ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် အစိုးရအဖွဲ့ဝင် ဝန်ကြီးများ၊ တိုင်း၊ ခရိုင်၊ မြို့နယ်ဌာနဆိုင်ရာများနှင့်အတူ တပ်မတော်မြစ်တွင်းသွား ဆေးရုံရေယာဉ်(ရွှေပုဇွန်)မှ တပ်မတော်နှင့် ကျန်းမာရေးဝန်ကြီးဌာနက နယ်လှည့် အထူးကုဆေးအဖွဲ့မှ ပါရဂူများ၊ ဆေးမှူးများနှင့် သူနာပြုများပါဝင်သောအဖွဲ့သည် ဧရာဝတီတိုင်းဒေသကြီး၊ ကြံခင်းမြို့နယ်အတွင်းရှိ ဒေသခံပြည်သူများအားကျန်းမာရေး စောင့်ရှောက်မှုလုပ်ငန်းများ ဆောင်ရွက်ပေးနေမှုများကို သွားရောက်ကြည့်ရှု အားပေးခဲ့သည်။ ဦးစွာ တိုင်းဒေသကြီးဝန်ကြီးချုပ်သည် တပ်မတော်မြစ်တွင်းသွားဆေးရုံရေယာဉ် (ရွှေပုဇွန်)သို့ သွားရောက်၍ မျက်စိခွဲစိပ်လူနာများအား ကြည့်ရှု၍ အားပေးစကားပြောကြားခဲ့သည်။ ထို့နောက် ဆိပ်သာတိုက်နယ်ဆေးရုံသို့ သွားရောက်၍ တပ်မတော်မြစ်တွင်းသွားဆေးရုံရေယာဉ်(ရွှေပုဇွန်)မှ ဆေးကုသမှု ပါရဂူ၊ ခွဲစိတ်ပါရဂူ၊ သားဖွားမီးယပ် ပါရဂူ၊ ကလေးကုသမှု ပါရဂူ၊ ဓါတ်မှန် ပါရဂူ၊ ရောဂါဗေဒ ပါရဂူ၊ မေ့ဆေး ပါရဂူ၊ အရိုးရောဂါခွဲစိတ် ပါရဂူ၊ နား၊ နှာခေါင်း၊ လည်ချောင်းခွဲစိတ် ပါရဂူ၊ မျက်စိရောဂါခွဲစိတ် ပါရဂူ၊ သွားရောဂါ ပါရဂူ၊ ပြည်သူ့ကျန်းမာရေး ပါရဂူတို့မှ ဒေသခံပြည်သူများအား ကျန်းမာရေးစောင့်ရှောက်ပေးနေမှုများကို ကြည့်ရှုအားပေးခဲ့ကာ တပ်မတော်မြစ်တွင်းသွားဆေးရုံရေယာဉ်(ရွှေပုဇွန်)အတွက်ဆေးဝါးများနှင့်ထောက်ပံ့ငွေများအားလည်းကောင်း လာရောက်ကုသသည့်လူနာများအား စားေသာက်ဖွယ်ရာများ အား လည်းေကာင်း ေထာက်ပံ့ပေးအပ်ခဲ့ကြသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် ကြံခင်းမြို့နယ်၊ ဆုံလဲကုန်းကျေးရွာအုပ်စုရှိ ကျေးရွာအုပ်ချုပ်ရေးမှူးရုံးသို့ သွားရောက်၍ လူဝင်မှု ကြီးကြပ်ရေးနှင့်ပြည်သူ့အင်အားဝန်ကြီးဌာန၊ ကြံခင်းမြို့နယ်ဦးစီးမှူးရုံးမှ ပန်းခင်းစီမံချက်ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြား ဆောင်ရွက်ပေးနေမှုများအား ကြည့်ရှုစစ်ဆေးခဲ့ပြီး မြို့နယ်ဦးစီးမှူးက လုပ်ငန်းဆောင်ရွက်မှု အခြေအနေများ ရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်က စာရင်းရေးသွင်းရာတွင် အချက်အလက်များမှားယွင်းမှုမရှိစေရေး၊ ဆောင်ရွက်ပြီးစီးသည့် နိုင်ငံသားစိစစ်ရေးကတ်ပြား များအားပြည်သူများထံအမြန်ဆုံးရရှိစေရေး ဆောင်ရွက်ရန် မှာကြားခဲ့ပြီး ပြည်သူများထံသို့ တိုင်းဒေသကြီးဝန်ကြီးချုပ်၊ လုံခြုံရေးနှင့်နယ်စပ်ရေးရာ ဝန်ကြီးနှင့် လူမှုရေးရာဝန်ကြီးတို့က ပြုလုပ်ပြီးစီးသည့် နိုင်ငံသားစိစစ်ရေးကတ်ပြားများပေးအပ်ခဲ့သည်။ ဆက်လက်၍ တိုင်းဒေသကြီး ဝန်ကြီးချုပ်နှင့်အဖွဲ့သည် မြန်အောင်ခရိုင်၊ မြန်အောင်မြို့နယ်ရှိ နတ်ပီတိကျေးရွာ အုပ်စု၊ စိုက်ပျိုးရေးဦးစီးဌာနမှဆည်မြောင်း တာဘောင်၌ စိုက်ပျိုးထားသည့် သစ်စိမ်းမြေသြဇာ(ပိုက်ဆံလျှော်) မျိုးစေ့ထုတ် စိုက်ခင်းအား ကြည့်ရှုအားပေးခဲ့သည်။ ဆက်လက်၍ တိုင်းဒေသကြီး ဝန်ကြီးချုပ်သည် မြန်အောင်မြို့အမှတ်(၁)ရပ်ကွက်ရှိ Top-5နို့စားနွားမွေးမြူရေးခြံသို့ သွားရောက်၍ မွေးမြူရေးနှင့်ကုသရေးဦးစီးဌာနမှ စီးပွားဖြစ်တိရစ္ဆာန်မွေးမြူမှု စာရင်းကောက်ယူနေမှု၊ နို့စားနွားမွေးမြူထားရှိမှုနှင့် နွားနို့ထုတ်လုပ်မှုများကို ကြည့်ရှုအားပေးကာ အောင်မြင်အောင်ဆောင်ရွက်ရန်မှာကြားခဲ့ပြီး တိရစ္ဆာန်ဆေးဝါးများ ထောက်ပံ့ပေးအပ်ခဲ့သည်။

ဧရာဝတီတိုင်းဒေသကြီး ဝန်ကြီးချုပ်ဦးတင်မောင်ဝင်းသည် အစိုးရအဖွဲ့ဝင် ဝန်ကြီးများ၊ တိုင်း၊ ခရိုင်၊ မြို့နယ်ဌာနဆိုင်ရာများနှင့်အတူ ယနေ့နံနက်ပိုင်းက မြန်အောင်ခရိုင်၊ ကြံခင်းမြို့နယ်အတွင်းရှိ မိုးနေကြာစိုက်ခင်းများ ဖြစ်ထွန်းအောင်မြင်နေမှုများကို ကြည့်ရှုစစ်‌ဆေးခဲ့သည်။ ဦးစွာ တိုင်းဒေသကြီးဝန်ကြီးချုပ်နှင့်အဖွဲ့သည် သောကြာဒူးကျေးရွာ တောင်သူဦးကြည်ညွန့်၏ ဆင်းရွှေကြာ(၂)နေကြာ (၁.၅၀)ဧကစိုက်ပျိုးဖြစ်ထွန်း အောင်မြင်နေမှုများကို ကြည့်ရှုအားပေးပြီး တောင်သူများနှင့်တွေ့ဆုံ၍ တိုင်းဒေသကြီး ဆီဖူလုံရေးအတွက်နေကြာ၊ မြေပဲ၊ နှမ်းစသည့် ဆီထွက်သီးနှံများ တိုးချဲ့စိုက်ပျိုးလျက် ရှိပါကြောင်း၊ ဒေသနှင့်ကိုက်ညီသည့်အထွက်တိုးနေကြာမျိုးများစိုက်ပျိုးကြရန်လိုပါ ကြောင်း၊ ပိုးမွှားများ မကျရောက်စေရေးနှင့် အောင်မြင်စေရေးအလေးထားဆောင်ရွက်ရန် မှာကြားခဲ့ကာ တောင်သူများအား နေကြာမျိုးစေ့များနှင့် ပိုက်ဆံလျှော်မျိုးစေ့များ ထောက်ပံ့ပေးအပ်ခဲ့သည်။ အလားတူ တိုင်းဒေသကြီးဝန်ကြီးချုပ်နှင့်အဖွဲ့သည် ကရင်စုကျေးရွာ တောင်သူဦးစိုးသိန်း၏ ဆင်းရွှေကြာ(၂)နေကြာ( ၁)ဧကနှင့် မြေပဲ(၃)ဧကအားလည်းကောင်း၊ ရွှေကွင်းတောကျေးရွာတောင်သူဦးကြည်သန်း၏ နှမ်း(၀.၅၀)ဧကအားလည်းကောင်း ဆက်လက်ကြည့်ရှုစစ်ဆေးခဲ့ပြီး တိုင်းဒေသကြီး ဆီဖူလုံရေးအတွက် ဆီထွက်သီးနှံများ ပိုမိုတိုးချဲ့စိုက်ပျိုးကြရန်မှာကြားခဲ့သည်။

