ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်ဦးတင်မောင်ဝင်းသည် တိုင်းဒေသကြီး အရိုးရအဖွဲ့ဝင်ဝန်ကြီးများနှင့်အတူ ယနေ့ နေ့လယ်ပိုင်းတွင် ဖျာပုံခရိုင်၊ ကျိုက်လတ်မြို့နယ် အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ခရိုင်၊ မြို့နယ်အဆင့် ဌာနဆိုင်ရာများ၊ ဆန်စက်လုပ်ငန်းရှင်များနှင့်တွေ့ဆုံခဲ့ပါသည်။ ဦးစွာ ခရိုင်စီမံအုပ်ချုပ်ရေးအဖွဲ့ ဥက္ကဋ္ဌက ကျိုက်လတ်မြို့နယ်မှ တိုင်းဒေသကြီးပြင်ပသို့ နေ့စဉ် ဆန်တင်ပို့မှုအခြေအနေများ၊ ခရိုင်စားသုံးသူရေးရာဦးစီးမှူးက စပါးလက်ကျန်၊ ဆန်လက်ကျန်စာရင်းများ ကောက်ယူမှုအခြေအနေများနှင့် ဆန်စက်လုပ်ငန်းရှင်များက ဈေးကွက်သို့ ဆန်တင်ပို့ရောင်းချမှုအခြေအနေများကို ရှင်းလင်းတင်ပြရာ တိုင်းဒေသကြီး ဝန်ကြီးချုပ်က “ တိုင်းဒေသကြီးသည် ဆန်ဖူလုံမှု ရှိပြီး ပြည်တွင်းပြည်ပသို့ တင်ပို့ရောင်းချလျက် ရှိပါကြောင်း၊ အခြေခံစားကုန်များ ကုန်ဈေးနှုန်းကြီးမြင့်မှုမရှိစေရေးနှင့် အခြေခံလူတန်းစားများ ဈေးနှုန်းသက်သာစွာဖြင့် ဝယ်ယူရရှိနိုင်ရေး ဆောင်ရွက်ပေးရမှာဖြစ်ကြောင်း၊ စပါးခွံလောင်စာ ဖြင့် Gasifier လုပ်ငန်း၊ လောင်စာတောင့်လုပ်ငန်း၊ သဘာဝမြေဩဇာလုပ်ငန်း၊ လျှပ်စစ်ထုတ် လုပ်လုပ်ငန်းများ အကောင်အထည်ဖော်ဆောင်ရွက်လျက်ရှိရာ လုပ်ငန်းများအောင်မြင်စေရန် အတွက် ဆန်စက်လုပ်ငန်းရှင်များကလည်း ပူးပေါင်းဆောင်ရွက်ပေးကြစေလိုကြောင်း" အမှာ စကားများပြောကြားခဲ့ပြီး အစည်းအဝေးသို့တက်ရောက်လာသည့် ခရိုင်၊ မြို့နယ်အဆင့် ဌာန ဆိုင်ရာများနှင့် ဆန်စက်လုပ်ငန်းရှင်များမှ ဆွေးနွေးတင်ပြမှုများအပေါ် ညှိနှိုင်းပေါင်းစပ် ဆောင်ရွက်ပေးခဲ့ပါသည်။ ထို့နောက် တိုင်းဒေသကြီးဝန်ကြီးချုပ်နှင့် တာဝန်ရှိသူများသည် ရန်ကုန်-ပုသိမ် ကားလမ်းဘေးရှိ ရွှေရည်ဝင်း ငါးမွေးမြူရေးလုပ်ငန်းသို့ သွားရောက်၍ ကိုယ်ပိုင်အစာတောင့် စက်ဖြင့် ငါးအစာတောင့်ထုတ်လုပ်၍ ငါးအစာကျွေးခြင်း၊ ငါးဒန်၊ ငါးမုတ်၊ ငါးမြစ်ချင်း၊ ငါးကြင်းမွေးမြူထားရှိမှုများကို ကြည့်ရှုအားပေးပြီး ဈေးကွက်အတွင်း စျေးနှုန်းသက်သာစွာ တင်ပို့ရောင်းချနိုင်ရေး၊ မွေးမြူရေးလုပ်ငန်းများ တိုးချဲ့မွေးမြူနိုင်ရေး၊ ယခုအချိန်တွင် ငါးအစာများ ဈေးနှုန်းကြီးမြင့်နေသဖြင့် တစ်နိုင်တစ်ပိုင် မွေးမြူရေးလုပ်ငန်းလုပ်ကိုင်သူများထံသို့ ငါးအစာတောင့်များအား စျေးနှုန်းသက်သာစွာဖြင့်ရောင်းချပေးနိုင်ရေး မှာကြားခဲ့သည်။

ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်ငါးလုပ်ငန်းဦးစီးဌာန၊ တလုပ်လှငါးလုပ်ငန်းစခန်း၌ ယနေ့နံနက်ပိုင်းက ငါးဆေးထိုးသားဖောက်ခြင်းသင်တန်းဖွင့်ပွဲ(၂/၂၀၂၃)ကိုပြုလုပ်ခဲ့ရာ အခမ်းအားသို့ တိုင်း​ဒေသကြီးဝန်ကြီးချုပ် ဦးတင်​မောင်ဝင်း၊ တိုင်း​ဒေသကြီးအစိုးရအဖွဲ့ဝင်ဝန်ကြီးများ၊ မအူပင်တက္ကသိုပါ​မောက္ခချုပ်၊ တိုင်း၊ ခရိုင်၊ မြို့နယ်အဆင့် ဌာနဆိုင်ရာများနှင့် သင်သန်းသားသင်တန်းသူများ တက်​ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်က“ တိုင်းဒေသကြီးအတွင်း ငါးလုပ်ငန်းစခန်းများ၌ ငါးဆေးထိုးသားဖောက်ခြင်းလုပ်ငန်းများကို  အရှိန်အဟုန်မြှင့်​ဆောင်ရွက် ​နေသည်ကို​​တွေ့ရှိရပါ​ကြောင်း၊  မြန်မာနိုင်ငံ၏စပါးကျီဖြစ်ပြီး စိုက်ပျိုး​မွေးမြူ​ရေးလုပ်ငန်းများ ဖြစ်ထွန်း​အောင်မြင်​သော တိုင်း​ဒေသကြီးဖြစ်ရာ အမျိုးသားရေးရည်မှန်းချက်ဖြစ်သည့် တိုင်းပြည်သာယာဝပြောရေးနှင့် စားရေရိက္ခာဖူလုံရေးအတွက် ​ဆောင်ရွက်လျက်ရှိပါကြောင်း၊ တိုင်း​ဒေသကြီးတွင် ​ကျေးလက်​နေလူဦး​ရေ ၈၅ ရာခိုင်နှုန်း​ကျော်ရှိပြီး အဓိကအားဖြင့် စိုက်ပျိုးမွေးမြူ​ရေးလုပ်ငန်းများကိုလုပ်ကိုင်ကြ​ကြောင်း၊ လူ့စွမ်းအားအရင်းအမြစ်များနှင့် ​ရေ၊ ​မြေ ၊သယံဇာတများ​ပေါများသည့် တိုင်း​ဒေသကြီးဖြစ်ပါ​ကြောင်း၊ အခြားတိုင်း​ဒေသကြီး၊ ပြည်နယ်များသို့ ဆန်၊ အသား၊ ငါး၊ ဥများကို ​နေ့စဥ်တင်ပို့​ပေးလျက်ရှိပါ​ကြောင်း၊ တိုင်း​ဒေသကြီးအတွင်းရှိ မြစ်​၊ ​ချောင်း၊ အင်း၊ အိုင်များတွင် နှစ်စဥ် ငါးမျိုးစိုက်ထည့်ခြင်းများ​ဆောင်ရွက်လျက်ရှိပါ​ကြောင်း၊ စိုက်ပျိုး​မွေးမြူ​ရေးလုပ်ငန်းများနှင့်ပတ်သက်၍ ဌာနဆိုင်ရာများ၊ တက္ကသိုလ်များမှ ပညာရှင်များ၊ လုပ်ငန်းရှင်များနှင့် ​ပေါင်းစပ်၍ သု​တေသနပြုလုပ်ငန်းများနှင့် ​ဆွေး​နွေးပွဲများလည်း ​ဆောင်ရွက်လျက်ရှိပါ​ကြောင်း၊ ယခုဖွင့်လှစ်သည့်သင်တန်းမှ သင်ကြား​ပေးလိုက်သည့်ပညာရပ်များအား လက်​တွေ့အသုံးချ၍ ​ဒေသအတွက် အကျိုးပြုနိုင်ပါ​စေ​ကြောင်း ”အဖွင့်အမှာစကားများပြောကြားသည်။ ဆက်လက်၍ ငါးလုပ်ငန်းဦးစီးဌာန တိုင်းဒေသကြီးဦးစီးမှူးမှ သင်တန်းဖွင့်လှစ်ရခြင်းနှင့်ပတ်သက်သည့် အချက်အလက်များအားလည်း​ကောင်း၊ မအူပင်တက္ကသိုလ် ပါမောက္ခချုပ်က တက္ကသိုလ်တက်​ရောက်​နေမှုအ​ခြေအ​နေများ၊ ဌာနဆိုင်ရာများနှင့်ပူး​ပေါင်း၍ တက္ကသိုလ်​ကျောင်းသား၊ ​ကျောင်းသူများ စာ​တွေ့ လက်​တွေ့ ​ဆောင်ရွက်​နေမှုများ၊ ​ဒေသအကျိုးပြု သု​တေသနလုပ်ငန်း​ဆောင်ရွက်​နေမှုအ​ခြေအ​နေများ၊ အလုပ်အကိုင်အခွင့်အလမ်းရရှိမှုအ​ခြေအ​နေများအားလည်း​ကောင်း ရှင်းလင်းတင်ပြခဲ့သည်။ ဆက်လက်၍ တိုင်းဒေသကြီးဝန်ကြီးချုပ်သည် အဆိုပါစခန်း၌ ငါး​မွေးမြူ​ရေးလုပ်ငန်းရှင်များနှင့်တွေ့ဆုံခဲ့ရာ မွေးမြူရေးလုပ်ငန်းရှင်များက လုပ်ငန်းများဆောင်ရွက်ရာတွင် ကြုံတွေ့ရသည့်အခက်အခဲများလည်းကောင်း၊ မအူပင်တက္ကသိုလ် ပါမောက္ခချုပ်က သု​တေသနလုပ်ငန်းများတွင် ငါးမွေးမြူရေးလုပ်ငန်းရှင်များအနေဖြင့် ပူးပေါင်းပါဝင်နိုင်ရေးတို့ကို