ဧရာဝတီတိုင်းဒေသကြီး ကျေးလက်ဒေသနေပြည်သူများနှင့် တိုင်းရင်းသားပြည်သူများ အခြေခံစာတတ်မြောက်ရေးလုပ်ငန်း နည်းပြသင်တန်းဖွင့်ပွဲအခမ်းအနားကို ယနေ့ နံနက်ပိုင်းက ပုသိမ်မြို့၊ အမှတ်(၁) အခြေခံပညာအထက်တန်းကျောင်း၊ ရတနာတန်ဆောင်ခန်းမတွင် ကျင်းပပြုလုပ်ရာ အခမ်းအနားသို့ တိုင်းဒေသကြီးဝန်ကြီးချုပ် ဦးတင်မောင်ဝင်း၊ တိုင်းဒေသကြီးအစိုးရအဖွဲ့ဝင်များ၊ တိုင်းဒေသကြီးပညာရေးမှူးနှင့် သင်တန်းသား ဆရာ၊ ဆရာမများ တက်ရောက်ခဲ့ကြပါသည်။ အခမ်းအနားတွင် တိုင်းဒေသကြီးဝန်ကြီးချုပ်က "အကြောင်းအမျိုးမျိုးကြောင့် ငယ်စဉ်က မူလတန်းပညာကို ပြီးဆုံးအောင် မသင်ကြားခဲ့ရသူများနှင့် ကျောင်းမနေခဲ့ရသည့် စာမတတ်သူ ကျေးလက်ဒေသနေ ပြည်သူများနှင့် တိုင်းရင်းသား ပြည်သူများ စာတတ်မြောက်စေရန်အတွက် စာတတ်မြောက်ရေးလုပ်ငန်းကို တစ်နိုင်ငံလုံး အတိုင်းအတာဖြင့် ဆောင်ရွက်ခြင်းဖြစ်ပါကြောင်း၊ အခြေခံစာတတ်မြောက်ရေးလုပ်ငန်း ဗဟိုအဆင့်နည်းပြသင်တန်း တက်ရောက်ခဲ့သည့် ဆရာ၊ ဆရာမများမှ တိုင်းဒေသကြီးအဆင့်ဆင့်ပွားသင်တန်းကို ပို့ချသွားမှာဖြစ်ပြီး မြို့နယ်အဆင့် ဆင့်ပွားသင်တန်းများကိုလည်း ဆက်လက်ပို့ချ သွားမှာဖြစ်ပါကြောင်း၊ ဧရာဝတီတိုင်းဒေသကြီး အတွင်းရှိ မြို့နယ် (၂၆)မြို့နယ် တွင် အခြေခံစာတတ်မြောက်ရေးလုပ်ငန်းကို ဧပြီလ(၈)ရက်နေ့မှ မေလ(၁၉) ရက်နေ့ထိ သက်ဆိုင်ရာ စခန်းအသီးသီးရှိ စာသင်ဝိုင်း (၁၇၇၁)ဝိုင်းတွင် စာသင်သား (၂၅၀၁၆)ဦးအား ဆရာ၊ ဆရာမ (၁၇၇၁)ဦး၊ ကြီးကြပ် (၂၁၇)ဦးတို့က ရက်ပေါင်း(၄၀)ကြာ တစ်နေ့လျှင် ပျမ်းမျှ (၃)နာရီနှုန်းဖြင့် နာရီပေါင်း (၁၂၀) သင်ကြားပို့ချသွားမည်ဖြစ်ပါကြောင်း၊ အခြေခံစာတတ် မြောက်ရေးလုပ်ငန်း သင်ထောက်ကူပစ္စည်းများ အချိန်မီဖြန့်ဝေ ဆောင်ရွက်ရေး၊ ဆရာ၊ ဆရာမများ၏ နေထိုင်၊ စားသောက်ရေးများ အဆင်ပြေစေရေးအတွက် ကြိုတင်စီစဉ်ဆောင်ရွက်ပေးရမည်ဖြစ်ပါကြောင်း၊ သင်ကြားမှု၊ သင်ယူမှုများကိုလည်း စနစ်တကျ မှတ်တမ်းထားဆောင်ရွက်ရမည်ဖြစ်ကြောင်း၊ အခြေခံစာတတ်မြောက် ရေးလုပ်ငန်းအောင်မြင်စွာဆောင်ရွက်နိုင်စေရေးအတွက် ဌာနဆိုင်ရာ တာဝန်ရှိသူများ၊ ဆရာ၊ ဆရာမများ၊ စေတနာရှင်လုပ်အားပေးများ အားလုံးပူးပေါင်းပါဝင် ဆောင်ရွက်ကြစေလိုကြောင်း" တိုက်တွန်းပြောကြားခဲ့ပါသည်။ ထို့နောက် တိုင်းဒေသကြီးဝန်ကြီးချုပ်က အခြေခံစာတတ်မြောက်ရေးလုပ်ငန်း နည်းပြ သင်တန်းတက်ရောက်လာသော သင်တန်းသား၊ သင်တန်းသူများအတွက် ထောက်ပံ့ငွေများ ပေးအပ်ချီးမြှင့်ခဲ့ပြီး သင်တန်းသား ဆရာ၊ ဆရာမများမှ လိုအပ်ချက်များအား တင်ပြကြရာ တိုင်းဒေသကြီးပညာရေးမှူးက ရှင်းလင်းတင်ပြခဲ့ပြီး တိုင်းဒေသကြီးဝန်ကြီးချုပ်က တင်ပြချက်များပေါ် ညှိနှိုင်းပေါင်းစပ်ဆောင်ရွက်ပေးခဲ့ပါသည်။ တိုင်းဒေသကြီးအဆင့် အခြေခံစာတတ်မြောက်ရေးဆင့်ပွားသင်တန်းကို ဧပြီလ(၁)ရက်နေ့မှ (၃)ရက်နေ့ထိ (၃) ရက်ကြာ သင်တန်းသား(၁၄၀)ဦးအား သင်ကြားပို့ချသွားမည် ဖြစ်ပါသည်။

၂၀၂၃ခုနှစ် အစိုးရဓမ္မာစရိယနှင့် ပါဠိပထမပြန်စာမေးပွဲတွင် အောင်မြင်တော်မူကြသော စာအောင် အရှင်သူမြတ်များအား စာအောင်ဆုနှင့် အောင်လက်မှတ်ဆက်ကပ်လှူဒါန်းခြင်း စူဠဘွဲ့နှင်းသဘင်အခမ်းအနားကို ယနေ့မွန်းလွဲပိုင်းတွင် ပုသိမ်မြို့၊ သာသနာ့ဗိမာန်တော်ကြီး၌ ကျင်းပရာ တိုင်းဒေသကြီးဝန်ကြီးချုပ်နှင့်ဇနီး၊ အနောက်တောင်တိုင်းစစ်ဌာနချုပ် တိုင်းမှူးနှင့်ဇနီး၊ ပုသိမ်လေတပ်စခန်းဌာနချုပ်မှူးနှင့်ဇနီး၊ အစိုးရအဖွဲ့ဝင်ဝန်ကြီးများနှင့်ဇနီးများ၊ ဌာနဆိုင်ရာများ တက်ရောက်ခဲ့ကြသည်။ ဦးစွာ ဆရာတော်သံဃာတော်များနှင့် တက်ရောက် လာကြသူများမှ နမောတဿ(၃)ကြိမ် ရွတ်ဆိုဘုရားကန်တော့၍ အခမ်းအနား စတင်ဖွင့်လှစ်ခဲ့ပြီး နိုင်ငံတော်ဩဝါဒါစရိယ၊ ပုသိမ်မြို့၊ ညောင်ပင်သာပရိယတ္တိစာသင်တိုက် ဦးစီးပဓာနနာယက ဆရာတော် (အဘိဓဇမဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မဇောတိက၊ အဂ္ဂမဟာပဏ္ဍိတ) ဘဒ္ဒန္တဝိဿုတ မဟာထေရ်မြတ်ထံမှ ဧည့်ပရိသတ်များကငါးပါးသီလ ခံယူဆောက်တည်ခဲ့ကြပြီး ဆရာတော်၊ သံဃာတော်များ ချီးမြှင့်တော်မူသော ပရိတ်တရားတော်များ နာယူကြည်ညိုခဲ့ကြသည်။ ထို့နောက် တိုင်းဒေသကြီးအစိုးရအဖွဲ့ဝန်ကြီးချုပ်မှ သာသနာရေးဆိုင်ရာ လျှောက်ထားခဲ့ပြီး ဆရာတော်၊ သံဃာတော်များအား လှူဖွယ်ဝတ္ထုပစ္စည်းများ ဆက်ကပ်လှူဒါန်း ခဲ့ကြသည်။ ဆက်လက်၍ ၂၀၂၃ခုနှစ် အစိုးရဓမ္မာစရိယနှင့် ပါဠိပထမပြန်စာမေးပွဲတွင် အောင်မြင်တော်မူကြသောစာအောင် အရှင်သူမြတ်များအား