၂၀၂၃-၂၀၂၄ခုနှစ်၊ ဆောင်းသီးနှံစိုက်ပျိုးရေးအတွက် နေကြာ၊ သစ်စိမ်းမြေဩဇာ (ပိုက်ဆံလျှော်)မျိုးစေ့ပေးအပ်ပွဲ အခမ်းအနားကို နိုဝင်ဘာလ၁၆ရက်နေ့မွန်းလွဲပိုင်းက လပွတ္တာခရိုင်၊ မော်လမြိုင်ကျွန်းမြို့နယ်၊ မော်ဧရာခန်းမတွင်ပြုလုပ်ခဲ့ရာ ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်ဦးတင်မောင်ဝင်း၊ တိုင်းဒေသကြီး အစိုးရအဖွဲ့ဝင်များ၊ တိုင်း၊ ခရိုင်၊ မြို့နယ်ဌာနဆိုင်ရာများနှင့် တောင်သူများတက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်က“ ရာသီအချိန်မီ စိုက်ပျိုးဆောင်ရွက်နိုင်ရန်အတွက် နေကြာ၊ သစ်စိမ်းမြေဩဇာ(ပိုက်ဆံလျှော်)မျိုးစေ့များပေးအပ်ခြင်းဖြစ်ပါကြောင်း၊ မြေဆီလွှာ ပျက်စီးမှုများကို ပြန်လည်ကောင်းမွန်စေရေးအတွက် သစ်စိမ်းမြေဩဇာများထည့်သွင်း စိုက်ပျိုးခြင်းဖြင့် ပြေပြင်ခြင်းလုပ်ငန်းများဆောင်ရွက်ရန်နှင့် ယူရီးယားမြေဩဇာများသုံးစွဲမှု လျှော့ချနိုင်ရေးတို့အတွက် ဆောင်ရွက်ခြင်းဖြစ်ပါကြောင်း၊ မိမိတို့တိုင်းဒေသကြီးသည် သစ်စိမ်းမြေဩဇာ (ပိုက်ဆံလျှော်)ကို အင်တိုက်အားတိုက်စိုက်ပျိုးလျက်ရှိသည့် တိုင်းဒေသကြီး ဖြစ်ပါကြောင်းနှင့်လာမည့်၂၀၂၄ခုနှစ်၊ မိုးစပါးစိုက်ရာသီတွင် ရေတော်မိုးတော် စိုက်ဧက(၂၇)သိန်းအား ပိုက်ဆံလျှော်များအပြည့်အဝထည့်သွင်း စိုက်ပျိုးသွားမည်ဖြစ်ပါကြောင်း၊ ပိုက်ဆံလျှော် မျိုးစေ့ထုတ်စိုက်ခင်းများစိုက်ပျိုးသည့် တောင်သူများအနေဖြင့် သက်ဆိုင်ရာမြို့နယ်အလိုက် အုပ်စုဖွဲ့ပြီး အဖွဲ့လိုက်စုပေါင်းစနစ်ဖြင့် လုပ်ငန်းဆောင်ရွက်ရန်နှင့် မြေလွတ်များနှင့် လမ်းဘေးဝဲယာတစ်လျှောက်တွင် စနစ်တကျစုဖွဲ့၍ အစုအဖွဲ့စနစ်ဖြင့် မျိုးစေ့ရရှိရေးဆောင်ရွက် ကြရမှာဖြစ်ပါကြောင်း၊ ဆီဖူလုံမှုရှိစေရေးအတွက် နေကြာ၊ မြေပဲ၊ နှမ်းအစရှိသည့် ဆီထွက် သီးနှံများကို ပိုမိုတိုးချဲ့စိုက်ပျိုးရန်လည်း လိုအပ်မည်ဖြစ်ပါကြောင်း၊ နေကြာစိုက်ပျိုးရာတွင် ဝတ်မှုန်ကူးခြင်းအတွက် ပျားမွေးမြူရေးကိုလည်း ဆောင်ရွက်သွားကြရန်လိုပါကြောင်း၊ သီးနှံများပန်းတိုင်အထွက်နှုန်းများရရှိစေရေးနှင့် တိုင်းဒေသကြီး၏စိုက်ပျိုးရေးကဏ္ဍ ပိုမိုဖွံ့ဖြိုးတိုးတက်စေရေး ဌာနဆိုင်ရာများ၊ လုပ်ငန်းရှင်များ၊ တောင်သူများက ကြိုးစားဆောင်ရွက်ပေးကြစေလိုကြောင်း” အမှာစကားများပြောကြားသည်။ ဆက်လက်၍ စိုက်ပျိုးရေးဦးစီးဌာန၊ တိုင်းဦးစီးမှူးက စိုက်ပျိုးရေးဆိုင်ရာကိစ္စရပ်များအားလည်းကောင်း၊ လယ်ယာမြေစီမံခန့်ခွဲမှုနှင့်စာရင်းအင်းဦးစီးဌာန တိုင်းဦးစီးမှူးက မိုးစပါးနွေစပါး ပန်းတိုင်အထွက်နှုန်းရောက်ရှိရေးကိစ္စရပ်များအားလည်းကောင်း ရှင်းလင်းတင်ပြပြီးနောက် တိုင်းဒေသကြီးဝန်ကြီးချုပ်၊ လုံခြုံရေးနှင့်နယ်စပ်ရေးရာဝန်ကြီးနှင့် လူမှုရေးရာဝန်ကြီးတို့က တောင်သူများထံသို့ နေကြာမျိုးစေ့များနှင့် သစ်စိမ်းမြေဩဇာ(ပိုက်ဆံလျှော်) မျိုးစေ့များ ပေးအပ်ခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် မော်လမြိုင်ကျွန်းမြို့နယ် အားကစားပြိုင်ပွဲရုံတွင်လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ မော်လမြိုင်ကျွန်း မြို့နယ်ဦးစီးမှူးရုံးမှ ပန်းခင်းစီမံချက်ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေး ကတ်ပြားဆောင်ရွက်ပေးနေမှုများအား ကြည့်ရှုစစ်ဆေးခဲ့ပြီး မြို့နယ်ဦးစီးမှူးက လုပ်ငန်း ဆောင်ရွက်မှုအခြေအနေများ ရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်က စာရင်းရေးသွင်း ရာတွင် အချက်အလက်များမှားယွင်းမှုမရှိစေရေး အဆင့်ဆင့်ကြပ်မတ် ဆောင်ရွက်ရန်၊ စာရင်းများပြည့်စုံမှန်ကန်မှုရှိစေရေး စနစ်တကျဆောင်ရွက်ရန်နှင့် သတ်မှတ်ကာလအတွင်းပြီးစီး ရေးအတွက် အလေးထားဆောင်ရွက်ကြရန် မှာကြားခဲ့ပြီး ပြည်သူများထံသို့ တိုင်းဒေသကြီးချုပ်၊ လုံခြုံရေးနှင့်နယ်စပ်ရေးရာဝန်ကြီးနှင့် လူမှုရေးရာဝန်ကြီးတို့က ပြုလုပ်ပြီးစီးသည့် နိုင်ငံသား စိစစ်ရေးကတ်ပြားများပေးအပ်ခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် မော်လမြိုင်ကျွန်းမြို့နယ်၊ မရဲ့အုန်းပင်စုကျေးရွာအုပ်စုရှိတွင်ပြုလုပ်သည့် သစ်စိမ်းမြေဩဇာ (ပိုက်ဆံလျှော်)မျိုးစေ့ထုတ်ရန်အတွက် ကြဲပက်ပွဲအခမ်းအနားတက်ရောက်၍ တောင်သူများမှ စနစ်တကျစိုက်ပျိုးထွန်ယက်နေမှုများကိုကြည့်ရှုအားပေးခဲ့ပြီး တောင်သူများအနေဖြင့် သက်ဆိုင်ရာမြို့နယ်အလိုက်အုပ်စုဖွဲ့ပြီး အဖွဲ့လိုက်စုပေါင်းစနစ်ဖြင့် လုပ်ငန်းဆောင်ရွက်ရန်နှင့် အောင်မြင်အောင်ဆောင်ရွက်ရန်မှာကြားခဲ့သည်။ ဧရာဝတီတိုင်းဒေသကြီးအနေဖြင့် ၂၀၂၄ ခုနှစ် မိုးစပါးစိုက်ပျိုးရာသီတွင် ရေတော်မိုးတော်စိုက်ဧက (၂၇)သိန်းကျော်အား သစ်စိမ်းမြေဩဇာ (ပိုက်ဆံလျှော်) အပြည့်အဝထည့်သွင်းနိုင်ရေးအတွက် ပိုက်ဆံလျှော်မျို့စေ့ထုတ်စိုက်ဧက (၆) သောင်းကျော်လျာထားစိုက်ပျိုးလျက်ရှိရာ ယနေ့အထိ စိုက်ဧက(၆)ထောင်ကျော် စိုက်ပျိုးပြီး ဖြစ်ကြောင်းသိရသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် တောင်သူဦးတင်အောင်သန်း၏ လယ်မြေတွင်ပြုလုပ်သည့် ဆင်းသုခမျိုး မိုးစပါးစံကွက်ရိတ်သိမ်းနေမှုများကို ကြည့်ရှုအားပေး ခဲ့ပြီး ေတာင်သူများနှင့်တွေ့ဆုံ၍ ပိုက်ဆံလျှော်မျိုးစေ့ထုတ်စိုက်ခင်းများ စိုက်ပျိုးခြင်း လုပ်ငန်းများတွင် ပူးပေါင်းပါဝင်ဆောင်ရွက်ပေးကြရမှာဖြစ်ပါကြောင်း၊ သီးထပ်စွမ်းအားများ တိုးမြှင့်ဆောင်ရွက်ရန်လိုပါကြောင်းနှင့် ပန်းတိုင်အထွက်နှုန်းများရရှိစေရေးဆက်လက် ဆောင်ရွက်သွားကြရန်ဆွေးနွေးပြောကြားခဲ့သည်။ အဆိုပါ ဦးတင်အောင်သန်း၏လယ်မြေတွင် ဆင်းသုခမျိုးစပါး မိုးစပါးစံကွက်ရိတ်သိမ်းခဲ့ရာ တစ်ဧကလျှင် ပျမ်းမျှအထွက်နှုန်း( ၁၀၃) တင်း