တိုင်းဒေသကြီးဝန်ကြီးချုပ်က သတ်မှတ်ကာလအတွင်း အချိန်မီပြီးစီးစေရေးနှင့် ယခု သီတင်းကျွတ်ကာလ ချောင်းသာကမ်းခြေ အပန်းဖြေလာရောက်သည့် ခရီးသွားယာဉ်များ ယာဉ်အန္တရာယ်၊ လမ်းအန္တရာယ်ကင်းရှင်းရေးတို့ကို အထူးအလေးထား ဆောင်ရွက်ရန်မှာကြားခဲ့သည်။