စာအောင်ဆုနှင့် အောင်လက်မှတ် ဆက်ကပ်လှူဒါန်းခဲ့ရာ ဓမ္မာစရိယနှင့် နိကာယ်(ဂုဏ်ထူးတန်း)အောင်မြင်သည့် သံဃာတော်များ အား တိုင်းဒေသကြီးဝန်ကြီးချုပ်မှလည်းကောင်း၊ နိကာယ်၊ ပါဠိပထမပြန်(ကြီး၊ လတ်၊ ငယ်၊ အခြေပြုမူလတန်း)အောင်မြင်သည့် သံဃာတော်များအား အနောက်တောင်တိုင်းစစ်ဌာနချုပ်တိုင်းမှူး၊ ပုသိမ်လေတပ်စခန်းဌာနချုပ်မှူး၊ တိုင်းဒေသကြီးတရားသူကြီးချုပ်၊ တိုင်းဒေသကြီးအစိုးရအဖွဲ့ ဝင်များနှင့် တာဝန်ရှိသူများကလည်းကောင်း၊ ပါဠိပထမပြန် (လတ်)စာမေးပွဲအောင်မြင်သည့် အမျိုးသမီးတစ်ဦးနှင့် ပါဠိပထမပြန်( အခြေပြုမူလတန်း)စာမေးပွဲအောင်မြင်သည့် သီလရှင်ဆရာလေး တစ်ဦးတို့အား တိုင်းဒေသကြီးဝန်ကြီးချုပ်၏ဇနီးမှလည်းကောင်း၊ ပါဠိပထမပြန် (အခြေပြုမူလတန်း) စာမေးပွဲအောင်မြင်သည့် သီလရှင်ဆရာလေးတစ်ဦးအား အနောက်တောင်တိုင်းစစ်ဌာချုပ် တိုင်းမှူး၏ဇနီးမှလည်းကောင်း စာအောင်ဆုနှင့်အောင်လက်မှတ်များအသီးသီး ဆက်ကပ် လှူဒါန်းခဲ့ကြသည်။ ထို့နောက် တိုင်းဒေသကြီးသံဃနာယကအဖွဲ့ဩဝါဒါစရိယ၊ ပုသိမ်မြို့၊ မရမ်းချိုကျောင်းတိုက်၏ ပဓာနနာယကဆရာတော် (အဂ္ဂမဟာဂန္ထဝါစကပဏ္ဍိတ၊အဂ္ဂမဟာသဒ္ဓမ္မ ဇောတိကဓဇ) ဘဒ္ဒန္တသောဘိတမဟာထေရ်မြတ်ထံမှ ဝန်ကြီးချုပ်နှင့်ဧည့်ပရိသတ်များက အနုမောဒနာတရား ဟောကြားချီးမြှင့်၍ ကုသိုလ်ကောင်းမှုအစုစုတို့အတွက်ရေစက်သွန်းချ အမျှပေးဝေခဲ့ကြကာ ဆရာတော်အရှင်သူမြတ်များနှင့် ဧည့်ပရိတ်သတ်တို့က ဗုဒ္ဓသာသနံ စိရံတိဌတု ( ၃ )ကြိမ်ရွတ်ဆို ဆုတောင်းပတ္ထနာပြု၍ အခမ်းအနားရုပ်သိမ်းခဲ့ကြသည်။ ပြည်ထောင်စုသမ္မတမြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီ၊ သာသနာရေးနှင့် ယဉ်ကျေးမှုဝန်ကြီးဌာန၊ သာသနာရေးဦးစီးဌာနက ၂၀၂၃ ခုနှစ်တွင် ကျင်းပပြုလုပ်ခဲ့သော ဓမ္မာစရိယစာမေးပွဲ၊ ပါဠိပထမပြန်စာမေးပွဲ၊ နိကာယ်စာမေးပွဲတို့တွင် ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်စာဖြေဌာနမှဓမ္မာစရိယစာမေးပွဲ၌ “ သာသနဓဇဓမ္မာစရိယ”ဘွဲ့ရ အရှင် သူမြတ်(၄)ပါး၊ နိကာယ်စာမေးပွဲ အုပ်စု(၂)၊ ဒီဃနိကာယ်(၃)ကျမ်းတွင် တစ်နိုင်ငံလုံး ပထမဂုဏ်ထူးဖြင့် အောင်မြင်တော်မူသော အရှင်သူမြတ်(၁)ပါးနှင့် “ဝိဒူ”ဘွဲ့ရ အရှင်သူမြတ် (၂၀)ပါး ပါဠိပထမပြန်စာမေးပွဲ၌ ပထမကြီးတန်းအောင်(၁၁)ပါး၊ ပထမလတ်တန်းအောင်(၂၄)ပါး၊ ပထမငယ်တန်းအောင်(၃၆)ပါး၊အခြေပြုမူလတန်းအောင်(၅၄)ပါး၊ စုစုပေါင်း(၁၅၀)ပါး အောင်မြင် ခဲ့ကြောင်းသိရသည်။