ထွက်ရှိခဲ့ကြောင်းသိရသည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် မြောင်းမြခရိုင်၊ ဝါးခယ်မြို့နယ်၊ ကြာဖြူကျေးရွာရှိ တောင်သူဦးဝင်းဗိုလ်၏ လယ်မြေ(၅)ဧကတွင်ပြုလုပ်သည့် ဆင်းရွှေကြာ(၂) နေကြာမျိုးစေ့စိုက်ပျိုးနေမှုအား ကြည့်ရှုအားပေးခဲ့ပြီး အောင်မြင်ဖြစ်ထွန်းစေရေးအလေးထား ဆောင်ရွက်ရန်မှာကြားခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် ဝါးခယ်မမြို့နယ်၊ ကြခတ်ကုန်းကျေးရွာရှိ Kubota လယ်ယာသုံးပစ္စည်းအရောင်းပြခန်းသို့ သွားရောက်၍ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ဝါးခယ်မမြို့နယ်ဦးစီးမှူးရုံးမှ ပန်းခင်းစီမံချက်ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြား ဆောင်ရွက်ပေးနေမှုများအား ကြည့်ရှုစစ်ဆေးခဲ့ပြီး မြို့နယ်ဦးစီးမှူးက လုပ်ငန်းဆောင်ရွက်မှု အခြေအနေများ ရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်က စာရင်းရေးသွင်းရာတွင် အချက်အလက်များမှားယွင်းမှုမရှိစေရေး၊ ဆောင်ရွက်ပြီးစီးသည့် နိုင်ငံသားစိစစ်ရေးကတ်ပြားများအားပြည်သူများထံအမြန်ဆုံးရရှိစေရေး ဆောင်ရွက်ရန်မှာကြားခဲ့ပြီး ပြည်သူများထံသို့ တိုင်းဒေသကြီးချုပ်၊ လုံခြုံရေးနှင့်နယ်စပ်ရေးရာဝန်ကြီးနှင့် လူမှုရေးရာဝန်ကြီးတို့က ပြုလုပ်ပြီးစီးသည့် နိုင်ငံသားစိစစ်ရေးကတ်ပြားများပေးအပ်ခဲ့သည်။

၂ဝ၂၃-၂၀၂၄ ခုနှစ်၊ ဆောင်းသီးနှံစိုက်ပျိုးရေးအတွက် နေကြာမျိုးစေ့နှင့် သစ်စိမ်းမြေဩဇာ(ပိုက်ဆံလျှော်) မျိုးစေ့များ ပေးအပ်ပွဲအခမ်းအနားကို ယနေ့နံနက်ပိုင်းက လပွတ္တာမြို့နယ်အထွေထွေအုပ်ချုပ်ရေးဉီးစီးဌာန၊ ရွေးနဒီခန်းမတွင် ပြုလုပ်ခဲ့ရာ ဧရာဝတီတိုင်း‌ဒေသကြီးအစိုးရအဖွဲ့ ဝန်ကြီးချုပ်ဦးတင်မောင်ဝင်း၊ တိုင်းဒေသကြီး အစိုးရအဖွဲ့ဝင်များ၊ တိုင်း၊ ခရိုင်၊ မြို့နယ်ဌာနဆိုင်ရာများတက်ရောက်ခဲ့ကြသည်။ ဦးစွာ တိုင်းဒေသကြီးဝန်ကြီးချုပ်က“ တောင်သူများအနေဖြင့် အချိန်မီစိုက်ပျိုးနိုင်ရန်အတွက် မျိုးစေ့များထောက်ပံ့ပေးအပ်ခြင်း ဖြစ်ပါကြောင်း၊ ပြီးခဲ့သည့် ၂၀၂၂-၂၀၂၃ မိုးစပါးစိုက်ပျိုးရာသီတွင် ရေတော်မိုးတော်စိုက်ဧကတစ်သိန်းအား ပိုက်ဆံလျှော် (သစ်စိမ်းမြေဩဇာ)များ ထည့်သွင်း စိုက်ပျိုးဆောင်ရွက်ခဲ့ပါကြောင်း၊ လာမည့် ၂၀၂၄ခုနှစ်၊ မိုးစပါးစိုက်ရာသီတွင် ရေတော်မိုးတော် စိုက်ဧက(၂၇)သိန်းအား ပိုက်ဆံလျှော်များ အပြည့်အဝထည့်သွင်းစိုက်ပျိုးသွားမည်ဖြစ်၍ ပိုက်ဆံလျှော် မျိုးစေ့ထုတ်လုပ်စိုက်ပျိုးနိုင်ရေးအတွက် တောင်သူများအား မျိုးစေ့များထောက်ပံ့ပေးခြင်းလည်းဖြစ်ပါကြောင်း၊ ပိုက်ဆံလျှော်ထည့်သွင်းစိုက်ပျိုးခြင်းဖြင့်တောင်သူများ၏ လယ်ဧကများ၌ ဓာတ်မြေဩဇာလိုအပ်ချက်နှင့် မြေဆီလွှာပျက်စီးမှုများကို ပြန်လည်ကောင်းမွန်စေမည်ဖြစ်ပါကြောင်း၊ တောင်သူများအနေဖြင့် သက်ဆိုင်ရာမြို့နယ်အလိုက်အုပ်စုဖွဲ့ပြီး အဖွဲ့လိုက်စုပေါင်းစနစ်ဖြင့် လုပ်ငန်းဆောင်ရွက်ကြရမှာဖြစ်ပါကြောင်း၊တိုင်းဒေသကြီးသည် စိုက်ပျိုးရေးစံပြတိုင်းဖြစ်စေရေးအတွက် ပန်းတိုင်အထွက်နှုန်းများရရှိစေရေး ကြိုးစားဆောင်ရွက်လျက်ရှိပါကြောင်းနှင့် တစ်ဧက(၁၀)တင်း ပိုမိုတိုးတက်ထွက်ရှိရေးအတွက်လည်းဆောင်ရွက်လျက်ရှိပါကြောင်း၊ ဆီဖူလုံမှုရှိစေရေး အတွက် ဆီထွက်သီးနှံများ တိုးချဲ့စိုက်ပျိုးလျက်ရှိရာ နေကြာ၊ မြေပဲ၊ နှမ်းစသည့်ဆီထွက်သီးနှံများ ဖြစ်ထွန်းအောင်မြင်ရေးနှင့် ဆီဖူလုံရေးအတွက်လည်း ဝိုင်းဝန်းဆောင်ရွက်ရမှာဖြစ်ပါကြောင်း၊နေကြာစိုက်ပျိုးဖြစ်ထွန်းအောင်မြင်စေရေးအတွက် အထွက်တိုးနေကြာမျိုးများသုံးစွဲစေရေး၊ စနစ်တကျစိုက်ပျိုးစေရေးဆောင်ရွက်ရန်နှင့် တိုင်းဒေသကြီး၏ စိုက်ပျိုးရေးလုပ်ငန်းများ ပိုမိုအောင်မြင်စေရေး ဝိုင်းဝန်းကြိုးပမ်းဆောင်ရွက်ကြစေလိုကြောင်း” အမှာစကားများပြောကြားသည်။ ဆက်လက်၍ လပွတ္တာခရိုင်စီမံအုပ်ချုပ်ရေးအဖွဲ့ ဥက္ကဋ္ဌက လပွတ္တာခရိုင်အတွင်း မိုးစပါးစိုက်ပျိုးမှုနှင့်ထွက်ရှိမှု၊ ရေတော်မိုးတော်စိုက်ဧကများတွင်ပိုက်ဆံလျှော်ထည့်သွင်းစိုက်ပျိုးမှု၊ မျိုးစေ့ထုတ်လုပ်ရန်ဆောင်ရွက်ထားရှိမှုနှင့် နေကြာစိုက်ပျိုးဆောင်ရွက်မည့် အခြေအနေများ၊ ရေငံတားတာ ဆောင်ရွက်မည့်အစီအစဉ်များအား ရှင်းလင်းတင်ပြပြီးနောက် တိုင်းဒေသကြီးစိုက်ပျိုးရေးဦးစီးဌာနနှင့် လယ်ယာမြေစီမံခန့်ခွဲမှုနှင့်စာရင်းအင်းဦးစီးဌာနတိုင်းဦးစီးမှူးတို့မှ ပိုက်ဆံလျှော်(သစ်စိမ်းမြေဩဇာ) ထည့်သွင်းစိုက်ပျိုးမှုနှင့် ပန်းတိုင်အထွက်နှုန်းရရှိစေရေးဆောင်ရွက်နေမှုအခြေအနေများရှင်းလင်းဆွေးနွေးခဲ့ကြသည်။ ထို့နောက် တိုင်းဒေသကြီးဝန်ကြီးချုပ်၊ လုံခြုံရေးနှင့်နယ်စပ်ရေးရာဝန်ကြီးနှင့် စိုက်ပျိုးရေးဦးစီးဌာနတိုင်းဦးစီးမှူးတို့က တောင်သူများထံသို့ နေကြာမျိုးစေ့များနှင့် သစ်စိမ်းမြေဩဇာ(ပိုက်ဆံလျှော်) မျိုးစေ့များပေးအပ်ခဲ့ပြီး တောင်သူများကိုယ်စား တောင်သူတစ်ဦးက ကျေးဇူးတင်စကားပြောကြားခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် လပွတ္တာမြို့၊ အမှတ်(၅)ရပ်ကွက်ရှိ သာသနာ့ဗိမာန်တော်ကြီး၌ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီး ဌာန၊ လပွတ္တာမြို့နယ်ဦးစီးမှူးရုံးမှ ပန်းခင်းစီမံချက်ဖြင့် အိမ်ထောင်စုလူဦးရေစာရင်းနှင့် နိုင်ငံသား