ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးလှမိုးအောင်သည် ဖျာပုံမြို့ ငါးလုပ်ငန်းသင်တန်းကျောင်းမြစ်ကမ်း ကမ်းထိန်းလုပ်ငန်း (အလျား ၅၀၀)ပေ ဆောင်ရွက်ထားရှိမှု အခြေအနေအား ကြည့်ရှု

ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးလှမိုးအောင်သည် (၂၅.၈.၂၀၁၈)ရက်နေ့တွင် တိုင်းဒေသကြီးလွှတ်တော်ဒုတိယဥက္ကဋ္ဌ ဦးစံမင်းအောင်၊ တိုင်းဒေသကြီးအစိုးရအဖွဲ့ဝင် စိုက်ပျိုးရေး၊ မွေးမြူရေး၊ သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီး ဦးတင်အောင်ဝင်း၊ တိုင်းဒေသကြီးလွှတ်တော်ကိုယ်စားလှယ်များ၊ တာ၀န်ရှိတိုင်းအဆင့်ဌာဆိုင်ရာများနှင့်အတူ ဖျာပုံခရိုင်၊ ဖျာပုံမြို့နယ်၊ (၁၂)ရပ်ကွက်ရှိ ဖျာပုံမြို့ ငါးလုပ်ငန်းသင်တန်းကျောင်းမြစ်ကမ်း ကမ်းထိန်းလုပ်ငန်း (အလျား ၅၀၀)ပေ ဆောင်ရွက်ထားရှိမှု အခြေအနေအား ကြည့်ရှု၍ ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ လုပ်ငန်းအခြေအနေအား ရှင်းလင်းတင်ပြမှုအပေါ် ဝန်ကြီးချုပ်မှ လိုအပ်သည်များ လမ်းညွှန်မှာကြားခဲ့ပါသည်။ ထို့နောက် ဝန်ကြီးချုပ်နှင့်အဖွဲ့သည် ဖျာပုံခရိုင်၊ ဘိုကလေးမြို့နယ်၊ သကံဝကျေးရွာအုပ်စု၊ ငွေတောင်ကျေးရွာတွင် တောင်သူဦးတင်စိုး၏လယ်မြေ၌ မြေသြဇာနှုန်းထားစံပြကွက် မြေသြဇာကြဲပက်ခြင်း ကွင်းသရုပ်ပြမှုအား ကြည့်ရှုပြီး စပါးအထွက်နှုန်းတိုးစေမည့် နည်းလမ်းများနှင့်ပတ်သက်၍ စိုက်ပျိုးရေးဦးစီးဌာနမှ ရှင်းလင်းတင်ပြမှုအပေါ် တိုင်းဒေသကြီးဝန်ကြီးချုပ်မှ လိုအပ်သည်များ မှာကြားခဲ့ပါသည်။
07-Sep-2018