သာသနာတော်နှစ်(၂၅၆၇)ခုနှစ်၊ကောဇာသက္ကရာဇ် (၁၃၈၅)ခုနှစ်၊ တပေါင်းလပြည့်ကျော် (၆)ရက်နေ့၊ ခရစ်နှစ် (၂ဝ၂၄) ခုနှစ်၊ ဘုရား ဒါယိကာမ မွန်ဘုရင်မကြီး ရှင်စောပုကျောင်းဆောင်၊ ကျောင်းလွှတ်ပူဇာ” “မှန်လုံအာယုဘောဇန ဆွမ်းစားဆောင် ရေစက်ချလှူဒါန်းပွဲ”နှင့် ပြည်ထောင်စုသမ္မတမြန်မာနိုင်ငံတော်အစိုးရမှ ဆက်ကပ်လှူဒါန်းပူဇော်သော အဂ္ဂမဟာသဒ္ဓမ္မ ဇောတိကဓဇ ဘွဲ့တံဆိပ်တော်နှင့် အမေရိကန်နိုင်ငံ BODHISAATRA UNIVERSITY(USA) မှ ဆက်ကပ်လှူဒါန်းသော“HONORARY DOCTOR OF PHILOSOPHY” ဘွဲ့တံဆိပ်တော်တို့အား ထပ်ဆင့် ဆက်ကပ်လှူဒါန်းပူဇော်ပွဲ အလှူတော်မင်္ဂလာ အခမ်းအနားကို ယနေ့ နံနက်ပိုင်းတွင် ဧရာဝတီတိုင်းဒေသကြီး၊ လပွတ္တာခရိုင်၊ လပွတ္တာမြို့နယ်၊ လပွတ္တလုပ်တောင်ကျေးရွာအုပ်စု၊ ဘုရားကြီးကုန်းကျေးရွာ၊ ရှင်စောမြတ်စေတီတော် ပုရဝုဏ်အတွင်းရှိ လောင်းဝေဿာန် ဓမ္မဗိမ္မာန်တော်၌ ကျင်းပပြုလုပ်ခဲ့ရာ နိုင်ငံတော်သံဃမဟာနာယကအဖွဲ့ဥက္ကဋ္ဌနှင့် ဆရာတော်ကြီးများ၊ တိုင်းဒေသကြီးဝန်ကြီးချုပ်နှင့်ဇနီး၊ အစိုးရအဖွဲ့ဝင်ဝန်ကြီးများနှင့်ဇနီးများ၊ ဌာနဆိုင်ရာ များနှင့်အလှူရှင်များ တက်ရောက်ခဲ့ကြသည်။ ဦးစွာ အခမ်းအနားအား ဆရာတော်အရှင်သူမြတ်များနှင့်ဧည့်ပရိတ်သတ်အပေါင်းတို့က “နမောတဿ” သုံးကြိမ်ရွတ်ဆို ဘုရားကန်တော့၍ အခမ်းအနား ဖွင့်လှစ်ခဲ့ကြပြီး ထူးမခြားနားရောင်ခြည်တော်ဘွဲ့ (၃)ပိုဒ်ဖြင့် သီကျူးပူဇော်ခဲ့ကြသည်။ ဆက်လက်၍ နိုင်ငံတော်သံဃမဟာနာယကအဖွဲ့ ဥက္ကဋ္ဌ၊ အဂ္ဂမဟာမဏ္ဍိတ၊ အဂ္ဂမဟာသဒ္ဓမ္မဇောတိကဓဇ သန်လျင်မင်းကျောင်းဆရာတော် ဒေါက်တာဘဒ္ဒန္တ စန္ဒိမာဘိဝံသ မဟာထေရ်မြတ်ထံမှ ပရိတ်သတ်များက ငါးပါးသီလ ခံယူဆောက်တည်ခဲ့ကြပြီးနောက် ဆရာတော်၊ သံဃာတော်အရှင်သူမြတ်များက အန္တရာယ်ကင်းပရိတ်တရားတော်များ ရွတ်ပွား ချီးမြှင့်တော်မူကြသည်။ ထို့နောက် နိုင်ငံတော်ဗဟိုသံဃာ့ဝန်ဆောင် သုံးခွမြို့၊ ရေလယ်ကျောင်း ဆရာတော် အဂ္ဂမဟာသဒ္ဓမ္မဇောတိကဓဇ ဒေါက်တာဘဒ္ဒန္တနန္ဒာလင်္ကာရ အရှင်သူမြတ်က