စိစစ်ရေးကတ်ပြားဆောင်ရွက်ပေးနေမှုများအား ကြည့်ရှုစစ်ဆေးခဲ့ပြီး မြို့နယ်ဦးစီးမှူးက လုပ်ငန်းဆောင်ရွက်မှုအခြေအနေများ ရှင်းလင်းတင်ပြခဲ့ရာ တိုင်းဒေသကြီးဝန်ကြီးချုပ်က စာရင်းရေးသွင်းရာတွင် အချက်အလက်များမှားယွင်းမှုမရှိစေရေး အဆင့်ဆင့်ကြပ်မတ် ဆောင်ရွက်ရန်၊ စာရင်းများပြည့်စုံမှန်ကန်မှုရှိစေရေးစနစ်တကျဆောင်ရွက်ရန်နှင့် သတ်မှတ်ကာလအတွင်း ပြီးစီးရေးအတွက် အလေးထားဆောင်ရွက်ကြရန် မှာကြားခဲ့သည်။ ဆက်လက်၍ တိုင်း‌ဒေသကြီးဝန်ကြီးချုပ်နှင့်အဖွဲ့သည် လပွတ္တာမြို့၊အမှတ်(၈)ရပ်ကွက်ရှိ တိုင်းဝင်းဆန်စက်သို့သွားရောက်၍ ဆိုလာစနစ်(၄၀ ကီလိုဝပ်)ဖြင့် ဆန်ကြိတ်ခွဲထုတ်လုပ်မှုများနင့် ၄၀၀ ကီလိုဝပ်ထွက်ရှိမည့် ဆိုလာစနစ်တပ်ဆင်ဆောင်ရွက်နေမှုအခြေအနေများ ကြည့်ရှုစစ်ဆေးခဲ့ပြီး ဆိုလာတပ်ဆင်မှုလုပ်ငန်းများစနစ်တကျတပ်ဆင်ဆောင်ရွက်ရန်နှင့်အောင်မြင်အောင်ဆောင်ရွက်ရန်မှာကြားခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့်အဖွဲ့သည် လပွတ္တာမြို့နယ်၊ ရှမ်းစုကျေးရွာ၊ တောင်သူ ဦးထွန်းမင်း၏ လယ်မြေတွင် ပြုလုပ်သည့် မိုးစပါးစံကွက်ရိတ်သိမ်းနေမှုအားကြည့်ရှုအားပေးခဲ့သည်။ ဦးစွာ တိုင်းဒေသကြီးလယ်ယာမြေစီမံခန့်ခွဲမှုနှင့်စာရင်းအင်းဦးစီးဌာနတိုင်းဦးစီးမှူးမှ လပွတ္တာမြို့နယ်၏ ရေမြေသဘာဝအလိုက် မိုးစပါးစိုက်ပျိုးထားရှိမှုအခြေအနေများရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်က စိုက်ဧကများပြည့်မီစေရေးနှင့် မြေပြုပြင်ခြင်းများဆောင်ရွက်ထားရှိပြီဖြစ်၍ မြေအမျိုးအစားအလိုက် ကောင်း၊ သင့်၊ ညံ့ တွက်ချက်မှုများ ပြန်လည်တွက်ချက်းထားရှိရန်မှာကြားခဲ့ပြီး တောင်သူများနှင့်တွေ့ဆုံ၍ တစ်ဧက ၁၀တင်းပိုမိုတိုးတက်ထွက်ရှိစေရေးအတွက် အထွက်တိုးမျိုးစပါးများပြောင်းလဲအသုံးပြုခြင်း၊ စိုက်နည်းစနစ်များပြောင်းလဲစိုက်ပျိုးခြင်း၊ သဘာဝမြေဩဇာများအချိုးကျသုံးစွဲခြင်း၊ ပိုက်ဆံလျှော်သစ်စိမ်းမြေဩဇာများ မြေခံထည့်သွင်းစိုက်ပျိုးခြင်းများဆောင်ရွက်ခဲ့ရာ တစ်ဧကအထွက်နှုန်းများတိုးတက်လာသည်ကိုတွေ့ရှိနေပြီဖြစ်ပါကြောင်း၊ လာမည့်မိုးစပါးစိုက်ပျိုးရာသီတွင် ရေတော်မိုးတော်မိုးစပါးစိုက်ဧကအားလုံး ပိုက်ဆံလျှော်( သစ်စိမ်းဩဇာ)ထည့်သွင်းစိုက်ပျိုးသွားမှာဖြစ်၍ တောင်သူများကလည်း ပိုက်ဆံလျှော်မျိုးစေ့ထုတ်စိုက်ခင်းများစိုက်ပျိုးခြင်းလုပ်ငန်းများတွင် ပူးပေါင်းပါဝင်ဆောင်ရွက်ပေးကြရမှာဖြစ်ပါကြောင်း၊ သီးထပ်စွမ်းအားများတိုးမြှင့်ဆောင်ရွက်ရန်လိုပါကြောင်းနှင့် ပန်းတိုင်အထွက်နှုန်းများရရှိစေရေးဆက်လက်ဆောင်ရွက်သွားကြရန်ဆွေးနွေးပြောကြားခဲ့ပြီးနောက် တောင်သူများ၏တင်ပြချက်များအပေါ် သက်ဆိုင်ရာဌာနများနှင့်ပေါင်းစပ်ဆောင်ရွက်ပေးခဲ့ပြီး