ဧရာဝတီတိုင်းဒေသကြီးဝန်ကြီးချုပ်နှင့်အဖွဲ့သည် နိုဝင်ဘာလ ၁၇ ရက်နေ့ ည​နေပိုင်းက ပုသိမ်မြို့၊ ကိုးသိန်းအားကစားခန်းမတွင် ပြုလုပ်သည့် ၂၀၂၃ခုနှစ်၊ ဧရာဝတီတိုင်းဒေသကြီး အမျိုးသား/ အမျိုးသမီး ဖိတ်ခေါ်ပိုက်ကျော်ခြင်းပြိုင်ပွဲ ဗိုလ်လုပွဲနှင့်ဆုချီးမြှင့်ပွဲ အခမ်းအနားသို့ တက်ရောက်ခဲ့သည်။

ဦးစွာ တိုင်းဒေသကြီးဝန်ကြီးချုပ်နှင့်ဧည့်သည်တော်များသည် အမျိုးသမီးနှစ်ယောက်တွဲ ဗိုလ်လုပွဲစဉ်အဖြစ် ရွှေဧရာ(က)အသင်းနှင့် ရွှေဧရာ(ခ)အသင်းတို့၏ ယှဉ်ပြိုင်ကစားမှုအား လည်းကောင်း၊ တိုင်းဒေသကြီးကိုယ်စားပြုလက်ရွေးစင်အသင်း၏ အမျိုးသားလေးယောက်တွဲ သရုပ်ပြကစားမှုအားလည်းကောင်း၊ အမျိုးသားနှစ်ယောက်တွဲ ဗိုလ်လုပွဲစဉ်အဖြစ် ရွှေဧရာ(က) အသင်းနှင့် ရွှေဧရာ(ခ)အသင်းတို့၏ ယှဉ်ပြိုင်ကစားမှုအား လည်းကောင်းကြည့်ရှုအားပေးခဲ့သည်။

ထို့နောက် ဆုချီးမြှင့်ပွဲအခမ်းအနားအား ဆက်လက်ပြုလုပ်ရာ အမျိုးသမီးနှစ်ယောက်တွဲပြိုင်ပွဲတွင် ဒုတိယဆုရရှိသည့် ရွှေဧရာ(ခ)အသင်းမှ အားကစားသမားအား ငွေသားဆုကို တိုင်းရင်းသားရေးရာ ဝန်ကြီးကလည်းကောင်း၊ အမျိုးသားနှစ်ယောက်တွဲပြိုင်ပွဲတွင် ဒုတိယဆု ရရှိသည့် ရွှေဧရာ(ခ)အသင်းမှ အားကစားသမားများအား ငွေသားဆုကို လူမှုရေးရာဝန်ကြီးက လည်းကောင်း၊ အမျိုးသမီးနှစ်ယောက်တွဲပြိုင်ပွဲတွင် ပထမဆုရရှိသည့် ရွှေဧရာ(က) အသင်းမှ အားကစားသမားအား ငွေသားဆုကို သယံဇာတရေးရာဝန်ကြီးကလည်းကောင်း၊ အမျိုးသား နှစ်ယောက်တွဲပြိုင်ပွဲတွင် ပထမဆုရရှိသည့် ရွှေဧရာ(က )အသင်းမှ အားကစားသမားများအား ငွေသားဆုကို လုံခြုံရေးနှင့်နယ်စပ်ရေးရာဝန်ကြီးက လည်းကောင်း ဆုများအသီးသီးချီးမြှင့် ခဲ့ကြပြီး တိုင်းဒေသကြီးဝန်ကြီးချုပ်က နှစ်ယောက်တွဲအမျိုးသမီးပြိုင်ပွဲနှင့် အမျိုးသားပြိုင်ပွဲတို့ တွင်ပထမဆုရရှိသည့် ရွှေဧရာ(က)အမျိုးသမီးအသင်းနှင့်အမျိုးသားအသင်းတို့အား ဆုဖလားများ ချီးမြှင့်ခဲ့ကြောင်းသိရသည်။