ဆွေးနွေးတင်ပြခဲ့ပြီး လုပ်ငန်းရှင်များမှတိုးချဲ့​မွေးမြူနိုင်​ရေးအရင်းအနှီးလိုအပ်ချက်များ၊ ငါးအစာ​စျေးနှုန်းကြီးမြင့်မှုနှင့်လုပ်ငန်းလိုအပ်ချက်တင်ပြမှုများအ​ပေါ် တိုင်း​ဒေသကြီး၀န်ကြီးချုပ်မှ ငါးအစာ​စျေးကြီးမြင့်မှုအ​ပေါ်​လျှော့ချနိုင်မည့်နည်းလမ်းများ၊ ပရိုတင်းဓါတ်ကြွယ်၀သည့်​ azolla (အေဇိုလာ​) ရေ​မှော်၊ မြက်ပဲပင်​ပေါက်ပြုလုပ်အစာ​ကျွေးခြင်းတို့အား​ဖြည့်စွက် ဆွေး​နွေးခဲ့ပြီး ဆွေးနွေးတင်ပြချက်များအပေါ် သက်ဆိုင်ရာတာဝန်ရှိသူများနှင့် ပေါင်းစပ်ညှိနှိုင်းဆောင်ရွက်ပေးခဲ့ပါသည်။ ယင်းနောက် တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ကျောင်းသား၊ ​ကျောင်းသူများနှင့်အတူ တလုပ်လှငါးလုပ်ငန်းစခန်၏ ငါး​ဆေးထိုးသား​ဖောက်ခြင်းနှင့် ​မွေးမြူထုတ်လုပ်ပုံအဆင့်ဆင့်များအား ​လှည့်လည်ကြည့်ရှုခဲ့ပါသည်။ အဆိုပါငါး​ဆေးထိုးသား​ဖောက်သင်တန်းကို ယနေ့မှစ၍ နှစ်ရက်ကြာ စာ‌တွေ့၊ လက်တွေ့ဖွင့်လှစ်သွားမည်ဖြစ်ပြီး မအူပင်တက္ကသိုလ်၊ သတ္တ​ဗေဒဌာနမှသင်တန်းသား၊ သင်တန်းသူ( ၃၉ )ဦးတက်​ရောက်လျက်ရှိပါသည်။ ဆက်လက်၍ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် မအူပင်မြို့၊ အမှတ်(၆)ရပ်ကွက်၊ အနန္တသုခ ဘုရားတန်ဆောင်း၌  လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ မအူပင်မြို့နယ်ဦးစီးမှူးရုံးမှ မြေပြင်လူဦးရေ စာရင်းများတိုက်ဆိုင်စစ်ဆေးခြင်း၊  ပန်းခင်းစီမံချက်(၂)ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြားဆောင်ရွက် ပေးနေမှုများအား ကြည့်ရှုစစ်ဆေးခဲ့ပြီး စာရင်း ရေးသွင်းမှုများ မှားယွင်းမှုမရှိစေရေး အဆင့်ဆင့်ကြပ်မတ်ဆောင်ရွက်ရန်နှင့် သတ်မှတ်ကာလအတွင်း စာရင်းများပြည့်စုံမှန်ကန်စေရေး စနစ်တကျ ဆောင်ရွက်ပေးကြရန်မှာကြားခဲ့သည်။  ထို့နောက် တိုင်းဒေသကြီးဝန်ကြီးချုပ်သည် မအူပင်မြို့နယ်၊ အိုင်ဝိုင်းကျေးရွာရှိ တောင်သူဦးအောင်သန်းဋ္ဌေး၏ စိုက်ဧက(၅)၌ နိုင်ငံ့စီးပွားမြှင့်တင်ရေးရန်ပုံငွေဖြင့်ဆောင်ရွက်သည့် ဆင်းသုခမျိုးစေ့ထုတ်စိုက်ခင်း ဖြစ်ထွန်း​အောင်မြင်​နေမှုများအား ကြည့်ရှုအား​ပေးခဲ့သည်။ ထို့​နောက် တိုင်း​ဒေသကြီးဝန်ကြီးချုပ်နှင့်တာဝန်ရှိသူများသည် မအူပင်မြို့၊ ဘိုးဘွားရိပ်သာသို့​ရောက်ရှိ၍ ဘိုးဘွား(၃၇)ဦးအတွက် ​အလှူ​​ငွေများ ထောက်ပံ့လှူဒါန်းခဲ့ပြီး ဘိုးဘွားများအား ရင်းရင်းနှီးနှီးနှုတ်ဆက်ခဲ့ပါသည်။ ထို့​နောက် တိုင်း​ဒေသကြီးဝန်ကြီးချုပ်နှင့်တာဝန်ရှိသူများသည် မအူပင်မြို့နယ်၊ ကျုံစုတ်ကျေးရွာရှိ တောင်သူ ဦး​ဇော်ဝင်း၏ လယ်ဧက(၃)ဧက၌ တစ်နှစ်သုံးသီးစိုက် မိုးစပါးသီးနှံ GW-11စပါး ရိတ်သိမ်းနေမှုများအား ကြည့်ရှုအား​ပေးခဲ့ပါသည်။ မအူပင်မြို့နယ်နှင့် ကျိုက်လတ်မြို့နယ်များရှိ သုံးသီးစိုက်လယ်​​​မြေများတွင် ​တောင်သူများမှ မိုးစပါးသီးနှံများ စတင် ရိတ်သိမ်း​ဆောင်ရွက်​နေပြီဖြစ်ပါသည်။ ဆက်လက်၍ တိုင်း​ဒေသကြီးဝန်ကြီးချုပ်နှင့်တာဝန်ရှိသူများသည် ကျိုက်လတ်မြို့နယ်၊ တာပတ်ကျေးရွာ၊ မအူပင်-ကျိုက်လတ် ကားလမ်​ဘေးတွင် သစ်စိမ်း​မြေသြဇာ(ပိုက်ဆံ​လျှော်)မျိုး​စေ့ထုတ်ရန်အတွက် ပိုက်ဆံ​လျှော်မျိုး​စေ့များအား တာဝန်ရှိသူများနှင့်အတူ စု​ပေါင်း ကြဲပက်ခဲ့ကြပြီး ဖျာပုံခရိုင်အုပ်ချုပ်​ရေးမှူးမှူးမှ ခရိုင်အတွင်း ပိုက်ဆံ​လျှော်မျိုး​စေ့ထုတ်စိုက်ခင်းများ စိုက်ပျိုး​ဆောင်ရွက်ထားရှိမှုများအား ရှင်းလင်းတင်ပြခဲ့ပါသည်။  ဆက်လက်၍ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် ကျိုက်လတ်မြို့နယ်၊ တာယာဝဲ​ကျေးရွာတွင် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ကျိုက်လတ်မြို့နယ်ဦးစီးမှူးရုံးမှ မြေပြင်လူဦးရေ စာရင်းများတိုက်ဆိုင်စစ်ဆေးခြင်း၊  ပန်းခင်းစီမံချက်(၂)ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြားဆောင်ရွက်ပေးနေမှုများအား ကြည့်ရှုစစ်ဆေးခဲ့ပြီး စာရင်းများပြည့်စုံမှန်ကန်စေရေးနှင့်  စနစ်တကျဆောင်ရွက်ပေးကြရန်မှာကြားခဲ့သည်။

ဧရာဝတီ တိုင်းဒေသကြီးအစိုးရအဖွဲဲ့ ဝန်ကြီးချုပ်ဦးတင် မောင်ဝင်းသည် တိုင်းဒေသကြီးအစိုးရအဖွဲ့ဝင်များ၊ တိုင်း၊ ခရိုင်၊ မြို့နယ်ဌာနဆိုင်ရာများလိုက်ပါလျက် ဩဂုတ်လ ၂၇ ရက်နေ့မွန်းလွဲပိုင်းတွင် ဧရာဝတီမြစ်မြစ်ကြောင်းပြောင်းလဲ၍ မြစ်ရေတိုက်စားမှုကြောင့် ဟင်္သာတမြို့နယ်၊ အိပ်ပျက်ကျေးရွာအုပ်စု၊ ဖောင်ဆိပ်ကျေးရွာအနီးတွင် ကမ်းပြိုကမ်းစားဖြစ်ပေါ်နေမှုများကို ကြည့်ရှုစစ်ဆေးခဲ့သည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် ဖောင်ဆိပ်ကျေးရွာအနီးတွင် ကမ်းပြိုကမ်းစားဖြစ်ပေါ်နေမှုများကို ကြည့်ရှုစစ်ဆေးခဲ့ပြီး ဆည်မြောင်းနှင့်ရေအသုံးချမှုဦးစီးဌာန တိုင်းဦးစီးမှူး၊ ရေအရင်းအမြစ်နှင့်မြစ်ချောင်းများဖွံ့ဖြိုးတိုးတက် ရေးဦးစီးဌာန၊ ဒုတိယတိုင်းဦးစီးမှူး၊ ဟင်္သာတခရိုင်အုပ်ချုပ်ရေးမှူးတို့မှ မြစ်ရေတိုက်စားမှုသက်သာစေရေး မြစ်ရေ levelနှင့် တာဝိုင်းအတွင်းရေ level ကွာဟမှုမရှိစေရေး တာဝိုင်းအတွင်းရေသွင်းခြင်းလုပ်ငန်းဆောင်ရွက်ထားရှိမှု၊ ကမ်းပြိုကမ်းစားသက်သာစေရေး တစ်ဖက်ကမ်းရှိသောင်အားဖြတ်တောက်၍ မြစ်ကြောင်းပြောင်းလဲနိုင်ရေးဆောင်ရွက်မည့်အစီအမံများရှင်းလင်းတင်ပြရာ တိုင်းဒေသကြီးဝန်ကြီးချုပ်က အရေးပေါ်ယာယီကမ်းထိန်းလုပ်ငန်းများအမြန်ဆုံးဆောင်ရွက်ရန်၊ ရေရှည်ကာကွယ်ရေးလုပ်ငန်းများ ရေးဆွဲဆောင်ရွက်ရန်နှင့် ဒေသခံများထိခိုက်မှုမရှိစေရေးကြိုတင်ရွှေ့ပြောင်းခြင်းများဆောင်ရွက်ထားရှိရန်မှာကြားခဲ့ကြောင်းသိရသည်။