စံကွက်ရိတ်သိမ်းနေမှုအားကြည့်ရှုအားပေးခဲ့သည်။ အဆိုပါတောင်သူ ဦးထွန်းမင်း၏ ဆင်းသုခမျိုးစပါး မိုးစပါးစံကွက်ရိတ်သိမ်းခဲ့ရာတွင် တစ်ဧကလျှင် ပျမ်းမျှ အထွက်နှုန်း( ၁၂၀)တင်းထွက်ရှိခဲ့ပြီး အထွက်တိုးမျိုးစပါးများပြောင်းလဲအသုံးခြင်း၊ စိုက်နည်းစနစ်များပြောင်းလဲစိုက်ပျိုးခြင်း၊ သဘာဝမြေဩဇာများအချိုးကျသုံးစွဲခြင်း၊ ပိုက်ဆံလျှော်သစ်စိမ်းမြေဩဇာ များမြေခံထည့်သွင်းစိုက်ပျိုးခြင်းများအပြင် ရိတ်သိမ်းခြွေလှေ့စက်မောင်းသင်တန်းဆင်းများမှ စနစ်တကျဖြင့်ရိတ်သိမ်းခြင်းတို့ကြောင့် လေလွင့်မှုများနည်းပါးကာ အထွက်နှုန်းတိုးခြင်းဖြစ်ကြောင်းသိရသည်။

ဧရာဝတီတိုင်းဒေသကြီး လယ်ယာမြေစီမံခန့်ခွဲမှုအဖွဲ့အစည်းအဝေး (၃/၂ဝ၂၃) အစည်းအဝေးအား ယနေ့နံနက်ပိုင်းက တိုင်းဒေသကြီး အစိုးရအဖွဲ့ရုံး၊ အစည်းအဝေးခန်းမ(၁) တွင်ပြုလုပ်ရာ တိုင်းဒေသကြီးဝန်ကြီးချုပ်ဦးတင်မောင်ဝင်း၊ လုံခြုံရေးနှင့်နယ်စပ်ရေးရာဝန်ကြီး၊  လယ်ယာမြေစီမံခန့်ခွဲမှုအဖွဲ့ဝင် ဌာနဆိုင်ရာများ တက်ရောက်ခဲ့ကြသည်။ အစည်းအဝေးတွင် တိုင်းဒေသကြီးဝန်ကြီးချုပ်က “လယ်ယာမြေနှင့်ပတ်သက်သည့် အမှုတွဲများအပေါ်သမာသမတ်ရှိရှိဖြင့် မှန်ကန်စွာစစ်ဆေးဆောင်ရွက်ရန်လိုပါကြောင်း၊ မြေယာ လျော်ကြေး ကိစ္စများအား မြန်မြန်ဆန်ဆန်ဆောင်ရွက်ကြရန်လိုပါကြောင်း၊ ရှင်းလင်းတင်ပြမည့် အမှုတွဲများကို အချက်အလက်များပြည့်ပြည့်စုံစုံအချိတ်ဆက်မိမိဖြင့် ရှင်းလင်းတင်ပြရန်နှင့် ဥပဒေ၊ နည်းဥပဒေ၊ လုပ်ထုံးလုပ်နည်းများနှင့်အညီ ဆောင်ရွက်ကြရန်လိုပါကြောင်းနှင့် ကော်မတီဝင်များကလည်း သက်ဆိုင်ရာကဏ္ဍအလိုက်ဝိုင်းဝန်း အကြံပြုဆွေးနွေးတင်ပြကြရန် ” အမှာစကား ပြောကြားသည်။ ဆက်လက်၍ တိုင်းဒေသကြီးလယ်ယာမြေစီမံခန့်ခွဲမှုအဖွဲ့အတွင်းရေးမှူးက  ဟင်္သာတနှင့် မအူပင်ခရိုင်အတွင်းရှိ လယ်ယာမြေများအတွက် နစ်နာကြေးနှင့် လျော်ကြေးငွေစာရင်းကိစ္စ၊ လယ်ယာမြေလုပ်ပိုင်ခွင့်ပြုလက်မှတ်ပုံစံ(၇) ပျောက်ဆုံး၊ ပျက်စီးခြင်းအတွက် ဒုတိယမူရင်း (သို့မဟုတ်) မိတ္တူမှန်ထုတ်ယူခွင့်ပြုပါရန်တင်ပြလာခြင်းကိစ္စ၊ လ/န(၃၉)ခွင့်ပြုမိန့် ပယ်ဖျက် အမှုတွဲပေးပို့တင်ပြခြင်းကိစ္စ၊ ၂၀၁၂ခုနှစ်၊ လယ်ယာမြေဥပဒေပုဒ်မ(၃၀) အရ လယ်ယာမြေကို အခြားနည်းအသုံးပြုရန်လျှောက်ထားခြင်းကိစ္စများအား ရှင်းလင်းတင်ပြခဲ့ပြီးနောက်  အဖွဲ့ဝင်များကအထွေထွေဆွေးနွေးတင်ပြကြရာ တိုင်းဒေသကြီးဝန်ကြီးချုပ်မှ လိုအပ်သည်များ ဖြည့်စွက်မှာကြားခဲ့ကြောင်းသိရသည်။