နတ်စင်တစ်ရာဆရာတော်၏ ထေရုပ္ပတ္တိကို ဖတ်ကြားချီးမြှင့်ခဲ့ပြီး နိုင်ငံကျော်ဇာတ်မင်းသား ရွှေမန်းချမ်းသာက မင်္ဂလာရွှေစည်တော်ဖြင့်တွဲဖက်၍ မင်္ဂလာရတုပိုဒ်စုံဖြင့် ချီးကျူးဂုဏ်ပြု ပူဇော်ခဲ့သည်။ ဆက်လက်၍ သန်လျင်မြို့ပင်မနယ်လှည့် သစ္စာအဓိဌာန်၊ စတုဒိသာ နတ်စင်တစ်ရာဆရာတော် အဂ္ဂမဟာသဒ္ဓမ္မ ဇောတိကဓဇ ဒေါက်တာ ဘဒ္ဒန္တပညာတေဇအား ပြည်ထောင်စုသမ္မတမြန်မာနိုင်ငံတော် အစိုးရက ဆက်ကပ်လှူဒါန်းသော အဂ္ဂမဟာသဒ္ဓမ္မ ဇောတိကဓဇဘွဲ့တံဆိပ်တော်ကို ဧရာဝတီတိုင်းဒေသကြီးအစိုးရအဖွဲ့၊ ဝန်ကြီးချုပ်ကလည်းကောင်း၊ အမေရိကန်နိုင်ငံ " BODHISASTRA UNIVERSITY (USA) မှ ဆက်ကပ်လှူဒါန်းသော “HONORARY DOCTOR OF PHILOSOPHY” ဘွဲ့တံဆိပ်တော်ကို အနောက်တောင်တိုင်းစစ်ဌာနချုပ်တိုင်းမှူးကလည်းကောင်း ထပ်ဆင့် ကပ်လှူပူဇော်ခဲ့ကြသည်။ ထို့နောက် နိုင်ငံတော်သံဃမဟာနာယကအဖွဲ့ ဥက္ကဋ္ဌ၊ အဂ္ဂမဟာ မဏ္ဍိတ၊ အဂ္ဂမဟာသဒ္ဓမ္မဇောတိကဓဇ သန်လျင်မင်းကျောင်းဆရာတော် ဒေါက်တာဘဒ္ဒန္တ စန္ဒိမာဘိဝံသအမှူးပြုသော ဆရာတော်သံဃာတော်များအား တိုင်းဒေသကြီးဝန်ကြီးချုပ်နှင့်ဇနီး၊ တိုင်းမှူးနှင့်ဇနီး၊ တိုင်းဒေသကြီးအစိုးရအဖွဲ့ဝင်များနှင့်အလှူရှင်များကလှူဖွယ်ဝတ္ထုပစ္စည်းများ ဆက်ကပ်လှူဒါန်းပူဇော် ခဲ့ကြသည်။ ဆက်လက်၍ ရှင်စောပု ကျောင်းဆောင်နှင့် အာယုဘောဇန ဆွမ်းစားဆောင်တို့နှင့်ပတ်သက်သည့် စာရွက်စာတမ်းများ အလှူရှင်များမှ ပေးအပ်ခဲ့ရာ သာသနာရေးနှင့်ယဉ်ကျေးမှုဝန်ကြီးဌာန၊ ဒုတိယညွှန်ကြားရေးမှူးချုပ်ကလက်ခံရယူခဲ့ပြီးနောက် သန်လျင်မြို့၊ပင်မနယ်လှည့်သစ္စာအဓိဌာန်၊ စတုဒိသာနတ်စင်တစ်ရာ ဆရာတော်အဂ္ဂမဟာသဒ္ဓမ္မ ဇောတိကဓဇ ဒေါက်တာ ဘဒ္ဒန္တ ပညာတေဇက ကျေးဇူးတင်ဝမ်းမြောက်စကားပြောကြားခဲ့သည်။ ထို့နောက်နိုင်ငံတော်သံဃမဟာနာယကအဖွဲ့ ဥက္ကဋ္ဌ၊ အဂ္ဂမဟာမဏ္ဍိတ၊ အဂ္ဂမဟာသဒ္ဓမ္မ ဇောတိကဓဇ သန်လျင်မင်းကျောင်းဆရာတော် ဒေါက်တာဘဒ္ဒန္တ စန္ဒိမာဘိဝံသကလှူဒါန်းမှု အစုစုတို့အတွက် အနုမောဒနာတရား ဟောကြားချီးမြှင့်တော်မူခဲ့ကာ ကုသိုလ်ကောင်းမှု အစုစုတို့အတွက် ရေစက်သွန်းချအမျှပေးဝေခဲ့ကြပြီး ဆရာတော်အရှင်သူမြတ်များနှင့် ဧည့်ပရိတ်သတ်အပေါင်းတို့ကဗုဒ္ဓသာသနံစိရံတိဋ္ဌတု သုံးကြိမ်ရွတ်ဆို