ကရင်ရိုးရာ ဝါခေါင်လ ချည်ဖြူဖွဲ့မင်္ဂလာအခမ်းအနားကို မြောင်းမြမြို့နယ်၊ မြစိမ်းရောင် တောင်တော်ပေါ်၌ ယနေ့နံနက်ပိုင်းက ကျင်းပရာ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် မန်းငြိမ်းမောင်၊ နိုင်ငံတော်စီမံအုပ်ချုပ်ရေးကောင်စီ ဗဟိုအကြံပေးအဖွဲ့ခေါင်းဆောင် ဦးစောထွန်းအောင်မြင့်၊ ဗဟိုအကြံပေးအဖွဲ့ဝင် ဦးစောဒန်နီယယ်၊ တိုင်းဒေသကြီးဝန်ကြီးချုပ် ဦးတင်မောင်ဝင်းနှင့် ဇနီး၊ အနောက်တောင်တိုင်းစစ်ဌာနချုပ်တိုင်းမှူး ဗိုလ်မှူးချုပ်ဝေလင်း ၊ အစိုးရအဖွဲ့ဝင်ဝန်ကြီးများနှင့် ဇနီးများ၊ ဌာနဆိုင်ရာများနှင့် ကရင်တိုင်းရင်သား၊ တိုင်းရင်းသူများ တက်ရောက်ခဲ့ကြသည်။ ဦးစွာ ကရင်တိုင်းရင်းသား၊ တိုင်းရင်းသူများက ဧည့်သည်တော်များအား ကရင်ရိုးရာ ဒုံးယိမ်းအကဖြင့် ကြိုဆိုကပြဖျော်ဖြေပြီးနောက် နိုင်ငံတော်စီမံအုပ်ချုပ်ရေးကောင်စီအဖွဲ့ဝင် မန်းငြိမ်းမောင်က ဖားစည်(၉)ချက်တီး၍ အခမ်းအနားအား ဖွင့်လှစ်ပေးခဲ့ပြီး “ ကရင်တိုင်းသား လူမျိုးသည် နိုင်ငံအတွင်းနေရာအနှံ့အပြား၌ နေထိုင်လျက်ရှိပါကြောင်း၊ ကရင်ရိုးရာဝါခေါင်လ ချည်ဖြူဖွဲ့မင်္ဂအခမ်းအနားတွင် ယခုကဲ့သို့မိမိတိုင်းရင်းသားများစုစုစည်းစည်း ပြန်လည်တွေ့ဆုံ ရသည်မှာ ကျက်သရေမင်္ဂလာနှင့်ပြည့်စုံသည်ဟု ပြောရမှာဖြစ်ပါကြောင်း၊ မြန်မာနိုင်ငံသည် တိုင်းရင်းသားလူမျိုးပေါင်းစုံ စုပေါင်းဖွဲ့စည်းနေထိုင်သည့် နိုင်ငံတစ်နိုင်ငံဖြစ်ပါကြောင်းနှင့် ကရင်တိုင်းရင်းသားလူမျိုးများသည် မြန်မာနိုင်ငံတွင် နှစ်ပေါင်း ၃၀၀၀ နီးပါးနေထိုင်လာခဲ့ကြပြီး ခေတ်အဆက်ဆက်၌ ကောင်းခြင်း၊ ဆိုးခြင်းများကို အတူတကွ အေးအတူပူအမျှ ကြုံတွေ့ ဖြတ်သန်းခဲ့ကြပါကြောင်း၊  တိုင်းရင်းသားအားလုံး ချစ်ကြည်ရင်းနှီး၍ အတူတကွနေထိုင်ပြီး တိုင်းပြည်၏ တိုးတက်ရာတိုးတက်ကြောင်း၊ ကောင်းရာကောင်းကြောင်းကို အတူတကွပူးပေါင်း ဆောက်ရွက်ရမည်မှာ အမျိုးသားရေးတာဝန်တစ်ရပ်ဖြစ်ပါကြောင်း၊ ဖွဲ့စည်းပုံအခြေခံဥပဒေအရ နိုင်ငံသားတိုင်းသည် ဥပဒေနှင့်အညီ မိမိတို့အမြတ်တနိုးထားရှိသော စာပေ၊ ယဉ်ကျေးမှု၊ အနုပညာနှင့် ဓလေ့ထုံးတမ်းတို့ကို လွတ်လပ်စွာ ပြုစုပျိုးထောင်ဆောင်ရွက်ပိုင်ခွင့်ရှိသည်ကို ပြဋ္ဌာန်းထားပါကြောင်းနှင့် ၎င်းအခွင့်အရေးကို မှန်ကန်စွာအသုံးချရန်လိုပါကြောင်း၊ ကရင် အမျိုးသားများအနေဖြင့် အမျိုးသားရေး တာဝန်ကို မျက်ခြည်မပြတ်ရန်လိုပါကြောင်း၊ ကရင်ရိုးရာ လက်ချည်ပွဲသည် ကရင်တစ်မျိုးသားလုံးပိုင်ဆိုင်သည့် ယဉ်ကျေးမှုအမွေအနှစ်ဖြစ်ပါကြောင်းနှင့် ဘာသာမရွေး၊ ဒေသမရွေးဘဲ ထိန်းသိမ်းစောင့်ရှောက်ရန် တာဝန်ရှိပါကြောင်း၊ လက်ချည်ဖြူဖွဲ့ပွဲသည် ကရင်တစ်မျိုးသားလုံးအားပြန်လည်စုစည်းပေးသည့် အခမ်းအနားဖြစ်ပြီး ၎င်းယဉ်ကျေးမှုကိုနှစ်ပေါင်းနှစ်ထောင်ကျော် ထိန်းသိမ်းနိုင်သည့် လူမျိုးတစ်မျိုးအဖြစ် ဂုဏ်ယူ ရမှာဖြစ်ပါကြောင်း၊ ယနေ့အခမ်းအနားတွင် တစ်တိုင်းလုံး၌ရှိသည့် ကရင်တစ်မျိုးသားလုံးနှင့် စုစုစည်းစည်းညီညွတ်ညွတ်တွေ့ရှိသည်မှာ ဝမ်းမြောက်ပါကြောင်း၊ တိုင်းပြည်ငြိမ်းချမ်း၊ အေးချမ်းရန် အတွက်လည်း တိုင်းပြည်၌နေထိုင်သည့် လူမျိုးတစ်မျိုးလုံးအနေဖြင့် တာဝန်ရှိ ပါကြောင်း” အဖွင့်နှုတ်ခွန်းဆက်အမှာစကားများပြောကြားသည်။  ဆက်လက်၍ နိုင်ငံတော်စီမံအုပ်ချုပ်ရေးကောင်စီ ဗဟိုအကြံပေးအဖွဲ့ခေါင်းဆောင် ဦးစောထွန်းအောင်မြင့်၊ ဗဟိုအကြံပေးအဖွဲ့ဝင် ဦးစောဒန်နီယယ်၊ ဧရာဝတီတိုင်းဒေသကြီး အစိုးရအဖွဲ့ ဝန်ကြီးချုပ်နှင့် တိုင်းမှူးတို့က အသီးသီးနှုတ်ခွန်းဆက်အမှာစကားများ ပြောကြားသည်။ ထို့နောက် ဧရာဝတီတိုင်းဒေသကြီးအစိုးရအဖွဲ့၊ တိုင်းရင်းသားရေးရာဝန်ကြီး ဦးစောလင်းခယ်က အခမ်းအနားကျင်းပခြင်းနှင့်ပတ်သက်၍ ရှင်းလင်းပြောကြားပြီး ဧရာဝတီ တိုင်းဒေသကြီး ကရင်တိုင်းရင်းသားစာပေနှင့်ယဉ်ကျေးမှုအသင်း ဥက္ကဋ္ဌမန်းသိန်းကျော်က ကျေးဇူးတင်စကားများပြောကြားခဲ့သည်။ ဆက်လက်၍ ချည်ဖြူဖွဲ့မင်္ဂလာအခမ်းအနားပြုလုပ်ရာ ကရင်တိုင်းရင်းသားစာပေနှင့် ယဉ်ကျေးမှုအသင်းလူငယ်များက ချည်ဖြူဖွဲ့ပစ္စည်းများသယ်ဆောင်ခြင်း၊ ချည်ဖြူဖွဲ့ပေးမည့် ဘိုးဘွားများအား စနစ်တကျခေါ်ဆောင်ခြင်းများကို ဆောင်ရွက်ခဲ့ကြပြီးနောက် နိုင်ငံတော် စီမံအုပ်ချုပ်ရေးကောင်စီ အဖွဲ့ဝင်မန်းငြိမ်းမောင်နှင့် ဧည့်သည်တော်များအား ဘိုးဘွားများက ကရင်ရိုးရာချည်ဖြူဖွဲ့ပေးခဲ့ကြပြီး ကရင်ရိုးရာဝါခေါင်လချည်ဖြူဖွဲ့ မင်္ဂလာအခမ်းအနား စည်ကားသိုက်မြိုက်စွာ ကျင်းပခဲ့ကြောင်းသိရသည်။

ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် တာဝန်ရှိသူများနှင့်အတူ ယနေ့နံနက်ပိုက်းက ဓနုဖြူမြို့နယ်အတွင်းရှိ စိုက်ပျိုးရေးလုပ်ငန်းများအား ကြည့်ရှုအားပေးပြီး ဒေသခံတောင်သူများနှင့် ရင်းရင်းနှီးနှီးတွေ့ဆုံခဲ့သည်။ ရှေးဦးစွာ တိုင်းဒေသကြီး ဝန်ကြီးချုပ်သည် ဓနုဖြူမြို့နယ်ရှိ နိုင်ငံ့စီးပွားမြှင့်တင်ရေးရန်ပုံငွေဖြင့်ဆောင်ရွက်သည့် ထီကွေ့ကျေးရွာ၊ တောင်သူဦးကျော်ဝင်းစိန်၏ စိုက်ဧက(၄)ဧကရှိ မှော်ဘီ(၃)စပါးအမျိုးအစား RS to CS မျိုးစေ့ထုတ်စိုက်ခင်းအားလည်းကောင်း၊ တမြာကျေးရွာရှိ ဦးအေးသောင်းပါ တောင်သူ(၂၀)ဦး၏ မိုးစပါးတစ်ဧက တင်း(၁၀၀)နှင့်အထက် ဧက(၁၀၀)စံပြကွက်များအား ကြည့်ရှုအားပေးပြီး ဒေသခံတောင်သူများနှင့် ရင်းရင်းနှီးနှီးတွေ့ဆုံ၍ အထွက်တိုး မျိုးကောင်းမျိုးသန့်များ ပြောင်းလဲစိုက်ပျိုးခြင်း၊ ခေတ်မီစိုက်နည်းစနစ်များပြောင်းလဲစိုက်ပျိုးခြင်း၊ သဘာဝမြေဩဇာ၊ဓါတ်မြေဩဇာများအချိုးကျသုံးစွဲခြင်း၊ သစ်စိမ်း​မြေသြဇာ(ပိုက်ဆံ​လျှော်)ထည့်သွင်းစိုက်ပျိုးခြင်းများဖြင့် ပန်းတိုင်အထွက်နှုန်းတိုးတက်ထွက်ရှိစေရေးဆောင်ရွက်ထားရှိပါကြောင်း၊ တောင်သူများအနေဖြင့်လည်း စနစ်တကျလိုက်ပါဆောင်ရွက်ကြသည်ကိုလည်းတွေ့ရှိရပါကြောင်း၊ နိုင်ငံ့စီးပွားမြှင့်တင်ရေးရန်ပုံငွေထောက်ပံ့ပေးထား၍ အထွက်နှုန်းများပိုမိုတိုးတက်ထွက်ရှိစေရေးဆောင်ရွက်ရန်၊ မိုး လေဝသတင်းများနားထောင် ၍ စိုက်ခင်းများထိခိုက်မှုမရှိစေရေး၊ ပိုးမွှားများကျရောက်မှုမရှိစေရေးအလေးထားဆောင်ရွက်ရန်နှင့် တိုင်းဒေသကြီး၏ စိုက်ပျိုးရေးလုပ်ငန်းများပိုမိုတိုးတက်စေရေးကြိုးစားဆောင်ရွက်ကြရန်လိုပါကြောင်း မှာကြားခဲ့သည်။ ထို့နောက် ဓနုဖြူမြို့၊ အမှတ်(၁)ရပ်ကွက်၊ အမှတ်(၂)ရပ်ကွက်ကမ်းနားလမ်း ကမ်းပြိုကာကွယ်ရေးလုပ်ငန်း၊ ဘိုးပိုင်အခြေပြုကျောက်စီမြေထိန်းနံရံနှင့်တမံတည်ဆောက်ခြင်း(အလျား ၂၀၀ပေ) လုပ်ငန်းသို့သွားရောက်၍ ဧရာဝတီမြစ်ရေ တက်ရောက်နေမှုအားကြည့်ရှုစစ်ဆေးခဲ့ပြီး မြစ်ရေအမှတ် မှတ်တိုင်များစနစ်တကျစိုက်ထူထားရှိရန်၊ စိုးရိမ်ရေမှတ်၊ အန္တရာယ်ရေမှတ်များသို့ရောက်ရှိနိုင်မှုအားရေကင်းများထားရှိပြီး စဉ်ဆက်မပြက် စောင့်ကြည့်၍ မြစ် ရေတက် ရောက်မှု အခြေအနေများသတင်းပေးပို့ဆောင်ရွက်ရန်၊ ဒေသခံပြည်သူများအား သဘာဝ ဘေး ကြိုတင်ကာကွယ်ရေးလုပ်ငန်းစဉ်များစနစ်တကျသိရှိလိုက်နာဆောင်ရွက် စေရေး အသိပညာပေးလုပ်ငန်းများဆောင်ရွက်ထားရှိရန်မှာကြားခဲ့သည်။  ဆက်လက်၍ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် ဖတ်သောင်ကျေးရွာသို့သွားရောက်၍ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ဓနုဖြူမြို့နယ်ဦးစီးမှူးရုံးမှ မြေပြင်လူဦးရေ စာရင်းများတိုက်ဆိုင်စစ်ဆေးခြင်း၊  ပန်းခင်းစီမံချက်ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကဒ်ပြားဆောင်ရွက် ပေးနေမှုများအား ကြည့်ရှုစစ်ဆေးခဲ့ပြီး ရပ်ကွက်ကျေးရွာများအတွင်း ခရီးလွန်သူများ၊ ရွှေ့ပြောင်းလုပ်သားများစာရင်းများစနစ်တကျပြုစုထားရှိ၍ ကျန်ရှိမှုမရှိစေရေးဆောင်ရွက်ရန်၊ စာရင်း ရေးသွင်းမှုများ မှားယွင်းမှုမရှိစေရေး အဆင့်ဆင့်ကြပ်မတ်ဆောင်ရွက်ရန်နှင့် သတ်မှတ်ကာလ အတွင်း စာရင်းများပြည့်စုံမှန်ကန်စေရေး အင်တိုက်အားတိုက်ဆောင်ရွက်ပေးကြရန်မှာကြားခဲ့သည်။ ထို့အတူ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ဇလွန်မြို့နယ်ဦးစီးမှူးရုံးမှ မြေပြင်လူဦးရေ စာရင်းများတိုက်ဆိုင်စစ်ဆေးခြင်း၊  မွေးဖွား၊ သေဆုံးစာရင်များ ကောက်ယူခြင်းများအား ကြည့်ရှုစစ်ဆေးခဲ့ပြီး ခရိုင်၊ မြို့နယ် ဦးစီးမှူးများမှ လုပ်ငန်းဆောင်ရွက်မှုအခြေအနေများရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်က မြေပြင်လူဦးရေစာရင်းများပြည့်စုံမှန်ကန်စေရေး ဌာနဆိုင်ရာများ၊ အုပ်ချုပ်ရေးအဖွဲ့များ၊ ပြည်သူများအားလုံးပူးပေါင်း ဆောင်ရွက်ပေးကြရန်၊ စာရင်းဇယားများ မှားယွင်းမှုမရှိစေရေး အဆင့်ဆင့်ကြပ်မတ်ဆောင်ရွက်ရန်နှင့် သတ်မှတ်ကာလ အတွင်း စာရင်းများပြည့်စုံမှန်ကန်စေရေး မြေပြင်လူဦးရေ စာရင်းများတိုက်ဆိုင်စစ်ဆေးခြင်းလုပ်ငန်းပိုမိုဆောင်ရွက်ပေးကြရန် မှာကြားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ဇလွန်မြို့နယ်၊ ရေလယ်သောင် ကျောင်းကုန်းကျေးရွာသို့သွားရောက်ခဲ့ပြီး ဧရာဝတီမြစ်ရေတိုက်စားမှုကြောင့် ကမ်းပြိုကမ်းစားဖြစ်ပွားမှုများကြည့်ရှုစစ်ဆေးခဲ့ပြီး တိုင်းဒေသကြီးရေအရင်းအမြစ်နှင့်မြစ်ချောင်းများ ဖွံ့ဖြိုးတိုးတက် ရေးဦးစီးဌာန၊ ဒုတိယတိုင်းဦးစီးမှူး၊ ဟင်္သာတခရိုင်အုပ်ချုပ်ရေးမှူးတို့မှ ကြိုတင်ကာကွယ်ရေးလုပ်ငန်းဆောင်ရွက်နိုင်ရေးပြင်ဆင်ထားရှိမှု၊ အရေးပေါ်ယာယီကမ်းပြိုကာကွယ်ရေးလုပ်ငန်းများဆောင်ရွက်နိုင်ရေးပြင်ဆင်ထားရှိမှုများရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်မှ အရေးပေါ်ကာကွယ်ရေးလုပ်ငန်းများ အမြန်ဆုံးဆောင်ရွက်ရန်၊ လူနှင့်တိရစ္ဆာန်များ ထိခိုက်မှုမရှိစေရေးအတွက် ကြိုတင်ပြောင်းရွှေ့နိုင်ရေးပြင်ဆင်ဆောင်ရွက်ထားရန်မှာကြားခဲ့ပြီး ရေလယ်သောင် ကျောင်းကုန်းကျေးရွာ အခြေခံပညာမူလတန်းကျောင်းသို့သွားရောက်၍ ဆရာ၊ ဆရာမများ၊ ရပ်မိရပ်ဖများနှင့်တွေ့ဆုံခဲ့ပြီး ကမ်းပြိုကာကွယ်ရေးလုပ်ငန်းများအမြန်ဆုံးဆောင်ရွက်ပေးသွားမှာဖြစ်ကြောင်းနှင့် တိုင်းဒေသကြီးအစိုးရအဖွဲ့အနေဖြင့်လိုအပ်သည်များကူညီဆောင်ရွက်ပေးသွားမှာဖြစ်ကြောင်းပြောကြားခဲ့ပြီး ဆရာ၊ ဆရာမများအတွက်ထောက်ပံ့ငွေများပေးအပ်ခဲ့သည်။ ထို့နောက် ဝန်ကြီးချုပ်နှင့် တာဝန်ရှိသူများသည် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ဟင်္သာတမြို့နယ်ဦးစီးမှူးရုံးမှ ဟင်္သာတမြို့၊ဆကာရပ်ကွက်ရပ်ကျေးအြပ်ချပ်ရေးမှူးရုံးတွင် မြေပြင်လူဦးရေ စာရင်းများတိုက်ဆိုင်စစ်ဆေးခြင်း၊  မွေးဖွား၊ သေဆုံးစာရင်များ ကောက်ယူခြင်းများအား ကြည့်ရှုစစ်ဆေးခဲ့ပြီး ခရိုင်၊ မြို့နယ် ဦးစီးမှူးများမှ လုပ်ငန်းဆောင်ရွက်မှုအခြေအနေများရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်က e ID ဆာဗာတွင်ဖြည့်သွင်းရန်ကျန်ရှိသည့်စာရင်းများပြုစု၍ ရပ်ကျေးအုပ်ချုပ်ရေးအဖွဲ့များထံဖြန့်ဝေထားရှိပြီး အုပ်ချုပ်ရေးအဖွဲ့များကလည်း စာရင်းဖြည့်သွင်းရန်ကျန်ရှိသည့် အိမ်ထောင်စုဝင်များအားစုစည်းထားရှိရန်၊ မြေပြင်လူဦးရေစာရင်းများပြည့်စုံမှန်ကန်စေရေး ဌာနဆိုင်ရာများ၊ အုပ်ချုပ်ရေးအဖွဲ့များ၊ ပြည်သူများအားလုံးပူးပေါင်း ဆောင်ရွက်ပေးကြရန်၊ သတ်မှတ်ကာလ အတွင်း စာရင်းများပြည့်စုံမှန်ကန်စေရေး ဝိုင်းဝန်းဆောင်ရွက်ပေးကြရန် မှာကြားခဲ့သည်။