ဘုရားကန်တော့၍ အခမ်းအနားအားရုပ်သိမ်းခဲ့ကြပြီး နိုင်ငံတော်သံဃမဟာနာယကအဖွဲ့ ဥက္ကဋ္ဌ၊ အဂ္ဂမဟာမဏ္ဍိတ၊ အဂ္ဂမဟာသဒ္ဓမ္မဇောတိကဓဇ သန်လျင်မင်းကျောင်းဆရာတော် အမှူးပြုသောသံဃာတော် အရှင်သူမြတ်များအား တိုင်းဒေသကြီးဝန်ကြီးချုပ်နှင့် တာဝန်ရှိသူများက နေ့ဆွမ်းဆက်ကပ် လှူဒါန်းခဲ့ကြကြောင်းသိရသည်။

၂၀၂၄ခုနှစ်၊ ဧပြီလတွင်ဆောင်ရွက်မည့် ဧရာဝတီတိုင်းဒေသကြီး ကျေးလက်ဒေသနေပြည်သူများနှင့် တိုင်းရင်းသားပြည်သူများအတွက် အခြေခံစာ တက်မြောက်ရေးလုပ်ငန်း ဆောင်ရွက်မည့်အစီအစဉ်အား တိုင်းဒေသကြီးအစိုးရအဖွဲ့ရုံး အစည်းအဝေးခန်းမ(၁) တွင် ညနေပိုင်းတွင်ကျင်းပရာ တိုင်းဒေသကြီးဝန်ကြီးချုပ်၊ တိုင်းဒေသကြီးအစိုးရအဖွဲ့ဝင်များ၊ ဧရာဝတီတိုင်းဒေသကြီး ကျေးလက်ဒေသနေပြည်သူများနှင့် တိုင်းရင်းသားပြည်သူများအတွက် အခြေခံစာတက်မြောက်ရေးလုပ်ငန်း ကော်မတီဝင်များ တက်ရောက်ခဲ့ကြသည်။ ဦးစွာ တိုင်းဒေသကြီးပညာရေးမှူးမှ ဧရာဝတီတိုင်းဒေသကြီး ကျေးလက် ဒေသနေပြည်သူများနှင့် တိုင်းရင်းသားပြည်သူများအတွက် အခြေခံစာတက်မြောက်ရေးလုပ်ငန်းကော်မတီဖွဲ့စည်းထားရှိမှု၊ နည်းပြ၊ ကြီးကြပ်နှင့်စာသင်သားများနှင့် စာသင်ဝိုင်းများ ဖွဲ့စည်းထားရှိမှု၊ ဗဟိုအဆင့်နည်းပြသင်တန်း တိုင်း၊ ခရိုင်၊ မြို့နယ်အဆင့် ဆင့်ပွားသင်တန်းများ ဖွင့်လှစ်မည့်အခြေအနေများနှင့်သင်တန်း ဖွင်လှစ်မည့်အခြေအနေများအားရှင်းလင်းတင်ပြခဲ့သည်။ ထို့နောက် တက်ရောက်လာကြသူများမှ အထွေထွေဆွေးနွေးတင်ပြမှုများအပေါ် တိုင်းဒေသကြီးဝန်ကြီးချုပ်မှ သင်တန်းနည်းပြ၊ ကြီးကြပ်များအတွက် သွားလာနေထိုင်ရေး၊ စားသောက်ရေးဆိုင်ရာကိစ္စများ အဆင်ပြေစေရေး၊ စာသင်သားများ စနစ်တကျစုစည်း ထားရှိနိုင်ရေး၊ စာသင်ဝိုင်းနေရာများရွေးချယ်ရေး နည်းပြများအနေဖြင့်လည်း စေတနာထားသင်ကြားပေးရေးနှင့် ကျေးလက်ဒေသနေ ပြည်သူများနှင့် တိုင်းရင်းသားပြည်သူများအတွက် အခြေခံစာတက်မြောက်ရေးလုပ်ငန်း အောင်မြင်စေရေးအတွက် အားလုံးပူးပေါင်းဆောင်ရွက်ပေးကြရန်မှာကြားခဲ့သည်။. ဧရာဝတီတိုင်းဒေသကြီး ကျေးလက်ဒေသနေပြည်သူများနှင့် တိုင်းရင်းသားပြည်သူများအတွက် အခြေခံစာတက်မြောက်ရေးလုပ်ငန်းအား နည်းပြ ၁၇၇၁ဦး၊ ကြီးကြပ် ၂၁၇ဦး၊ စာသင်သား ၂၅၀၁၆ဦး၊ စာသင်ဝိုင်း ၁၇၇၁ဝိုင်းဖြင့်ဆောင်ရွက်သွားမှာဖြစ်ကြောင်းသိရသည်။

(၆၂)နှစ်မြောက် တောင်သူလယ်သမားနေ့ စကားဝိုင်းဆွေးနွေးပွဲရလဒ်များအပေါ် အကောင်အထည်ဖော်နိုင်ရေး လုပ်ငန်းညှိနှိုင်းအစည်းအဝေးကို ယနေ့နေ့လည်ပိုင်းက ပုသိမ်မြို့ ၊ ဧရာရွှေဝါခန်းမတွင် ကျင်းပပြုလုပ်ခဲ့ရာ တိုင်းဒေသကြီးဝန်ကြီးချုပ်ဦးတင်မောင်ဝင်း၊ အစိုးရအဖွဲ့ ဝင်များ၊ တိုင်း၊ ခရိုင်၊ မြို့နယ် ဌာနဆိုင်ရာများ၊ ဝယ်ယူကြိတ်ခွဲသူ၊ တင်ပို့သူနှင့်သွင်းအားစု အစုအဖွဲ့များ တက်ရောက်ခဲ့ကြသည်။ အစည်းအဝေးတွင် ဧရာဝတီတိုင်းဒေသကြီး အစိုးရအဖွဲ့ဝန်ကြီးချုပ်က (၆၂)နှစ်မြောက် တောင်သူလယ်သမားနေ့ စကားဝိုင်းဆွေးနွေးပွဲ ရလဒ်များအပေါ် အကောင်အထည်ဖော်နိုင်ရန် လုပ်ငန်းစဉ်များချမှတ်ဆောင်ရွက်ရမည် ဖြစ်ပါကြောင်း၊ ယခင်နှစ်တောင်သူလယ်သမားနေ့ စကားဝိုင်းဆွေးနွေးပွဲ ရလဒ်များအား အကောင်အထည်ဖော်ဆောင်ရွက်၍ မိုးစပါးတစ်ဧကလျှင် ၁၀တင်းနှုန်းတိုးတက် ထွက်ရှိစေရေး ရည်မှန်းချက်ထားဆောင်ရွက်ခဲ့ရာ မိုစပါး တစ်ဧကပျမ်းမျှအထွက်နှုန်း (၉)တင်းကျော်တိုးတက် ခဲ့ပါကြောင်း၊ ၂၀၂၃-၂၀၂၄ခုနှစ်မှ စတင်၍ ၂၀၂၅-၂၀၂၆ခုနှစ်အထိ (၃)နှစ်အတွင်းသီးနှံစုံ ပန်းတိုင်အထွက်နှုန်းရရှိစေရေးဆောင်ရွက်လျက် ရှိပြီး စားသုံးဆီဖူလုံ စေရေးအတွက် နေကြာအပါအဝင်မြေပဲ၊နှမ်းစသည့်ဆီထွက်သီးနှံများကိုလည်း တိုးချဲ့စိုက်ပျိုး လျက်ရှိပါကြောင်း၊ နေကြာစိုက်ပျိုးရာတွင်မြို့နယ်အလိုက် ၁၀ဧက စံပြကွက်များထူထောင် စိုက်ပျိုးခြင်းဖြင့် အောင်မြင်အောင်စိုက်ပျိုးနိုင်မှုများကို တောင်သူများမှ ပိုမိုသိရှိနားလည်းလာပြီဖြစ်ပါကြောင်း၊ စပါးစိုက်ပျိုးရာတွင် တိုက်ရိုက်အစေ့ချကိရိယာဖြင့် ပိုမိုစိုက်ပျိုးရန်ဆောင်ရွက်လျက်ရှိပါကြောင်း၊ ပိုက်ဆံလျှော်မျိုးစေ့ထုတ်စိုက်ခင်းများရိတ်သိမ်း ပြီးဖြစ်၍ လာမည့်မိုးစပါးရာသီ ရေတော်မိုးတော် မိုးစပါးစိုက်ဧက (၂၇)သိန်းကျော်တွင် အပြည့်အဝထည့်သွင်းစိုက်ပျိုးနိုင်ရေး အစီအမံများ စနစ်တကျရေးဆွဲ ဆောင်ရွက်ရန်နှင့်မျိုးစေ့ထုတ်နိုင်ရေးအတွက်ပါ စုဆောင်းထားရှိရန်လိုပါ ကြောင်း၊ နိုင်ငံ့စီးပွားမြှင့်တင်ရေးရန်ပုံငွေဖြင့် သွင်းအားစုများထောက်ပံ့ပေးလျက်ရှိရာ တောင်သူများလက်ဝယ်ရောက်ရှိစေရေး၊ လုပ်ငန်းခွင်အမှန်တကယ်အသုံးပြုစေရေးနှင့် သတ်မှတ် စည်းကမ်းများနှင့်အညီ ဆောင်ရွက်စေရေးနှင့် ကြပ်မတ်ဆောင်ရွက်ရန်လိုကြောင်း၊ နေကြာ အောင်မြင်ဖြစ်ထွန်းရေးအတွက် ပျားမွေးမြူရေးလုပ်ငန်းများကို တိုးတက်အောင်ဆောင်ရွက် ရမည်ဖြစ်ပါကြောင်း၊ မွေးမြူရေးဇုန်များဖော်ထုတ်လျက်ရှိပြီး စိုက်ပျိုးမွေးမြူရေးဆိုင်ရာ သုတေသနလုပ်ငန်းများကို တက္ကသိုလ်အသီးသီးနှင့်ပူးပေါင်းဆောင်ရွက်လျက်ရှိရာ ပိုမိုကောင်းမွန်သည့် ရလဒ်များပေါ်ထွက်လာမှာဖြစ်ပါကြောင်း၊ စိုက်ပျိုးမွေးမြူရေးကို အခြေခံသည့် MSME လုပ်ငန်းများပိုမိုဖွံ့ဖြိုး တိုးတက်စေရေးဆောင်ရွက်ကြရမှာဖြစ်ပါ ကြောင်းနှင့် သီးထပ်စွမ်းအားမြှင့်တင်နိုင်ရေး၊ ပန်းတိုင်အထွက်နှုန်းရရှိရေး၊ ဆွေးနွေးပွဲရလဒ် များအား အကောင်အထည်ဖော်ဆောင်ရွက်နိုင်ရေး၊ သက်ဆိုင်ရာဌာနအလိုက် ဆောင်ရွက်ရမည့် အစီအမံများစနစ်တကျရေးဆွဲ ဆောင်ရွက်နိုင်ရေးနှင့် အောင်မြင်အောင်ဆောင်ရွက်နိုင်ရေး အကြံပြုဆွေးနွေးပေးကြရန် အမှာစကားပြောကြားခဲ့သည်။ ဆက်လက်၍ တိုင်းဒေသကြီး စိုက်ပျိုးရေးဦးစီးဌာန၊ တိုင်းဦးစီးမှူးမှ အဓိကသီးနှံများ ပန်းတိုင်အထွက်နှုန်း ရောက်ရှိစေရေး ဆောင်ရွက်မည့်အစီအမံများအားလည်းကောင်း၊ တိုင်းဒေသကြီးမွေးမြူရေးနှင့်ကုသရေး ဦးစီးဌာန၊ တိုင်းဦးစီးမှူးမှ မွေးမြူရေးနှင့်ပတ်သက်သည့် ရလဒ်များအားလည်းကောင်း၊ တိုင်းဒေသကြီးငါးလုပ်ငန်းဦးစီးဌာန၊ တိုင်းဦးစီးမှူးမှ ငါးမွေးမြူရေးနှင့်ပတ်သက်သည့် ရလဒ်များ အားလည်းကောင်းဆွေးနွေးတင်ပြခဲ့ကြသည်။ ထို့နောက် ခရိုင်စိုက်တိုးမြှင့်အဖွဲ့ ဥက္ကဋ္ဌအဖွဲ့များမှ သက်ဆိုင်ရာခရိုင်အလိုက်သီးနှံများပန်းတိုင်အထွက်နှုန်းရရှိစေရေးဆောင်ရွက်နေမှု၊ စားသုံးဆီ ဖူလုံစေရေးဆောင်ရွက်နေမှုများအားဆွေးနွေးတင်ပြခဲ့ကြသည်။ ဆက်လက်၍ ဝယ်ယူကြိတ်ခွဲ တင်ပို့သူနှင့်သွင်းအားစု အစုအဖွဲ့များမှ ဝယ်ယူကြိတ်ခွဲမှုဆိုင်ရာများအား ဆွေးနွေးတင်ပြမှု အပေါ် လုံခြုံရေးနှင့်နယ်စပ်ရေးရာဝန်ကြီးမှ ဖြည့်စွက်ရှင်းလင်းတင်ပြခဲ့ပြီး ဧရာဝတီတိုင်း ဒေသကြီးအစိုးရအဖွဲ့ဝန်ကြီးချုပ်မှ လိုအပ်သည်များဖြည့်ဆည်း ဆွေးနွေးခဲ့ကြောင်းသိရသည်။